INSAYDER

Европа Иттифоқининг учта давлати кетма-кет Фаластин мустақиллигини тан олди Норвегия, Ирландия ва Испания Фаластинни мустақил давлат деб тан олишини маълум қилди. Бу Европа Иттифоқида 12 та давлат Фаластинни тан олганини англатади. @insideruzbek

Ҳаж зиёратига юборишни ваъда қилган шахслар қўлга олинди @insideruzbek

Расмий маълумотларга кўра, воқеа Андижон вилоятида содир бўлган экан. Ҳозирда суриштирув ишлари олиб борилмоқда. @insideruzbek

Тошкентда Matiz уриб юборган пиёда вафот этди Мирзо Улуғбек туманида Matiz йўлнинг белгиланмаган қисмидан ўтаётган пиёдани уриб юборди, у воқеа жойида ҳалок бўлди. Ҳолат юзасидан жиноят иши қўзғатилди. @insideruzbek

Ижтимоий тармоқларда болалар боғчасидаги тарбиячининг болани калтаклагани акс этган видео тарқалди Видеода тарбиячи аввалига бир болани бошқа болани уришга мажбурлагани, кейин ўзи унга жисмоний куч ишлатгани тасвирланган. Ҳодиса қаерда содир бўлгани ҳозирча маълум эмас. @insideruzbek

2024 йилда пойтахтимизда давлат тиббий суғурта механизмлари жорий этилади. Эътиборлиси, бу аҳоли томонидан тўланаётган умумий солиқлар ҳисобидан бўлади ва одамлардан қўшимча бадаллар ундирилмайди. Тиббий суғурта доирасида: - давлат томонидан аҳолига бепул кўрсатиладиган тиббий хизматлар ва дори воситаларининг кафолатланган пакети жорий этилади; - беморларни ўзлари бириктирилган оилавий шифокорлар орқали тор соҳа мутахассисларига ёки шифохоналарга йўллаш тизими ташкил қилинади. Бунда ушбу тартибга риоя қилинган ҳолдагина бепул тиббий хизматлар кўрсатилади; - аҳолига кафолатланган пакет доирасида энг кўп учрайдиган касалликлар бўйича дори воситалари электрон рецепт асосида дорихоналар орқали бепул берилади. @insideruzbek

ЖССТ туздан фойдаланишни мажбурий чеклашга чақирмоқда ЖССТ тайёр овқатлар, жумладан, жамоат жойларида сотиладиган озиқ-овқат маҳсулотларида туздан фойдаланишга мажбурий чекловлар жорий этишга чақирди. Экспертлар тузни ҳаддан ташқари кўп истеъмол қилиш гипертония ва бошқа юрак-қон томир касалликларининг ривожланишига олиб келишини айтмоқда. Бу касалликлардан ҳар куни дунёда 10 минг киши вафот этади. Улар орасида эркаклар улуши аёлларга қараганда 2,5 марта кўп. Бундан ташқари, Шарқий Европа ва Марказий Осиёда 30 ёшдан 69 ёшгача бўлган юрак-қон томир касалликларидан ўлиш эҳтимоли Ғарбий Европага қараганда деярли 5 баравар юқори. Ташкилот мутахассислари кунига 5 граммдан кўп бўлмаган туз истеъмол қилишни тавсия этади. ЖССТ ҳисоб-китобларига кўра, туз истеъмолини 25 фоизга камайтириш сиёсати 2030 йилга бориб 900 минг кишининг ҳаётини сақлаб қолиши мумкин. @insideruzbek

Singapore Airlines самолётида кузатилган кучли турбюлентлик ҳодисаси натижасида бир киши ҳалок бўлди Boeing 777 самолётида кузатилган ҳодиса оқибатида 30 киши жароҳатланган. Самолёт Лондондан Сингапурга учаётган эди. У Бангкокда фавқулодда қўнишни амалга оширган. @insideruzbek

Президент Шавкат Мирзиёев Эрон Ислом Республикасининг элчихонасига ташриф буюриб, мамлакат шимолида вертолёт қулаши оқибатида Президент Иброҳим Раисий ва унга ҳамроҳлик қилган шахслар фожиали ҳалок бўлгани муносабати билан дўст Эрон халқига чуқур ҳамдардлик билдирди. @insideruzbek

Қорақалпоғистонда ёш-ёш қизларни Таиландга сотмоқчи бўлган одамфурушлар қўлга олинди @insideruzbek