NUM Faculty of Tourism

ជម្រាបសួរ និងសួស្តីប្អូនៗជំនាន់ក្រោយទាំងអស់គ្នា ខ្ញុំបាទ ឈ្មោះ ពេជ សុវណ្ណ អតីតនិស្សិតដែលបានបញ្ចប់ការសិក្សាបរិញ្ញាបត្រ ជំនាញ ទេសចរណ៍ និងបដិសណ្ឋារកិច្ច នៅសាកលវិទ្យាល័យជាតិគ្រប់គ្រង (NUM)។ ខ្ញុំបាទ មានមោទនភាពយ៉ាងខ្លាំងដែលបានប្រឡូកក្នុងវិស័យបដិសណ្ឋារកិច្ចកម្រិតខ្ពស់ ដោយបម្រើការងារជា ជាប្រធានផ្នែកលក់ជាន់ខ្ពស់ នៅសណ្ឋាគារលំដាប់ផ្កាយប្រាំអន្តរជាតិ Hyatt Regency Phnom Penh។ ព្រះរាជាណាចក្រកម្ពុជា ជាប្រទេសដែលមានសក្ដានុពលខ្ពស់ និងសម្បូរបែបទៅដោយវប្បធម៌ អរិយធម៌ដ៏យូរលង់ និងធម្មជាតិដ៏ស្រស់ត្រកាល ដែលសុទ្ធសឹងជាមេដែកទាក់ទាញភ្ញៀវទេសចរមកពីទូទាំងពិភពលោក។ កត្តានេះធ្វើឱ្យវិស័យទេសចរណ៍ក្លាយជា "សសរស្តម្ភសេដ្ឋកិច្ច" ដ៏សំខាន់ និងជាមហាសមុទ្រនៃឱកាសការងារដ៏ទូលំទូលាយ មិនថានៅក្នុងវិស័យសណ្ឋាគារ ក្រុមហ៊ុនទេសចរណ៍ ភោជនីយដ្ឋាន ឬឧស្សាហកម្មកម្សាន្តធំៗនោះទេ។ ការសម្រេចចិត្តជ្រើសរើសសិក្សានៅ សាកលវិទ្យាល័យជាតិគ្រប់គ្រង គឺជាជំហានដំបូងដ៏ត្រឹមត្រូវបំផុតរបស់ខ្ញុំបាទ។ ក្រោយបញ្ចប់ការសិក្សា ចំណេះដឹងវិជ្ជាជីវៈ និងបំណិនគ្រប់គ្រងដែលទទួលបានពី NUM បានក្លាយជាគ្រឹះដ៏រឹងមាំដែលរុនាំខ្ញុំឱ្យចាប់ផ្តើមការងារក្នុងវិស័យសណ្ឋាគារ រហូតមានឱកាសឈានជើងចូលធ្វើការក្នុងក្រុមហ៊ុនលំ