Соябон остидаги аёл

Bahodir Yangishaharlioʻgʻlining "Antikvarchi" asari tahririni tugatdim. Yoshligida uydan qochib uzoq uzoqlarga ketib qolishni xohlaydigan Jamilbeyning asl istagi nima ekanini o'shanda tushunmagan edi. U aslida, otasining zug'umlari ostida ezilayotgan onaizor nolalariga dosh berolmayotgandi. Har kungi bir xil manzaradan qochib ketmoqchi edi. Otasini tark etmoqchi edi. Uddalayolmadi. Onasini ko'zi qiymadi. Alaloqibat, bolalikdagi ruhiy jarohatlar, otasiga bo'lgan nafrat ongida, o'zi istamagan insonni shakllantirdi. Bora-bora o'zi ham otasiga o'xshab qoldi. Zolimga aylandi. O'zi qanchalar zulmdan qiynalgan bo'lsa, yaqinlarini ham ayni shu zulm bilan qiynadi. Har qadamda ularga ozor berdi. Bu esa to o'zini anglamagunicha davom etdi. "Gohida begonaga qilmagan ishimizni yaqinlarimizga nisbatan qo'llaymiz, ularni azoblaymiz. Nima uchun, yaqinlarimiz bizni tashlab ketolmagani uchunmi?" Bu o'runda o'g'li haq edi. Axir kishi o'z sevganlariga, o'zi uchun qadrli kishilarga nima uchun begonaga qilmagan adolatsiz munosabatni ravo ko'radi. Ular bizdan voz kechib ketolmaganlari uchunmi? "O'zgarmas qoidalar bilan belgilangan yo'l mavjud emas. Hammaga o'z yo'lini tanlash huquqini beradigan ilohiy mohiyat ichimizdadir." Jamilbey haqiqatni, hayotning ana shu mohiyatni anglab yetganida esa xotinidan ayrilgan edi. Atrofimizdagilar bizga sinov uchun yuborilgandirlar. Hamma o'z yo'lini o'zi bosib o'tishi, o'z taqdirini o'zi yashashi kerak. Yo'l oxirida esa bizni yo mukofot yo jazo kutib turibdi. "Hammamiz asl halovatni izlayotgan yo'lovchilarmiz. Bunga esa faqat Allohni anglash orqali erishiladi. O'zimizni anglamay turib esa Uni anglolmaymiz. Zamonamiz kishilari miyasida xomxayollarni yig'gani, fitratiga zid shart-sharoitlarda yashayotgani, qalbi kirlangani uchun yo'lini yo'qotib qo'ygan. Shu bois asl manzilga yetolmaydi va asl halovatga erisholmaydi. Shu bois inson insonga yov bo'ldi. Holbuki, inson insonga shifo bo'lmog'i kerak." Jamilbey bularni tushunib yetdi. Lekin atrofimizda ayni shu haqiqatni tushunib yetmaganlar, hali ham o'z yaqinlariga ozor berib yashayotgan kishilar talaygina. Bizning asl vazifamiz esa anglaganlarimizni ularga anglatishdir.

...Muhimi, haqni izlash yo'lida sobit bo'lmoqlikdir. Bunga olib boradigan yo'l ko'p, do'stim. Biz yoshligimizda istaganimiz jismonan sayohatga chiqish edi. Uydan, otamdan qochishni xohlaganimni sen ham bilarding. Endi tushundimki, haqiqatni topish uchun qayergadir ketish shart emas. Asil sir o'zimizning ichimizga amalga oshirajak safarimizda yashirin. Inson boshqa hech bir jonzot bilan qiyoslab bo'lmas darajada sirli mavjudot ekanini hisobga olsak, o'zimizni tanish mana shu jumboqni yechish demakdir. Aslida, barcha insonlar yetishmoqchi boʻlgan haqiqatning yo'llari ayro bo'lsa-da, asosi ayni. Hammamiz bir yo'ldamiz. Chunki yo'lda bo'lish umrini donishmandona o'tkazishdir. Haqiqat! Aslida, hammamiz shuni izlaymiz. Buning asosida esa mavjud bo'lish va to'g'ri yashash yotadi. Ishon menga, o'z javharini topgan inson baxtni mavjudlikning mohiyati bilan birlashtirgan on rostmana ozod bo'ladi. Ko'pincha, kimgadir ehtiyoj tuyishimizning sababi ham mana shunda. Bahodir Yangishaharlioʻgʻli "Antikvarchi"

#yangi_kitob 🎉 Gi de Mopassan rus adabiyotiga Turgenev tufayli kirib keldi. U Mopassanni Flober orqali bilib oldi va bevosita graf Lev Tolstoy izdoshi sifatida ta’rifladi. Tolstoyning o‘zi ham Mopassan ijodiga bir qadar xayrixoh munosabatda bo‘lgan. Hatto XIII tomda butun boshli maqolani Mopassan kitoblariga bag‘ishlagan. Tolstoyning fikricha, “Hayot mazmunini ayol va muhabbatda... deb, buni bor dahshati bilan yaqqol ko‘rsatuvchi, umrning yuksak baxt-saodatini samimiy tarzda ana shu “dahshat”da deb hisoblovchi boshqa yozuvchi bo‘lishi dargumon”. Anvar Namozov. "Ijod va savdoyilik oralig‘ida"

#tashakkurnoma Bugun bayram bahona yaxshi insonlardan yaxshi tuhfalar oldim. O'ylashimcha, dunyodagi eng qadrli sovg'a bu kitoblardir. 🎉

https://telegra.ph/S%D0%8ENGGI-MANZIL-06-26 O'ylasam, anchadan beri yangi hikoyalarimdan ulashmay qo'yibman... #yangi_hikoya

“O‘qiyverasiz, o‘qiyverasiz, o‘qiyverasiz va xuddi o‘zingizni bir narsa o‘qiyotgandek tasavvur etasiz...” — Shu kunlarda men ham “Uliss”ni o'qiyapman ~

"Odamlar o'z qalblari bilan yuzma-yuz kelmaslik uchun, qanchalik bema'ni bo'lmasin, hamma narsa qiladilar." - Karl Yung

Gohida nima xohlayotganingni bilmay qiynalib ketasan, kishi. Gohi insonligingga borasan. Ko'ngling to'lmaydi. Lekin shu narsa aniqki, yaxshi qo'shiqqa hamisha ehtiyoj sezasan. Chunki ruhing kuy bilan kirgan o'lsa, na iloj ~

Afrika qabilalaridan birida juda qiziq odat bor ekan. Agar qabiladan biror kishi yomon ish qilsa, uni aholi punktining markaziga olib kelishar ekan. Keyin ikki kun davomida olomon o‘rab olishib, uning qilgan barcha yaxshiliklarini shunchaki eslashar va buning uchun unga minnatdorchilik bildirar ekan. Nima uchun bunday qilishadi? Chunki, ular har bir inson dunyoga yaxshilik bilan keladi, deb ishonishadi. Har bir inson sevgi, baxt, tinchlik, xavfsizlikni xohlaydi. Ammo ba'zida inson bu qadriyatlarga intilib, xatoga yo'l qo'yadi. Qabila bu xatolarni signal, yordam chaqirish deb biladi. Ular yiqilganlarni turg‘izish, ya'ni uni asl tabiatiga qaytarish va uning aslida kim ekanligini eslatish uchun barcha kuchlarni birlashtirar ekan. Madina Miytan kanalidan P.s.: Go'zal odat ~ Qani endi, bu dunyoda yaxshi inson bo'lib yashab, yaxshi inson bo'lib ketolsang~ Bundan ortiq saodat yo'q...

"...Йўқ, мен сизларга зафар, муваффақият тиламайман. Бу ҳақида ҳатто, сўзлашга тобим йўқ. Омадсизлик ҳақида сўзлагим бор. Сабаби, одамзод ҳамиша толесизлик билан бақамти яшашга маҳкум." Урсула Ле Гуин, америкалик ёзувчи