Чартоўскі добрая кава

з 2024-м усё ясна, давайце 2025-ы

#кінакава першастудзеньская: Пітэр Джэксан, Галадрыэль і Гэндальф вітаюць вас у першым панядзелку 2024-га. Уладар пярсцёнкаў (The Lord of the Rings), 2001

Тут павінны былі быць вынікі года, але Тэлэграм і лёс вырашылі іначай, таму проста віншую вас з надыходзячым, і пачуемся ў 2024-м!

28-га снежня 1895-га года браты Люм'ер зладзілі першы публічны кінапаказ — і так з'явілася дата, якая лічыцца днём народзінаў кінематографа. Што праўда, гэта быў не самы першы паказ кіно ў свеце: тыя ж браты Люм'ер ўпершыню прадэманстравалі сінематограф яшчэ ў сакавіку 1895-га, але той паказ адбыўся ў вузкім коле спецыялістаў і на свята не пацягнуў. Яшчэ адзін міт пра народзіны кіно датычыцца фільма "Прыбыццё цягніка на вакзал Ла-Сьёта": шмат хто лічыць яго першым фільмам, паказаным Люм'ерамі, але насамрэч ён з'явіўся ўжо ў 1896-м, а першыя гледачы глядзелі "Выхад рабочых з фабрыкі «‎Люм'ер»‎" і яшчэ дзевяць кароткаметражных стужак. Калі вас не ўразілі рабочыя на фабрыцы, можна паглядзець сюжэт пра палітага палівальшчыка, які таксама ўпершыню паказалі ў тым далёкім снежні: гэта сапраўдная першая камедыя з сюжэтам, усё як мае быць. #у_гэты_дзень #кінагісторыя

#кінакава святочная, апошняя ў гэтым годзе: Джо нясе паднос з кавай ды іншымі прысмакамі з каляднага стала сям'і Марч: яны вырашылі аддаць свой святочны сняданак беднай нямецкай сям'і, што жыве недалёка. Бо Каляды — гэта час цудаў. Цёплага свята ўсім, хто святкуе 🎄 Маленькія жанчыны (Little Women), 1 сезон, 2017

як сказаць, што хварэеш, не кажучы, што хварэеш :/ Сцісла пра ўражанні: "Прысцыла" – няўтульная гісторыя пра грумінг і перасільванне ўнутранага і знешняга патрыярхату, якая можа здарыцца ў адносінах зусім не толькі з Элвісам Прэслі (тым і каштоўная) "Маэстра" – Брэдлі Купер 6 гадоў вучыўся дырыжыраванню, каб зняць вялікае кіно пра вялікага чалавека, а атрымалася нешта сярэдняе паміж "Ла-ла-лэндам" і "Багемскай рапсодыяй" "Солтбёрн" – дзіўная брытанская сумесь "Паразітаў", "Таленавітага містара Рыплі" і апошняга сезона серыяла "Ты": дакладна не такая тонкая ці разумная, як фільмы, і больш эксцэнтрычная, чым серыял, але паглядзець можна Так, глядзіш, і бэклог ачысціцца (вядома, не). #агляд

Праглядаю рэйтынгі з найлепшымі/найгоршымі фільмамі/серыяламі/гульнямі года, пасля гляджу ў вакно і ўзгадваю самы лепшы рэйтынг з існуючых, якому амаль 10 гадоў, а ён усё такі ж выдатны. Old but gold, як той кажа (а спісам лепшых фільмаў дам рады як-небудзь пазней).

22 гады таму свет даведаўся, што нельга просто так узяць і ўвайсці ў Мордар, Сэм зрабіў шмат крокаў далей ад дому, і быў утвораны Звяз Пярсцёнка — 19-га снежня 2001-га года адбылася прэм'ера першай часткі "Ўладара пярсцёнкаў" (The Lord of the Rings: the Fellowsip of the Ring). Пераглядзець зараз ці 1-га студзеня пад салаты (мая любімая частка калядных святаў) можна тут, а купіць свежае выданне першай часткі кніжнай трылогіі на беларускай можна тут. Дарэчы, ужо бачыла срач наконт таго, што прозвішча Більба і Фрода пераклалі як Торбінс, а не як Бэгінс — і хаця сам Толкін у інструкцыі для перакладчыкаў заклікаў адаптаваць прозвішчы такім чынам, ў інтэрнэце ўсё адно ўсе самыя разумныя 🥲 #у_гэты_дзень

Сёння спаўняецца 60 гадоў не толькі Брэду Піту (якому здароўя і новых выбітных роляў), але і аднаму з улюбёных персанажаў майго дзяцінства — Ружовай Пантэры. Ружовая Пантэра (ці, можна сказаць, Ружовы Пантэр — як і пантэра Багіра ў Кіплінга, ён мужчынскага роду) упершыню з'явілася на экране ў опэнінге фільма "Ружовая Пантэра" 18-га снежня 1963-га года. У стужцы дэтэктыў Клузо шукае брыліянт пад назвай "Ружовая Пантэра", які ў цітрах вырашылі паказаць у выглядзе анімацыйнага героя. У самім фільме Ружовая Пантэра як персанаж не з'яўляецца, але ён стаў такім папулярным, што ўжо з 1964-м атрымаў уласнае шоў. І не дзіва — глядзець амаль чатыры хвіліны опэнінга пад вечную музыку Генры Манчыні і зараз прыемна. #у_гэты_дзень

#кінакава снежная нумар 2: руплівая жонка Ўэндзі Торэнс налівае каву свайму мужу Джэку, што прачнуўся амаль апоўдні. Ну а што: у Джэка складаная праца – ён сочыць за гатэлем і піша раман. Ад усёй гэтай працы і без ніякіх забаў Джэк і так робіцца вельмі нудным, можна хаця б паспаць пабольш. Ззянне (The Shining), 1980