ECPC2023 Broadcas

السلام عليكم دي مجموعة من المتسابقين اللي عندهم مشاكل مخليه فرقهم مش مقبوله بمجموع 530 فريق و لسه فيه زيهم كمان بنتأكد منهم و حنبعتهم خلال يومين ...حتلاقوا قدام كل واحد المشكلة ايه سواء ناقص بيانات على icpc profile أو بيانات غير صحيحه او فيه مشكلة في الجواب أو البطاقه ... اللى مشكلته فى الورق بطايق او اثباتات قيد مطلوب من حضرتك استكمال الورق الناقص ده وتبعته لليدر بتاع جامعتك قبل يوم الخميس. اما اللى مشكلته فى بيانات ناقصة او غلط على السيستم فى icpc profile بتاعه يدخل فورا يعدلها ويبلغ الليدر بتاعه انه عدلها يوم الخميس اللى موجود فى الملف ده ولسة محلش مشكلته الفريق هيتحول unofficial ... تمنايتنا بالتوفيق ليكم جميعا

اى طالب مش لاقى اسم فريقه يبقى حاجة من اتنين محلش فى التصفيات الاونلاين ولم يتم تأهيله لهذه المرحلة. او لو كان حل وخد accepted على اى مسألة وزميله مش هيكمل يبقى اتنقل فريق تانى ويدور على اسمه كويس هيلاقيه.

Teens Qualifications بالنسبة لمسابقة التينز لطلبة المدارس هننتظركم يوم الأحد القادم 6/8 فى تمام الساعة ٩.٣٠ صباحا فى مبنى المعلوماتية فى الاكاديمية العربية للعلوم والتكنولوجيا العنوان : الاسكندرية فى ابوقير محطة طوسون ومنها للأكاديمية مسموح بالطعام المقفول والادوية والمواد التعليمية المطبوعة فقط متوفر بالقاعة المياه والسناكس والورق والاقلام غير مسموح بالحقائب ولا الموبايل ولا فلاشة ولا ساعة سمارت ولا سماعة تليفون ولا آله حاسبة. يوجد مكان لانتظار الأهالى. اليوم يبدأ ٩.٣٠ صباحا وحتى ٧.٣٠ مساء لا يوجد مبيت. غير مسموح بحضور واحد فقط فى الفريق وغياب الأخر سيلغى الفريق فى تلك الحالة. سيتم اعلان الفرق التى ستتأهل للنهائى اليوم التالى الفرق التى ستتأهل للنهائى سيتم استقبالها فى الاكاديمية يوم ١٨ والمغادرة يوم ٢٠ صباحا لمن ليس لهم اقامة فى الاسكندرية. الملف السابق يوجد به كل الفرق المقبولة فى التصفيات يوم ٦ ورقم كل فريق. مرتبة بإسم الفريق. بالتوفيق ان شاء الله

جدول ايام التصفيات للجامعات

الشيت النهائى للفرق فى مسابقة الجامعات مرتب باليوم ثم الجامعة تم رقم الفريق ده فيه كل الفرق اللى المفروض تدخل المسابقة وليس له علاقة بإن الفرق تم قبولها Accepted ام لا وليس له علاقة بالاعتذارات. ده للجامعات اما ال teens و ال Seniors لسة هينزلوا خلال اليومين القادمين بالتوفيق ان شاءالله

اوضح تانى فى queue كبير جدا اللى رفع الورق ياخد باله من تليفونه هنتصل بيه لو فى مشكلة. مش شرط ساعتها بالضرورة. ساعدوا انفسكم بإن كل واحد عنده مشكلة فى ال eligibility على السيستم يحلها من نفسه. ويراجع الورق اللى رفعه قبل ماحد يكلمه يكون جهز اللى ناقص او اللى غلط فى الورق.

الجامعات اللى كلها لسة pending يبقى لسة بتتراجع لأننا بنراجع جامعات على بعضها وبنعمل accept لجامعات جديدة كل يوم. الجامعات اللى فيها فرق accrpted وفرق تانية لسة pending يبقى الفرق التانية مش مكملة ورقها او فيها مشكلة. الفرق اللى فيها مشاكل حاجة من اتنين يا مشاكل eligibility على السيستم ودى الكوتش يدخل على السيستم يحلها او يكلم المتسابق اللى عنده المشكلة يحلها ودى بتكون بيانات ناقصة على السيستم او بيانات غلط والسيستم بيكون محدد المشكلة ايه وعند مين فى الفريق. الحالة التانية خطأ فى الأوراق اللى اترفعت اثبات قيد غلط او مش موجود او صورة بطاقة ناقصة ودى بنتواصل مباشرة مع الليدر اللى فى الجامعة يكملها. طيب لو تواصل حد معاك ولسة pending يبقى انت معملتش اللى قالك عليه والفريق هيتحول unofficial. طيب لو عملت اللى قالك عليه ولسة تبقى دخلت queue وهيجى عليها الدور وتتعمل. طيب احنا بنتواصل مع مين بنتواصل مع الشخص اللى رفع الاوراق ومسجل بياناته فى الفورم. لو انت يبقى خد بالك من تليفونك. لو مش انت متسألناش اى سؤال اتفضل اسأل اللى رفع الورق. ويتبقى ان سؤالك على الجروب ده ايه المشكلة والفريق ليه لسة pending ليس له أى معنى ولا أى رد على الجروب ارجو الكلام يكون رد على استفساراتكم بوضوح.

الجدول اليومى لكل أيام التصفيات من ٦ الى ١٧ أغسطس

الفرق التى قدمت اوراق مضبوطة واتبعت التعليمات فى رفع صور البطايق واثباتات القيد تتم مراجعتها تباعا وبدأنا قبول الفرق على السيستم Accepted للفرق الملتزمة.

ERCDOFFICE@acpc.global

مبروك لكل ولادنا فى مسابقة التينز الاونلاين زى ما شوفتم فى اللايف كل اللى حل مسألة واحدة صحيحة على الأقل اتأهل للتصفيات الأون سايت فى الأكاديمية البحرية فى ابو قير يوم ٦ أغسطس الساعة ٩ صباحا. كدة اتأهل 208 فريق. مفيش سكن للطلاب فى التصفيات الاونسايت. الفريق ٢ طلاب مينفعش واحد بس يحضر. اى فريق واحد بس منه اللى هيحضر يبلغنا على الميل عشان نضم الوحايد مع بعض فى فرق كاملة. استعدوا كويس ونشوفكم على خير.

اللايف بدأ

مبروك يا ولاد كل اللى شارك انهاردة واتعلم حاجة جديدة ونافس بعزيمة واصرار فائز سواء اتصعد او لأ وكلكم تكملوا وتستمروا فى التعلم والحل بغض النظر عن النتيجة وتعلوا من مستواكم وتشاركوا فى كل المسابقات والكونتستات اللى تقع فى ايديكم هو ده المكسب الحقيقى وهو ده الفوز انهاردة. نشوفكم كلكم فى اللايف على صفحة المسابقة الساعة ٨ عشان تعرفوا النتائج والخطوات القادمة.

ياشباب لو حد مسجل فى التينز وحاول يدخل ومعرفش يدخل البراكتيس انهاردة يبعتلى رقم التيم