ProFood

ПЫЗЫ

Не ўсе ведаюць пра пызы, хоць гэта адна з самых смачных і незаслужана забытых страў беларускай кухні. У розных рэгіёнах Беларусі іх гатуюць па-рознаму: з сырой або варанай бульбы, з мясной, грыбной ці іншай начынкай. Сёння прапаную адзін з традыцыйных беларускіх рэцэптаў.

📄 На першай картцы — рэцэпт, які можна захаваць, раздрукаваць або дадаць у сваю кулінарную кнігу. 🎥 Відэарэцэпт: Instagram TikTok

📍 «Беларуская кухня»

━━━━━━━━━━━━━━

📖 Цікавы факт

Назва «пызы» найбольш распаўсюджана на захадзе Беларусі. Ад клёцак яны адрозніваюцца сваёй круглай, злёгку прыплюснутай формай, а ў кожным рэгіёне існуюць уласныя спосабы іх прыгатавання.

━━━━━━━━━━━━━━ 🤝 Падтрымай праект ☕️ Buy Me a Coffee 💙 Patreon Дзякуючы вашай падтрымцы праект працягвае жыць, а забытыя рэцэпты беларускай кухні вяртаюцца да жыцця. ━━━━━━━━━━━━━━ ❤️ Захоўвайце рэцэпт, дзяліцеся з сябрамі і расказвайце ў каментарах, як гатуюць пызы ў вашай сям'і. #беларускаякухня #пызы #рэцэпт

Сезон хатніх нарыхтовак афіцыйна адкрыты! 🥒🍅 Памятаеце, як калісьці пыталіся ў бацькоў: «Навошта столькі гэтых слоікаў?» 😄 А цяпер самі выбіраем агуркі, шукаем «той самы» рэцэпт і радуемся, калі ўсё атрымалася. Час сапраўды ўсё мяняе. І ёсць нешта асабліва цёплае ў тым, каб захаваць смак лета ў звычайным слоіку. ❤️ А вы ўжо адкрылі сезон кансервацыі? Што ў вас у гэтым годзе першае — агуркі, памідоры ці, можа, варэнне? Пішыце ў каментарах! 👇

👋 Сябры, усім прывітанне! З вамі Сяргей, і гэта канал ProFood. За апошні месяц я прачытаў шмат вашых каментароў. Многія з вас хваляваліся і пісалі, што пасля апошняга відэа канал, магчыма, больш не будзе развівацца і новых выпускаў ужо не будзе. Хачу вас супакоіць — гэта зусім не так. Я проста ўзяў невялікі адпачынак, крыху перадыхнуў і ўжо зусім хутка вярнуся да вас з новай стравай і новай цікавай гісторыяй. Мы зноў будзем гатаваць разам, дзяліцца ўражаннямі, абмяркоўваць рэцэпты ў каментарыях, ставіць падабайкі і дзяліцца відэа з сябрамі. ❤️ Менавіта дзякуючы вашай падтрымцы канал расце і развіваецца, а я маю магчымасць і далей расказваць вам пра беларускую кухню, яе традыцыі, забытыя рэцэпты і цікавыя гісторыі, звязаныя з нашай кулінарнай спадчынай. Вялікі дзякуй, што застаецеся са мной. Да сустрэчы ў новым выпуску!

Люблю такія простыя вясковыя вечары, калі паветра пахне дымам, у агні патрэскваюць дровы, і ўсе раптам перастаюць кудысьці спяшацца. Без нейкай ідэальнай карцінкі — проста вечар, агонь і людзі побач. І, напэўна, менавіта ў такія моманты мацней за ўсё адчуваецца нешта сваё, роднае і блізкае.

🎉 Сёння майму каналу ўжо 4 гады. Калі шчыра, я нават не думаў, што ўсё гэта так вырасце. Усё пачыналася з аднаго відэа і простага жадання захаваць нешта роднае і знаёмае. А потым з’явіліся вы ❤️ І ў нейкі момант канал стаў не проста пра ежу. Ён стаў пра людзей, успаміны, атмасферу і тое цёплае адчуванне дому, якое хочацца захаваць. Пра пах свежага хлеба. Пра гарбату на стале. Пра ціхія вечары ў вёсцы. Пра беларускую кухню — простую, шчырую і жывую. За гэтыя 4 гады канал стаў вялікай часткай майго жыцця. І гэта толькі дзякуючы вам. Дзякуй за кожны прагляд, каментар, падабайку і добрае слова. Вы нават не ўяўляеце, колькі гэта значыць 🤍 Калі хочаце павіншаваць канал з днём нараджэння — можаце зрабіць гэта праз Buy Me a Coffee ☕️ Для мяне гэта будзе вельмі каштоўны падарунак і дапамога каналу рухацца далей, развівацца і ствараць новыя душэўныя відэа. Дзякуй, што вы са мной. Паехалі далей 🤝

Шашлык — страва не беларускага паходжання. На нашых землях ён з’явіўся адносна позна і прыйшоў разам з каўказскімі кулінарнымі традыцыямі. Але сама звычка гатаваць мяса на агні для беларусаў зусім не новая. Яшчэ ў часы ВКЛ на ражне смажылі птушку, дзічыну і вялікія кавалкі мяса. У старых кулінарных апісаннях нават сустракаецца назва «верчанае» мяса — тое, што гатавалі над жаром і дымам. Вядома, гэта быў не сучасны шашлык з марынадамі і мангалам. Але агонь, дым і мяса — рэчы, якія заўсёды былі часткай беларускай кулінарнай традыцыі.

Дым ад вогнішча — гэта таксама частка беларускай кухні. Многія стравы, якія сёння лічацца традыцыйнымі, калісьці гатавалі проста на агні: кулеш, паляўнічы бігас, верашчаку, каўбасы, дзічыну. Гэта была не палявая рамантыка, а звычайнае жыццё: лес, дарога, паляванне, доўгія вечары і ежа, якая павольна гатавалася над агнём. Магчыма, таму смак дыму ў нашай кухні дагэтуль успрымаецца так натуральна.

ПРАЖАНАЯ КУРКА Ў ЖЫТНІМ ЦЕСЦЕ Instagram TikTok

📍 Мінская вобласць

ПАДТРЫМАЙ КАНАЛ 🤝 ☕️ BuyMeACoffee 💙 Patreon #беларускаякухня #курка #жытняецеста #рэцэпт

ГРАЧАНІКІ Instagram TikTok

🍽 «Беларуская кухня»

ПАДТРЫМАЙ КАНАЛ 🤝 ☕️ BuyMeACoffee 💙 Patreon #беларускаякухня #грачанікі #рэцэпт

25 траўня — 4 гады каналу 🎉 Давайце святкаваць разам і пачнём ужо зараз Гатуйце па маіх рэцэптах, адзначайце мяне — зробім невялікі флэшмоб 🙌 Мне вельмі хочацца пабачыць, як беларуская кухня жыве ў вашых дамах ❤️ Гэты канал расце дзякуючы вам — вашай увазе, рэакцыям і падтрымцы. І калі хочацца быць часткай яго далейшага развіцця — можна сімвалічна «пачаставаць кавай» ☕️ Усё, што вы робіце, дапамагае каналу жыць і рухацца далей.

ХАЛАДНІК НА БУРАЧНЫМ КВАСЕ 🫜БУРАЧНЫ КВАС Instagram TikTok

📍 «Беларуская кухня»

ПАДТРЫМАЙ КАНАЛ 🤝 ☕️ BuyMeACoffee 💙 Patreon #беларускаякухня #халаднік #бурачныквас #рэцэпт

Адкрыў сезон халадніка 🥣 Халаднік — гэта не пра адзін рэцэпт, а пра традыцыю: на Брэстчыне — на квасе, у Гродзенскім рэгіёне — з кіслінкай воцату ці цытрыны, пад Мінскам — на кефіры з бацвіннем. Раней, дарэчы, асновай былі менавіта маладыя лісты буракоў. Сёння зрабіў свой варыянт — на бурачным квасе са смятанай і свежай зелянінай. А як вы гатуеце халаднік? 👇

Добрай раніцы ☀️ У мяне сёння на сняданак кава і "біскоцці" з велікоднай булкі — выдатны спосаб даць ёй другое жыццё. А вы што робіце з булкамі, якія застаюцца пасля Вялікадня? Дзяліцеся ідэямі 👇

ДРАНІКІ З ТВАРАГОМ Instagram TikTok

📍 Пастаўскі раён, Віцебская вобласць

ПАДТРЫМАЙ КАНАЛ 🤝 ☕️ BuyMeACoffee 💙 Patreon #беларускаякухня #дранікі #твараг #рэцэпт

Хрыстос уваскрос! У гэтае светлае свята хачу пажадаць вам цяпла, спакою і радасці ў кожным дні. Няхай у доме будзе ўтульна, за сталом — смачна, а побач — самыя блізкія людзі. Вялікдзень — гэта пра простыя рэчы: сустрэчы, размовы, традыцыі і тую асаблівую атмасферу, якую мы ствараем самі. Няхай яна напаўняе ваш дом святлом і душэўнасцю. Няхай будзе натхненне гатаваць, дзяліцца і збірацца разам — не толькі сёння, але і кожны дзень. З Вялікаднем! Няхай у жыцці будзе больш светлых момантаў, а ў доме — заўсёды пахне смачнай ежай і любоўю. З цеплынёй, ProFood — ваш кулінарны канал ❤️

ПАНЦАК З ШАЛЬБАБОНАМ Instagram TikTok

📍 «Беларуская кухня»

ПАДТРЫМАЙ КАНАЛ 🤝 ☕️ BuyMeACoffee 💙 Patreon #беларускаякухня #панцак #шальбабон #рэцэпт

З чаго пачалася ваша раніца? ☕ У мяне сёння без сняданку — толькі амерыкана.

ProFood віншуе ўсіх, хто сёння святкуе Вялікдзень! 🌿🥚 Няхай гэты светлы дзень прынясе ў Ваш дом мір, гармонію і цеплыню, напоўніць яго водарам вясны і радаснымі сустрэчамі з блізкімі. Няхай у сэрцы заўсёды жывуць надзея, дабрыня і вера ў лепшае. Жадаю Вам утульных сямейных імгненняў, смачных святочных пачастункаў і сапраўднага вясновага настрою! 💛