ሔዋናዊት ጉዞ

የነቢዩ ዳዊት እንባ ፦ ከታች የተጠቀሱ መዝሙራት ንጉሡ ምን ያህል ልቡ እንደተሰበረ እና እንደተጸጸተ ያሳያሉ። «በጩኸቴ ደክሚያለሁ፤ ሌሊቱን ሁሉ አልጋዬን አጥባለሁ፥ በዕንባዬም መኝታዬን አርሳለሁ።» (መዝሙር 6፥6) ደግሞም እንዲህ ይላል፦ «አለቀስኩ ነፍሴንም በጾም አደከምኋት፤ ማቅንም ለበስሁ።» (መዝሙር 69፥10-11) እንዲሁም፦ «ከጩኸቴ ድምፅ የተነሣ አጥንቶቼ ከቆዳዬ ጋር ተጣበቁ… አመድ እንደ እህል በልችያለሁና፥ መጠጤንም ከዕንባዬ ጋር ቀላቀልሁ።» መዝሙር 102፥5, 9 📖 :-Tears in spiritual life በተጨማሪም:- « ተቸግሬአለሁና አቤቱ ምራኝ ዓይኔም ከኃዘን የተነሣ ተፈጀች፥ ነፍሴም ሆዴም። 10 ሕይወቴ በኅዘን አልቃለችና፥ ዓመታቴም በልቅሶ ጩኸት ኃይሌ በችግር ደከመ፥ አጥንቶቼም ተነዋወጡ።(መዝ 31:9) «እንባዬ በቀንና በሌሊት ምግብ ሆነኝ።(መዝ 42:3) «ሕግህን አልጠበቅሁምና የውሃ ጅረት ከዓይኖቼ ፈሰሰ።(መዝ 119:136) ...... እነዚህንና ሌሎችንም የዳዊት መዝሙራት ደጋግሞ ማንበብና ማሰላሰል፤ በነቢዩ ስም መማጸን፣ንጉሡን መወዳጀት(ወር በገባ 23 ይዘከራል) ዕንባን ለማግኘት አንዱ መፍትሄ ነው።