Let's Answer

᯽ Over Controlling လုပ်လွန်းတဲ့ မိဘတွေကြောင့် ပျက်စီးသွားသောကလေးတို့ရဲ့ဘဝမှာ ဘာတွေဖြစ်လာနိုင်သလဲ။ ᯽ ၁။ အမှားလုပ်မိမှာကြောက်တတ်လာပါတယ်။ များသောအားဖြင့် သူတို့မိဘတွေ၊ အုပ်ထိန်းသူတွေက သူတို့ကို ထိုင်ဆိုထိုင်၊ ထဆိုထ မိဘတွေဖြစ်စေချင်တဲ့အတိုင်း နေရတာများပြီး ကလေးသဘာဝအမှားအသေးအဖွဲလေးတွေလုပ်မိရင်တောင် အကြီးအကျယ်အပြစ်တင်တတ်ကြတာမို့ ထိန်းချုပ်လွန်းတဲ့မိဘတွေရဲ့ကလေးတွေဟာ သူတို့အသစ်အဆန်းတစ်ခုခုကို လုပ်ချင်ရင်တောင် မှားသွားမှာကို အရမ်းစိုးရိမ်ကြောက်ရွံ့နေတတ်ကြပါတယ်။ အဲဒါကြောင့် အမှားအသေးအဖွဲလေးလုပ်မိမှာကိုတောင် ကြောက်တတ်ကြပါတယ်။ ကလေးသဘာဝလုပ်မိရင်တောင် မိဘမဆူအောင် ဖုံးကွယ်လိုက်တာမျိုး၊ လိမ်ညာလိုက်တာမျိုးတွေထိ ဖြစ်လာနိုင်ပါတယ်။ ၂။ နည်းနည်းလေးမှအမှားမခံတတ်တဲ့ ကလေးတွေဖြစ်လာပါတယ်။ တနည်းအားဖြင့် အမှားလုပ်မိမှာကြောက်တဲ့အတွက်၊ မိဘရဲ့ဆိုးဝါးတဲ့အပြစ်တင်ခံရမှာကို ကြောက်တဲ့အတွက်ကို အမှားမရှိ၊ အရာအားလုံးမှာ ပြီးပြည့်စုံပြီး perfect ဖြစ်ချင်တဲ့စိတ်များတဲ့စိတ်ခံစားချက်မျိုးအစွဲကြီးလာပါတယ်။ perfectionistic ဖြစ်လာတဲ့အခါ အသေးအဖွဲလေးကအစ အမှားမခံနိုင်တော့ဘဲ ပြီးပြည့်စုံအောင်ကောင်းမွန်နေတာ၊ မှန်ကန်နေတာမျိုးတွေကိုသာလိုချင်တဲ့လူမျိုးဖြစ်လာတော့တာပါပဲ။ ၃။ အခြားသူကိုလည်း ပြန်ပြီးထိန်းချုပ်တတ်လာကြပါတယ်။ ငယ်ငယ်ကတည်းက သူတို့မြင်တွေ့နေရတဲ့အုပ်ထိန်းသူရဲ့ အကျင့်စရိုက်အတိုင်းပဲ ကလေးတွေက ဖြစ်လာတာမို့ သူတို့ကိုယ်သူတို့မသိလိုက်ခင်မှာပဲ အခြားသူကို ထိန်းချုပ်တတ်သူတွေဖြစ်လာတတ်ပါတယ်။ ၄။ အခြားတစ်ယောက်ကိုမှီခိုတတ်လာပါတယ်။ အရမ်းအမှားမခံဘဲ ထိန်းချုပ်တတ်တဲ့မိဘတွေက ကလေးရဲ့မှားနိုင်ချေရှိသမျှအခြေအနေတွေတိုင်းကို သူတို့ကိုယ်တိုင်ဝင်ဖြေရှင်းပေးသွားတတ်ပါတယ်။ အဲဒီ့အခါက ကလေးက အမှားလုပ်မိမှာကို ကြောက်တတ်သလို မိဘကိုလည်း အားကိုးတကြီးမှီခိုလာတတ်ပါတယ်။ မြန်မာမိသားစုမှာအများဆုတွေ့ရတတ်တဲ့အကျင့်ဖြစ်ပါတယ်။ တခုခုဆို မလုပ်နဲ့မှားသွားမယ်၊ မေမေလုပ်ပေးမယ်ဆိုတာမျိုးပေါ့။ ဥပမာ။ ပန်းကန်သယ်ခိုင်းမယ်ဆိုရင် မသယ်နဲ့ကျကွဲမယ်၊ မေမေတို့ပဲသယ်လိုက်မယ်၊ ခုံပေါ်မတက်နဲ့ ခဏခဏပြုတ်ကျမယ်၊ မေမေကိုယ်တိုင်ခုံပေါ်တင်ပေးမယ် စသဖြင့်ပေါ့။ အဲဒီလိုနဲ့ကလေးဟာ အခြားတစ်ယောက်ကိုမှီခိုတတ်သူဖြစ်လာပါတယ်။ ၅။ စိုးရိမ်ကြောက်လန့်မှုအမြဲလွှမ်းမိုးနေတတ်ပါတယ်။ ကလေးသဘာဝအရ လုပ်ချင်စိတ်နဲ့လုပ်လိုက်မိရင်တောင် သူတို့မှာ စိုးရိမ်ထိတ်လန့်မှုက ကြီးစိုးနေတတ်တာမို့ အမြဲထိတ်လန့်နေပါတယ်.။ ကလေးပီပီ ဘာအနှောင့်အဖွဲမှမရှိဘဲ မပျော်ရွှင်နိုင်ပါဘူး။ ၆။ ကိုယ့်ကိုယ်ကိုယ်ထိခိုက်အောင်လုပ်တတ်သူဖြစ်လာပါတယ်။ မိဘတွေက အမြဲ အမှားလုပ်မိတိုင်းဆူပူတတ်သူမို့ စိတ်ပိုင်းဆိုင်ရာထိခိုက်နေတတ်ပြီး မိဘက လူညံ့၊ ငတုံး ဒါလေးတောင်အဖြစ်မရှိဘူး စသဖြင့်ပြောဆိုခြင်းခံနေရတတ်တာမို့ သူတို့ကိုယ်သူတို့ အသုံးမကျသူလိုခံစားတတ်လာပြီး သူတို့ကိုယ်သူတို့တောင် တန်ဖိုးမထားတတ်တော့ဘဲ ထိခိုက်နာကျင်အောင်လုပ်မိလာနိုင်ပါတယ်။ #Credit_to_BAWA101 #Knowledge #Ruby

တန်းဖိုး(၃)ပါးမြတ်တရား ။---------------------------။ ကုသိုလ်ကို နည်းနည်းလေးပါလို့အထင်မသေးနဲ့"ကောင်းကျိုးတွေ "အများကြီးပေးတက်တယ်။ ။---------------------------။ အကုသိုလ်ကို နည်းနည်းလေးပါလို့အထင်မသေးနဲ့ "ဆိုကျိူးတွေ" အများကြီးပေးတက်တယ်။ ။---------------------------။ တရားအသိလေးကို နည်းနည်းလေးပါလို့အထင်မသေးနဲ့ တရားအသိလေးတစ်ခါသိရင် "တစ်ခါအပါယ်လွတ်တယ်"။ ။---------------------------။ #yoko #knowledge #forward_only #Crd

မြန်မာလူမျိုးတွေရဲ့ အချို့သော အကျင့်ဆိုးတွေက ဘာတွေဖြစ်မလဲ။ ဥပမာ ။ လူမြင်တာနဲ့ နုတ်ဆက်တဲ့စကားက "ဟယ် နင်ဝလာလိုက်တာနော်" "ဟယ်နင်ကလည်းရောဂါသည်ကျနေတာပဲပိန်လိုက်တာ" ဆိုတာမျိုး။ နုတ်ဆက်တတ်တဲ့အကျင့်ကကောင်းပေမယ့် တပါးသူကိုထိခိုက်ပြီးပြောတာတော့မကောင်းတဲ့အကျင့်ပေါ့။ အလားတူဘယ်လိုကိစ္စတွေရှိသေးလဲ၊ ကိုယ်ခံစားလိုက်ရတာရှိရင် ဝင်မန့်သွားပေးပါအုံးနော်။ မန့်တွေဖတ်ပြီးအချင်းချင်းဆင်ခြင်ဖို့ လက်တို့ကြရအောင်ပါ။ #Credit_to_BAWA101 #ဉာဏ်စမ်းမေးခွန်းများ #Ruby

============================= #yoko #Crd #knowledge #forward_only

ဆရာဆိုတဲ့ အဓိပ္ပါယ် ===================== ဆရာဆိုတာ အင်္ဂလိပ်လိုခေါ်ရင် Teacher ဆိုတာတော့ အားလုံးသိပြီးဖြစ်မှာပါ။ ဒါပေမယ့် တကယ်တော့ Teacher ဆိုတဲ့ စာလုံးဖြစ်လာတာဟာ စာလုံးများစွာရဲ့ အစ စကားလုံးလေးတွေ ပေါင်းထားတာပါ။ T = teaching E = education A = active C = clever H = honest E = expert R = research minded အဲဒီအချက်တွေထဲက တစ်ချက်တလေကျန်ခဲ့ရင် Teacher ဖြစ်မှာမဟုတ်တော့ပါ။ ဒါကြောင့် စာလုံးတစ်လုံးစီကို အကျယ်ဖွင့်ကြည့်ကြပါစို့။ Teaching(ပညာသင်ကြားပေးခြင်း) =========================== ဆရာဆိုတာ တစ်စုံတစ်ခုကို တတ်မြောက်အောင်သင်ကြားပေးသူလို့ အလွယ်တကူ အဓိပ္ပာယ်ဖွင့်လို့ရပါတယ်။ မြန်မာ့ယဉ်ကျေုးမှုအရတော့ ၁။ သင်ဆရာ ၂။ မြင်ဆရာ ၃။ ကြားဆရာ ဆိုပြီး ဆရာသုံးမျိုးပြန်ခွဲထားပါတယ်။ ဘာပဲဖြစ်ဖြစ် ဆရာလို့ခေါ်ခံရဖို့ သူတပါးကို တစ်ခုခုတော့ လမ်းညွှန်သင်ကြားပေးသူတော့ ဖြစ်ဖို့လိုတာသေချာပါတယ်။ Education(ပညာတတ်မြောက်ခြင်း) =========================== ဆရာတစ်ယောက်ဟာ ထိုက်သင့်တဲ့ပညာကိုတော့ တတ်မြောက်ထားဖို့လိုပါတယ်။ ဘာကြောင့်လဲဆိုရင် ဆရာတော်မှ တပည့်တတ်မှာဖြစ်လို့ပါ။ ဆရာကို၌က Educated ပညာတတ်ပုဂ္ဂိုလ်ဖြစ်မှ တပည့်တွေရဲ့ လေးစား အားကျခြင်းကို ရနိုင်မှာဖြစ်တဲ့အပြင် သူတို့ကိုအလွယ်တကူ လမ်းညွှန်နိုင်မှာဖြစ်ပါတယ်။ Active(တက်ကြွမှုရှိခြင်း) ===================== ဆရာတွေဆိုတာ ကျောင်းသားတွေရဲ့ရှေ့ဆောင်ပုဂ္ဂိုလ်တွေဖြစ်ပါတယ်။ ဒီပုဂ္ဂိုလ်တွေဟာ ထက်မြက်တက်ကြွမှု အပြည့်ရှိဖို့လိုပါတယ်။ တက်ကြွတဲ့ဆရာရဲ့လမ်းညွှန်မှုအောက်ကတပည့်တွေဟာစိတ်ဓာတ်ရော၊ ယုံကြည်မှုပါ မြင့်မားကြတာမို့ ပညာရေးရည်မှန်းချက်ကို ပီပီပြင်ပြင်ဖော်ဆောင်နိုင်မှာဖြစ်ပါတယ်။ ကျောင်းသားဆိုတာ ဆရာရဲ့အရိပ်အခြေကို အမြဲအကဲခတ်နေကြတာမို့ ဆရာလုပ်သူက လေးလံထိုင်းမှိုင်းနေတာကိုမြင်ရင် သူတ်ို့ကပိုပြီး ပျင်းရိဖင့်နွှဲကြပါလိမ့်မယ်။ ဒါကြောင့် တက်ကြွမှုရှိရမယ်ဆိုတဲ့ အရည်အသွေးဟာဆရာတစ်ယောက် အတွက် အရေးအကြီးဆုံး အရည်အသွေးဖြစ်ပါတယ်။ Clever(ပါးနပ်မှုရှိခြင်း) =================== ဆရာဆိုတာ ကျောင်းသားတွေထက် အပြန်တစ်ရာတစ်ထောင်မက ပါးနပ်ဖို့လိုပါတယ်။ ကျောင်းသားတစ် ယောက်ရဲ့ မျက်နှာအမူအယာက်ို တစ်ချက်အကဲခတ်ရုံနဲ့ကျောင်းသားရဲ့အတွင်းစိတ်ကိုသိဖို့လိုအပ်ပါတယ်။ကျောင်းသားတစ်ယောက်ဘာလိုချင်တယ်၊ ဘာဖြစ်နေတယ်ဆိုတာကို အလွယ်တကူသိနေလေ့ရှိတဲ့ ဆရာ တစ်ယောက်ရဲ့ဦးဆောင်မှုအောက်မှာ ကျောင်းသားတိုင်းဟာ ပျော်ပျော်ကြီးကြိုးစားကြပါလိမ့်မယ်။ပါးရည်နပ်ရည်ရှိခြင်းဆိုတဲ့ဂုဏ်ရည်ဟာမွေးရာပါအရည်အသွေးမဟုတ်ပါ။ အာရုံစိုက်မှု၊ လေ့လာမှုတို့ရဲ့ အသီးအပွင့်ပါ။ ဒါကြောင့် ဆရာကောင်းတစ်ယောက်ဖြစ်ချင်ရင်တော့ ကျောင်းသားတွေရဲ့ အမူအကျင့်တွေ၊မျက်နှာအမူအယာတွေ၊သင်္ကေတတွေကိုအမြဲလေ့လာမှတ်သားပြီး ပါးနပ်မှုရှိလာအောင် လေ့ကျင့်ယူရပါ လိမ့်မယ်။ Honest(ရိုးသားခြင်း) ================== ဆရာကောင်းဖြစ်ချင်ရင်တော့ ရိုးသားရပါလိမ့်မယ်။ ရိုးသားခြင်းနဲ့ ညံ့ဖျင်းခြင်းဟာ ပြဒါးတစ်လမ်း၊ သံတစ်လမ်းပါ။ ဆရာလုပ်ပြီးရိုးနေရင် ခံသွားရမယ်ဆိုတဲ့ ခပ်ညံ့ညံ့အတွေးမျိုးတွေ မတွေးမိပါစေနဲ့။ ပါးပါးနပ်နပ်ရှိပြီး ရိုးသားတဲ့ဆရာကို ကျောင်းသားတိုင်းချစ်ကြပါတယ်။ ရိုးသားချင်ရင်တော့ ဟန်ဆောင်မှုကင်းရပါလိမ့်မယ်။ ဆရာတစ်ယောက်ဟာ အရာရာကို မသိနိုင်ဘူးဆိုတာ ကျောင်းသားတိုင်းနားလည်ကြပါတယ်။ သင်ခန်းစာတစ်ခု ကို ရှင်းပြနေရင်း ကိုယ်တိုင်မျက်စိလည်နေပြီဆိုရင် အကောင်းဆုံးကတော့ဆရာမျက်စိလည်နေပြီဟေ့လို့ ၀န်ခံလိုက်တာပါပဲ။ အဲဒီလို၀န်ခံရင် ကျောင်းသားတွေအထင်သေးလိမ့်မယ်ဆိုတဲ့ အတွေးဟာမှားပါတယ်။ ကျောင်းသားတွေရဲ့စိတ်ထဲမှာ သူတို့ဆရာရဲ့ရိုးသားမှုကို အသိအမှတ်ပြုသွားပြီး ပိုလို့တောင်လေးစားလာပါ ဦးမယ်။ အဲဒီလိုမဟုတ်ပဲ ရချင်ယောင်ဆောင်ပြီး အတင်းရှင်းပြနေရင်တော့ ကျောင်းသားက ဆရာရဲ့မရိုးသားတဲ့ အတ္တကို အထင်သေးပါလိမ့်မယ်။ အဲဒီဥပမာကို လက်ကိုင်ထားပြီး တပည့်တွေနဲ့ဆက်ဆံတဲ့နေရာမှာ ဆရာတစ်ယောက်ဟာ အတတ်နိုင်ဆုံးရိုးသားဖို့လိုအပ်ပါတယ်။ Expert(ကျွမ်းကျင်တတ်မြောက်ခြင်း) ========================== ဆရာကောင်းတစ်ယောက်ဟာ သက်ဆိုင်ရာနယ်ပယ်မှာ ကျွမ်းကျင်တဲ့ပညာရှင်ဖြစ်ဖို့လိုပါတယ်။ ကျွမ်းကျင် တတ်မြောက်မှုအပြည့်ရှိတဲ့ ဆရာကို ကျောင်းသားတိုင်းက လေးစားကြတာမို့ အထူးတလည်အားစိုက်စရာမလိုပဲ ကျောင်းသားတွေကို စည်းရုံးပြီးဖြစ်သွားပါတယ်။ ကျောင်းသားဆိုတာ ဆရာရဲ့ကျွမ်းကျင်မှုကို ဂုဏ်ယူ၀င့်ကြွား ချင်ကြသူတွေချည်းမို့ ကိုယ်တိုင်က ကျွမ်းကျင်တတ်မြောက်ခြင်းဟာ ဆရာကောင်းတစ်ယောက်က ကျောင်းသား တွေကို ပေးနိုင်တဲ့ အကောင်းဆုံးလက်ဆောင်ပါ။ Research minded (သုတေသနပြုတတ်သောစိတ်ထားရှိခြင်း) ========================= ဆရာဆိုတာ ပညာရေးလောကရဲ့ခေါင်းဆောင်ပါ။ တိုးတက်တဲ့အမြင်တွေရှိတဲ့ ခေါင်းဆောင်ကိုပဲ နောက်လိုက် တွေကလေးစားကြတာလောကသဘာ၀ပါ။ဒါကြောင့်ဆရာကောင်းတစ်ယောက်ဖြစ်ချင်ရင်တော့ တိုးတက်တဲ့အမြင်တွေရှိဖို့လိုပါတယ်။ ငါတို့ငယ်ငယ်ကလည်း ဒီလိုပဲလုပ်ခဲ့ရတာပဲဆိုတဲ့ စကားတွေ ပြန်လည်ပြောလို့ရမှာဖြစ်ပါတယ် ။