Let's Answer

အဝတ်စုတ်နဲ့ကောင်လေး ချမ်းသာတဲ့ ဖခင်ဟာ သားဖြစ်သူကို ခေါ်ပြီး နာမည်ကြီး တံဆိပ် တွေရောင်းတဲ့ ရှော့ပင်းမောလ်မှာ ဈေးဝယ်ထွက်ကြတယ်။  သူတို့ကားဆီအပြန်လမ်းမှာ အဝတ်စုတ်ဝတ်ထားတဲ့ ဆင်းရဲသားလေးက သူတို့အနားကို ချဉ်းကပ်လာတယ်။ ဆင်းရဲသားလေးက ငိုနေတယ်။ "ကျေးဇူးပြုပြီး ကူညီပါ ဆရာ။ ကျွန်တော့်မှာဝတ်စရာအဝတ်အစားမရှိတော့ဘူး" ချမ်းသာတဲ့ အဖေက ဆင်းရဲသားလေးကို တချက်ကြည့်ရင်း သနားဂရုဏာသက်သွားတယ်။ဆင်းရဲ့သားရဲ့အဝတ်အစားတွေက စုတ်ပြဲပြီး မွစာကြဲနေတယ်။ "သားလေး အသက်ဘယ်လောက်ရှိပြီလဲ" “သားအသက်က ဆယ်နှစ်ပါဆရာ” အဲဒီအခါ သူဌေးအဖေကပြောတယ်။ "အင်း၊ ဦးရဲ့သားက လည်း ဆယ်နှစ်ပဲရှိသေးတယ်၊ သူ့အဝတ်အစားအသစ်က လူလေးနဲ့ တော်မယ်လို့ ထင်တယ်" အဖေဖြစ်သူက သူနဲ့ရုပ်ချင်းဆင်တဲ့ ချောမောလှပတဲ့သားလေးကို ကြည့်လိုက်တယ်။ "သား၊ အဖေတို့ဝယ်ထားတဲ့အဝတ်အစားအသစ်တွေထဲက တချို့ပေးလိုက်လို့ ရမလား။ မနက်ဖြန်မှာ ထပ်ဝယ်လို့ရပါသေးတယ်" ကောင်လေးက တိုးတိုးလေး ပြောတယ်။ "ပေးလိုက်ပါ အဖေ". ချမ်းသာတဲ့ဖခင်ဟာ အိတ်ကိုဖွင့်ပြီး အဝတ်အစား တချို့ယူကာ ဆင်းရဲသားကိုပေးလိုက်တယ်။ ဆင်းရဲသားလေးဟာ စိတ်လှုပ်ရှားပျော်ရွှင်နေခဲ့တယ်။ သူဌေးက မေးတယ်။ "သားဘယ်မှာနေလဲ ပြောလို့ရမလား" ဆင်းရဲသားလေးက ခေါင်းညိတ်တယ်။ "ကျွန်တော်က ဒီတံတားအောက်က လမ်းဘေးမှာနေတာ" ဆင်းရဲသားလေးဟာ လေးလေးနက်နက် ကျေးဇူးတင်ကြောင်း ဖော်ပြပြီး ဖခင်နဲ့သားဖြစ်သူ ကားထဲဝင်၊ ကားမောင်းထွက်သွားတာကို ကြည့်ရှုနေခဲ့တယ်။ သုံးလအကြာမှာ ချမ်းသာတဲ့ဖခင်ဟာ လမ်းပေါ်ကို ကားမောင်းလာပြီး တံတားအောက်မှာ နေတဲ့ ဆင်းရဲသားလေးကို လိုက်ရှာခဲ့ပါတယ်။ ဆင်းရဲသားလေးကို တွေ့တော့ ကားပေါ်ခေါ်သွားပြီး အဝတ်ဘူးတွေ၊ ဖိနပ်တွေ၊ အိတ်တွေ၊ အရုပ်တွေ ထုတ်ယူပေးတယ်။ "ဒါတွေက ဦးသားရဲ့ ပစ္စည်းတွေပါ။အခု  ဒါတွေအကုန် လူလေးကို  ပေးမယ်" သနားစရာကောင်းတဲ့ ကောင်လေးက အံ့သြပြီး ငိုချလိုက်တယ်။ "ဒါပေမဲ့ ဆရာရဲ့သားကကော၊ ဒါတွေ မလိုအပ်တော့ဘူးလား" “မလိုတော့ဘူးသား။ ဘာဖြစ်လို့လဲဆိုတော့ သူက အခု ကောင်းကင်ဘုံရောက်သွားပြီ။ ဦးရဲ့ ချစ်စရာ သားလေးငယ်က လွန်ခဲ့တဲ့ ရက်သတ္တပတ်အနည်းငယ်က ကင်ဆာရောဂါနဲ့ ကွယ်လွန်သွားခဲ့တယ်။သားလေးက ကင်ဆာရောဂါနဲ့ သုံးနှစ်ကြာနေထိုင်ခဲ့တယ်။ သေတော့မယ်ဆိုတာ ဦးတို့အားလုံး သိခဲ့ပြီးသားမို့ သားလေးရဲဲ့ နောက်ဆုံးနေ့ရက်တွေမှာ သိပ်ခံစားရခက်တယ်" သားလေး ဘဝကူးခဲ့တဲ့ အိပ်ယာပေါ်မှာ သားက ဘာ ပြောခဲ့တယ်ထင်လဲ။ "ဖေဖေ သား သေသွားရင် သားပစ္စည်းအားလုံးကို ကုန်တိုက်အပြင်မှာ တွေ့ခဲ့တဲ့ ဆင်းရဲသားကောင်လေးကို ပေးနိုင်မလား၊ ဘာမှမရှိတဲ့ ကောင်လေးက အဝတ်စုတ်ဝတ်ပြီး တံတားအောက်မှာ အိပ်နေရရှာတယ်" သူဌေးက ပြောရင်း မျက်ရည်ကျလာတယ်။ "လူလေး ။သားက ဆင်းရဲပေမယ့် ငွေနဲ့ ဝယ်လို့မရတဲ့ အရာတခုကို ပိုင်ဆိုင်ရတာ ဘယ်လောက်ကံကောင်းလဲဆိုတာ သား မသိနိုင်ဘူး။ ငွေနဲ့သာ ဝယ်ရရင် ဦးရဲ့ သားအတွက် အသက်တရာလောက် ဝယ်ပေးခဲ့နိုင်ပေမယ့် ဝယ်မရနိုင်ဘူး။လူလေးက ဦးသားရဲ့ ဘဝနေထိုင်မှုပုံစံကို အားကျခဲ့လိမ့်မယ်။ ဒါပေမယ့် သူ့ရဲ့ရုန်းကန်မှုတွေနဲ့ ကျန်းမာရေးစိန်ခေါ်မှုတွေအားလုံးကို လူလေးမသိခဲ့တာ သေချာပါတယ်။" ** ဘဝဆိုတာ ဒီလိုပါပဲ။ ကျွန်တော်တို့ရဲ့ ဘဝကို တခြားလူတွေနဲ့ နှိုင်းယှဉ်လေ့ရှိကြတယ်။ ၊ ဘဝတိုင်းက ပြီးပြည့်စုံမှုမရရှိတာကို မေ့လျော့နေတတ်ကြတယ်။ လူတိုင်းမှာ လောကဓံ၈ပါး တွေ့ကြုံနေရပြီး ခက်ခဲတဲ့အချိန်ကို ဖြတ်သန်းရလေ့ရှိပါတယ်။ အဲဒီတော့ သူများတွေကို အားကျနေမယ့်အစား ကိုယ့်ဘဝကိုယ် သိ ကိုယ့်လမ်းကိုယ် ဖောက်ဖို့ပဲ အာရုံစိုက်သင့်ပါတယ်။ ဘဝရှိနေသရွေ့ မျှော်လင့်ချက်ဆိုတာရှိသလို ကြိုးစားခွင့်ရှိပါတယ်။ #water #credit_ဟမ်စိုင်း #forward_only

နံနက်စာမစားတာ ဘယ်လောက်ကြောက်စရာကောင်းလဲ ?                     နံနက်စာက နေ့တစ်နေ့အတွက် အရေးအကြီးဆုံးဖြစ်ပြီး နေ့လည်စာနဲ့ ညစာထက်တောင် ပိုအရေးကြီးပါတယ်။ နံနက်စာမစားတာ လနဲ့ချီ၊ နှစ်နဲ့ချီ ဖြစ်လာတဲ့အခါ အန္တရာယ်တွေ စတင်ဖြစ်ပေါ်လာပါတော့တယ်။ ဘယ်လိုတွေလဲဆိုတာဖတ်ကြည့်ပါနော် ____ 1. စိတ်ပိုင်းဆိုင်ရာ ထိခိုက်လာမယ်။ ဒါကပထမဆုံးတစ်ချက်ပါ နံနက်စာမစားတဲ့အခါ သွေ.တွင်းသကြားဓာတ်နည်းလာပြီး စိတ်ဖိစီးမှုနဲ့ စိုးရိမ်ပူပန်စိတ်တွေ မြင့်တက်လာစေနိုင်ပါတယ်။ တစ်ယောက်တည်းနေတဲ့အခါ စိတ်ခြောက်ခြားလာတာမျိုး၊ အလိုလို ဝမ်းနည်းလာတတ်တာမျိုးတွေ ဖြစ်လာနိုင်ပါတယ်။ ပျော်ရွှင်မှုတွေ ပျောက်ဆုံးလာနိုင်ပါတယ်။ ____ 2. လူမှုဆက်ဆံရေး အားနည်းလာမယ်။ အရမ်းသိသာပါတယ်ဒါက ဒါကလည်း စိတ်ပိုင်းဆိုင်ရာထိခိုက်မှုကနေ ထပ်ဆင့်ဖြစ်လာတဲ့ ဆိုးကျိုးဖြစ်ပါတယ်။ ပျော်ရွှင်မှုနဲ့ တက်ကြွမှုတွေ ပျောက်ဆုံးပြီး စိတ်ဖိစီးမှုများနေတဲ့သူဟာ လူမှုဆက်ဆံရေးပိုင်းမှာ ဘယ်လိုမှ အဆင်ပြေမှာမဟုတ်ပါဘူး။ လက်ရှိ ခင်မင်ရင်းနှီးရသူတွေနဲ့လည်း ပြဿနာတွေ များလာနိုင်ပါတယ်။ ပတ်ဝန်းကျင်မှာလည်း ဝင်ဆံ့တော့မှာ မဟုတ်ပါဘူး။ ____ 3. ဦးနှောက်ကျန်းမာရေး ထိခိုက်လာမယ်။ နံနက်စာမစားတဲ့သူဟာ အမေ့လွယ်တာတွေ၊ ကြာကြာမစဉ်းစားနိုင်တာတွေဖြစ်တဲ့အပြင် အသက်ကြီးလာတဲ့အခါ အယ်လ်ဇိုင်းမားရောဂါ အလွယ်တကူဝင်နိုင်ပါတယ်။ မှတ်ဉာဏ်စွမ်းရည် ကျဆင်းလာပြီး အာရုံစူးစိုက်နိုင်စွမ်း လျော့နည်းလာပါလိမ့်မယ်။ တီထွင်ဖန်တီးနိုင်စွမ်းလည်း လျော့နည်းလာပါလိမ့်မယ်။ ____ 4. ဆံပင်ကျွတ်နိုင်တယ်။ နံနက်စာမစားတဲ့အခါ protein ကို ပြည့်ဝစွာမရရှိနိုင်ပါဘူး။ အဲ့ဒီအခါ ဆံသားအတွက်လိုအပ်တဲ့ keratin လည်း မရရှိတော့ပါဘူး။ ဒါကြောင့် ဆံပင်ကျွတ်တာတွေ၊ ထိပ်ပြောင်တာတွေ ဖြစ်လာနိုင်ပါတယ်။ ဆံပင်ပြန်ပေါက်ဖို့လည်း ခက်ခဲလာနိုင်ပါတယ်။ ____ 5. Gym ဆော့ပေမယ့် အကျိုးမရှိတော့ဘူး။ ကစားထားတာအကုနိအလကားပါဘဲ... နံနက်စာစားတဲ့အခါ မာဆယ်တွေဟာ သိသိသာသာဖွံ့ဖြိုးပါတယ်။ ဒါကြောင့် gym ကစားတဲ့သူတွေဟာ အာဟာရအပြည့်နဲ့ နံနက်စာကို စားပေးရပါတယ်။ မစားဘူးဆိုရင်တော့ gym ဘယ်လောက်ဆော့ဆော့ ခန္ဓာကိုယ်ဟာ ကိုယ်မျှော်လင့်ထားသလို ပုံပန်းကျ လှပနိုင်မှာ မဟုတ်ပါဘူး။ ____ 6. ဝမ်းဗိုက်အဆီတွေ ဖြစ်လာမယ်။ နံနက်စာရှောင်တဲ့သူတွေဟာ နေ့လည်စာနဲ့ ညစာကို ပိုစားတတ်ကြပါတယ်။ တကယ်တော့ နံနက်စာဟာ ဘယ်လောက်အများကြီးစားစား ဝမ်းဗိုက်အဆီကို ဖြစ်မလာစေပါဘူး။ နေ့လည်စာနဲ့ ညစာကတော့ စားရင်စားသလို အဆီတက်စေပါတယ်။ တကယ်လို့ ဝိတ်ချမယ်လို့ စိတ်ကူးထားတယ်ဆိုရင် နေ့လည်စာနဲ့ ညစာကို လျော့စားပြီး နံနက်စာကို အဝ စားပေးသင့်ပါတယ်။ ____ 7. နှလုံးရောဂါ ဖြစ်လာမယ်။ နံနက်စာမစားတဲ့သူဟာ တဖြည်းဖြည်းနဲ့ နှလုံးအားနည်းလာပါတယ်။ ကြာလာတဲ့အခါ silent killr လို့ တင်စားတဲ့ နှလုံးရောဂါ ဖြစ်လာမှာပါ။ နှလုံးရောဂါဟာ ရုတ်တရက်အသက်ရှူရပ်ပြီး အသက်ဆုံးစေနိုင်တဲ့အထိ ပြင်းထန်ပါတယ်။ ဖြစ်ပြီးသွားရင်လည်း အရှင်းမပျောက်တော့တဲ့ ရောဂါမျိုးဖြစ်ပါတယ်။ ____ 8. ဆီးချိုရောဂါ ဖြစ်ပွားနိုင်ချေ များပါတယ်။ နံနက်စာမစားတဲ့သူတွေဟာ အမျိုးအစား (၂) ဆီးချိုရောဂါ ဖြစ်နိုင်ချေများတယ်လို့ ဆရာဝန်တွေက ထောက်ပြထားပါတယ်။ အင်ဆူလင် လုံလုံလောက်လောက်မထွက်တာကြောင့် အမျိုးအစား (၂) ဆီးချိုရောဂါ ဖြစ်ပွားလာရခြင်း ဖြစ်ပါတယ်။ ____ 9. ခေါင်းကိုက်ဝေဒနာ ဖြစ်လာမယ်။ နံနက်စာမစားတဲ့အတွက် သွေ.တွင်းသကြားဓာတ်နည်းလာတဲ့အခါ ခန္ဓာကိုယ်က ဟော်မုန်းတစ်မျိုးကို ထုတ်ပါတယ်။ အဲ့ဒီဟော်မုန်းကြောင့် သွေးဖိအားမြင့်တက်လာပြီး ခေါင်းကိုက်တာ၊ ခေါင်းတစ်ခြမ်းကိုက်တာတွေ ဖြစ်နိုင်ပါတယ်။ အာရုံကြောအားနည်းတဲ့သူဆိုရင် ပိုပြီး ပြင်းပြင်းထန်ထန် ခံစားရနိုင်ပါတယ်။ ____ 10. အသက် ၄၀ လောက်နဲ့ အားအင်ချိနဲ့လာမယ်။ နံနက်စာမစားတဲ့သူဟာ ပုံမှန်လူတွေထက် ကျန်းမာသန်စွမ်းမှုနဲ့ လျင်မြန်သွက်လက်မှုတွေ မြန်မြန် ကျဆင်းနိုင်ပါတယ်။ အသက်ကြီးလေ သိသာလေ ဖြစ်လာမှာပါ။ သူများအသက် ၄၀ ဆို သန်မြန်နေဆဲပေမယ့် နံနက်စာမစားတဲ့သူကတော့ အသက် ၄၀ လောက်နဲ့ အဖိုးကြီး၊ အဖွားကြီးတွေ ဖြစ်နေကြမှာပါ။                           နံနက်စာ စားသင့်တဲ့အချိန်ကတော့ အိပ်ရာထပြီး ၂ နာရီအတွင်း ဖြစ်ပါတယ်။ ဒါပေမယ့် အိပ်ရာထချိန်ဟာ နံနက် ၆ နာရီကနေ ၉ နာရီအတွင်း ဖြစ်ရပါမယ်။ ကျွန်တော်ကတော့ ၇ နာရီခွဲဆို အိပ်ရာထပြီး ၈ နာရီခွဲကနေ ၉ နာရီအတွင်း နံနက်စာ ပုံမှန်စားဖြစ်ပါတယ်။ နံနက် ၁၀ နာရီလောက် အိပ်ရာထပြီး နေ့လည် ၁၁ နာရီမှာ စားတဲ့အရာကိုတော့ နံနက်စာလို့ မခေါ်ပါဘူး။                  နံနက်စာ စားတဲ့အခါမှာလည်း အာဟာရဖြစ်စေမယ့်အရာတွေ စားပေးဖို့လိုပါတယ်။ ကြက်ဥ၊ ကွေကာအုပ်၊ ကော်ဖီ၊ ဘယ်ရီသီးတွေနဲ့ အခွံမာသီးတွေက ကျွန်တော်တို့ စားပေးသင့်တဲ့ နံနက်စာတွေ ဖြစ်ပါတယ်။ #water #credit #forward_only