..

الشيطان عايزك دايمًا يائس، وخايف على نفسك وشغلك وفلوسك، وخايف من المستقبل ومن كل طريق جديد أنت لسه حتى مبدأتش فيه! قال الله تعالى: {الشَّيْطَانُ يَعِدُكُمُ الْفَقْرَ وَيَأْمُرُكُم بِالْفَحْشَاءِ ۖ وَاللَّهُ يَعِدُكُم مَّغْفِرَةً مِّنْهُ وَفَضْلًا ۗ وَاللَّهُ وَاسِعٌ عَلِيمٌ}.. فاستعذ بالله من الشيطان الرجيم، وتوكل على الله الواسع العليم، وأبشر خيرًا.

‏"هَلْ جَزَاءُ الْإِحْسَانِ إِلَّا الْإِحْسَانُ" دايماً افتكر الآية دي وأنت بتتعب في أي حاجة بتعملها. ولو ربنا منع عنك حاجة كان نفسك فيها افتكر دايماً حاجتين بس: "فَخَشِينَا أَن يُرْهِقَهُمَا" "فَأَرَدْنَا أَن يُبْدِلَهُمَا رَبُّهُمَا خَيْرًا مِّنْهُ"

من عاب اخاه بذنب لم يمت حتى يفعله اللهم لا تشغلني بخلقك واشغلني بإصلاح نفسي .

اللهم اغفر لموتانا وموتى المسلمين، اللهم اجعل قبورهم روضةً من رياض الجنة، ولا تجعلها حفرة من حفر النار، اللهم ارحم أرواحًا نَقَصنا وجودها، واغفر لهم، وارفع درجاتهم، واجعلهم في عليين، وبلّغهم من دعائنا نورًا وسكينة، واجعل ملتقانا بهم في الفردوس الأعلى يا رب العالمين.

أصل هتشكره على إيه ولا إيه؟.. على قدرتك إنك تقف على رجليك لما تصحى من النوم بدون مساعدة، ولا إنك تعرف تنام أساسًا؟.. على إنك بتاكل اللي نفسك فيه وبتعرف تستطعمه؟.. على سمعك ولا بصرك ولا تنفسك بشكل طبيعي؟.. على الليالي اللي بتبات فيها نار تصبح رماد؟.. على إبعاده لـ حد مؤذي من طريقك، ولا على وجود حد جنبك وقت ما بتعوزه بتلاقيه؟.. ملايين النعم ومهما شكرنا مش هنقدر نوفّي.. ألف شكر ليك يارب رغم إننا أوقات مانستحقش كرمك ده؛ بس الحمدلله وألف شكر.

( إنك لا تهدي من أحببت ولكن الله يهدي من يشاء ) لو كنت فاهم إن ( يشاء ) عايده ع ربنا سبحانه وتعالي او كنت فاكر إن ربنا بيهدي اللي بيبقي عايز يهديه وبس وإن لو ربنا مهداناش يبقي مش رايدلنا بالهداية.!! يبقى تعالى صحح مفاهيمك بتفسير الآية إن ( يشاء ) عايده ع الإنسان نفسه مع مشيئة الله الإنسان طلب الهداية ولا لأ ؟! ولكن الله يهدي من يشاء يعني ربنا هيهدي اللي حابب يهتدي ويجاهد لطلب الهدايه و اللي بيحاول واللي قلبه عايز بس شيطانه أقوى منه واللي بيحاول بس المغريات حواليه أكتر وهو أعلم بالمهتدين.

📌

٩٠% مننا اللي على السوشيال ميديا وقعوا في كبيرة عظيمة جدا جدا؛ ألا وهي الغيبة. كم واحد مننا أباح لنفسه السخرية من غيره بدون وجه حق. كم واحد مننا أباح لنفسه الكلام بما يسوء غيره لأنه مش حابه بكل بساطة. إحنا هنا بنغتاب بعض لأتفه الأسباب والمسميات، ترتكب كبيرة من الكبائر ترتبط بحقوق العباد علشان تنفس عن بعض ما في نفسك. لكنها مش سهلة، والله ما سهلة، فيه موت وحساب ووقفة قدام الملك سبحانه تُسأل عن كل ذلك ويؤخذ من حسناتك. اسكت، اسكت ومتتكلمش في حق غيرك كلمة واحدة. اخرج منها على قد ما تقدر بقلب سليم.

‏﴿الَّذِينَ صَبَرُوا وَعَلَىٰ رَبِّهِمْ يَتَوَكَّلُونَ﴾

بمناسبة العُرس المُنتشر اليومين دول ويُقال عنه (إسلامي) هو مُبارك ليها وكل حاجة و الله يهنيهم يا ربّ، ولكن من باب التذكير علشان محدش يفهم غلط ويقلّد شيء غلط بلا وَعي (ده ليس فرح إسلامي)، الفرح الإسلامي مبدأيًا بدون أختلاط (بيكون مُنفصل النساء لوحدهم والرجال لوحدهم)، بدون أغاني بموسيقى طبعًا (بيكون اغاني بدون موسيقى او بالدف)، المعازيم (النساء) بييجوا بلبس لا يَصِف ولا يَشِف وبدون تبرج (وكده كده بيكونوا براحتهم مع مُراعاة حدود النساء أكيد في القاعة الخاصة بهم) وفي نهاية الفرح العروسة بتنزل بكامل حجابها (بدون ميكب) أو نقابها (بدون زينة بأي شكل) للعريس ويروّحوا بيتهم بزفة بالعربيات (وبرضو أغاني بدون موسيقى) أو بيروّحوا في هدوء تام بعد المُباركات والتهاني هكذا عُرس يُرضي الله وتبدأ حياة مليئة بالبركات والفَرح والسرور، رزقنا الله وأيّاكم برِجال يُحبَّها الله و رسوله.💗

اللَّهُمَّ صَلِّ عَلَى نَبِيِّنا مُحَمَّدٍ صَلاَةً تُنَوِّرُ قُلُوبَنَا بِهَا وَتَجْمَعُ شَمِلَنَا وَتَرْفَعُ شَأْنَنَا وَتُغْفِرُ ذُنُوبَنَا وَتَجْعَلُنَا مِنْ أَوْلِيَائِكَ الصَّالِحِين🤔💜