SHAHNOZAJALILOVA

* * * Она, бугун қошинга келдим. Ўша ҳовли, жондек қадрдон. Кўрпачангдек тўшалди кўнглим, Юрагимдек ушатилди нон! Ҳеч сўз демай, бағринга ботсам, Ҳаёт иси келади сендан. Билсам мени сенчалик маҳкам, Ҳали ҳеч ким қучоқламаган! Турмуш, рўзғор ғурбатларидан, Паноҳ истаб келаман яна. Ташвишларин кўксинга тўккан, Мен нодонни кечир, жон она! Безиллайман тонг отишидан, Керак пайти отмаган номард. Сени ташлаб яна тонг билан, Ташвишларга қайтмоқлигим шарт! Яна тошдек отар мени Дун, Яна югур, яна чоп ҳар ён! Ҳар замон бир йиғлаб келишчун, Онамни соғ асра, Ҳудожон!                    Малика Тавфиқ @SHAHNOZAJALILOVA

* * * Ёмонлар йиғлатса олиб ёнимни, Жонингда авайла ширин жонимни, Ўзингсиз кунларга ишонма мени, Ўзингсиз қолдирма бирон онимни! Мен сени ҳеч кимга бермайман деб айт, Бошимда минг қуёш порласин шу пайт. Сўзларинг қўшиқми, ё чиройли байт, Ўзингсиз қолдирма бирон онимни! Қўлингдан қўлимни қўйма умрбод, Сенингсиз татимас менга бу ҳаёт, Фалакни тутмасин десанг гар фарёд, Ўзингсиз қолдирма бирон онимни! Сен йўқ лаҳзаларга етмас бардошим, Эй кўзи жодули, эй қалам қошим, Дарёлар ичмасин десанг кўз ёшим, Ўзингсиз қолдирма бирон онимни! Ҳаётим ёритсин юзинг шуласи, Боғнинг атиргули, тоғнинг лоласи, Мен ҳам бир мўминнинг ёлғиз боласи, Ўзингсиз қолдирма бирон онимни! Малика Тавфиқ

Sen hammadan a’lo…❤️‍🔥 @SHAHNOZAJALILOVA

Лоладан гиламлар ёзганда баҳор, Айвоним тўрида мўжаз макон бор, Юртига қалдирғоч келганда такрор, Сиз мени бир йўқлаб келмайсизми, ёр. Тоғларим бошида эриганда қор, Йўлимда сочларин тараса дилдор, Бир ўзингиз бўлиб дилда ҳукумдор. Сиз мени бир йўқлаб келмайсизми, ёр. Фарёдим додидан ёрилса тошлар, Мумдайин эриса метин бардошлар, Бошимга яна минг балони бошлаб, Сиз мени бир йўқлаб келмайсизми, ёр. Ўтинсам ўт чиқса нолаларимдан, Ҳаста дил ранг олса лолаларимдан, Уммонлар тўйинса жолаларимдан, Сиз мени бир йўқлаб келмайсизми, ёр. Узоқ сафарлардан қайтса карвонлар, Неча ҳасталарга қайтса дармонлар, Ошиқлар топишиб,кетса армонлар, Сиз мени бир йўқлаб келмайсизми, ёр. Зарра илтифотдан бошларим осмон, Тақдир сабрим синаб олар имтихон, Агар лаҳзаларга топилса имкон, Сиз мени бир йўқлаб келмайсизми,ёр... Малика Тавфиқ

🔥Тасалли... Беҳуда қизғонма, беҳуда ёнма, Аразлар ичида ишқингдан тонма, Мени суйганларга сира ишонма, Кимга керагим бор ўзингдан бошқа... Қадримни қаричлаб умид узганман, Сен сабаб армоннинг уйин бузганман, Ёнингда қолмоққа битим тузганман, Кимга керагим бор ўзингдан бошқа... Ширин ҳаёлларга чўмаман гоҳи, Мени қизиқтирмас дунёлар моҳи, Исмингни такрорлар кўнглимнинг оҳи, Кимга керагим бор ўзингдан бошқа... Йиғласам бўласан дардимга малҳам, Жонимнинг ҳузури озорларинг ҳам, Сенга икки дунё вафо қилсам кам, Кимга керагим бор ўзингдан бошқа... Мехрингни қиёси сиғмайди сўзга, Билгинки боқмайман бегона кўзга, Мени сенингдайин суёлмас ўзга, Кимга керагим бор ўзингдан бошқа... Аллоҳ берганимсан Аллоҳ берганим, Сенгача ёлғондир яшаб юрганим, Маюс кўзларимга боқиб турганим, Кимга керагим бор ўзингдан бошқа... Рашклардан тўлдирма кўзингни ёшга... Кимга керагим бор ўзингдан бошқа... 📝Муаллиф: Зоҳид Зиё... @SHAHNOZAJALILOVA

* * * Ҳар нарсадан бир нарса, топиб ўтган баъзилар, Ёмонликка кўзларин ёпиб ўтган баъзилар. Итлар вафо дарсини ўргатсалар одамга, Ўз қавмини ўзлари қопиб ўтган баъзилар. Ҳатто виждон, орини сотиб ўтган баъзилар, Ҳазар қилмай ҳаромни тотиб ўтган баъзилар. Текин келса кўндаланг ютиб кетмон сопини, Тегмаганга битта тош отиб ўтган баъзилар. Ёлғон нима, сув қилиб, ичиб ўтган баъзилар, Кўнгил деган булоқни кечиб ўтган баъзилар. Қарори йўқ, ори йўқ, кигиз кийиб бетига, Юраклардан юракка кўчиб ўтган баъзилар. Соддадилни овлоқда овлаб ўтган баъзилар, Дардисарни тинмасдан кавлаб ўтган баъзилар! Ёлғон-яшиқ сўз билан кўнглингизга йўл топиб, Сўнг ўчоққа ўт ёқиб, доғлаб ўтган баъзилар! Ҳар эшикка бир кириб, гадо бўлган баъзилар, Пойингизга тиз чўкиб, фидо бўлган баъзилар! Беш кун ўтмай бошқа ёр, бошқа ҳуштор аҳтариб. Тийиғи йўқ нафси деб, адо бўлган баъзилар! Яратгандан илтижо тилаб ўтар баъзилар, Тубсиз, жоҳил жарларга қулаб ўтар баъзилар. Белабздан, бебурддан ўзинг асра Оллоҳ деб, Ёмонга ҳам инсофин тилаб ўтар баъзилар! Кимлар айшу-ишратда, йиғлаб ўтар баъзилар, Кимлар ўсар тинимсиз, нураб ўтар баъзилар. Кимлар чаман ичраю, кимлар дашти- биёбон, Бошга ёққан қорини кураб ўтар баъзилар! Эй,далли дил, кўзинг оч, ҳассангни тут қўлингда, Ҳали не-не фирибгар, шайтон чиқар йўлингдан. Ёмонлардан йироқ юр, ўзинг топшир ХУДОГА! Фақат ҲИЗР ПАЙҒАМБАР, етакласин қўлингдан! Малика Тавфиқ @SHAHNOZAJALILOVA

*** Bexos jarangladi tanish raqamlar, Eshitib etlarim jimirlab ketdi va yodimga tushdi eng shirin damlar, 410 80 17… Qoʻshiqqa ko’chibdi dil nomalaring, Soʻzingdan sezildi, qiynabdi firoq… Eshitmoqchi boʻlib hangomalaring, Oʻsha raqamlarga qildim qoʻngʻiroq… Rostdan oʻzgarmagan ekan raqamlar, “Tuuut” degan gudoklar manzilga yetdi… Toʻgʻri tergan edim qoldirmay kamlar, 410 80 17… Qayerda boʻlsam ham javob beraman, Deyilgan edi-ku she’rdagi soʻzlar… Bu oddiy qofiya edi bilaman, Balki xayolingni olgandir qizlar… Balki adashyapman, yoki unutding, Ming yaxshi gumonlar meni tark etdi.. Sen eski raqamda qoʻngʻiroq kutding, Koʻtarsang meniki 90 17… ✍🏻 Yasemin @SHAHNOZAJALILOVA

*** Armonlarga yengildi orzu, Muhabbat ham asta oʻlyapti… Yuzlarimdan topilmas kulgu, Bugun uning toʻyi boʻlyapti… Yor yorlarin tinglayapman jim Yuragimga alam toʻlyapti… Tushunmaydi afsuski hech kim Bugun uning toʻyi boʻlyapti… Derazamdan koʻrinib turar, Oq libosda bir qiz kelyapti… U yonida baxtiyor yurar, Bugun uning toʻyi boʻlyapti… Bevafo yor toʻylar muborak, Xotiralar bagʻrim tilyapti… Sizni deya oʻldi bir yurak, Janozaga aytgim kelyapti Yasemin @SHAHNOZAJALILOVA

* * * Ўтмишга қайтишга ижозат бўлса, Бир бора берилса бундайин имкон. Мен ўша сен билан учрашган кунни, Қисматдан ўчириб келардим,ишон. Ўшал кун мен ўшал йўлдан юрмасдим, Киймаган бўлардим ўша кўйлакни. Жуда ярашибди демас эдинг сен, Ўшал кун сочимда бўлган турмакни. Сен салом бермасдинг,олмасдим алик, Титроқ кирмас эди тиззаларимга, Ва сен айланмасдинг бутун умрлик, Ҳаммадан чиройли ғуссаларимга. Қанийди ижозат бўлганда бир бор, Сендан айибларни топиб келардим, Сен изн сўрамай,бир тепиб кирган, Кўнгил эшикларин ёпиб келардим. Тутдек тўкилмасдим ҳасратларингда, Куйиб кетмасмиди кутишларда жон. Сен бор қум қасрли мамлакатингда, Сен бор сайёрада бўлмасдим,ишон. Қанийди, бир бора берилса имкон... Малика Тавфиқ @SHAHNOZAJALILOVA

* * * Мен эртадан яшай бошлайман, Ва севмайман сени эртадан. Сенга боғлиқ хотираларни ўчираман битта-биттадан! Эрта келса, туриб тонг саҳар, Энг чиройли кўйлагим кийиб. Боғимдаги атиргулларни, Юзларидан ўпаман суйиб! Мен эртадан, эртанги кундан, Фақат кулиб яшай бошлайман. Ёдинг ўчмас ҳаёлларимни, Милтиқ олиб қириб ташлайман! Эрта келар, Худо ҳоҳласа, Мени кўриб ҳамма бўлар лол. -Тинчликми,-деб, имкони бўлса, Ҳеч ким менга бермасин савол! Эрта келсин, айтганим айтган, Дунёсига келгум қайтадан! Ҳаммаси ўз ўрнида қолар, Лек севмайман сени эртадан! Бугун сени севиб тураман, Яна бир кун чидаш иш эмас! Эртагача бардошим етиб, Эртагача яшай олсам бас! Малика Тавфиқ @SHAHNOZAJALILOVA