Narinjara News

ဇူလိုင် ၁ ရက်နေ့ နိရဉ္စရာရုပ်သံ အစီအစဉ်

မြောက်ကိုရီးယားတပ်ဖွဲ့၀င်တွေကို ရုရှားသို့ စေလွှတ်မည် ဂျွန်နသန်၊ နိရဉ္စရာ၊ ဇွန် ၃၀ ရုရှားနဲ့ ယူကရိန်းတို့ ဖြစ်ပွားနေတဲ့ ပဋိပက္ခမှာ ရုရှားကို ကူညီဖို့အတွက် မြောက်ကိုရီးယားက သူ့ရဲ့ တပ်ဖွဲ့၀င်တွေကို ရုရှားသို့ စေလွှတ်မယ်လို့ သိရပါတယ်။ ပြီးခဲ့တဲ့ သီတင်းပတ်က သမ္မတ ဗလာဒီမာ ပူတင်ဟာ (၂၅) နှစ်အတွင်း ပထမဆုံးအနေနဲ့ မြောက်ကိုရီးယားနိုင်ငံကို တရားဝင် အလည်အပတ်သွားရောက် ခဲ့ပြီး အဆိုပါ ခရီးစဉ်အတွင်း ပူတင် နဲ့ ကင်ဂျုံအွန်းတို့ဟာ ကာကွယ်ရေးဆိုင်ရာ သဘောတူညီချက်တစ်ရပ်ကို ဇွန် (၁၉)ရက်က ပြုံယမ်းမှာ လက်မှတ်ရေးထိုးခဲ့ကြပါတယ်။ ဒီသတင်းကို အောက်ပါလင့်မှာလည်း ဝင်ရောက်ဖတ်ရှုနိုင်ပါတယ် https://burmese.narinjara.com/international/detail/66815f3094ae8633ca5fd76b

ဇူလှိုင်လအတွင်း ဂွကို AA ဝင်သိမ်းမယ့် သတင်းကြောင့် မြို့ကို စွန့်ခွာသူတွေရှိလာ၍ ဝန်ထမ်းတွေကို မြို့ကနေ ထွက်ခွာခွင့်မပေးတော့ဟုဆို နိရဉ္စရာ၊ ဇွန် ၃၀/၂၀၂၄ ရခိုင်ပြည် တောင်ဘက်အစွန်းဆုံး ဂွမြို့ကို ဇူလှိုင်လအတွင်းမှာ အာရက္ခတပ်တော် ( AA)ကနေ ဝင်ရောက် သိမ်းပိုက်မယ်ဆိုတဲ့ ကောလာဟလ သတင်းတွေ ထွက်ပေါ်နေတဲ့အတွက် ဂွမြို့ကို စွန့်ခွာပြီး ဧရာ၀တီတိုင်းဘက်သို့ ရွှေ့ပြောင်းသူတွေ များလာတယ်လို့ သိရပါတယ်။ ခုလို မြို့ကို စွန့်ခွာ ထွက်သွားသူတွေ များပြားလာတာကြောင့် ဌာနဆိုင်ရာ ဝန်ထမ်းတွေကို ဂွမြို့ကနေ ထွက်ခွာခွင့်မပြုတော့ဘူးလို့ ဆိုပါတယ်။ ဒီသတင်း အောက်ပါလင့်မှာ ဝင်ရောက်ဖတ်ရှုပါ https://burmese.narinjara.com/news/detail/6680e54d94ae8633ca5c3528

တိုက်ပွဲပြင်းထန်နေတဲ့ သံတွဲမြို့မှာ ဝန်ထမ်းတွေ လစာမရ ဖြစ်နေ (သံတွဲမြို့ အုပ်ချုပ်ရေးပျက်သွားပြီဟုဆို) နိရဉ္စရာ၊ ဇွန် ၃၀/ ၂၀၂၄ ရခိုင်ပြည် တောင်ဘက်ပိုင်း သံတွဲမြို့နယ် အတွင်းရှိ ဝန်ထမ်းများအနေနဲက တိုက်ပွဲဖြစ်ပွားနေတဲ့အတွက် ဇွန်လ လစာမရဘဲ ဖြစ်နေကြရတယ်လို့ သတင်းရရှိပါတယ်။ အမည်မဖော်လိုသူ ကျောင်းဆရာတစ်ဦးက “ ဇွန်လ လစာ လကုန်ပေမယ့် မရသေးပါဘူး။ ဝန်ထမ်းဆိုတာက လစာအပေါ်မှာ မီခိုနေရတော့ လစာမရတော့ အခက်အခဲဖြစ်နေကြရပါပြီ”လို့ပြောကြားပါတယ်။ အစိုးရဝန်ထမ်းတွေရဲ့ လစာတွေကို ခလ၇ (၅၅) တပ်ရင်းမှာ သိမ်းဆည်းထားပြီး ပို့ဆောင်ဖို့ အခက်အခဲဖြစ်နေတယ်လို့ တစ်ခြား ဝန်ထမ်းတစ်ဦးကပြောပါတယ်။ ဒီသတင်း အပြည့်အစုံ အောက်ပါလင့်မှာလည်း ဝင်ရောက်ဖတ်ရှုနိုင်ပါတယ် https://burmese.narinjara.com/news/detail/6680dcdd94ae8633ca5c0974

စစ်ကောင်စီနဲ့ ကိုးကန့် MNDAA တို့ စတင်တိုက်ပွဲဖြစ်ပွား (MNDAA မဟာမိတ်တပ်ဖွဲ့ဝင် ၂ ဦးကျဆုံးပြီး ၃ဦးဒဏ်ရာရ) နိရဉ္စရာ၊ဇွန် ၂၉/၂၀၂၄ စစ်ကောင်စီတပ်က ဒီမိုကရက်တစ်မဟာမိတ်တပ်မတော် (MNDAA)ရဲ့ ကာကွယ်ရေးနယ်မြေကို ထိုးစစ်ဆင် တိုက်ခိုက်ခဲ့တဲ့အတွက် MNDAA မှ မဟာမိတ်တပ်ဖွဲ့ဝင် ရှေ့တန်းတပ်သား ၂ ဦး ကျဆုံးပြီး အခြား ၃ ဦး ဒဏ်ရာ ရရှိသွားခဲ့တယ်လို့ ဇွန် ၂၉ ရက် ကိုးကန့်သတင်း ထုတ်ပြန်ချက်မှာ ဖော်ပြထားပါတယ်။ ဇွန် ၂၉ ရက် နံနက် ၈ နာရီ လားရှိုးမြို့ မြောက်ဘက် နမ့်ဖူးယိုင်ရှိ မဟာမိတ်တပ်တွေရဲ့ ကာကွယ်ရေး နယ်မြေကို အကြမ်းဖက် စစ်ကောင်စီ တပ်ရင်း (၅၇၉) မှ ဝင်ရောက် တိုက်ခိုက်ရာမှ တိုက်ပွဲ ဖြစ်ပွားခဲ့တယ်လို့ ဆိုပါတယ်။ အဲဒီ တိုက်ပွဲမှာ မိမိကိုယ်ကို ခုခံကာကွယ်ဖို့ ပြန်လည်ခုခံ ပစ်ခတ်ခဲ့ရပြီး ခုလိုသေဆုံး ထိခိုက်ဒဏ်ရာ ရရှိခဲ့ရတယ်လို့ ဖော်ပြပါတယ်။ ဒီသတင်း အပြည့်အစုံ အောက်ပါလင့်မှာလည်း ဝင်ရောက်ဖတ်ရှုနိုင်ပါတယ် https://burmese.narinjara.com/local-news/detail/6680643194ae8633ca59c68b

တရုတ်ကို ရောက်နေတဲ့ သမ္မတဟောင်း ဦးသိန်းစိန် တရုတ်နိုင်ငံခြားရေးဝန်ကြီး ဝမ်ယိနဲ့ တွေ့ဆုံ နိရဥ္စာ ၊ဇွန် ၂၉/၂၀၂၄ တရုတ်ကို ရောက်နေတဲ့ သမ္မတဟောင်း ဦးသိန်းစိန်ဟာ တရုတ်နိုင်ငံခြားရေးဝန်ကြီး ဝမ်ယိ (Mr. Wang Yi) နဲ့ တွေ့ဆုံခဲ့တယ်လို့ မြန်မာနိုင်ငံဆိုင်ရာ တရုတ်သံရုံးက ဇွန် ၂၉ ရက်နေ့မှာ သတင်း ထုတ်ပြန်ပါတယ်။ တရုတ်ကွန်မြူနစ်ပါတီ ဗဟိုကော်မတီ နိုင်ငံရေးဗျူရိုအဖွဲ့ဝင်၊ နိုင်ငံခြားရေးဝန်ကြီးဝမ်ယိနဲ့ ၂၀၂၄ ခုနှစ် ဇွန်လ ၂၉ ရက်မှာ ပေကျင်းမြို့၌ ဦးသိန်းစိန်နှင့် တွေ့ဆုံခဲ့တယ်လို့ ဖော်ပြပါတယ်။ ဒီသတင်းအပြည့်အစုံ အောက်ပါလင့်မှာ ဝင်ရောက်ဖတ်ရှုပါ https://burmese.narinjara.com/local-news/detail/668043fb94ae8633ca5944f7

သံတွဲမှာ ဆက်လက်ပြီး တိုက်ပွဲပြင်းထန်စွာဖြစ်ပွားနေ (ဒေသခံ သောင်းနဲ့ ချီပြီး နေအိမ်တွေကို စွန့်ခွာထွက်ပြေးရ) နိရဉ္စရာ၊ ဇွန် ၂၉/၂၀၂၄ ရခိုင်ပြည်တောင်ပိုင်း သံတွဲမြို့နယ်မှာ တိုက်ပွဲတွေ ဆက်လက်ပြီး ပြင်းထန်စွာဖြစ်ပွားနေပြီး သံတွဲမြို့ပေါ်နဲ့ အနီးအနား ကျေးရွာတွေက လူပေါင်း သောင်းနဲ့ ချီကာ အိုးအိမ်တွေကို စွန့်ခွာထွက်ပြေးနေကြရတယ်လို့ သတင်းရရှိပါတယ်။ ဒီသတင်းအပြည့်အစုံ အောက်ပါလင့်မှာ ဝင်ရောက်ဖတ်ရှုပါ https://burmese.narinjara.com/news/detail/66803bd594ae8633ca592218

မတူပီမြို့အပါအဝင် ချင်းပြည်တောင်ပိုင်းရှိ အကြီးဆုံး စစ်ဗျူဟာနဲ့ အမှတ်(၁၄ဝ) ခြေလျင်တပ်ရင်းတို့ကို ချင်းညီနောင်သိမ်းပိုက် နိရဉ္စရာ၊ ဇွန် ၂၉/ ၂၀၂၄ အာရက္ခတပ်တော်အပါအဝင် မဟာမိတ်တွေနဲ့ လက်တွဲ တိုက်ပွဲဝင်နေတဲ့ မတူပီမြို့အပါအဝင် ချင်းပြည်နယ်တောင်ပိုင်းရှိ အကြီးဆုံး စစ်ဗျူဟာနဲ့ အမှတ်(၁၄ဝ) ခြေလျင် တပ်ရင်းတို့ကို ချင်းညီနောင်တပ်ဖွဲ့က အပြီးသတ် သိမ်းပိုက်လိုက်ပြီဖြစ်တယ်လို့ ဇွန်လ (၂၉) ရက်နေ့က ချင်းညီနောင်က သတင်းထုတ်ပြန်ပါတယ်။ ချင်းညီနောင်စစ်ဆင်ရေး(Operation CB)အဖြစ် ဖော်ဆောင်လျက်ရှိတဲ့ မတူပီမြို့ သိမ်းတိုက်ပွဲကို ချင်းညီနောင် မဟာမိတ်တပ်ဖွဲ့တွေဖြစ်ကြတဲ့ အာရက္ခတပ်တော် (AA)၊ Yaw Army (YA) နှင့် Yaw Defense Force (YDF) တို့ပူးပေါင်းကာ မဆုတ်မနစ် တိုက်ပွဲဝင်မှုတွေကြောင့် ချင်းပြည်နယ် တောင်ပိုင်းရှိ အကြီးဆုံး စစ်စခန်းဖြစ်တဲ့ စစ်ဗျူဟာနဲ့ အမှတ်(၁၄ဝ) ခြေလျင်တပ်ရင်းတို့ကို ၂ဝ၂၄ ခုနှစ်၊ ဇွန်လ (၂၉) ရက်နေ့မှာ အပြီးတိုင် တိုက်ခိုက်သိမ်းပိုက်ခဲ့ပြီ ဖြစ်တယ်လို့ ဖော်ပြပါတယ်။ သတင်းအပြည့်အစုံ အောက်ပါလင့်မှာ ဝင်ရောက်ဖတ်ရှုပါ https://burmese.narinjara.com/local-news/detail/6680365994ae8633ca590bb6

ကော့စ်ဘဇားမှာ မွတ်ဆင်ဒုက္ခသည်တစ်ဦး အကြမ်းဖက် တိုက်ခိုက်ခံရပြီးသေဆုံး ဂျွန်နသန်၊ နိရဉ္စရာ၊ ဇွန် ၂၉/ ၂၀၂၄ ဘင်္ဂလားဒေ့ရှ်၊ကော့ဘဇားခရိုင်၊ အိုကီးယားရှိ မွတ်ဆလင် ဒုက္ခသည်စခန်းမှာ ဒုက္ခသည် အမျိုးသားတစ်ဦး လူအုပ်စုတစ်ခုရဲ့ အကြမ်းဖက် တိုက်ခိုက်မှုကိုခံခဲ့ရပြီးနောက် သေဆုံးသွားခဲ့တယ်လို့ BD News24 က သတင်းဖော်ပြပါတယ်။ ဘုရ်ခါ ၀တ်စုံကို ၀တ်ဆင်ထားကြတဲ့ အကြမ်းဖက်သူတွေဟာ ချွန်ထက်တဲ့ လက်နက်တွေနဲ့ အမျိုးသားရဲ့ ခန္ဓာကိုယ် အနှံ့ကို ထိုးသွင်းတိုက် ခိုက်ခဲ့တယ်လို့ဆိုပါတယ်။ အဲဒီ အကြမ်းဖက်တိုက်ခိုက်မှုဟာ အိုကီးယား (အရှေ့ဘာလူခါလီ -၈ )စခန်းမှာ ဇွန်လ ၂၇ ရက်၊ ည (၁၁)နာရီခန့်က ဖြစ်ပွားခဲ့တယ်လို့ ရဲစခန်း အကြီးအကဲ အမ်ဒီရှာမင်ဟူစိန် က ပြောဆိုပါတယ်။ ဒီသတင်း အောက်ပါလင့်မှာလည်း ဝင်ရောက်ဖတ်ရှုနိုင်ပါတယ် https://burmese.narinjara.com/local-news/detail/667f9cab94ae8633ca56133f

စစ်တွေမှာ နေအိမ်တစ်ဆောင်ကို သူခိုးတွေ မီးရှို့ရာက မီးလောင်မှုဖြစ်ပွား ကြိုင်ဟိန်းလင်း၊ နိရဉ္စရာ၊ ဇွန် ၂၉ / ၂၀၂၄ စစ်ကောင်စီထိန်းချုပ်ထားတဲ့ ရခိုင်ပြည်မြို့တော် စစ်တွေမြို့မှာ ဒီကနေ့ (ဇွန် ၂၉ ရက်) နံနက် ၆ နာရီအချိန်ခန့်က နေအိမ်တစ်ဆောင် မီးလောင်မှုဖြစ်ပွားခဲ့တယ်လို့ သိရှိရပါတယ်။ မီးလောင်သွားတဲ့ အိမ်က ကမ္ဘောဇဘဏ် (၁) အနီး လမ်းကြားမှာ ဖြစ်ပြီး အဲဒီအိမ်ကို သူခိုးတွေက မီးရှို့ခဲ့တာဖြစ်တယ်လို့ အနီးအနားက ဒေသခံတစ်ဦးက ပြောပါတယ်။ " သူခိုးတွေ မီးရှို့ခဲ့တာလို့ သိရတယ်။ အဲဒီအိမ်မှာ လူမရှိတာကြာပြီး။ အဲဒီလမ်းတစ်လျှောက်လုံးက အိမ်တွေမှာ လူမရှိဘူး။ မနက်လင်းတော့ အဲဒီနားက ညှော်နံ့တွေ နံတယ်။ နံနက် ၆ နာရီလောက်မှာတော့ တစ်အိမ်လုံး မီးလောင်သွားတယ်။ အနားက အိမ်တစ်ဆောင်ကိုလည်း နည်းနည်း ကူးစက် သွားတာတော့ ရှိတယ်။" ဒီသတင်း အောက်ပါလင့်မှာလည်း ဝင်ရောက်ဖတ်ရှုနိုင်ပါတယ် https://burmese.narinjara.com/news/detail/668009ba94ae8633ca58383c