Тадэвуш Падкасцюшка

Археалогія: пакапайма! Блог пра археалогію і жыццё археолага. Там вы даведаецеся, што ж такое археалогія і чаму там не вывучаюць дыназаўраў, чаму людзі ідуць у археалогію і чым займаюцца на працы, пачытаеце пра розныя віды археалогіі, чым харчаваліся старажытныя людзі і ці існуе сэксізм у археалогіі. Напісана дужа цікава, з гумарком, таму падыйдзе не толькі на археолагам ці гісторыкам, а і шырокай аўдыторыі. Паспрабуйце! Я адабраў вам некалькі артыкулаў, можаце пачаць з іх: 1. З чаго пачынаецца цывілізацыя - вядома ж, з піва і хлеба! 2. Падводная археалогія: трылер з акуламі, скарбамі і марціні 3. Ваяры-вікінгі і гендэрныя стэрыятыпы, і ці абавязкова пахаваны вікінг з мячом - гэта мужчына У тэлеграм-канале паведамляецца пра новыя пасты, за адно і экстра-кантэнт з жыцця археолага пабачыце 🙃 🦴 Усе пасты 📩 Тэлеграм-канал

Алесь Чахоўскі | Беларускі вайб Трэвэл-лайфстайл youtube-блог, у якім аўтар вандруе па свеце (пакуль што ЗША), паказвае мясціны, звязаныя з Беларуссю, сустракаецца з нашымі суайчыннікамі, распытвае пра іх ініцыятывы і проста жыццё, запісвае рэакцыю замежнікаў на беларускае мастацтва і музыку, - карацей кажучы, шукае беларускі вайб за мяжой. Глядзець дужа цікава, і сам Алесь вельмі харызматычны. Выйшла ўжо 3 выпускі: 1. Беларусы сэксі? А Касцюшка і Шагал? Што пра гэта кажуць украінкі і ў кангрэсе | Саша ў Вашынгтоне 2. Што кажуць амерыканцы пра беларускі рок і чаму мы любім горы і мора | Саша ў Фларыдзе і Нью-Хэмпшыры 3. Якая рэпутацыя беларусаў у Новай Англіі і што кажуць пра наш хіп-хоп амерыканцы | Саша ў Бостане Акрамя таго, Алесь вядзе інстаграм-блог, таксама запрашаю падпісацца. 🎥 Youtube 📸 Instagram

Я ўжо аднойчы распавядаў вам пра гэты круцезны праект, і вось адкрылася новая рэгістрацыя. 🍁Адкрываецца першы восеньскі набор у Альтанку — клуб знаёмстваў па-беларуску! Як працуе Альтанка: Кожны тыдзень вы атрымліваеце беларускамоўнага суразмоўцу з розных куткоў сьвета🌍 Вы сустракаецеся афлайн ці анлайн, знаёміцеся, размаўляеце па-беларуску і файна бавіце час🌝 🤝 Такім чынам, за месяц ваша кола сяброў і сябровак, якія размаўляюць па-беларуску, павялічыцца на некалькі чалавек! 👯‍♂️Арганізатары ўлічваюць ваш узрост, асабістыя пажаданні і ўзровень беларускай мовы пры размеркаваньні суразмоўцаў. Пачатак: 23.09.23 Запоўніце гугл-анкетку, каб далучыцца да Альтанкі🏛: https://docs.google.com/forms/d/e/1FAIpQLSdYOL5AUAlc88IKMfyC1byEQuTmPkMO2mVkphqO0tyyvgr8nw/viewform У шапцы тамака ж уся неабходная інфармацыя для ўдзелу✨ Дэдлайн рэгістрацыі: 22 верасьня, 22:00 Менск P.S., можаце ў анкеце напісаць, што вы ад Пана Тадэвуша. Вам не складана, а мне будзе прыемна, што вас цікавяць такія ініцыятывы)

Сёння хачу распавесці вам пра сваіх калег па раўспаўсюджванні беларускамоўных праектаў. Мала кантэнту Гэта тэлеграм-канал, аўтар якога кожны дзень дзеліцца цікавым кантэнтам на беларускай мове, у асноўным новымі відэа, фільмамі, падкастамі і музыкай. Хоць ідэя нашых праэктаў і падобная, рэалізая зусім іншая, таму там вы дакладна знойдзеце нешта, пра што я не пісаў і што вас зацікавіць. 📩 Telegram

Новы гістарычны праэкт ад Мікіты Мелказёрава! ЗАГЛЯНЕ СОНЦА Мікіта Мелказёраў, якога мы ведаем па праэкце жыццё-маліна, стварыў гістарычны youtube-канал. Там Мікіта выдае базу пра гісторыю Беларусі, і робіць гэта каротка, жвава і дужа энергічна. Выйшла ўжо 2 відэа: 1. Чаму беларусы крутыя, а рускія ідуць лесам 2. Як Альгерд даваў прасрацца маскалям і ледзь не знішчыў Крэмль Дужа раю да прагляду, асабліва тым, хто кепска ведае гісторыю Беларусі. P.S., вы маглі ўжо бачыць гэты канал пад іншай назвай, але адбыўся рэбрэндынг, і цяпер гэта Загляне сонца 🎥 Youtube

Другі падкаст запар! Formuła Pieramohi З'явіўся першы падкаст пра Формулу 1 па-беларуску. І абодва вядучыя вам ужо знаёмыя: гэта Ян з тэлеграм-каналу пра Формулу-1 "Формула Перамогі" і Арцём з тэлеграм-каналу пра воблачныя тэхналогіі Azure "Абажуры". Я паслухаў, і мне спадабалася! Падкаст дакладна зойдзе ўсім аматарам аўтаспорту. Ці раптам як раз пасля праслухоўвання вы станеце фанатам? Паспрабуйце! Хлопцы абмяркоўваюць вынікі праходзячых Гран-пры, аналізуюць актуальную форму ўдзельнікаў і расклад камандаў, і ў прынцыпе ўсе навіны, звязаныя з Каралеўскім аўтаспортам. 🎧 Падкаст

Я рэдка распавядаю пра зусім новыя праекты, але гэты таго варты. Выйшаў новы падкаст ад Кніжнага Хомы! Вы ўжо ведаеце Хому па яго цудоўнаму Instagram-профілю пра беларускую літаратуру і мемы. А цяпер у яго з'явіўся і літаратурны падкаст. І дужа, дарэчы, класны падкаст. У першым выпуску Хома распавядае пра кнігу Максіма Гарэцкага - Віленскія камунары. Я паслухаў і адзначыў для сябе, што ў аўтара цудоўна атрымалася спалучыць карыснасць і цікавасць. Вы і адначасова даведаецеся нешта пра Максіма Гарэцкага, і дакладна цікава правядзеце час, нават калі вы не дужа абазнаныя ў літаратуры. Таму дужа-дужа раю. Дарэчы, чытаць кнігу перад праслухоўваннем зусім не абавязкова. А калі вы не падпісаныя на інстаграм Хомы, то тэрмінова гэта выпраўляйце! 🎧 Падкаст 📸 Instagram

Айцішнікі і ім спачуваючыя, кантэнт для вас! АБАЖУРЫ Тэлеграм-канал пра воблачныя тэхналогіі, а менавіта Microsoft Azure. Аўтар распавядае навіны пра Azure, піша артыкулы пра свой вопыт карыстання новымі тэхналогіямі, распавядае, як зэканоміць кошты ці палепшыць бяспеку. Большасць IT-спецыялістаў у той ці іншай ступені ўзаемадзейнічае з воблачнымі тэхналогіямі, таму ўпэўнены, што нешта карыснае вы там знойдзеце. На жаль, падобнага кантэнту па-беларуску яшчэ вельмі мала, таму я заўжды цешуся, калі даведваюся пра падобныя каналы. І падзяліцеся са сваімі сябрамі-айцішнікамі, яны будуць удзячныя :) 📩 Telegram

Падзівіся! Калянавуковы падкаст, звязаны з медыцынай, біялогіяй, нейрабіялогіяй і нейрапсіхалогіяй. Аўтарка ў фармаце кароткіх аўдыявыпускаў (каля 10 хвілін) распавядае факты аб нашым жыцці, ад неверагоднасці якога мурашкі па скуры. А пачынаючы з апошняга выпуску, з'явіўся новы фармат пра ўражваючыя навукова-папулярныя кнігі Прапаную вам паслухаць, напрыклад, выпускі пра: 1. Лабатамію. Як дзясяткам тысяч людзей рабілі апярацыі, ад якіх яны гублялі сваю ідэнтычнасць. 2. Уплыў музыкі на мозг 3. Біцэпс сілай думкі, ці чаму нашае мысленне настолькі ж эфектыўнае, як і фізічныя практыкаванні А ў тэлеграм-канале вы знойдзеце дадатковыя матэрыялы да выпускаў. 🎧 Падкаст на розных платформах 📩 Telegram

Невялічкі апдэйт: у Кінакіпы з'явіўся сайт, стары пост абноўлены. Цяпер глядзець фільмы і серыялы па-беларуску яшчэ зручней. Завітвайце! https://kinakipa.site/