Ask Bdran

اعترف اني اذا اكتئبت ادخل قناتك واضحك — حبيبي

جمعت 62000 ريال من الامتياز يعتبر كويس ؟ ولا اصرف بزياده — زدها ١٠٠ واشتر لك ارض في ملهم

انا انتيرن حاليا اموري المادية ماشية لكن كل شهر اخذ مبلغ جامد محترم لايقل عن ٣٠٠٠ و١٠٠٠ جمعية والباقي اصرف اموري فيه واذا بقى شي برضو احطه على جنب لاتسالني ليش حرصة على الموضوع مره😅 بس نخبيها لليوم الاسود ان شاءالله معد يجي لكن لو افكر اسوي شي فيها كاستثمار او شي سبايك الذهب حاليا ببالي مممرررره الين يكبر المبلغ واقدر ابدا مشروع او شي بعد الوظيفة وبس 🙂‍↔️🫡

انا من ثاني اسبوع يطير الراتب — مب معقول الصدق .. راجع نفسك

كل شوي تسألوني الحين انا بسألكم سؤال وين تحطون دراهمكم وش خططكم المادية المستقبلية هل حققتوا مدخول ثاني هل نجحتوا في استثمار معين.. عطونا تجاربكم

بدران يا عساك تكون بطران بالله رد ع سؤالي امس ارسلته وكل شوي اشيك اشوف رديت ولالا هههه — ارسل مره ثانيه راح سؤالك مع الاسف بعدين حتى لو بحثت كيف بعرف انه سؤالك 🌹

ارحب بدران، ترا مرات اسميك شقران نفس الوزن، الله يعافيك الحين لو قدمت بورد هالسنة لكن سحبت على المقابلات او حضرت وطلع لي الماتش النهائي لكن سحبت ما دفعت الرسوم الخ، هل يترتب علي شيء لاحقًا؟ مثلًا امنع من التقديم السنة اللي بعدها وهكذا وشكرًا يا شقران ♥️ — الحرمان من التقديم لمدة سنة: اذا بديت البرنامج وباشرت ثم انسحبت.. هنا تُحرم سنه واحياناً يمددون فيه تاريخ معين ترى.. بس اللي اذكره حدك بعد المباشره العفو ياضبعان 🤍

Niqabies and Hijabi girls are fighting all over the page, Relax, I assure you I won’t be dragged into this. نضجت 😎

اللي تسأل عن النقاب الصراحة أنا زيها مرررة ونفس الإحساس من يوم طبيت المستشفى وأنا ستودينت بس اللهم أني منقبة بعد الحمدلله 🤣 ومع ذلك كنت أخاف وأحس العيون تطالعني (مزعج الشعور) وأقول الحمدلله أني بنقاب وهذا وأنا بنقاب كذا إحساسي أجل وش لو بدون ما أحس نفس هذا الشعور وبهذه القوة إلا بالمستشفى والتعامل اليومي مع الزملاء فلذلك، صرت مرة حريصة على النقاب جدًا وخاصة في العمل غير أنه عبادة من جهه، أحسه أيضًا حماية كبيرة لي ما أبي ولا أي شيء يظهر مني ماله داعي أنه يظهر (بعد عون الله وتوفيقه) فأفهم شعورك وأدعم قرارك كثير يسوون كذا، ولا عليك من أحد لو على افتراض أنك بتتنقبين بالمستشفى بس لأي سبب ممكن تنوينها عبادة حتى لو أنك مو منقبة تمامًا وربي كريم يكتبها لك مافيه أحد خالي من الخطأ وكلنا مزيج صح وخطأ لكننا نسعى ونحاول ما عليك من حكم البني آدم، سبحان الله كثير منهم رايه أعوج ومب سليم ولا يصب في مصلحة الشخص اللي قدامه فلذلك ما عليك من أحد ومب الناس اللي تحكم عليك بالنفاق خصوصًا الله يوفقك ويشرح صدرك ويلهمك الصواب 🙏🏼

صارت لي مشكلة في يوم اختباري قبل يومين هل اقدر اشتكي او احد صار له كذا من قبل تكفون قهروني وتنكد يومي والاختبار

اخ انا محجبه ومن داومت احس كل الانظار علي ودي اتنقب بالمستشفى استغفرلله بس اخاف احد يشوفني برا المستشفى وينتشر اني منافقه ووو شرايكم احسني مو مرتاحه كل م ناظرت احد الا هو يناظرني

حنا جيرانكم الاوفثا ار ون احس اني ما اعرف اتكلم واعرض الكيس زي العالم والناس والدسكربشن بريالين ادري انها مرحلة لازم نمر فيها ورباشة وقل تركيز ويالله القط الكلام عشان اكتبه بالنوتس واحوس بالسيستم ساعة بس كيف ما اخلي هذي الاشياء تمر عادي بدون لا اقعد اشكك بنفسي وقدراتي وما احبط والله ياهو عالم جديييييد — لاتخلي دماغك ياخذك رايح جاي.. ربي ماحطك في هذا المكان الا انك قدها.. ادعس الشكوك بالجزمة

انا انتيرن واحيانا اكلم احد التيمات عشان كونسلتيشن انا الصدق يعني اشتغل وبقوه واعرف كل شيء بس اذا كلمت تيم واحد ضبطت معي هو كان عصبي وم يبي يجي كلمته وجا والثاني احس فصل علي احس جتني الصيحه بس مسكتها عشان انا كبيره وم يصيح بس جد تعاملوا برفق مع الانتيرنز لاننا م نعرف شيء اتز اوكي مو موضوع صعب وغثيث بس انتم كونوا لطيفين معانا ترى بيوم كنتم بمكاننا وبس والله الموضوع بخاطري من اليوم — خشي بعين كل احد ولاتشوفين احد شيء هذي تصير on Daily basis والموضوع اتفه من انه ياخذ دقيقتين تفكير

الاورثو تنافسي يعتبر؟ و اذا المعدل لك عليه بس فيه ابحاث عن التخصص و مؤتمر وكورسات و اليكتف شهر و بحاول اتبجح واخذ رفرنس ولا ريكومنديشن وش رايك؟ لسا سادس و ادعو لي انقبل على خير فيه واياكم يارب ف رغباتكم الاولى😔🙏🏻 — وفقك ربي والله الدفع الجاية حرايق ماشاء الله ما اذكر اني اشتغلت على السيفي الا بعد مابديت امتياز

نفسيات الانترنز الايام هذي بريال

يااااااااا عديم الشوق 😔 القولولجي كانسلد صار ياخذك منا 😔😔 — الصدق انه كنسلني مالي دخل والله

اهلا بدر عندي سؤال، انا سيرفس في مدينة كبيرة وابي تخصص تنافسي والسيفي حقي ممتاز بس كله بهذي المدينه، واهلي نقلو مدينه ثانيه اصغر وتقريبا يقبلو في هذي المدينه وهذا التخصص حول ال٤ بينما المدينه اللي انا فيها الان يقبلو حول ال١٠ في هذا التخصص المشكلة اني انا جربت اعيش لوحدي وما قدرت من الضيقه فأفكر اقدم بالمدينه الثانيه واكون قريب من اهلي.. وحاليا افكر استقيل واروح اخذ اتاتش في مستشفيات هذي المدينه الثانيه اسم انهم يعرفوني محتار مره احتاج اراء الناس وتجاربهم

عندي سؤال انا شاركت في حملات مع جامعتي اكثر من مره كمنظم و متحدث لكن رغم ذلك ما اعطونا شهايد مجرد نقاط لاصفية في الاودس تعرف كيف اقدر اطلع الشهادات بديت احسهم نصبوا علينا — حطها بالسيڤي عادي بس اهم شيء يمديك تتكلم عنها بس وش يعني "نقاط لاصفية في الاودس" ؟!

معدلي ٤.٣ وما ابغا الا عيون ومافي اي تخصص ثاني عجبني لو اجلس سنتين سرفس تشوف يا دكتور يمدي عليه بالرياض — بس دقيقة خل افتح السستم

سلام عليكم دار قومٍ مؤمنين