🔥🔥🩺Tibbiyot Buyruqlari🩺🔥🔥

Qandli diabet (xalq orasida «saxar kasalligi» deb ham aytiladi) — tanada uglevod va suv almashinuvining buzilishi natijasida yuzaga keladigan kasallik. Me’da osti bezi funksiyasi buzilishi oqibati hisoblanadi. Me’da osti bezi insulin gormonini ishlab chiqaradi. Insulin qandni qayta ishlashda qatnashadi. Bu gormonsiz organizm qondagi glyukoza miqdorini me’yorda ushlab tura olmaydi va uning miqdori oshib ketadi. Natijada organizm ortiqcha glyukozani siydik orqali chiqarib yuborishi kuzatiladi. Kasallikni turlash muhim hisoblanadi, chunki bu kasallikning turlari boshlang‘ich davrda bir-biridan tubdan farq qiladi va davolash ham shunga qarab belgilanadi. Kasallik qancha uzoq davom etaversa, uni davolash usullari bir-birga o‘xshab ketaveradi. 1-TIP DIABET Shuningdek insulinga bog‘liq diabet deyiladi. Ko‘pincha yoshlar, 40 yoshgacha bo‘lgan, ozg‘in odamlar aziyat chekadi. Kasallik og‘ir kechadi, davolash uchun insulin beriladi. Sababi: organizm me’da osti bezi hujayralarini yo‘q qiluvchi antitana ishlab chiqaradi. Diabetni 1-turidan butunlay davolanib bo‘lmaydi, lekin ba’zi hollarda bez faoliyatini me’yorda ushlab turib, parhezga amal qilinsa, kasallik bemorni ortiqcha bezovta qilmaydi. Doimiy ravishda sun’iy insulin qabul qilish talab etiladi. Insulin oshqozon-ichak traktida parchalanib ketishi bois, u faqat ineksiya orqali ovqatlanish vaqtida kiritiladi. Qat’iy parhezga amal qilib, ovqat ratsionidan yengil hazm bo‘luvchi uglevodlarni (shakar, shirinliklar, mevali sharbatlar) butunlay chiqarib tashlash ko‘rsatiladi. 2-TIP DIABET Bu insulinga bog‘liq bo‘lmagan diabet deyiladi. Ko‘pincha yoshi kattalar, to‘laroq, 40 yoshdan o‘tganlar aziyat chekadi. Sababi: hujayralarning oziq ko‘pligidan insulinga ta’sirchanligining yo‘qolishidir. Kasallikni davolashda har doim ham insulin kerak bo‘lavermaydi. Faqatgina malakali shifokor davolash tartibini belgilay oladi. Avvalo bunday bemorlarga parhez buyuriladi. Shifokor tavsiyasiga amal qilish muhim ahamiyatga ega. Tana vaznini me’yorga kelguncha asta-sekin, oyiga 2-3kg tushirib borish tavsiya etiladi. Parhezga amal qilmaganda qonda shakar miqdorini tushiruvchi dorilar, eng og‘ir hollarda insulin buyuriladi. 🩺🩺🩺🩺🩺🩺🩺

✏️Тиреотоксикоз касаллигида хòз симптомлари ➡️Экзофталм -кўзнинг 《катталашиши》 ёки чақчайиши. ➡️Грефе симптоми — бемор пастга қараганда юқори қовоқнинг қорачиқ четидан орқада қолиши. Бунда юқори қовоқ билан рангдор парда ўртасида склеранинг оқ йўл-йўл чизиғи қолади. ➡️Кохер симптоми — Грефе симптомига қарама-қарши белги бўлиб, юқорига қаралганда склеранинг худди ўша қисми қовоқнинг нотўғри, тез-тез, қисқариши — «қовоқ қисқариши» натижасида оқ йўл-йўл чизиқ кўринишида юзага чиқади. ➡️Делримпел симптоми — қовоқларнинг катта очилиши ва кўз ёриғининг кенгайиши - лагофталм деб аталиб, бунинг натижасида рангдор парда билан юқори қовоқ ўртасида йўл-йўл чизиқ пайдо бўлади. ➡️Розенбах симптоми — қовоқларнинг юмилганда титраши. ➡️Штелваг симптоми — кўзнинг аҳён-аҳёнда пириллаши (очилиб- юмилиши).

Мастит [юн. mastos – кўкрак, сийна] – одам сут безининг яллиғланиши; касаллик аксарият туккан аёллар ва ҳомиладорларда кузатилади. Аҳёнда чақалоқларда, эркакларда ҳам учрайди. Маститга стафилококклар, стрептококклар, ичак таёқчаси ва бошқа(лар) сабаб бўлади. Аёл организмидаги сурункали яллиғланиш касалликларида инфекция гематоген (қон орқали) ёки лимфоген (лимфа орқали) йўл билан ўтиши ҳам мумкин. Кўкракда сут туриб қолиши (лактотаз), шунингдек, иммунитет пасайишига олиб келадиган ҳолатлар (тугаш), санитария-гигиена қоидаларига амал килмаслик ва ҳ. к. Маститнинг ривожланишига имкон беради. Маститнинг ўткир (сероз, инфильтратив, абсцесслашган, флегмноз, гангреноз) ва сурункали (инфильтратив) хиллари фарқ қилинади. Касалликда сут бези оғрийди ва таранглашади, зарарланган қисм териси қаттиқлашиб, қизаради, беморнинг ҳарорати кўтарилади, баъзан эти увишади. Маститнинг дастлабки белгилари (сут бези сўрғичининг ёрилиши ва бошқа(лар)) кўзга ташланиши билан шифокорга кўсатилса, ўз вақтида олдини олиш мумкин. Аёл ҳомиладорлик вақтдаёқ сут безини чиниқгриши ва бола эмизишга тайёрлаши лозим. Маститнинг олдини олишда чакалоқни тўғри эмизиш ва саришталик қоидаларига риоя қилиш муҳим. Сут безида сут туриб колмаслик, бола эмгандан кейин сут қолса, уни сотиб ташлаш керак. Бемор дори-дармонлар билан даволанади. Оғирроқ ҳолларда жарроҳлик усули қўлланади.

Мастопатия - бу сут безининг безарар касаллиги бўлиб, унда бириктирувчи тўқима ва эпителиал элементларнинг нормал ўзаро боғланиши бузилади. Мастопатия сўзи грекча mastot "кўкрак" ва pathos "оғриқ, азоб" демакдир. Мастопатиянинг яна дисгармонал дисплазия деб атайдилар. Кўкракда ўқ теккандек санчиб оғрийдиган, жизиллатадиган, ачиштирадиган, куйдирадиган ёки тортишиб оғрийдиган оғриқ: оғирликни сезиш, шиш ва сут безларининг дағаллаши; сут безларига тегиб кетганда оғриқ сезиш, кўкракда "бегона жисм"ни сезиш ва ундан суюқлик ажралиб чиқиши мастопатияга хос ҳолатлардир. Мастопатия гормонал дисбаланс кўринишида пайдо бўлади, ўз навбатида турли хил касалликларни келтириб чиқариши мумкин. Мастопатия барча ёшдаги аёлларда учрайди ва у ўз-ўзидан йўқ бўлиб кетмайди. Статистик маълумотларга кўра, мастопатиянинг тарқалиши 40-60%ни ташкил этади. Бу касалликни даволашни қанчалик вақт-ли бошласангиз, даволаш шунчалик самарали бўлади. 90% ҳолатларда мастопатияни мустақил равишда сут безларини ўзи текшириш йўли билан аниқлаш мумкин. Касалликнинг олдини олиш учун ҳар 6 ойда мутахассис-онколог-маммолог кўригидан ўтиб туриш зарур. Мастопатия турлари Мастопатияни қуйидаги гуруҳларга бўлиш мумкин: тугунсимон, диффуз, фиброз, кистоз. Мастопатиянинг келиб чиқиш сабаблари 1.Гормонал бузилишлар. 2.Сурункали стресс ҳолатлар. 3.Гинекологик муаммолар: * Ҳайз кўриш циклининг бузилиши, тухумдонлар, бачадоннинг сурункали касалликлари, бачадон миомаси, эндометроз; * Ҳомиладорликни сунъий йўл билан тўхтатиш - тиббий аборт; * Кўкрак сути билан боқмаслик ёки эмизиш даврининг қисқалиги; Кечиккан биринчи ҳомила ва туғиш (28 ёшдан кейин); * Нормал ҳайз кўриш цикли муддати, кечки климактерик давр; Мастопатиянинг белгилари Одатда, мастопатияда сут безлари тўқималарининг ортиқча катталиши содир бўлади. Буларнинг барчаси оғриқнинг пайдо бўлиши (масталгия) ва сут безида кескин оғриқ бўлиши (мастодиния), сут безлари консистенциясининг ўзгариши билан ва кўкракдан турли кўринишдаги суюқлик ажралиб чиқиши билан намоён бўлади. Кўпчилик аёлларда таърифлаб берилган аломатлар циклик равишда, ҳайз кўриш арафасида кузатилади. Шунингдек, кўкракда оғирлик, қўл сал тегиб кетганда оғриқлар сезадилар. Сут безларида қаттиқлик, тугунчалар пайдо бўлиши мумкин. Касалликнинг бошланғич босқичида ҳайз кўришнинг бошланиши билан оғриқ аломатлари йўқолади. Бироқ, касалликнинг ривожланишига қараб, оғриқ доимий бўлиши ва шу қадар тез бўлиши мумкинки, натижада аёлнинг тинчлиги бузилади. Диагностикаси Кўрикдан ўтишнинг диагностик усулларига қуйидагилар киради: 1. Шифокор -онколог - маммолог кўриги 2. Рентгеномаммография 3. Сут бези УТТ 4. Диагностиканинг бошқа махсус усуллари (ингичка игнали аспирацион биопсия, доплерография, пункцион биопсия, магниторезонанс томографияси ва х.к). 5. Кўкракни мустақил равишда текшириш усули. Бу усул ўз афзаллиги билан ўсма ва ўсма олди касалликларини барвақт аниқлашда катта имконият беради. Ўз-ўзини текшириш аёллар учун кўкракда бўладиган барча ўзгаришларни аниқлашнинг энг яхши йўли. Эрта ва ўз вақтидаги диагностика тўла ҳажмда керакли бўлган барча даволаш тадбирларини ўтказишга имкон беради ва соғлигини тўлақонли сақлашда энг ижобий маълумотларни олдиндан ифода этади. Кўкракни доимий текширтириб туриш сут безлари саратони, мастопатия касби хасталикларнинг олдини олишга ёрдам беради. Ҳурматли аёллар, ўз-ўзини текшириш атиги бир неча дақиқа вақтни олади ва ҳар ой ҳайз кўриш тугаганидан 2-3 кун ўтгач, уни ўтказиб туриш керак. Ўз-ўзини текшириш иложи борича, бир хил схемада олиб борилиши керак. Мастопатия профилактикаси бўйича маслаҳатлар: 1. Стресс ҳолатидан қутулинг; 2. Ўлчами сизга тўғри келадиган ва табиий матолардан ичкийим кийинг. 3. Ҳомиладорликни сунъий йўл билан тўхтатишга (аборт) йўл қўйманг. 4. Ўз вазнингизни кузатинг.

OIV. - OITS imtixon test javoblari

Go'daklarda tish chiqish alomatlari ▪️Bolaning milklari bo'rtishni boshlaydi. ▪️Bolaning milklari och pushti yoki oqish rangga kiradi. ▪️Tish chiqishidan taxminan bir oy oldin ko'p so'lak oqishni boshlaydi ▪️Bola hamma narsani og'ziga olib chaynashni xohlaydi(milklardagi qichishish hisobiga). ▪️Tana harorati ko'tariladi ( ko'pi bilan 37-38 °C gacha) va ko'p vaqt o'tmay o'zi tushadi. ▪️Bola injiqroq bo'lib qoladi, ba'zan emishni ham xohlamasligi mumkin. ▪️ Bolaning uyqusi buziladi yoki uyqu rejimi o'zgaradi. ▪️Bola emayotganda ona ko'kragini yoki qo'lini tishlashni xohlaydi. ▪️ Bolaning ishtahasi pasayadi ▪️Bolaning najasi suyuqlashadi, ichi ketadi(najas rangi va hidi o'zgarmagan holda)

Каналга хамкасбларингизни хам таклиф килинг