ឃ្លាំងផ្ទុកឯកសារ & ចំណេះដឹង

ក្ដីស្រឡាញ់ និងការលះបង់របស់សត្វកែងកង នៅថ្ងៃមួយ គូស្នេហ៍សត្វកែងកងពីរបានហោះដើររកចំណី។ កែងកងឈ្មោលបានក្រឡេកឃើញចំណីមួយដុំដែលគេទុកចោលនៅលើតង់ស្យុងខ្សែភ្លើង។ ដោយសារតែចង់ឲ្យដៃគូរបស់ខ្លួនបានឆ្អែត វាក៏បានហោះទៅជិតដើម្បីលើកយកចំណីនោះ។ ពេលដែលវាកំពុងតែប្រើចំពុះចាប់យកចំណី ព្រឹត្តិការណ៍មិនល្អក៏បានកើតឡើង។ ស្លាបរបស់វាបានប៉ះនឹងខ្សែភ្លើងភ្លោះ ធ្វើឲ្យចរន្តអគ្គិសនីឆក់យ៉ាងខ្លាំងភ្លាមៗ។ ផ្លេកបន្ទោរពណ៌ខៀវបានឆាបឆេះរាងកាយរបស់វា ខណៈដែលវាកំពុងតស៊ូប្រយុទ្ធនឹងការឈឺចាប់។ ទោះបីជាត្រូវបានចរន្តអគ្គិសនីឆក់រហូតដល់ផុតដង្ហើមយ៉ាងវេទនាក៏ដោយ រាងកាយរបស់កែងកងឈ្មោលនៅតែទុំជាប់នៅលើបង្គោលភ្លើងនោះ មិនព្រមធ្លាក់ចុះមកដីឡើយ។ វាបានលះបង់ជីវិតដើម្បីតែការស្វែងរកចំណីមួយម៉ាត់។ ​ នៅខាងក្រោម សត្វកែងកងញីនៅតែឈររង់ចាំមើលដៃគូរបស់ខ្លួនដោយក្ដីស្រឡាញ់ និងភាពស្មោះត្រង់។ ទោះបីជាពេលនេះគូស្នេហ៍របស់វាបានបាត់បង់ជីវិត ហើយនៅសល់ត្រឹមតែរូបភាពអតីតកាល ក៏វានៅតែឈរមើលទៅទីនោះដោយមិនព្រមហោះហើរទៅណាឆ្ងាយឡើយ។