кітапсүйер 📚🕯

34. Анна Франк. Пана: хат түріндегі күнделік. Автор: Анна Франк Бет: 366 Күнделік. Бірнеше минут бұрын оқылған шығарманың ізін ала рецензия жазуды жөн көрдім. Сыйға берген жан "Анна қайсар қыз, бірақ қазақтың қыздары оданда мықты болуы қажет. Сіз міндетті түрде оқуыңыз қажет кітап" деп беріп еді. Бұл хат түрінде жазылған күнделік. Күнделік иесі Анна Франк. Күнделік 1942 жылғы 12 маусымнан 1944 жылғы 1 тамызға дейін жазылған. Анна Франк басында күнделікті тек өзі үшін жазған. Оранье радиосынан Нидерланд үкіметінің білім министірінің сөзінен соң Анна, соғыс аяқталған соң осы күнделігіне сүйеніп кітап жазам деп ұйғарады. Бірақ 15 жасында Анна концлагерьде қаза табады. Күнделік соғыс кезінде жазылған. Аннаның отбасы және таныстары бас сауғалап, паналайды. Өздерінің паналап жатқан жерлерін-Пана деп жазады Анна. Бірақ 1944 жылғы 4 тамызда оларды қолға түсіреді. Концлагерьге жіберіледі, жер аударады... Концлагерьге жіберілген 8 адамның тек біреуі ғана аман қалады. Ол Отто Франк (Аннаның әкесі) болады. Соғыс біткен соң, Отто Франк Аннаның күнделігінің жарыққа шығаруға тырысады. Ақырында күнделік басылып шығады.

33. Әлемді 80 күнде шарлау Автор: Жюль Верн Бет: 284 Шытырман оқиғалы туынды Енді мына суреттерден-ақ кітаптың қандай қызық екенін айтпасамда түсінікті шығар? 😂 Летс гоууу Кітаптағы басты кейіпкер бай-қуатты, бойдақ Фогг мырза өзінің достарымен әлемді 80 күнде шарлауға бәс тігеді қомақты соммаға. Сонымен арнайы сызылған карта бойынша Фогг мырза мен оның қызметшісі Паспорту саяхатқа шығады. Нағыз шытырман осы жерде басталады. Сол күні Фогг мырзаны ұры деген күдікпен бір комиссар соңына түсіп, бөгет болып келеді. Бірақ, шынында Фогг мырза ұры емес-тін (ол кітаптың соңында анықталады). Олар саяхатқа шыққанда жабайы адамдарға тап болады, пілмен саяхаттап, мұхит кешеді, үнділерге тап болып, Фогг мырзаның болашақ әйелі Ауда ханымды құтқарып алады. Шығарма енді қайғылы бітейін деп жатқанда, автор кейіпкерлерді күтпеген қиындықтан құтқарып алады. Кітап happi end. Смело оқи беріңіздер 😂😇 Және кітапты өте сауатты жазғаны көрініп тұр. Себебі уақыттың бәрі дәлме-дәл есептелген. Осы кітапты оқыған журналист Нелли Блай 1889 жылы Жюль Верн сызған бағдармен Жер шарын 72 күнде аралайды. Және жолай авторға кіріп шығады.

32. Жүректің сырлары Автор: Имам Ғазали Жанр: діни Бет: 435 Қанша уақыт оқим-оқим деп жүргеніммен ауыр кітап екен. Екі-үш апта өзімді қысып оқыдым. Шытырман оқиға мен классикаға жатып алған маған, бұл кітап ауырлық етті. Бірақ, соңында табандылығым жеңіп, кітапты бітірдім, рецензия жазбаққа отырдым. Кітап ауқымды өте. Алладан қорқудан бастап, адами қасиеттер, ғибадат, жұмақ, тозақ бәрін жаза өтеді. Тіпті қазіргі заманға дейін актуал болған тақырып музыка тыңдай сынды тақырыпта бар. Діни кітап болған соң не айтарымды білмей қалдым ғой 😂 Кейбір кісілер бұл кітапты тек Ихия-улумиддин кітабының қысқаша алынғаны дейді. Ал мен айтар едім Ихияны оқымай тұрып автордың жеңіл кітаптарына жәймен кіріп бой үйретіп алыңыздар деп. Өйткені ол кітаптар Жүректің сырларынан қарағанда өте ауқымды. Егерде Жүректің сырларын оқымаққа ұмтылсаңыз Алла зейініңізді ашсын.

https://youtu.be/utUam9e6nCs?si=ftq-Mdxfp-0CcLSW Айтпақшы алғашқы видео салынды ютубқа. Бірінші видео болған соң енді, кхм... 😅😂

Рецензия жазып отырып бір екі сұраққа да жауап жаза өтейін: -Рецензия неге сирек жазасыз? -Кітап оқып отырып, кейде жазуға ерінетінім бар, а так кітап аз оқитын адам емеспін 😅 -Телеграм жүргізудегі мақсат? -Қазір әлеуметтік желілерді жүргізудегі мақсатым ұлтқа қызмет ету болып кетті. Сол іс бойынша бас қатырып жүрмін. Ал нақты телеграм жүргізудегі мақсат қазақша кітаптарға рецензия жазып, адамдарға кітап оқу жағынан көмек беру болды. Онсызда кітаптар көп. Ал адамның өзіне қажет емес кітапқа уақыт құртқаны шығын. Сондықтан кітаптарға рецензия жазудамын. -Қанша кітапқа рецензия жазу ойда бар н/е канал тоқтап қалмайма деген сұрақ? -Канал тоқтамайды, бұйырса. Қазақша әдебиетке аз дегенде 50% кітаптарына рецензия жазу ойда бар. Басты мақсат пайдалы болу. Қазақша сапалы кітапқа қатысты контентті көбейту. Себебі кітапқа қатысты қазақша контентті таба бермейсің...

Сеть ұстамай-ұстамай рецензияның бәрі енді кетті 😂 Жазу керек еді деп жүр едім, сәті бүгінге түсіпті. Ұзақ уақыт рецензия салынбады. Орнын осылармен толтырайын.

Реакция кәәніі?

😂😂😂

31. Адам балық Автор: Александр Беляев Жанр: ғылыми-фантастика Бет: 273 Менің алғаш ғылыми-фантастика жанрында оқыған кітабым 🥹 Жүрегімнен жылы орын алған романды, сіздердіңде жүректеріңізде қалсын деп ұсынудамын... Басты кейіпкер адам-балық, су астында өмір сүретін-Ихтиандр. Сальватор менің көзімнен өз ғасырынан ғылым, білім, адамилық тұрғысынан бірнеше есе алда жүрген кейіпкер болып қалды. Ол өзінің ұлы (туған емес) Ихтиандрдың терісіне теңіз балығының желбезегін тігіп, кішкентайында акуланың шеміршегін кіргізіп, теңізге бейімдеп өсіреді. Ихтиандрдың бұл әлемде бар екенін Сальватор мен көмекшісінен басқа ешкім білмейді. Бірақ Ихтиандр теңізге батқан қызды құтқарып, оны ұнатып қалады. Содан соң көмекші Кристоның көмегімен бірге жер бетіне шығады. Бірақ шығарма желісі арығарай шиеленіскені соншалық, әке мен бала тағдырын екіге айырып жібереді. Сальваторды түрмеге қамайды. Ихтиандрды зерттеу үшін қамап ұстап отырады. Бірақ соңында әрине олар қашып құтылады... Кітап желісі өте қызық. Ішім пысып кетеді деп уайымдамаңыз. Кітабын оқуға ерінсеңіздер, бұл кітаптың киносыда бар. Өзім жақсы көретін кітаптарға көп рецензия жаза алмайды екем 😂😅

30. Ай мен Айша Автор: Шерзан мұртаза Жанр: әдебиет Бет: 682 (қасым баспасы) Иә, иә қазір айтатын кітабым қазақ әдебиеті. Біреу Ақбілек, Ұлпандарды ұсынып, айтып отырса "кім сен, Қаржаубай Омарұлының Әке кітабы мен Ай мен Айшаны оқысайш, әдебиет деген осындай болады" дер едім. Шерхан Мұртазаның қай кітабын алып қарасаңда шоқтығы биік туындылар ғой, шіркін-айй 🔥 Алғаш рет Шер ағаммен танысуым осы Ай мен Айшадан басталып еді. Кітапты кайфпен оқып , қимай бітірдім. Әрине Ұлпан мен Ақбілек сынды кітаптарды жаман деуден аулақпыз. Бірақ мен үшін шоқтығы биік туындылар емес. "нағыз махаббатты көргің келсе махаббат қызық мол жылдарды оқы, қазақ оқуы керек 10 кітап..." деп қайғылы кітаптарды қосып қоятындарға таңым бар. Қазақта қайғылы кітаптардан да басқа тарихи, психологиялық (мыс, Парасат майданы), т. б. кітаптар көп қой Құдай-ау. Қайғылы кітаптарды оқығаннан ештеңеде өнбейді, махаббат деген осы ау деп Махаббат қызық мол жылдарды модел қып ап алады. Қайдағы махаббат. Қыз өзін зорлатуға келіскені махаббат па... Ол кітаптар ұлттың тарихи ретінде жақсы кітаптар. Тек басқалары білсе екен қазақта басқада кітаптар бар екенін. Тақырыпқа қайта оралсақ, Ай мен Айша кітабы да соғыс кезінде жазылған роман. Шерхан Мұртаза өзінің балалық шағын еске ала отыра жазған кітабы. Соғыс кезінде жазылса да, Шер ағамыз кітаптың соңын happi end етіп бітіреді. Содан бір екі ауыз сөз болсада рецензия жазылуы керек екен мына кітапқа деген ой қалды басымда... Автордың осы кітабы қатты өтті ма, әдебиетке деген махаббатымды ашып жіберді. Енді бір-екі апта арнап автордың барлық кітабын оқып шықсам ба деген ой қалды 🕯