NM Movies Reviews™

Mission Impossible : The Final Reckoning (2025) - Review One word  A Theatre Watch. To begin with, Tom Cruise, you F-in beauty! Perfect end to Ethan Hunt's legacy. Ahh, toh dekho, movie sahi hai, badhiya hai. Pehle kya hua tha, mujhe thoda yaad tha, khair recap diya tha movie ke start mein. Aur pehle 1 ghante tak bas recap hi chalta hai, kuch nahin hota, dialogues ke through Ethan ka past batate hain. 1 ghante tak fast fast bohot kuch ho raha hota hai, jo ki new audience ko quick overall dene ke liye tha, but wo ekdum disjointed sa tha. Toh first half mein kuch bhi nahi hota. Bilkul kuch nahi hota, ekdum plain aur bland. Ek interval block pe ek action scene hai, uske alawa kuch nahi. BUT BUT BUT!!! SECOND HALF AATA HAI, JISME 2 SCENES AISE HAIN... Aur bas 2 hi scenes hain, jo ekdum alag level hain, matlab main kya boloon, ekdum speechless! Aur wo scenes bhi ek dialogue ke bina. Ek underwater wala aur plane sequence. Bhaley hi ismein quantity kam ho, par quality aisi hai na, ki wo poori franchise ke har ek scene ko beat kar deti hai. Aur jo 1 hour 35-40 minutes mein bas baatein ho rahi thi, unko yeh 2 BIG BANG 30-30 minute ke scenes poori tarah se compensate kar dete hain. Maza aa jata hai. Poori movie ek side agar 5/10 hai, toh bas woh scenes ki wajah se 11/10! Absolutely breathtaking. Khair, usse jo overall feel hai, wo badh jaata hai movie ka. Climax bhi accha hai, aur ek badhiya ending milti hai. Matlab last mein jab monologue aata hai, toh dil ko ek feel good sa hota hai ki haan, kuch accha dekha hai. Bhaley hi first half mein kuch na ho aur poori movie dragged si feel ho, par satisfaction milega end tak. Must watch in theatres only for ETHAN HUNT & those 2 30-minute scenes Wo poori movie ko 4 chaand laga dete hain. My Rating - 4⭐/5⭐ (Kyuki haan, kamiyan hain, bits & pieces mein badhiya hai, but jo overall experience hai, last tak jab credits roll hote hain, toh ek accha lagta hai, ki haan yeh huyi na baat.) Review by Asad( thank you buddy )