اليَرَاع

أهم نصيحة هي الممارسة استخدم الانجليزي في حياتك، عبر عن أي شيء وكل شيء متحفظش كلمات لوحدها، احفظ تعبيرات وجمل تقدر تستخدمها راجع باستمرار وحاول تدخل كل ال بتتعلمه في كلامك دا ال بيسموه activate your vocabulary زود من تعرضك للغة، من خلال السماع والقراءة

قلت له: مادام بتعمل حاجة فاعملها صح، ومادام بتعيش سنة من عمرك فعيشها صح ومتضيعهاش... وليته يسمع

إلى جامعة القاهرة 🚈 طبعا مش هلاقي بني آدم أعرفه نازل النهارده بس قلت أقول عسى أن ألتقي أي أحد هناك.. ركبت من شوية مع شاب في الثانوية العامة وكان فاتح كتاب انجليزي بيذاكر فيه، ففضولي دفعني أني أشوف بياخدوا اي, قلتله واداني الكتاب، فالحقيقة اه هو فيه كلمات كويسة والطالب دا هيحتاجها بعد كدا، بس طريقة التدريس ال بيدرسه بيها ومفهومه عن اللغة هيخليه ميستفيدش منه (ودا ال متأكد منه) فقلتله: احرص انك تستخدم الكتاب دا قالي: بنذاكره وبنيجي في الآخر نغش قلتله: انسى ان فيه امتحان، ذاكره لنفسك، دا هتحتاجه بعد ما تتخرج احتياج شديد لو كانت عندك طموحات تلتحق بشركة كبيرة أو تسافر بره قالي: دا عقدتي، مش بحبه قلتله: دي لغة لازم تحاول معاها، لأنها بطبيعتها صعبة ونزل الشاب في الطريق وقعدت أفكر لو رجع بيا الزمن وحد قالي ذاكر الانجليزي بطريقة مختلفة واسلك ليه طريق غير طريق التعليم العام، كان هيوفر عليا مجهود ببذله دلوقتي!

الحقيقة أنا مبقتش قادر أقول أنها نهضة، دا كان غرور كبير منهم أنهم يحسوا ال كانوا فيه دا نهضة، سميها صحوة سميها أي حاجة، واحصرها في النطاق الأدبي، لكن يقولوا نهضة وتقدم، منين أصدقهم وهم شافوا الانهزام بيبدأ يدمر تاريخنا من 67؟ دي كانت صحوة خفيفة من ناس قدروا يحسوا بالعالم ال حوليهم زي العقاد والمازني وزملاؤهم وبعد كدا جت أجيال اتعلمت على ايديهم ولسه سلسلتهم متصلة، ومنضمنش نفسهم الجميل ال تنفسوه يفضل عايش وسطينا في ناس منا لو فضلنا بهذا التأزم ال بيخلي الناس تكفر بحاجة اسمها فكر وثقافة

من أكثر ما أراه بؤسًا في تاريخنا الحديث أن تمتلئ قلوب فئة واسعة من الأدباء والمفكرين والمثقفين بإحساس النهضة، وأنهم على صراطها المستقيم، ويفجؤنا - نحن أبناء هذا الزمن - ما وجدنا عليه أنفسنا من تردٍّ وتخلُّف عامَّين في كل منحى من حياتنا، وسخط شديد يدب في أعمق أعماقنا على كل شيء حولنا...أين كنا وأين صرنا! هل هذه بلادنا التي حلمنا بها وولدنا فيها؟

ويل للإنسان من غفلة غاص فيها

حياكم الله هذه قناة توفي صاحبها الأستاذ أحمد الحبال أمس، اسمها سبيل الإعراب وبها آلاف التطبيقات النحوية على القرآن الكريم لو أمكن نشرها والترويج لها لتكون صدقة جارية على روحه https://t.me/AriseAndWarn

اللهم عودة إلى بيتك الحرام ومسجد نبيك، فبوداعهما ودَّعتُ جزءا من روحي.

حد هنا في آداب المنصورة أو عين شمس؟

على ذكر الكلام الطيب كنت في المواصلات اليوم، وراجل من الناس ال السن ضاق بيهم وهم ضاقوا بيه، وخلاص مبقاش فارق معاه حاجة، وبيتكلم، وكلامه يفض همومه، والناس بتسمع، سياسة ماشي، بيحكي عن علاجه ال مش عارف يشتريه، اه اتكلم كتير بس كان مهموم بنت تحت العشرين تقريبا، جت تنزل من العربية قالتله: صدعتنا..ومشيت..وأكيد موقف زي دا مش هنساه.. والعمر هيجري والشباب يبقى عجوز، وتشوف وجع العمر ووجع القلب، والحال لما يضيق يوصل الإنسان فين

انبسطت أنها أسعدتك يا جاكي، ما هي الأيام التقيلة بتخف ازاي؟ بتخف بكلامها، والناس ال تفكرنا بكل جميل.

أمس وأنا في حفل زفاف صديقي والأجواء مزدحمة، قيلت لي كلمة من أحد الأصدقاء، لا أذكر تحديدا من الذي قالها، لكنها هبّت على ذاكرتي الآن كالنسمة الباردة التي تداعب الوجه وتهز خصال الشعر في ليالي الصيف، قال لي: فلان هذا كأنه من الزمن الجميل، وأنت من الزمن الأجمل. لم أسمعها أول مرة من الضجيج والزحام فقلت له ماذا تقول؟ قال لي: فلان هذا. قلت له: ما له؟ قال: من الزمن الجميل. قلت: أها. قال: وأنت.. من الزمن الأجمل. ابتسمت له وأكملت انشغالي بالحفل، ووصلني الآن شعورها وأثرها. وصل الأثر متأخرا لكنه وصل جميلا جدا، وصل وهو يجسد ما يحفظه صغيرنا وكبيرنا: "الكلمة الطيبة صدقة" الآن أنا أشعر بفرحة الصدقة التي يأخذها المسكين الجائع فتسد جوعه، والآن علمت أن الجوع ليس إلى الطعام فقط، والصدقة لا تكون بالمال فقط، وإنما: "الكلمة ... صدقة" وكلنا مساكين أمام أي كلمة يتصدق بها علينا صاحب قلب طيب. #كتابات

سؤال شجي جميل مثل صوت صاحبته!

استمع إلى فتحية أحمد - يا ترى نسي ليه معادي وغاب عبر ibnJeddah 1927 #SoundCloudCloud https://on.soundcloud.com/9nN6BDOdTgIsQ7IyEW

القناة دي اما بدخلها بتحسسني اني بفتح الباب على سنين عمري ال فاتت وجريت، والحقيقة أني نسيت القناة دي نسيان عجيب، ويدل على دا منشوراتي النادرة، وممكن في غضون شهور تذبل وتنتهي 😂 بس على كل حال انا مبسوط بالناس ال فيها حتى لو مش شايفهم ولا سامع صوتهم، ومبسوط اني كنت على تلجرام هنا الفترة الطويلة ال فاتت وبتمنى من كل قلبي تكونوا كلكم في حياة سعيدة وجميلة ولو حد احتاج شيء مني فأنا موجود للمساعدة بما استطعت @Prodg44

ما أغلى الحياة وما أضيعنا لها!

محدش معاه حاجة متهكرة أشوف عليها الماتش؟😂

يا رب عودة قاعد أستمع لتلاوة حضرتها ليلة ١٩ من رمضان، وأردت أن أعرف صاحبها فبحثت حتى وصلت لاسم الشيخ وهو أحمد الحذيفي..صوته شجي جدا. ياااه حاسس اني كنت في السما وهبطت إلى الأرض

لما تسيب تليفونك دقيقتين مع خطيبتك بس قالت ال في قلبي تماما ♥️