Митер Мириґашный
رفتن به کانال در Telegram
402
مشترکین
-124 ساعت
+17 روز
+130 روز
آرشیو پست ها
-Куме, айбо файно сьме ся учора погостили, посиділи!
-Файно, но прийдіть заберіть свою шапку тай принесіть мого мацура.
-Гафіє, дочко, тот хлоп сирота та щи і хромый. Не уддавай ся ха нього.
-А мені єдно як упозирує, главноє якый усередині!
-Та я не за вто. Пошкодуй дітвака, йому уже уд живота ітак ся доста упало...
Сидять дві старі бабы на цинтари:
-Гафіє тобі кулько годув?
-80. А тобі?
-95...
-Та ты ся ладиш вертати дому?
-Так, студенты, зачинаєме екзамен!
-А мож хосновати конспекты?
-Мож, чого ніт. Айбо норматив на стомийтрувку ітак 14 секунд.
Молода проґресивна пара рішила ся остепенити тай завести діти. Уже ся полишали пити, курити, сіли на здорову дієту. Нич ся не вдає. Обходили ліпші європейські клінікы, дохторы. Ізавто нич. Туй лиш учули ож у Карпатах живе народный цілитель, котрый лічить ушитко. Приходять ид ньому, розказувуть ситуацію, а вун їм удповідать:
-Хлопы, вы ся докус поколотили ци што?!
Шефе, пуднимайте ми платню, бо вже ся мнов інтересувуть три великі фірмы.
-Ба які тото фірмы?
-Обленерґо, Водоканал тай кредитный конарь банка...
-Маріко, поїзд нам рушать за годину, мусиме ся збирати на штацію!
-Пак типир лиш волося помыла, не встигне усхнути.
-Є в нас фен. У крайньому трафункови вошолув. У самому крайньому... ножиці.
-Іване, ци тямиш што было 35 рокув тому?
-Само собов, техноґенна катастрофа у Чорнобыли.
-Ніт! Мы ся поженили!
-Пак так, біда не приходить єдна...
Треба знати казати ніт. Най буде, ож звідавуть вас "ци хочете дарабчик торты?". А вы твердо удповіжте: "Ніт! Мені два дарабчикы, будьте добрі."
Прийшов чоловік дому пуд рано пяный. Жона нараз звідать:
-Де єсь быв!?
-У кума!
Жона мовчала. Кум у шіфоні тоже мовчав...
Єдна білочка трафунково покушала пиво і накониць поняла нашто цілый живут збирала орішкы...
Анґліцькый лордмриходить гості до иншого лорда тай звонить у двирі. Удкрывать му варташ:
-Добрый динь, мілорде.
Добрый динь, ци дома є Лорд Джонсон?
-Ніт, мілорде, поїхав на цинтарь.
-А коло го мож чекати назад?
-Не годен єм знати, сер, мілорд Джонсон поїхав у деревищови...
