BESQARAGAI AQPARAT

БӨДЕНЕ АУЫЛЫНДА ӨРТ СӨНДІРУ БЕКЕТІНІҢ ҚҰРЫЛЫСЫ ҚАРҚЫНДЫ ЖҮРГІЗІЛУДЕ Аудан әкімі Талғат Батырұлы Мұратов жұмыс барысымен халықтың тұрмыс-тіршілігін, әлеуметтік маңызы бар нысандардың жай-күйін бақылау мақсатында Долон ауылдық округіне барды. Ауылдарды аралай отырып, әлеуметтік нысандардың қалыпты жағдайда тұрғандығына көз жеткізіп, білім ордаларының жаңа оқу жылына дайындық барысын тексерді. Сонымен қатар, Бөдене ауылында салынып жатқан өрт сөндіру бекетінің құрылыс барысын аралап, мердігерлемен кездесті. Жалпы аталған жобаға жергілікті бюджеттен 15 млн.теңге бөлінген болатын. Құрылыс жұмыстары шілде айында аяқталып, қолданысқа беріледі деп күтілуде. Сондай-ақ, 2023 жылы Бөдене, Долон ауылдарында жаңа ауылдық клуб қолданысқа берілген болатын. Осыған орай, аудан әкімі Талғат Батырұлы Мұратов ауылдық клубқа мәдениет саласының маманын қабылдап ауыл тұрғындарына мәдени іс-шараларды ұйымдастыруды тапсырды. Бесқарағай ауданы әкімінің баспасөз қызметі. @besqaragaiaqparat

Аудан әкімі Талғат Батырұлы Мұратов Бесқарағай ауылындағы су бөгеттерінің қазіргі жағдайын бақылады. Жыл сайын су тасқынының алдын алу жұмыстарын жүргізу нәтижесінде, су басуы мүмкін елді - мекендерде алдын алу шаралары жаз мезгілінде бастау алуы тиіс. «Қыстың қамын жаз ойла» деген мәтел де осыдан шығар. Осы қағидатты берік ұстанған аудан басшысы Талғат Батырұлы барлық елді-мекендердегі су бөгеттерінің жағдайын бақылап, су бөгеттерінің қазіргі жағдайы және жүргізілген жұмыстар бойынша анықтама әзірлеуді жүктеді. Бесқарағай ауданы әкімінің баспасөз қызметі. @besqaragaiaqparat

МЕМЛЕКЕТТІК РӘМІЗДЕР - ЕЛДІГІМІЗДІҢ ЖАРҚЫН КӨРІНІСІ Мемлекеттік рәміздер – бұл кез келген мемлекеттің егемендігі мен біртұтастығын бейнелейтін, оның ажырағысыз атрибуттарының бірі. Қазақстан Республикасында Мемлекеттік ту, Мемлекеттік елтаңба және Мемлекеттік гимн мемлекеттік рәміздер болып табылады. 🔹Қазақстан Республикасы Мемлекеттік туының авторы – Қазақстанның еңбек сіңірген өнер қайраткері Шәкен Ниязбеков. 🔹Қазақстан Республикасы Мемлекеттік елтаңбасының авторлары – белгілі сәулетшілер Жандарбек Мәлібеков пен Шот-Аман Уәлиханов. 🔹Әнұранның авторы Шәмші Қалдаяқов, сөзін жазғандар: Жұмекен Нәжімеденов, Нұрсұлтан Назарбаев. Ал сіз қаншалықты бұл ақпараттарды білесіз? Олай болса аудан тұрғындарынан сұрап көрейік.

ТАРИХТАН ТУҒАН РӘМІЗДЕР Мемлекеттік рәміздер – егемендік пен елдіктің ең басты белгісі. Көк байрағымыз, Елтаңбамыз және Әнұранымыз – күллі халқымызға қастерлі нышандар. Біз үшін Тәуелсіздік – ең қымбат құндылық, ал туымыздың асқақ желбірегені – аса биік мәртебе. Батыр бабаларымыз сын сағатта әрдайым бір тудың астында жиналған. Бөрілі байрақ күллі түркі жұртын біріктірген. Абылай ханның ақ туы бүкіл қазақтың басын қосқан. Алаш туы арыстарымыздың жігерін жанып, намысын қайраған. Біз бабаларымыздың даңқты жолын жалғастырып келеміз. Назарларыңызға тарихтан туған рәміздер композициясын ұсынамыз. Жоба авторы: Арыстан Қайратұлы Сабыров Күйді орындаған: Нұрбақыт Азамат Суретті бейнелеген: Әділ Айдарұлы Асқарбеков. Мереке құтты болсын!

⚡️Әлемнің ең биік шыңын бағындырған Бесқарағай ауданының тумасы Жамиля Баширова өңір тұрғындарын мемлекеттік рәміздер күнімен құттықтады. Туымыз тұғырлы, Елтаңбамыз еңселі, Әнұранымыз айбарлы болсын! @besqaragaiaqparat