الساخر الهادف - Ibrahem Emam

فيسبوك الصلاة من أعظم العبادات، وعشان تكون عبادتك صحيحة لازم تعرف أحكامها وشروطها. في الفيديو ده هنتعرف على شروط الصلاة، ومين هم الـ3 أشخاص اللي لا تجب عليهم الصلاة، ومتى يكون الشخص مُكلَّفًا بها. شاهد الفيديو للنهاية، يمكن تكون أول مرة تعرف المعلومة دي. #صلاة_النبي_أحسن #الساخر_الهادف

💰نتعامل بالمال كل يوم... نشتري ونبيع، نستخدم البطاقات البنكية، ندفع بالتقسيط، ندخل في عقود وشراكات، وقد نستثمر أو نبدأ مشروعًا جديدًا. 🔍 لكن المعاملات المالية ليست دائمًا بالوضوح الذي تبدو عليه. 📌 فقد يتغير الحكم بسبب شرطٍ في العقد، أو طريقةٍ في السداد، أو تفصيلٍ صغير لم ننتبه إليه. ومن هنا تبدأ الحاجة إلى فهمٍ منظم... 📖 فهم لا يكتفي بمعرفة أحكام متفرقة، بل يبدأ من الأصول، ثم يربطها بالقواعد والتطبيقات المالية المعاصرة.

🔔 ولهذا نعلن عن برنامج:

〰 صناعة الحلال - المستوى التأسيسي 〰 ⬅️برنامج علمي مجاني، صُمم ليمنحك بداية منهجية في فقه المعاملات المالية، ويساعدك على بناء تصور أوضح لأهم أبوابه، وفهم التفاصيل المؤثرة في المعاملات التي تمارسها في حياتك وعملك.

🧭 خلال سبعة أسابيع، تنتقل في رحلة علمية متدرجة بين:

1️⃣ فقه البيوع 2️⃣ أصول المعاملات المالية المحرمة 3️⃣ الخدمات المصرفية والأسواق المالية 4️⃣ فقه الزكاة 5️⃣ القواعد والضوابط في المعاملات المالية 💬 ثم تُختتم الرحلة بلقاء مباشر موسع للأسئلة والأجوبة في نوازل المعاملات المالية المعاصرة.

من خلال محاضرات ودروس:

▫️ د. طلال الدوسري ▫️ د. عبد الله الرشيدي ▫️ د. عصام أبو النصر ▫️والعديد من خبراء الصناعة ولا تتوقف الرحلة عند مشاهدة الدروس...

🎙 ففي كل أسبوع يرافقك فريق علمي متخصص في لقاء مباشر،

يساعدك على مراجعة أهم الأفكار، وربطها بالواقع، ومناقشة التطبيقات والإشكالات المعاصرة: ▫️د. مصطفى رفعت ▫️ د. أحمد ياسين محمد ▫️ د. أحمد زين ▫️ش. هشام أحمد فؤاد ▫️ د. عبد الرحمن صابر ▫️أ. أسامة الجمل ▫️ أ. محمد أبو الفضل ▫️ ش. هيثم سمير ▫️ د. محمد محمود عبد الهادي ▫️ د. علي النمر

وفي كل أسبوع:

➿ تدرس المادة المسجلة في الوقت المناسب لك. ➿ تشارك في لقاء تفاعلي مباشر. ➿ تختبر استيعابك بعد كل مقرر. سواء كنت تتعامل يوميًا بالبيع والتقسيط والخدمات البنكية، أو تدير تجارة أو مشروعًا، أو تهتم بالمالية الإسلامية، أو تبحث عن بداية منظمة لدراسة فقه المعاملات... ✍ فقد صُمم المستوى التأسيسي ليبدأ معك من الأساس، دون اشتراط دراسة شرعية سابقة. 🎁 البرنامج مجاني بالكامل. ✔️ ابدأ من الأصول... وافهم معاملاتك على بصيرة. 🔗 سجّل الآن من خلال الرابط: https://halal.fiqhalmal.com 📱 للتواصـــــــل والاستفســـــــار: 🌐 تيليجـــــــرام #صناعة_الحلال #فقه_المال

فيسبوك يوتيوب

فيسبوك

كان من دعاء النبي صلى الله عليه وسلم: يا حي يا قيوم برحمتك أستغيث، أصلح لي شأني كله ولا تكلني إلى نفسي طرفة عين.

بعد تجارب لا أكاد أحصي عددها في كافة مناحي الحياة من علاقات وعمل وشئون دنيا ودين، حتى في التعليم وتسمع لمين ومتسمعش لمين (آه ده مهم جدا خد بالك) توصلت لقاعدة مهمة جدا بنقلها هنا للفائدة القاعدة تقول: أي حاجة ناوي تعملها أو متعملهاش، أيا كانت الحاجة دي ايه ومهما كانت صغيرة وتظن أنك قادر تاخد قرار لوحدك، متاخدش، استشير كتير، وادعي ربنا كتير، وصلي استخارة كتير، وانظر للعجائب اللي هتحصل! امشيها كده أحسن قسما بالله ستنجو من أشياء ما كنت تتخيل يوما أنها بهذا السوء، ستنجو من مشاريع ما كنت تظن للحظة أنها هتخلص كده، هتشوف عجائب صنع الله في خلقه! وسيبلغ رضاك حد السماء مما سترى استعن بالله وتوكل عليه ربنا كريم .. أوي!

محتاجين كل شوية نذكر بأن الإسلام محتاج لناس متميزين في كل باب بدون استثناء، خاصة الأبواب المطلوبة والفقيرة في عدد الملتزمين والمسلمين عامة، ومفيش باب ملوش أهمية طالما باب نفع للمسلمين محتاجين الطبيب المسلم المتدين محتاجين المهندس المسلم المتدين محتاجين النجار المسلم المتدين محتاجين الميكانيكي المسلم المتدين محتاجين المونتير والمصمم المسلم المتدين محتاجين المدرس والسواق والبقال والحداد والسباك والكهربائي وكل أنواع المهن والتخصصات مين قال أننا بس محتاجين دعاة سوشيال ميديا عشان ننصر الإسلام ؟ ده نوع وطريق واحد من طرق النصر فأتمنى كل واحد يجتهد في بابه الي ربنا حاطه فيه وينوي أنه يسد حاجة المسلمين في الباب ده، ويستعين بالله وربنا هيكرمه ويوسع عليه لو كان مخلصا صادقا في ذلك بإذن الله فيا ريت متحسش ان تخصصك تافه او ملوش لازمة احنا محتاجين ((كل)) الناس بجد، بس نجتهد ونتعلم ونخلص النية لله واقع المسلمين معاناة في هذا الباب والله المستعان! #الساخر_الهادف

كل مرحلة من مراحل العمر الإنسان بيكون مشتت ومضطر ياخد قرارات كبيرة، تحس أن الاختبارات مبتخلصش وان الاختيارات برضو مبتخلصش كل شوية لازم اختبار ولازم اختيار كل شوية مفترق طرق ومهما الإنسان وصل لحاجات وأهداف كبيرة وعظيمة ، يبقى الاختيار والاختبار، يتجددان في كل مرحلة! وهذا لو تعلمون من معاني أن الحياة كلها شقاء، وأن الراحة الحقيقية ليست في الدنيا بل في الآخرة، لأن مهما عملت هيفضل فيه بعده اختبار جديد واختيار جديد وضغط جديد وصدق ربي: لقد خلقنا الإنسان في كَبَد.. الدنيا مليئة بالشقاء ومجبولة على التعاسة ، فاستعينوا بالله عشان تعدي بسلام، واسألوا الله أن يحسن ختامنا واخطف نفسك من زحمة الدنيا دي لله، اخطف نفسك عشان تقدر تكمل، عشان فعلا الموضوع مرهق لو مشيتها من غيره، من غير أُنسك بيه سبحانه وتعالى يا رب بعد كل ده نخش الجنة يا رب دخلنا كلنا الجنة وهوّن علينا الدنيا واهدنا ويسّر الهدى إلينا #دُنيا!

زلزال اكثر قوة وشدة من الزلزال الماضي! ناس دمها خفيف بتكتب قد ايه ان فاتهم الزلزال ويريت تعيدوه تاني ههه وناس دمهم أخف بيكتبوا ان ده اكيد من العشاء التقيل والمشاريب ههه وناس بتوعظ الناس أنهم يتوبوا ويرجعوا لله وناس شايفة ان ده سببه الذنوب الكتيرة للناس وناس اترعبت على عيالها وقت الزلزال وناس اترعبت على بيوتها وشقاها يحصله حاجة الزلزال ده للقلوب واليقظة! ولازم كل واحد فينا يقعد مع نفسه ويسأل: ايه اول حاجة جت في بالي وقت الزلزال؟؟ والحاجة دي هي اللي بتعبر عنك وعن قلبك ودوافعك دي كانت لحظة صدق مش هتتكرر كتير استغلها وشوف هرم أولوياتك مترتب جواك ازاي اللي فكّر وقت الزلزال انه يا رب لسه ملحقتش اتوب اديني فرصة غير اللي فكر يجري يفتح الفيس ولا تويتر ينزل عن الزلزال ويشوف الاخبار غير اللي قعد يفكر في ميم جامد يهلك الناس من الضحك ويعلي بيه الريتش غير اللي قام صلي ركعتين وعيط وخاف من يوم القيامة وطلب من ربنا المغفرة والامان يوم الفزع الاكبر صدقني دي لحظة وحدث تقدر بسهولة من خلاله تقيم نفسك وقلبك ودواخلك ودوافعك ، حدث من خلاله تقدر تعيد ترتيب اولوياتك اللي تاهت منك في الدنيا والشغل والدراسة والعيال والبيت والهم والتعب .. قال رجل لرسول الله صلى الله عليه وسلم: من أكيَسُ النَّاسِ وأكرمُ النَّاسِ يا رسولَ اللهِ ؟ فقال : أكثرُهم ذِكرًا للموتِ وأشدُّهم استعدادًا له أولئك هم الأكياسُ ذهبوا بشرفِ الدُّنيا وكرامةِ الآخرةِ . #زلزال_اليقظة #الساخر_الهادف

نتيجة طلعت ناس جابت طب وهندسة ناس مجابتش طب ولا هندسة ناس فرحانة انها عدت صافي ناس جابت مجموع بالغش ناس حزينة عشان شايفين انهم انظلموا ناس فرحانة عشان مش فارقالهم أهالي فرحانة بعيالها مهما كان مجموعهم أهالي بيحطوا على عيالهم مهما كان بذلهم وجهدهم وتعبهم كل سنة نفس المشهد والشاطر اللي مضيعش دينه ولا عصى ربه ولا سبب أذي لنفسه او عياله والعاقل اللي يفهم أن دي مرحلة كله بيعدي عليها، مش النهاية لا اللي جاب طب وهندسة كده وصل ولا اللي موصلش لهدفه في السنة دي فشل من حق اللي جاب مجموع يفرح وبرضو من حق اللي مجبش مجموع يزعل لكن العاقل اللي ميخليش الفرحة تدفعه لمعصية او احساس انه خلاص وصل، لان الطريق لسه طويل والعاقل اللي ميخليش الحزن يدفعه لمعصية او كلمة اعتراض على قضاء الله، لان دي مش النهاية وتقدر تعوض في اللي جاي ان شاءالله ألف مبروك لكل واحد عدى من السنة على خير أيا كان مجموعه ايه ❤️❤️ #الثانوية

غدا ان شاءالله هنعمل عملية لوالدتي ، نسألكم الدعاء لها بالشفاء العاجل

فيسبوك