Yorqinjon HAYITBOYEV

Muvaffaqiyatning kaliti, shubhasiz, mehnatdir. Oldimizda yana bir dovon turibdi. Yakuniy imtihon. Yaratgan shu choqqacha o‘qishda yuzimni yorug‘ ayladi, ming shukr. O‘ylaymanki, niyat qilamanki, bu safar ham hammasi yaxshi bo‘ladi, Xudo xohlasa. Tuningiz osuda o‘tsin, azizlar!

ЎЙ Худойимнинг хоҳиши бу ҳам Ҳаво қайноқ экан, биродар. Ёз иссиғи шу қадар бўлса, Дўзах қандоқ экан, биродар... ✍Ёрқинжон Ҳайитбоев @Yorqinjon_Hayitboyev_ijodi

ҲАЙИТ АЙЁМИМИЗ МУБОРАК БЎЛСИН, ЯХШИЛАР. НИЯТ Л аблар пичирлайди айтганда дуо, А ста ич-ичларни эгаллар ёғду. А зизлар, дуодан нурланар дунё, И нсоннинг инсонлик нишонаси бу. Л атиф туйғуларга ўралсин юрак, А сло ёмонликлар келмасин яқин. А хир ҳар дунёга яхшилик керак, Ҳ аёт ҳам аслида бир онлик чақин. А ммо шу бир онда чексиз онларни И ймон манзилига бошламоқ мумкин. Л ек ёмон қўлларга тутиб жонларни Л аънатдан кўзларни ёшламоқ мумкин. А ллоҳим асрасин бундай умрдан, Л ибос кийинтирсин ҳаёдан бизга. Л аббайкалар айтиб, симириш нурдан, О ҳ, насиба қилсин ҳар йигит-қизга. Ҳ алол яшамоққа лойиқ кўр, Раббим, У сиз бу дунёда синалмоқ бекор. М ўмин-мусулмонман дегувчи ҳар ким У ялсин бировга тилашдан озор. Ҳ ар кимнинг савоби бўлсин тоғ қадар, А риқларда шарбат оқар жойларни. М ақоми бебаҳо, макони дилбар, М уносиб кўр ўша бахт, чиройларни. А лдаб, алданмасин ҳеч қайси инсон, Д уолар изини тўлдирсин дуо. У мр - ҳаммамизга берилган имкон, Р аҳматлар келтирсин ҳар икки дунё. Р асулимиз билан бир уммат бўлиб, О оо, ўша кунларда ёруғ бўлайлик. С евинчларга тўлиб, қувончга тўлиб, У қубат, ғамлардан фориғ бўлайлик. У мматим десалар, ошиб ҳимматлар Л аъл каби юраклар яшнаб кетади. У луғдир англанган барча ҳикматлар, Л ойимиз лойликдан яйраб кетади. Л ойимиз бахтидан сайраб кетади. О ҳ, Раббим, ҳақ йўлга бошлагин бизни, Ҳ айитдек нурли қил ҳаётимизни. 27.06.2023

Mana tug‘ilgan kunlarni qanday nishonlash kerak... Men achchiq alam bilan aytamanki, agar biz o‘zbek xalqi to‘y-u hashamga, dabdabaga sarflagan pullarimizni ilm-u saxovatga bag‘ishlasak edi, shu paytgacha dunyoning eng qudratli xalqi ham, davlati ham biz bo‘lar edik. Niyat qilamizki, bir kuni bo‘lamiz ham...

Ibrat: Tugʻilgan kunga noodatiy sovgʻa Jamoatchilik faoli Kamola Rahmonova ijtimoiy tarmoq sahifasida tugʻilgan kuniga jamoadoshlari noodatiy sovgʻa tayyorlagani haqida post qoldirdi. Uning yozishicha, hamkasblari bildirmay yordamga muhtoj ayolning koʻz operatsiyasiga tug‘ilgan kun egasi nomidan pul yigʻib bergan. Ayol video orqali berilgan yordam uchun minnatdorchilik bildirgan. Kamola Rahmonova post yakunida otasi Shavkat Rahmonning shu satrlarini eslab oʻtgan: ….Yerni quchma — quloching yetmas. Undan koʻra biror odamning Makoni boʻl — irmoqli, soyli… Rasmiy sahifalarimiz👇 Telegram | Facebook | X | Instagram

ЭРМАК Дўстимнинг уйида учратдим лочин, Оёғи боғланган ушоқ ер эди. Лочиннинг ҳолига йиғлайди очун, Эгаси «Бу бизнинг эрмак», дер эди. Бечора қушгина тумшуғида нон, Оёқ занжирини узолмай хуноб. Аянчли ҳолини кўрганим замон, Яратган Эгамга айладим ҳитоб. Мени лочин каби учирма, майли Майли бу дунёлар мақтаб, суймасин. Эрксизлик қарида бўлмайин дайди, Ношудлар оёғим боғлаб қўймасин. Баъзилар айтади, «Лочинга мазза, Яшамоқ яхшида гулдай сўлгандан» Мен учун нафасим тўхтагани соз, Бировлар қўлида эрмак бўлгандан. 2021 ✍Ёрқинжон Ҳайитбоев, "Ошиқ шамол" тўпламидан. @Yorqinjon_Hayitboyev_ijodi

"TAFAKKUR VA DUNYO"LILAR BIRLASHAMIZ! Assalomu alaykum, do‘stlar. Sirdaryoda nashr qilinadigan "Tafakkur va dunyo" gazetasi tahririyati qoshida "Yosh muxbirlar" klubini tuzmoqchimiz. Ijodiy ishlari gazetamizda chiqishini xohlaganlar, tengdoshlari bilan fikr almashmoqchi bo‘lganlar bormi? Bor bo‘lsa, izohlarda yozing. Agar xohlovchilar soni ko‘p bo‘lsa, klub faoliyatini rasman ochamiz. Niyatlar katta... Aytgancha, bu e'lon faqatgina Sirdaryo hududi bilan chegaralanib qolmaydi. Mamlakatimizning istalgan nuqtasidagi ijodkor o‘g‘il-qizlarga qo‘l cho‘zishga tayyormiz. Muhimi, iste'dod va intilish. Alloh boshlayotgan ishlarimizni xayrli qilsin. @Yorqinjon_Hayitboyev_ijodi

"SIRDARYO SADOSI" KANALINING IJODIY JAMOASIGA TABRIKNOMA "Sirdaryo sadosi" telegram kanali o‘tgan davr mobaynida biz sirdaryoliklarning ijtimoiy tarmoqlardagi ovozimizga, haqiqiy sadomizga aylanib ulgurdi, desak, aslo mubolag‘a bo‘lmaydi. Shu kunga qadar kamtarona ijodimizni, erishgan kichik natijalarimizni, xursandchiliklarimizni beminnat, hech qanday iddaolarsiz e'lon qilinishida, aziz va mehribon xalqimizga taqdim etilishida bu kanalning o‘rni nihoyatda kattadir. Kanal mualliflarining ta'biri bilan aytganda, chindan, har qanday faoliyatda boshidan boshlash va to‘xtab qolmaslik muhim ahamiyat kasb etadi. Men o‘ylaymanki, Oybek aka yetakchiligidagi kanalning a'zolari yanada mo‘l, sifati a'lo, harakatlari bardavom bo‘ladi. Qutlug‘ 2 yoshingiz muborak bo‘lsin, qadrdon "Sirdaryo sadosi"! Yorqinjon HAYITBOYEV, "Mard o‘g‘lon" davlat mukofoti sohibi @Yorqinjon_Hayitboyev_ijodi

ЮҚОРИДА... (Устанинг ўйлари) Сиз қаерда ишлайсиз деди, Боққанича бояқиш бир зот. Нигоҳлари ўртарли эди, Ҳар қараши кутарди нажот. Секингина қўлим кўтариб, Юқорида дедим ўзига. Шунда ўша кишининг дарҳол Нур югурди икки юзига. “Ҳай, укажон, Худо етказди”, Дея қилди дардини достон. Мен бегона одамга зумда Бўлган эдим азиз укажон. Гапимизни тағин бир хола, Эшитганми келди ҳай-ҳайлаб. Аждодларим ҳаққи ҳурмати Дуо қилди чўзиб атайлаб. Бири дерки, ўғли ўқишин Кўчиролмай юрганмуш анча. “Жон укажон, бир қўлласангиз, Тутқазамиз айтсангиз қанча”. Бошқаси дер, ноқонуний бир Дўкон қурган экан қишлоққа. Шугинани қонуний қилиб Ҳужжат ёзиш керакмиш оққа. Бир лаҳзада ён атрофимни Қуршаб олди тумонат инсон. Бири қўйиб, бири алқарди Гўё бугун ўзим қаҳрамон. Секин бири деди: “Оғайни, Ўзи қаер ишлаш жойингиз. Бир кун борар салом-аликка Жиянингиз – эркатойингиз”. Ўзбекчилик экан, азизлар, Қариндошга бойидим шу дам. Булар бари қариндошларим Бири холам, амаким, тоғам. Юринг, дедим бир кўрсатаман, Эргашишди уруғ-аймоқлар. Бирида қўй, бирида патир, Бирида-чи мева, қаймоқлар. Бошлаб бордим қишлоқ тарафга, Кулги қистар эди ичимни. Энди қандай айтай уларга. Том ёпувчи усталигимни. ✍️Ёрқинжон Ҳайитбоев @Yorqinjon_Hayitboyev_ijodi