Kuoch Vengsrun

រថយន្ត ឬគ្រប់មធ្យោបាយធ្វេីដំណេីរទាំងអស់ បង្កេីតឡេីងសម្រាប់ជួយដល់មនុស្សក្នុងការធ្វេីដំណេីរ ដឹកជញ្ជូនពីកន្លែងមួយទៅកន្លែងមួយ ហេីយសម្រួលដល់ការលំបាកផ្សេងៗ ពិសេសក៏រួមចំណែកក្នុងការសង្គ្រោះជីវិតមនុស្សផងដែរ ឧទាហរណ៍រថយន្តសង្គ្រោះបន្ទាន់ជាដេីម។ ប៉ុន្តែជាអកុសលរថយន្តក៏ប្រែក្លាយជាឧបករណ៍ ឬមធ្យោបាយនៃការនាំមនុស្សដែលជាអ្នកបេីកបរទៅជាឃាតករសម្លាប់មនុស្ស បង្កការខូចខាត ឬសោកនាដកម្ម និងវិប្បដិសារីអស់មួយជីវិតក្នុងមួយពព្រិចភ្នែកផងដែរ។ ដូចនេះ សូមបងប្អូនយេីងគ្រប់គ្នាមេត្តា អង្វរ សូមខិតខំរួមគ្នាបេីកបរដោយប្រុងប្រយ័ត្ន គោរពច្បាប់ យោគយល់អធ្យាស្រ័យគ្នា ពិសេសគោរពដល់អ្នកធ្វេីដំណេីរគ្រប់រូប ដេីម្បីរក្សាជីវិត និងបន្តការធ្វេីដំណេីរទៅដល់គោលដៅដោយសុខសុវត្ថិភាព។ មួយវិញទៀត ខ្ញុំសូមគាំទ្រដល់អាជ្ញាធរគ្រប់លំដាប់ថ្នាក់ អនុវត្តឱ្យបានម៉ឺងម៉ាត់បំផុតចំពោះជនបង្ក ដេីម្បីទទួលទោស អនុវត្តទោស និងទទួលខុសត្រូវខ្ពស់បំផុតចំពោះសកម្មភាពដែលខ្លួនបានបង្ក ទោះជាចេតនាក្តី ឬអចេតនាក្តី ដេីម្បីនឹងលុបលាងពាក្យថា “បុកហេីយរត់ បុកគេស្លាប់ហេីយគ្មានការទទួលខុសត្រូវ ពិសេសអ្នកមានបុកអ្នកក្រជាដេីម“។ ជីវិតនរណាក៏សំខាន់ ហេីយសុទ្ធតែមានគ្រួសារដែលរង់ចាំ និងសុភមង្គលដ៏កក់ក្តៅរៀងៗខ្លួន ដូចនេះតម្លៃនៃជីវិតយេីងក៏មិនខុសពីតម្លៃនៃជីវិតគេគ្រប់គ្នាផងដែរ។ អ្វីៗកេីតចេញពីយេីងគ្រប់គ្នា ដូចនេះត្រូវរួមគ្នាទទួលខុសត្រូវ និងលុបបំបាត់អំពេីអវិជ្ជមានក្នុងសង្គម ហេីយលេីកកម្ពស់សីលធម៌ និងអំពេីល្អ។ សូមចូលរួមសោកស្តាយចំពោះការបាត់បង់ និងចូលរួមមរណ:ទុក្ខយ៉ាងក្រៀមក្រំបំផុតចំពោះក្រុមគ្រួសារនៃសពដែលបានបាត់បង់សមាជិកគ្រួសារ និងសូមវិញ្ញាណក្ខន្ធបានទៅកាន់ទីស្ងប់សុខ និងសុខគតិភព។ សូមឱ្យជនបង្កទទួលខុសត្រូវចំពោះអ្វីដែលខ្លួនបានប្រព្រឹត្តដោយគ្មានការលេីកលែង បេីទោះបីជាមានចេតនា ឬអចេតនាយ៉ាងណាក្តី។