𝑫𝒐𝒔𝒔𝒂𝒓𝒚☀𝑻𝒖𝒃𝒆☀

ያረቢ😔 ትግስትን ወፍቀኝ የትም ብሆን የትም ተደባብቆ መኖር እኔ አልችልበትም ያአላህ በእዝነትህ አድርገኝ ጠንካራ ሀቅ ላይ የቆመች ሞትን የማትፈራ አድርገኝ ጠንካራ ኻሊቁ ረበና ፈተናው በዛብኝ ሳልጠነክር ገና አንተን ብቻ አምኜ ሜዳ ላይ ቆሜያለው ለሚጠራህ ደራሽ መሆንክን አውቃለው ረዳቴ አንተ ነህ አንተ ሁነኝ በእዝነትህ ጥላ ስር በደስታ አኑረኝ ቢዬ ተጣራሁኝ ያ !ሀዩ !ያ ወዱድ ከመጥፎው ጠብቀኝ ያዘል አርሺል መጂድ🥺 @dossaryyy

የሽፋሽፍቷ ፀጉር በቄንጥ ነው የተደረደረው። አንዷ ተመዛ ብትወድቅ ከውበቷ የሆነ ነገር የምታጎድል ይመስላል። ቆንጆ ናት። ልቅም ያለች ውብ። የተስተካከለ ቁመና አላት። አሁን ግን የመልክም የባህሪም ለውጥ አምጥታለች። ደብዛዛ ፊት፣ የተጨፈነ ግንባር፣ ከእህል ውሃ ተጣልቶ የተፈረካከሰ ከንፈር፣ በሃሳብ የተዳጠ ራስ፣ በሐዘን በለቅሶ ያጨመጨሙ አይኖች … ግማሽ ሰው . . .ግማሽ አካል . . .  አንዴ ሳቅ አንዴ ለቅሶ ይስተዋልባት ይዟል። ይህ ሁሉ ለትዳር ከታጨች ወዲህ ነው። አንዴ ደስታ ሌላ ጊዜም በሐዘን እያነባች ትክዝ ማለት አብዝታለች። በፍቅሩ ዋልላ ብቻዋን መሆን ታዘወትራለች። ክፍሏ ገብታ ከአልጋዋ ጠርዝ ላይ ቁጢጥ አለችና ትክዝ ብላ እያለቀሰች በድንገት አባቷ የክፍሏን በር ከፍቶ ገባ እምባ ከአይኗ ጋር እየተናነቀ ደንግጣ አየችው። ንዝረት ተሰማው። ጉንጯ ላይ የወረደውን እንባ እየጠረገ አቀፍ ደገፍ አድርጎ ከአልጋዋ አስቀመጣት። ፀጉሯን እየደባበሰ ምን እንደሆነች ጠየቃት። "ሽማግሌ ከተላከ በኋላ በመሐላችን አለመግባባት በተፈጠረ ቁጥር መጥፎነቴን እየነገረ ለሚስትነት አትሆኚም ይለኛል። መልሶ ምንም እንዳልተፈጠረ ነገር ያወራኛል! ... እተውሻለሁ እያለ ያስፈራራኛል" አለችና ማልቀስ ጀመረች። አባት ደረቱ ላይ አስደግፎ አቅፎ አባበላት። ሽማግሌ ልኮ ያጫት ባሏ ዘንድ ደውሎ እራት ጋበዘው። በነጋታው ወደግብዣው አቀና። በክብር ወደ ውስጥ ዘለቀ። በአባቷ ፊት ያሳያት የጭካኔ ባህሪ አሳዘናት። የፊቷ ገፅታ ተለወጠ። አባት ጭማቂ አቅርባ አብራቸው እንድትቀመጥ አዘዛት።   ወደ እጮኛዋ ዞሮ "የኬጂ ተማሪ ሳለች ጓደኛዋ ገፍትራ ከመሬት ስትጥላት ተማሪዎች አወዳደቋን አይተው ተሳሳቁባት። አቧራ የነካባትን ልብስ እያራገፈች ከወደቀችበት ስትነሳ እየተጠቋቆሙ ተሳለቁባት። እያለቀሰች ስትመለስ እንባዋን አብሼ ወደሌላ ትምህርት ቤት አዘዋወርኳት። የዩንቨርስቲ ትምህርቷን እስክታጠናቅቅ ማንም እንዳይጎዳት መከታዋ ሆኜ ቤት ማድረስን ተያያዝኩት። ለሚስትነት ያጫት እጮኛ ፊቱ ተቀያይሮ ዓይኖቹ መፍጠጣቸውን የተመለከቱት አባት ኮስተር ባለ ቃና፡- "በሕይወት ዘመኗ ጠብቄ ያሳደግኳት ማንም ልቧን እንዲጎዳት አይደለም። ለሊት ለሊት እንባዋን እንድታፈስ፣ ልቧ በሐዘን አንገቷም በህፍረት እንዲያቀረቅር አልፈልግም። ለወግ ማዕረግ የደረሰችውን ልጄን አጭተህ የመጀመርያ ሽማግሌ መላክህ እንዲህ ካስለቀስካት ከጋብቻ በኋላስ እንዴት ልታረጋት ይሆን?" አባት ወደ ልጁ ዞረና በሐዘን የተዋጡ አይኖቿን እየተመለከተ "ምንም ነገር ላይ ተጭኜሽ አላውቅም ዛሬ ግን ለመጀመሪያ ጊዜ አስገድድሻለሁ። ዋጋሽን የማያውቅ እና በመለያየት ለሚያስፈራራሽ ሰው በፍጹም አልድርሽም" ግና ለእሷ ክብር ከሌለው ሰው ጋር ሙሉ ህይወቷን በሐዘንና በለቅሶ ከምትኖር ለጥቂት ጊዜያት መጎዳቷን መርጦ ጋብቻው ተሰረዘ። @dossaryyy

መካየ ናፈቅሽኝ ገና በሩቁ ሲያውት ልብን የሚያባባው መካን ናፍቆት ነው አይኔ የሚያነባው። አሏሁመ 🤲 የነብየ ሀገር ያቺን ቅዱስ ሀገር አሳየኝ በአይኔ ናፍቆቴን ልናገር። 💧 አሏህ እኛንም ይወፍቀን ! ▬▬▬▬๑۩🌹۩๑▬▬▬▬▬ https://t.me/dossaryyy

ደምራለው ብሎ ስንቱን ቀናነሰው አልገልም እያለስ ገደለ ስንት ሰው? ሀገሬን አየዃት አድርጓት ደም በደም መግደል መሸነፍ ነው አላለም በቀደም?

ሀገር ለማቆምነው ቢሉኝ መች ልሰማ እንደ ዋዛ ነገር መስጂድ ከፈረሰ ወንድሞቼ ሞተው ሀገር ሀገር ሀገር ምንድ ነው ለኔ ሀገር 😭😭 @dossaryyy

እማ ዋሽተሺኛል😔 የኑሮ ሁኔታ ካቅምሽ በላይ ሆኖ ህመሙ ጭንቀቱ ሲጽናብሽ ገኖ በተሰበረ ልብ ካይንሽ ዕንባ ሲፈስ ማይጠገብ ፊትሽ ባዘን ሲደፈርስ                       ምን ሆነሽ ነው ብዬ ያኔ ስጠይቅሽ                  ጽጕሬን እየዳበሽ እንዲ ነበር መልስሽ                  ፊቴን ታጥቤ ነው ለምን አለቅሳለው                  አንተ ካለህልኝ ሁል ጊዜ ስቃለው       ብለሽ ዋሽተሺኛል እኔ እንዳልከፋ እንደዛ በለቅሶ አይንሽ እየጠፋ ውስጥሽ የተጎዳ ክፉኛ እያመመሽ ደናነኝ አታስብ እርሳው ትዪኛለሽ ግን ልጅነት ሆኖ አምንሻለው ቶሎ ከቅፍሽ ስገባ እጅሽ እንኳን ዝሎ                  ደግሞም አይቻለው ከሆድሽ አጉድለሽ                    ጥራጊ ስትበዪ  እኔን ጥግብ አርገሽ                  ለምንስ ዋሸሺኝ ለምንስ ደበቅሺኝ                  እንደዛ እየክፋሽ ደስተኛ ነኝ አልሺኝ እርቦሽ ሳትበዬ አንጀትሽም ታጥፎ እኔን አብልተሻል ከጥጋብም አልፍ ከህመምሽ በላይ ሚያሳስብሽ ነገር ስለኔ ደስታ ነው ሳልከፋ እንድኖር                      ባይኖርሽ እንኩዋን ከሰው ተበድረሽ                     አንሼ እንዳልታይ ሁሉን ታደርጊያለሽ                        እስካለሽ እስካለሁ                    እምዬ ሁል ጊዜ ደምቄ እታያለሁ                   አንቺ እኮነሽ ወዜ😚 ባንቺ ፈገግታ ውስጥ እኔ እንድበራ ስንት ጊዜ ስቀሻል ሆነሽ በመከራ ቢከፋሽ ለብቻሽ ደብቀሽ ሸሽገሽ እማዋሽተሺኛል እያነባሽ ስቀሽ     #እናቱን የሚወድ ይሄንን ግጥም ያንብላት 👏

ያየውንና የታዘበውን ያለ ምንም ይሉኝታ ከቁርአንና ከሐዲስ በተቀዳ አንደበቱ ፍርጥርጥ አድርጎ የሚናገር በማለት ያንቆለጳጵሱታል። የእስልምናን እውነታ ፍትሃዊነትንና ጥበብን ወደ መላው የሰው ልጅ ጆሮ ለማድረስ ሌት ተቀን የሚባትል በቀን ውስጥ ከሶስት ሰዐት በላይ የማይተኛ፣ መድረክ ላይ ሲወጣ ለሚናገራቸው ንግግሮች እጅግ ጥንቁቅ የሆነ ሰው በማለት ያሞግሱታል። በእርግጥም ይህ ሁሉ ለእርሱ ይገባዋል። በእውቀት የሞገተ፣ ወደቀጥተኛው መንገድ የተጣራ፣ ስለኢስላም የሰበከ አንደበተ ርቱዕ ነው። እርሱ ሱፍና ከረባት የማይለየው ዘናጭ፣ የአደምና ሃዋ መገናኛ በሆነችው ሃገር የተወለደ ዶክተር ነው። በወቅቱ የዳዕዋው ንጉስ በነሩት ሼኽ አህመድ ዲዳት የተማረከው ዶክተር ዛኪር የእሳቸውን ፋና በመከተል በንጽጽር ዘርፍ አለምን ማስገረም ቻለ። ሸኽ አህመድ ዲዳትም የዛኪርን የአእምሮ ብቃትና የማሳመን ልዩ ችሎታ በመመልከት ዲዳት ፕላስ በማለት አሞካሹት።      ሙሉ ስሙ ዶክተር ዛኪር አብዱልከሪም ይሰኛል። ትውልድና እድገቱ በህንዷ ቦምቤይ ማሃራሽታ ጆአ ከተማ ውስጥ ነው። የትውልድ ጊዜው እንደ አውሮፓውያን የዘመን ቀመር በ1965 ነው። የሁለተኛ ደረጃ ትምህርቱን በትውልድ ከተማው ቦምቤይ ቅዱስ ፒተር ትምህርት ቤት ተከታትሏል። የመጀመሪያ ዲግሪውን ደግሞ በህክምና ሰርጀሪ ትምህርት በአመርቂ ውጤት ተመርቋል። ከአራት ሺህ በላይ አጥንት ሰርስረው የሚገቡ የመድረክ ላይ የዳዕዋ ስራዎችን ሰርቷል።      ዶክተር ዛኪር ናይክ በዳዕዋ ስራ ከተሰማራበት ጊዜ ጀምሮ ኢስላም ላይ ያነጣጠሩ ውንጀላዎችን የሚያነውሩ የምዕራባውያን ሚዲያዎችን ሃሳብ ውድቅ በማድረግ ተሳክቶለታል።       ስለሚዲያ ሲናገር "ሚዲያ እጅግ በጣም ጠቃሚም ጎጂም ነው ጥቁሩን ነጭ ቦቅቧቃውን ጀግና አድርጎ በህዝብ አዕምሮ ላይ የመሳል ኃይል አለው። የእስልምናን ስም የሚያጠፉ ሚዲያዎችን ለመዋጋት የራሳችንን ሚዲያ ማቋቋም ወደኋላ ሊባል የማይገባው ግዴታችን ነው" ይላል።          ባቀደው መሠረትም እስልምናን ለሰው ልጆች መፍትሔ በሚል መሪ ቃል የሚታወቀውን ፒስ ቲቪን በ2006 ከአጋሮቹ ጋር በመሆን አቋቋመ። ፒስ ቲቪ በዘመናዊ የቴሌቪዥን ቴክኖሎጂ በሁሉም ዘርፍ  የተዋጣለት ከሁለት መቶ ሚልዮን በላይ ተከታታዮችን አፈራ። እርሱም ለቁጥር የሚታክቱ ስራዎቹን አቀረበበት። በዚሁ ቴለቪዥን የሚቀርቡ የመድረክ ዝግጅቶች እልፍ አዕላፍ ጥያቄዎችንና ክርክሮችን በበሳል ትንታኔው ረቶ ብዙዎችን ሸሃዳ አስያዘ። መጪውን ትውልድ ለመገንባትና ታዳጊዎችን ለማብቃት ልዩ ልዩ ስራዎች ሰራ። ዶክተር ዛኪር ናይክ ከህንድም ባሻገር የተለያዩ ሃገሮች እየተጋበዘ እስልምናን ሰበከ። በእኛዋ አፍሪካ በሃገረ ጋምቢያ በ2014  በሃገሪቱ ገዥ የህያ ጃሚ ጋባዥነት በዩኒቨርስቲ ኦፍ ጋምቢያ ኦክቶበር 11 እና 22 2014 በመገኘት አክራሪነትና ጂሃድ በኢስላም እይታ፣ ዳዕዋ ወይስ ጥፋት የተሰኙ አራት ዳዕዋዎችን ኦክቶበር 11 እና 22 አቀረበ።    እንደ አውሮፓውያን የዘመን ቀመር በ2010 መቶ የህንድ ተጽእኖ ፈጣሪ ሰዎች ተብሎ ከተዘረዘሩት ህንዳውያን ውስጥ ተመደበ። በ2013 በዱባይ በተደረገው አስራ ሰባተኛው አለም አቀፍ የቁርአን አዋርድ ፕሮግራም ላይ ኢስላሚክ ፐርሰናሊቲ ኦፍ ዘ ይር በሚል ዘርፍ ተሸለመ። ኖቨምበር አምስት 2013 በማሌዥያ ከፍተኛውን የሃገሪቱን ሽልማት ለማግኘት በቃ። በሃገረ ሳዑድ አረቢያ በንጉሥ ፋይሰል ለኢስላም የተጉና የሰሩ በሚል ዘርፍ ተሸላሚም ሆነ። በአህጉረ አፍሪካ በጋምቢያው መሪ የህያ ጃሚም እጅግ ከፍተኛ ማዕረግ የሚያሰጥ ሽልማት ተበርክቶለታል።     ዶክተር ዛኪር በ2006 በዌልስ ከተማ ካርዲፍ ተገኝቶ ንግግር ለማድረግ ቀጠሮ በተያዘበት ወቅት የዌልስ የፓርላማ አባል የሆነው ዴቪድ ዴቪስ "ዛኪር የጥላቻ ሰባኪ ነውና ቀጠሮው መሰረዝ አለበት" ሲል ተሟገተ። ይህ ከእውነት የራቀ ክስ መሆኑን የካርዲፍ ከተማ ነዋሪዎች በተወካያቸው ሰሊም ኪድዋይ አማካኝነት በማሳወቅ ዶክተር ዛኪር ሃይማኖታዊ ንፅፅሮችን በመስበክ አብሮ ለመኖር የሚያስችሉ ሃሳቦችን የሚያነሳ እንጂ ጥላቻን የሚሰብክ አለመሆኑን በመጠቆም ዝግጅቱ እንዲካሄድ አደረጉ። በሌላ በኩል የቀድሞዋ ሆም ሴክሬተሪ የኋላ ኋላ የእንግሊዝ ጠቅላይ ሚንስትር የነበረችው ቴሬዛሚ ዶክተር ዛኪርን በመወንጀል ሙስሊሞችን ወደ አሸባሪነት ይጣራል። እኔ አክራሪ ነኝ ይላል በማለት እንግሊዝ እንዳይገባ አሳገደችው። በወቅቱ ዶክተር ዛኪር የቴሬዛሚ ውሳኔ የመናገር ነጻነትን የሚገድብ እንታገልለታለን ሲሉ የሚሰብኩትን ዲሞክራሲ የማይገልጽ መሆኑን በተደጋጋሚ ተናገረ። ምስጋና ለአላህ ይሁንና ወደ እንግሊዝ መግባት ባይችልም በተፈጠሩ ቴክኖሎጂዎች ምክንያት ኦክስፎርድ ዩንቨርስቲ በኢንተርኔት የቀጥታ ስርጭት ፕሮግራሙን እንዲያቀርብ በማመቻቸቱ አስደማሚ ንግግሩን አቀረበ። በዚህ ዝግጅት ላይ "እንዲህ ያለ መልካምና ለሰው ልጅ ጠቃሚ ንግግር እያደረክ ሰዎች ስለምን ይጠሉሃል?" በማለት አንድ ተማሪ ጥያቄን አቀረበ። "እንኳን እንደ እኔ ዓይነቱ ሰው ይቅርና የመልካምነት መገለጫ የሆኑት መልዕክተኛው (ሰለላሁ ዐለይሂ ወሰለም) እንኳ በሰው ልጅ ታሪክ የጥላቻ መጽሐፍ ከተጻፈባቸው ቀዳሚ መሆናቸው በሰዎች ዘንድ ተቀባይነቱ እያደረገ የመጣ ሰው ጠላት እንደሚሚበዛበት ማሳያ ነው" ሲል አስረዳ።      ዶክተር ዛኪር ናይክ የእስልምናን የበላይነት፣ የሙዚቃን ክልክልነት፣ የስርቆትንና የዝሙትን ወንጀልነት፣ የተመሳሳይ ጾታ ግንኙነትን በመኮነኑ የምዕራባውያንን ኢ ዲሞራሲያዊ ማንነት ግልፅ አደረገ። ከሴፕቴምበር 11 ጥቃት ጋር በተያያዘ አሜሪካ የሰራችውን በግልጽ መናገሩ እንዲሁም ከፍልስጤምና በደል ከሚደርስባቸው የሙስሊም ሃገራት ጎን ቆሞ መከራከሩ በምዕራባውያኑ ጥርስ ተነከሰበት። ጥላቻና ቂም ተረገዘበት።  በትውልድ ሀገሩ ህንድ ሳይቀር ሽብርተኞችን በማነሳሳት፣ በገንዘብ ማጭበርበርና በርካታ ፓስፖርቶችን በመያዝ በሚል ክስ ቀረበበት። በዚህም ፒስ ቲቪ በሀገረ ህንድ እንዳይታይ ታገደ። ባንግላዲሽና ስሪላንካ ይህንን ውሳኔ ተከትለው ፒስ ቲቪን ሃገራቸው እንዳይታይ ከለከሉ። ታይም ኦፍ ኢንዲያ የተባለው ጋዜጣ እንደዘገበው ዶክተር ዛኪር የተከሰሰው በህገወጥ የገንዘብ ዝውውር መሆኑን ጠቅሶ በ2019 በባንግላዴሽ ዳካ ከተማ ለተፈጸመው ጥቃትም እጁ አለበት ሲል የህንድ የሃገር ውስጥ ጉዳይ ሚኒስትር ዘንድ ክስ ቀረበበት። በ2016 VHP ተብሎ የሚጠራው አክራሪ የሂንዱ እምነት ተቋም ዶክተር ዛኪርን ገድሎ ላመጣልን ሰባ ሁለት ሺህ ዶላር እሰጣለሁኝ ማለቱ የወቅቱ እጅግ አነጋጋሪ ጉዳይ ነበር።     ምንም እንኳን ሃገሩ ባታከብረውና ከፍ አድርጋ ባታልቀውም አለም ግን በዕርሱ እውቀት እጅግ ተደምሟል። እስልምና ትክክለኛ እምነት መሆኑን ከማስተማርም ባለፈ አንገታቸውን ከፍ ያደረጉ በርካታ የንጽጽር ዳኢዎች እንዲፈጠሩ አድርጓል። እንደ አውሮፓውያን የዘመን ቀመር ከ2015 ጀምሮ መኖሪያውን በማሌዥያ ያደረገ ሲሆን የሃገሪቱ መንግስትም ህጋዊ የመኖሪያ ፍቃድ ሰጥቶት በነጻነት ከልዩ እንክብካቤ ጋር እንዲንቀሳቀስ ፈቅዶለታል። የማሌዥያው ጠቅላይ ሚንስትር ማሃቲር ሙሐመድ ደጋግሞ ስለ ዶክተር ዛኪር ናይክ ለሚናገረውና አሳልፎ እንዲሰጠው ለሚጠይቀው የናሬንድራሞዲ መንግስት ዶክተር ዛኪር ናይክን በፍጹም አሳልፈው እንደማይሰጡ በግልጽ ተናግረዋል። በማሌዥያ እንዲሁም በኢንዶኔዥያና በዙሪያው ባሉ ሃገራት ይንቀሳቀሳል። አላህ መልካም ስራውን ይቀበለው ረጅም ሐያትም ይወፍቀው።

ስኬት የየዕለት ማንነታችንን ይፈልጋል ! በህይወታችን የምናወጣቸው እቅዶች የምናልማቸው ህልሞች እንዲህኑልን የምናስባቸው ትልልቅ ስኬቶች እያንዳንዱ ቀናችን ላይ እያንዳንዱ ግዜያችን ላይ ሰርተንባቸው የሚሳኩ ናቸው ! ዛሬን በማይጠቅሙ እንቅስቃሴዎች ካሳለፍነው የምንፈልገውን ስኬት ከመሆን እያራቅነው ነው ስለዚህ ሩቁን ብቻ እያሰብን ዛሬ ላይ ማድረግ የሚገቡንን አንዘንጋቸው ! የደስታ ቀን ተመኘን

ለልጆቿ ድምቀት ውበቷን የምትጥል በእንስፍስፍ አንጀቷ ልጆቼን የምትል ለደስታቸው ስትል ይወጋታል ሾተል! አየህ እናትነት? የመውደድ ጭረቷ       ውስጣዊ ሚስጥሯን አተልቃ ገዝፋ የሀቂቃን ገመድ         በተስፋና በእምነት በችግር ውስጥ ጠልፋ የአፏን አውጥታ ያላትንም ሰጥታ ትኖራለች እሷ በችግር ተጠብሳ እኔን ልንገላታ እማ @dossaryyy