قصيّيد

‏لا تراعي اذواق البشر في مصيرك ‏لو صرت بعيون الخلايق بلا ذوق ‏اهم شي فـ العمر ترضى ضميرك ‏لو ما رضى عنك من الناس مخلوق .

‏ما عاد نشره على المقفين لا راحوا ‏ولا عاد نحرص على اللي ما يعبّرنا .

‏الطبايع فالعرب من دبورٍ في دبور ‏عالمً كنها من سلومها متضايقه .

‏وان كان ودك تجي صوبي ومتردد ؟ ‏ تعال .. والله يسود وجه من رّدك

هقيت أني ما أهون و هنت .

‏ابكي على حالي من الهم والضيق ‏واستر علومي واقول الله يزينها.

طواريه تسرقني من مجالس هليِّ .

عساه يتولع في احد يقفى ويجفاه ‏ويذوق الذي ذقته من الحزن لو مره .

‏ما ضنتي الزله تفرق بين الأحباب ‏لكن اللي يبي البُعد أعذاره كثيره.

مع الزمن تكسب لنفسك قناعات ‏ترتيبها موقف فعل و أولويّة ‏تشحّ في حكيك بسرد العبارات ‏و يصير صمتك منطقة أفضليّة .