Xəbər Ertəsi📍

❗️Azərbaycanda daha bir gənc dənizdə boğulub. UNEC-in “Maliyyə və mühasibat” fakültəsinin III kurs tələbəsi İmran Cəbrayılov dənizdə boğularaq dünyasını dəyişib. Bildirilib ki, İ.Cəbrayılov UNEC-ə 554 balla qəbul olunubmuş.

Daxili İşlər Nazirliyinin Mətbuat Xidmətinin Şirvan regional qrupundan verilən məlumata görə, Saatlı Rayon Polis Şöbəsinin Dövlət Yol Polisi Bölməsinin əməkdaşları tərəfindən rayon ərazisində "VAZ" markalı avtomobillərlə yol hərəkəti qaydalarını kobud şəkildə pozaraq avtoxuliqanlıq hərəkətləri edən rayon sakinləri Emil İsmayılov və Müslüm Ağayev saxlanılıblar. Hər iki sürücü barəsində qanunvericiliyə uyğun olaraq protokol tərtib olunub və baxılması üçün rayon məhkəməsinə göndərilib. Məhkəmənin qərarına əsasən, E.İsmayılov və M.Ağayev 15 sutka inzibati qaydada həbs edilib.

❗️Yenicə məzun olan tələbə avtomobil qəzasında dünyasını dəyişdi Bakı Mühəndislik Universitetinin 2022-ci il bakalavr, Azərbaycan Texniki Universitetinin 2024-cü il magistr məzunu Telman Nizamov avtomobil qəzasında dünyasını dəyişib. Bu barədə "Azərbaycan Universitetləri" səhifəsi məlumat yayıb. Telman iyulun 20-də hərbi xidmətə gedəcəkdi.

Taksidə kondisionerdən istifadə üçün əlavə 1 AZN ödəniş tələb olunur

❗️MN: Ordumuzun hərbi qulluqçusu Abbasov Yunis Vasif oğlu baş vermiş bədbəxt hadisə nəticəsində həlak olub Azərbaycan Ordusunun hərbi qulluqçusu Abbasov Yunis Vasif oğlunun baş vermiş bədbəxt hadisə nəticəsində həlak olması ilə bağlı məlumatı təsdiq edirik. Faktla bağlı araşdırma aparılır. Müdafiə Nazirliyinin rəhbərliyi həlak olan hərbi qulluqçumuzun ailəsinə və yaxınlarına dərin hüznlə başsağlığı verir, səbir diləyir. Allah rəhmət eləsin!

Prezident İlham Əliyevin Sərəncamı ilə Daşkəsən Rayon İcra Hakimiyyətinin başçısı təyin olunan Orxan İrşad oğlu Abbasov bu gün Prezidentin köməkçisi – Ərazi-təşkilat məsələləri şöbəsinin müdiri Zeynal Nağdəliyev tərəfindən rayon ictimaiyyətinin nümayəndələrinin iştirakı ilə kollektivə təqdim olunub. Təqdimatda Zeynal Nağdəliyev çıxış edib və ölkə başçısının tapşırıq və tövsiyələrini çatdırıb. O.Abbasov ona göstərilən etimada görə minnətdarlıq edib.

Bakıda baxımsız qalan 15 günlük körpə xilas edildi Nəsimi rayonu ərazisində iaşə obyektində baxımsız vəziyyətdə qalmış 15 günlük körpə xilas edilib Bu barədə Ailə, Qadın və Uşaq Problemləri üzrə Dövlət Komitəsinin mətbuat xidmətinin rəhbəri Teymur Mərdanoğlu məlumat yayıb. O bildirib ki, dövlət komitəsinə daxil olan telefon zəngi operativ olaraq aidiyyatı qurumlarla birlikdə araşdırılıb. Məlum olub ki, körpə valideynlərinin diqqətsizliyi səbəbindən baxımsız vəziyyətdə qalıb.

Avtomobilini satmaq üçün maşın bazarına gedən sürücü qəzaya düşüb.