عافر - 3afer

دكتور او ممرض ومش بتعرف تقرأ الاشعه المقطعيه علي المخ ؟ بتحرج جدا لما المريض بيجبلك CT film من غير تقرير وانت مش عارف تشخص ممرض ونفسك يبقي عندك Skills ومتفوق كل ده متشلش هم لان اهم عرض في ١١/١١ من منصه طموح هو اني همنحك كورس مجاني بالكامل يوم ١١/١١ يوم الاربعاء الساعه ٧ مساءا لايف هكون معاكم وهشرحلكم ال CT brain وازاي نقرأها ونشخص من الفيلم واخر الكورس هديكم مصدر طبقا لاحدث التعديلات ل ٢٠٢٦ مقدم الكورس أخصائي التمريض : اسلام رضا انضم وانتظر لايف المحاضره هنا الساعه ٧ يا بطل https://t.me/NNUURRS ❤️❤️

طول ما انت بتحاول مسيرك هتوصل 👌 المحاوله واستمراريه المحاوله تعني الوصول أيا كان هتوصل امتي بدري متأخر اول او اخر واحد المهم انك هتوصل ، فلو اخفقت حاول تاني وتالت ورابع بس كل مره متبطلش تحاول لكن حاول بطريقه مختلفه ، غير اسلوب المزاكره التفكير لحد ما تعرف الطريقه الصح للوصول للنجاح ، لو باقي ساعه مش هقولك شهر او يوم علي امتحان ماده ، زاكر الساعه دي وحاول فيها واستغلها صح ، من الغباء انك تستسلم وسط المعركه حتي لو تأكد هزيمتك ، لكن من الذكاء والحكمه انك تطلع بأقل الخسائر لو معرفتش تطلع بمكسب ، أي حد نجح هتلاقي في الكواليس اخفاقات ومقدمات استحاله كانت تبينلك ان النهايه هتكون نجاح ، بس هو فضل يكافح لحد ما جت في مره وظبطت معاه ، سيبك من النوم والاحلام واصحي لانه جه وقت تحقيقها 👌 سلام 🙈 اسلام رضا ❤️

ان شاء الله النهارده الساعه تسعه بالليل في بودكاست لايف تليجرم هنا https://t.me/+CMGIk58JszJmN2Fk هنتكلم فيه عن التمريض ومجالاته ، هنتكلم عن دراسه التمريض وازاي نزاكر ، هنتكلم عن اشهر المشاكل اللي بتواجهنا وحلها ، هسمع منكم كل اسئلتكم واجاوبها لايف ان شاء الله من الساعه تسعه بالظبط لحد الساعه ١٢ بالليل ، ان شاء الله بعد البودكاست ده مفهومك للمهنه والشغل هيختلف وهتبدأ بدايه جديده ، مستنيكم يا ابطال ❤️

في الفيديو ده هنتكلم عن المقارنة، وضغط التوقيت، والإحساس اللي بيخلينا نشك في نفسنا رغم إننا لسه في بداية الطريق. يمكن إنت مش محتاج تسرّع خطواتك… يمكن محتاج بس تبطل تبص على ساعة غيرك. https://youtu.be/Ic0g6V9NtZ0?si=iltT6ptDj-EdRh1A

حياتك متلغبطه ، كل المواد داخله في بعض ، بتدرس مواد كتيره اوي وكل ماده كل دكتور بيتعامل انك مش بتاخد غيرها ، ده طبيعي اللي حصل معايا ومع اللي قبلي واللي قبلي ، فبلاش تنهزم نفسيا من قبل ما تبدأ المعركه ، دايما اعرف ان لو حد وصل لحاجه انت تقدر توصلها ولو محدش وصل ففي فرصه انك تكون اول واحد يوصل ، وهنا بتكلم علي شعورك النفسي فقط ، لازم متبقاش شخصيه انهزاميه ، لازم تبقي مصدق انك هتقدر وتوصل ، لان لو انت نفسك مش مآمن بقدراتك استحاله توصل ، لانك حطيت سقف لمستواك وطموحك ، فخلي عندك القدره واعرف انك عندك عقل وشاطر والدليل انك وصلت للنقطه دي ، هو بس هتتعلم ازاي تستغل قدراتك صح وهتنطلق ، في صعوبه في البدايات ، دي طبيعه بشريه اخفاق البدايات والخوف من المجهول ، احترم انك انسان واهتم بصحتك النفسيه هتفرق معاك من السما للارض انت لو نفسيا وبدنيا كويس انت كده تربه خصبه لزراعه ونمو اي نوع ورد افهم واتعلم 🤍

دي قناه التيك توك بتعتي ، بينزل عليها فيديوهات بسيطه طبيه هتفيدكم وشرح مبسط جدا https://www.tiktok.com/@lslamchange?_r=1&_t=ZS-9AFkshUCmv6

السلام عليكم ورحمه الله وبركاته اخر مرة كنت فاتحه تليجرام من سنتين او سنه ونص تقريبا ملاحظه ان التفاعل قل جدا انا كنت ف ثانويه عامه بحب الجروب دا اوي واول سنتين الكليه كنت برضو بفتحه أخد طاقه كدا حقيقي كل حاجه فيه كانت بتشجعني واكتر حد كنت بحبه دكتورة جني ربنا يوفقها يارب ♥️🥰

علشان تنجح لازم تعرف ترتب اولوياتك ، لازم تبقي منظم ، قادر تفرق بين المهم والأهم ، قادر تفرق امتي تزاكر وتكون جد ، وامتي ترتاح علشان متتعبش قدام ، الموضوع موضوع اداره بس اداره لنفسك البشريه ، انت اكتر واحد عارف نفسك وقدراتك ، حاول متمشيش تايه ، حاول تركز لان التايه عمره ما بيوصل لحاجه. حط حلم واعرف انت عاوز توصل لأي علشان بالتالي تعرف تاخد بالاسباب ، مش بقولك صخر حياتك للعلم لا انت انسان استمتع بنعم ربنا عليك واشكره اترفه وعيش حياتك بس زاكر واجتهد لان طعم النجاح حلو 🤍

مع كل بدايه عام دراسي جديد ، بيبقي في فرصه ليك ، مش ان انت تلتزم لا ، او تتغير ، انك تكون الاول وعن جداره ، تنتظم وتزاكر ، مع بدايه الدراسه بيكون كلنا لينا نفس الفرصه والهدف والوقت والمقومات ، بس في واحد يباخد بالاسباب ويستمر ، وواحد بيكون هو بس فرحه بدايات ، علي فكره العقل واحد ، محدش يحط في دماغه انه مش بيفهم ، هو مش بيحاول ، واي حد بيحاول هيوصل في مره ، كان معايا صاحبي في تالته ثانوي وكان مستواه متوسط ، عزمني مره عندك ، لقيته مالي الاوضه بتعته ورق ملخصات ملزوق علي الحيطه ، ولما سألته لي عامل كده ، قالي نفسي ادخل طب ، وانا مش بقدر احفظ فبخلي المعلومات حواليا في كل وقت وابصلهم علشان افتكرهم ، بعد ما خلصت تالته ثانوي جاب ٩٩.٥% ودخل طب بشري وهو نفسه مكنش مصدق ، اصل حساباتك ملهاش علاقه بالنتيجه ، انت اسعي وربنا هيبهرك بعطاءه ، فبلاش موضوع الحزن ان الدراسه هتبدأ ، والله دي احلي ايام العمر 🥺🤍

فين شباب الثانويه 🧐

لطلبه ثانويه عامه بس انا عملتلكم جروب المعسكرات والنصائح الكل ينضم ويضم زمايله علشان نشغل الجروب بعون الله https://t.me/thanawyaa555

- ليس لكَ غيّر سَعيّك ، والسَعيّ سَوفَ يُرىٰ، وما لَك فإنكَ آخِذهُ، وإن حارَبك البشر وَإن تعثرتَ بالحَجر، نصيبُكَ سَيُصيبُكَ، ومهما استحڪمت ستُفرج 😽.

صباح الخير https://youtu.be/_LbRouFwzGY?si=njIxXx-SloGGxIzQ قبل ما تدخل الجامعه استني شوف الفديو ده خبره اربع سنين الفديو مهم جدا جدا اسمعوا واوعوا تعملوا اسكيب عشات هيوفر عليكم جامد 🤏🏻💙

We are hiring Cold Calling Telesales agent 💰 Salary: 12K Basic Net + Uncapped Commission 🕞 Working Hours: 3:30 PM – 11:30 PM 📅 Fixed Shift | Saturday & Sunday OFF 📍 Location: Syndicate of Applicants – Abbasiya, Floor 15 Requirements: 🗣️ Fluent English – B2 ✨ No experience needed 🇪🇬 Egyptians only Benefits: 🚀 Chance to get promoted within 6 months 🚌 Transportation provided OR allowance added to your salary 🤝 Friendly work environment 🛡️ Social Insurance 🏥 Medical Insurance 💰 Profit Share after 1 year Your voice can be your next career move. 🎧🔥

هعمل جروب النهارده معسكرات لثانويه عامه اللي حابب ينضم ويكبر الجروب معايا يعرفني

الفديوو حرفيا مهم جدا وهيوفر عليكم كتير جدا انا فضلت كتير ادور واعمل سيرش وخبره حياتي وحياه ناس كتير اتعامت معاهم اسمعوا مش هياخد 8 دقايق♥️✨

صباح الخير 🌚♥️ https://youtu.be/vCZkqNbdl3o?si=jGX4lyJ29_Dlvi8B 7 حاجات لو فهمتهم بدري هتوفر على نفسك سنين | دروس في الحياة محدش قالهالك🌚♥️♥️♥️♥️♥️♥️♥️.

صباح الخير ♥️🌚 والخير هنا اننا لسه بنحاول رغم كل حاجه ♡. إزاي أكون كويس وأخرج من المود؟ وأصلح علاقتي بربنا ثم الناس.. وإزاي مبضّعش وقتي في الفاضي؟ 🤍✨ https://youtu.be/23lZU4zXp9o?si=XBdzoe-gkLXAN71v اعظم من العظمه شويه🌚

السلام عليكم ورحمه الله وبركاته ، النهارده هنتكلم عن عائق من اكبر عوائق الاستمراريه وهو " الكسل " من ثوابت دعاء النبي صلاه الله عليه وسلم " أعوذ بك من العجز والكسل " فالكسل ذكره بعد العجز لانك بسببه بتكون عاجز معنويا عن اداء اي شئ ، وفي كذا سبب للكسل هنتكلم عن اول سبب فيهم النهارده وهو : " اضطرابات النوم " اضطرابات النوم دي من اكبر المشاكل ، مش ملاحظ ان ممكن واحد ينام ساعه ونص ويقوم فايق وواحد ينام خمسه ويقوم كسلان وفي خمول ، الحقيقه علماء النفس اثبتوا بالتجارب ان دوره النوم الكامله بتستغرق وقت ٩٠ دقيقه يعني ساعه ونص فأضل وقت تصحي فيه بعد انتهاء الدوره ساعه ونص ومضاعفاتها زي تلت ساعات او اربعه ونص او سته ، انما اي وقت تاني هتحس بارهاق شديد فانت حدد ٦ ساعات او سبعه ونص كويسين دي اول نقطه ، افضل وقت للنوم بالليل واحسن وقت تصحي فيه مع اذان الفجر ، فتنام بدري وتصحي الفجر ، وبالليل هتقدر تنام طبيعي لان هرمون الميلاتونين المحفز للنوم بيتفرز في الصبح ، ظبط نومك او حاجه هتساعدك تتخلص من الارق ودي دوره النوم للمعرفه : تتكون دورة النوم الواحدة من 4 مراحل رئيسية تتكرر طوال الليل: ​المرحلة الأولى (N1) - النوم الخفيف جداً: مرحلة الانتقال من اليقظة إلى النوم، وتستغرق بضع دقائق. ​المرحلة الثانية (N2) - النوم الخفيف: يبدأ فيها الاسترخاء وتبطأ ضربات القلب ودرجة حرارة الجسم، وتُشكل نحو 50% من إجمالي الدورة. ​المرحلة الثالثة (N3) - النوم العميق: أهم مرحلة للتعافي الجسدي، إصلاح الأنسجة، وتقوية المناعة. ​مرحلة حركة العين السريعة (REM): مرحلة الأحلام النشطة، وهي ضرورية لمعالجة العواطف، تثبيت الذاكرة، والتفكير الإبداعي.