غُرباء

كنت في جنازة… وشوفت حاجة مُرعِبة بتتكرر كتير! وأنا داخل أصلي، لقيت أصحاب المتوفّى واقفين برّه المسجد، مستنيين النعش يخرج… لا صلّوا الفرض، ولا حتى دخلوا يصلّوا على صاحبهم! والأغرب… تلاقيهم بيعيطوا عليه برّه، ومش راضيين يدخلوا يصلّوا! الحقيقة إن ده مش غريب… لأن الصحبة أصلًا ما كانتش متعلّقة بالمساجد ولا بالصلاة… كانت صحبة بعيدة عن ربنا. علشان كده: اختار صحابك كويس… وادعي دايمًا ربنا يرزقك الصحبة الصالحة، ويبعد عنك صحبة السوء. علشان لما ييجي دورك… تلاقي اللي يصلّي عليك، ويدعيلك، ويعملك صدقات جارية. هتلاقي الناس دي فين؟ في المساجد… ده مكانهم. وما تبقاش من الناس اللي يومها… تلاقي أصحابها واقفين برّه بالسجاير، مستنيين الجنازة تخلص، يعيطوا شوية… ويرجعوا تاني لنفس الطريق!