ДМИТРИЙ ТИХОНОВ

Быйыл олохтоох урбаанньыттарбыт Владимир уонна Анна Яковлевтар Абалаах күөлүгэр Айылҕа харыстабылын министиэристибэтиттэн сир ылан, дьону сынньатар, эмтиир соруктаах бырайыактарын тутуутун саҕалаатылар. Владимир, бары билэр уонна ытыктыыр киһибит, Абалаах күөлүгэр куруорт үлэтин тэрийбит Тит Егорович Сосин сиэн быраата буоларын бэлиэтиир тоҕоостоох. Бүгүн улууспут туһааннаах, эппиэттээх үлэһиттэрин, аттынааҕы нэһилиэк баһылыктарын кытары миэстэтигэр үлэ хаамыытын билистибит. Ол курдук быйыл суол-иис оҥоһуллуо, тутуулар түмүктэниэхтэрэ уонна кэлэр сылга олоххо киирэрэ былааннанар. Инникитин сүрүн сорукпутунан дьоммут-сэргэбит миэстэтигэр эбэбит эмтиир күүһүн толору туһаналларын тэрийэр инниттэн толору усулуобуйалаах санаторий тутуута буолар. Ыччаттарбытыгар ылсыбыт үлэлэригэр ситиһиини баҕарыаҕыҥ! @dmitriytikhon0v

Бүгүн, дойдубут үрдүнэн Бойобуой дьайыы бэтэрээннэригэр анаммыт күн бэлиэтэнэр. Бу бэлиэ күнүнэн хорсун-хоодуот биир дойдулаахтарбын эҕэрдэлиибин! Хайа да кэмҥэ эр киһи төрөөбүт дойдутун, дьиэ кэргэнин, бар дьонун көмүскэлигэр турар, суон дурда, халыҥ хахха, бигэ тирэх буолар аналлаах бу орто дойдуга кэлэр. Ону Аҕа дойду Улуу сэриитигэр хорсуннук охсуспут дьоруойдарбыт, араас кэмнэргэ Ийэ дойдуларын туһугар турбут буойуттарбыт, бүгүҥҥү күҥҥэ анал байыаннай дьайыыга кырдьык иһин, эйэлээх, дьоллоох олох туһугар туруулаһа сылдьар эр санаалаах биир дойдулаахтарбыт холобурдара дьэҥкэтик туоһулуур. Бука барыгытыгар сүгүрүйэн туран чэгиэн туругу, уҕараабат уоҕу, ситиһиилэри, дьиэ кэргэҥҥитигэр истиҥ сыһыаны, дьолу-соргуну, эйэлээх халлааны баҕарабын. Өрүү кыайыы көтөллөөх, самныбат саргылаах буолуҥ! @dmitriytikhon0v

Бүгүн уолбут Максим Семенов "Азия оҕолоро" норуоттар икки ардыларынааҕы оонньууга сахалыы атах оонньууларыгар кылыыга саҥа рекорду олохтоото. Максим иккис холонуутугар 41 м 40 см ырааҕы кылыйан, чөмпүйүөн үрдүк аатын эрэллээхтик ылан, биһиэхэ, биир дойдулаахтарыгар улахан үөрүүнү бэлэхтээтэ. Максимҥа, тириэньэригэр Игорь Скрябиҥҥа, Борис Николаевич Ильиҥҥа, төрөппүттэригэр, улууспут бары олохтоохторугар истиҥ эҕэрдэбин тиэрдэбин! Инникитин даҕаны өссө үрдүк ситиһиилэр кэлэ турдуннар! @dmitriytikhon0v

Бүгүн уолбут Максим Семенов "Азия оҕолоро" норуоттар икки ардыларынааҕы оонньууга сахалыы атах оонньууларыгар кылыыга саҥа рекорду олохтоото. Максим иккис холонуутугар 41 м 40 см ырааҕы кылыйан, чөмпүйүөн үрдүк аатын эрэллээхтик ылан, биһиэхэ, биир дойдулаахтарыгар улахан үөрүүнү бэлэхтээтэ. Максимҥа, тириэньэригэр Игорь Скрябиҥҥа, Борис Николаевич Ильиҥҥа, төрөппүттэригэр, улууспут бары олохтоохторугар истиҥ эҕэрдэбин тиэрдэбин! Инникитин даҕаны өссө үрдүк ситиһиилэр кэлэ турдуннар! @dmitriytikhon0v

Бүгүн "Азия оҕолоро" норуоттар икки ардыларынааҕы ахсыс спортивнай оонньууларын уота "Туймаада" стадиоҥҥа умайда, үөрүүлээх арыллыытыгар улууспут дэлэгээссийэтэ буолан кыттыыны ыллыбыт. Өрөспүүбүлүкэбит сүүмэрдэммит хамаандатын састаабыгар улууспут 17 бастыҥ спортсмена, инники эрэллэрбит кытталлар. Оҕолорбутугар, спортменнарбытыгар улахан күрэхтэһиигэ кыайыы көтөллөөх, ситиһии аргыстаах буолалларыгар, күүс-уох санааны, бэйэҕэ эрэли баҕарыаҕыҥ. Тапталлаах Сахабыт сирин, улууспут үтүө аатын чиэстээхтик көмүскүөххүт диэн бигэ эрэнэбин. Дьоммун-сэргэбин бары биир санаанан спортсменнарбытыгар ыалдьыаҕыҥ, кыайыыга сирдиэҕиҥ, күүстэригэр күүс эбиэҕиҥ диэн ыҥырабын! @dmitriytikhon0v

Былырыын Ил Дархаммыт сахалартан бастакы Сэбиэскэй Сойуус Дьоруойа Федор Кузьмич Попов дойдутугар Баатараҕа Дьоруойдар күннэригэр кыттыыны ыла сырыттаҕына олохтоохтор суол оҥоһуллуутун боппуруоһун туруорбуттара. Күн бүгүн Ил Дархаммыт сорудаҕынан Дьоруойбут дойдутугар Баатараҕа тиийиэхтээх суолбут үлэтэ саҕаланна. 3 килэмиэтир 200 миэтэрэ уһуннаах суолу оҥорууга олохтоох, бастыҥ үлэһит уолаттарбыт Семен, Ян Новгородовтар ылыстылар. Маны тэҥэ быйылгы дьылга Сыымахха диэри гаас утаҕа тардыллыытын бырайыагын үлэтэ оҥоһуллуо. Айсен Сергеевичка дьоммут-сэргэбит этиилэрин ылынан күн бүгүн үлэ саҕаламмытыгар махталбытын биллэрэбит. Бэдэрээччит тэрилтэбит үлэни болдьоҕор хаачыстыбалаахтык оҥоруо диэн эрэнэбит. @dmitriytikhon0v

2001 сыллаахха Майабыт сэлиэнньэтигэр оччотооҕу улуус баһылыга Г.М. Артемьев көҕүлээһининэн "Манчаары" чэбдигирдэр киин иннигэр Саха омук легендарнай дьоруойа Баһылай Манчаарыга анаан пааматынньык оҥоһуллубута. Сыл-хонук, дьыл кэмнэрэ бэйэлэрин дьайыыларын оҥорон, пааматынньык тас көстүүтэ мөлтөөн, үгүс киһи туруорсан чөлүгэр түһэрдибит. Олохтоох уолаттарбыт Архип Скрябин, Дьулустан Марков сэттэ күн устата тура тэбинэн үлэни бүтэрдилэр, дьоммут-сэргэбит аатыттан үлэһит уолаттарбытыгар махталбын тиэрдэбин. Ытык киһибитигэр анаммыт пааматынньык ыччаттарбытын, бар дьоммутун үрдүккэ, сырдыкка сирдии, угуйа турдун! @dmitriytikhon0v

Бэҕэһээ үлэбэр Майа баһылыгын Алексей Неустроевы кытта төлөпүөнүнэн кэпсэтэ олордохпуна, Алексей Аллараа Бэстээххэ айаннаан иһэрин, Туустаахха кэлбитин эппитэ уонна бу сибилигин массыына саахалланна, онно көмөлөһүүм диэт төлөпүөнүн уурда. Сотору кэминэн эрийэн туох ханнык буолбутун кэпсээтэ, ол курдук: суолтан аллараа сууллубут массыынаҕа тиийбитэ, суоппар массыынатыгар баттатан сытарын көрбүт, аара тохтообут массыына дьонун ыҥыран суоппары босхолообуттар, өйө суох эбит. Онуоха тымырын тутан көрбүтэ сүрэҕин тэбиитэ биллибэт, онон Алексей бастакы көмөнү оҥорон, суоппарга тыын киллэрбит, өйүгэр кэлбит, ол кэмҥэ быраастар кэлэн илдьэ барбыттар. Алексей Иннокентьевич маннык ыксаллаах түгэннэргэ хас да төгүллээн дьоҥҥо көмөлөспүтүн, быыһаабытын билэбин. Маннык быһыыга-майгыга Алексей Иннокентьевич курдук дьоҥҥо көмөлөһүү, бастакы көмөнү сатаан, сөпкө оҥоруу киһи олоҕун быыһыырга быһаарыылаах буолара саарбаҕа суох. Алексей Иннокентьевичка, көмөлөспүт дьоҥҥо махталбын биллэрэбин. Күндү дьонум-сэргэм суолга сэрэхтээх буолуоҕуҥ, бэйэ-бэйэбитигэр харыстабыллаахтык, болҕомтолоохтук сыһыаннаһыаҕыҥ! @dmitriytikhon0v

Сегодня торжественно открыли пункт ожидания на паромной переправе Нижнего Бестяха. Данный объект построен в целях создания комфортных условий ожидания паромов для жителей и гостей нашей республики по поручению Ил Дархана Айсена Николаева, ввели в эксплуатацию Акционерная компания «Железные дороги Якутии». Содержание объекта передан нашему местному предпринимателю, участнику СВО Хван Ариану Васильевичу. Пункт оборудован всеми удобствами, здесь для гостей будут предложены горячие блюда, напитки, качественная еда, в дальнейшем планируется открытие комнаты матери и ребенка. От имени всех жителей нашего улуса и от себя лично выражаю благодарность руководству республики, работникам компании «Железные дороги Якутии» и нашим строителям. Пусть данный объект прослужит долгие годы на радость жителям и гостям нашего улуса. @dmitriytikhon0v