تحصيلي علمي | راكان علي

التجربة 19 السلام عليكم ورحمه الله وبركاته أولا جبت 91 باعتبار اختبرت فترة وحدة كنت متوقعة أعلى لكن الحمدلله على كل حال أول وأهم شيء انكم تحددون مصدر مذاكرتكم لا تشتتون انفسكم باكثر من مصدر والوقت اضغطوا على نفسكم هي فترة وبعدها تتفرج اموركم بإذن الله ودائما حطوا هدفكم قدامكم لأن ذا اقوى دافع لكم . صدق أنا مرره تجاهلته على أساس ما بحتاج له بس فكرت يمكن الظروف تجبرك فأخذت فترة وحدة وكانت الثانية بحكم اني متأخرة رحت وجبت كتاب ناصر عبد الكريم وهنا كنت في شهر شوال فتحت وبدأت في الفيزياء شفت أول فصلين ووقفت بالضبط وتقريباً جلست كذا إلى ما كان باقي اعتقد اسبوع على الفترة الأولى لما استوعبت أنه الوقت راح مني صحصحت وبدأت من جديد طبعاً كان وقتها اختبارات وأنا شايلة همهم الاثنين بس كنت حاطة المدرسة أولى فضيقت على نفسي زيادة كنت محتارة أدخل على التجميعات ولا اتأسس لين ما شفت الدروس المهمة في كل مادة وقلت تم بديت الاحياء ومسكته وبقيت على آخر جزء من عند المملكة النباتية ورحت للكيماء وبدأت فيه كامل طبعا كنت احل بنفسي أول بفهم مو حفظ ولا توقع والدروس الي ما اعرف لها اروح للتأسيس بسرعة وكذا و أول ما خلصت الكيمياء رحت الفيزياء وبنفس الطريقة وبعده الرياضيات ورجعت للأحياء وختمته كان ذا في ليلة الاختبار طبعاً فتحت على تسريبات غشام بس بما انه كان الوقت ضيق ارتحت شوي( لازم ترتاحون التوتر ما بيفيد) بحكم كان اختباري السبت صباحي وقمت شفت تسريبات الجمعة وكنت متفائلة وتوكلت على ربي ورحت واختبرت. 🛑يعني أهم اشياء تنتبهون لها :- • حطو هدفكم قدامكم عشان يكون دافع لكم • ابدؤا بدري قد ما تبدأون عشان لا تحسون بتشتت مع المدرسة • حددوا مصدر معين وخلوكم معه للنهاية لا تعتمدوا على الحفظ افهموا كل شيء اربطوا حتى التوقعات والتسريبات خذوها أنه تدريبات مو شيء 100% بيجيكم خلوه في علمكم عشان لا تنصدمون • صراحة انصح بملحق ناصر لازم تختموه حرفياً اختباري كله كان منه حتى المسائل نفس اللارقام يمكن 10-15 سؤال أو أقل ما كان منه بس دامك فاهم بتحل . • توكلوا على الله لأن دعائكم ثم مذاكرتم تنجحكم . • واللي تو بيدخل ثانوي نصيحة مني للي ناوي يختبر تحصيلي خلك مركز في الشرح انجح وأنت فاهم لأنك بتختصر على نفسك بشكل وتساعد نفسك. و أي حطو احتمالات ما تدرون وين توديكم الظروف اختبروا كل حاولوا تقفلون دام في فرص استعملوها كلها إلى ما تحققون هدفكم وذي كانت تجربتي مع التحصيلي شدوا حيلكم وان شاء الله ربي يسهلها علينا جميعا وبالتوفيق

التجربة 18 سلام عليكم ورحمة الله وبركاته الحمدلله حمدا يليق بجلال وجهه وعظيم سلطانه ... الحمدلله الصراحه ما كانت هذة الدرجة اللي اتمناها ولكن الحمدلله اهون من لا شيء والحمدلله دائما وابدا اول شيء حابه اقوله للدفعه القادمه انك اذا جيت تبدا حاول ابداً ما تبدأ بداية عشوائية وخليها بداية بجدول ومواعيد معينة اكثر شيء كنت ندمانه عليه هو عدم البداية الصحيحه من خطط من جداول كنت ماشيه عشوائيا واخلص المادة وما ارجع اراجعها و ما احل عليها اختبارات فهذا من الاسباب كمان اللي تخليك مشتت فاذا انت تبغى الوصول بطريقة سليمه ولدرجة معينه عليك بالاتي:- 1_ اول شيء علاقتك مع ربك وهاذا شيء اي احد بقوله لك لانك تاكد مية في المية انك مستحيل تصل لشيء وانت علاقتك صفر مع الله سبحانه وتعالى 2_ البداية الصحيحه من اول ما تسجل لاختبار التحصيلي وينزل كتاب ناصر عبد الكريم (وهذا افضل مصدر بالنسبه لي شامل وطريقة تقسيمه جميلة جدا ) ابدأ بوضع خطة وجدول ( وكمان اشوف افضل الجداول اللي يحطها مهندس راكان جميله جدا لانها تشمل المراجعه و المذاكرة الصحيحه وهذا الشيء اللي يخليك تضمن الدرجة) 3_ والمراااجعهه يا جماعه والله اقولها مية مرة انها السبب الرئيسي اللي يخليك تدخل الاختبار وتقدر تحل قبل ما تبدأ في مذاكرتك حقت اليوم خذلك عشر دقائق راجع فيها مذاكرة امس بسرعه وكمل والاستمرارية ما تخليك تنسى. 4_ بعد تخلص بكون عندك زمن كافي جدا اجلس راجع فيه حل نماذج وتجميعات ناصر عبد الكريم و الصراحه نماذج انيشتاين افادتني مرة كثير وجاني منها في الاختبار الثاني . 5_ اخر شيء قبل الاختبار ذاكر التسريبات من اي مصدر لان انا عن نفسي اشوفها كلها واحد وكمان الاسئله اللي تجيكم وانتوا تشوفوا تيك كمان حاولوا حلوها بتفرق معاكم . وبكذا باذن الله تضمن فوق 95% وحتى تضمن 100% واكثر فترة استفيدوا منها اللي هي بين الفترتين بتفرق جدا والله وهي الفترة اللي كثير يوقف حماسه فيها بس الذكي اللي يعرف يستغلها ودائما ادعوا ادعوا لا توقفوا دعاء وفي الليل اذا ما نمت قوم صلي ركعتين وادعي فيها لان هذا افضل وقت واسأل الله التوفيق لي ولكم واسأل الله لكم اعلى وافضل الدرجات ولا تنسوني من صالح دعائكم 🤍

السلام عليكم معكم احمد وبعطيكم تجربتي * المصادر: تأسيس كتاب ناصر عبد الكريم و تجميعات غشام (تكفي وتوفي) أكتفي بها ومافي مشكلة إذا في وقت تشوف المصادر الثانية * كيفية المذاكره: كنت اذاكر أتابع مقاطع لكل المواد (واحل بنفسي) وافهم كل شي واي سؤال اخطئ فية أحط لة علامة وبعد كل درس اراجع الاخطاء وبعد المادة اراجع كل الاسئلة الي اخطأت بها في المادة وكنت اذاكر قد ما اقدر لما اتعب او احس ان التركيز حقي انخفض ارتاح 5 دقائق بدون جوال * المدة: 4 شهور ونص كنت اذاكر على مهلي بدون استعجال اخذت راحتي * المطلوب التركيز عليه: أقرأ الهوامش حقت التأسيس حق كتاب ناصر وافهم كل شي فية وكل الاسئلة جاء منة مرة كثير * كم فترة التاسيس: 3 شهور والتجميعات شهر ونص زي كذا وركز على التأسيس أهم حاجة * طريقة المراجعه:كنت قبل الاختبار ب 10 ايام اراجع الاسئلة الي اخطأت بها من التأسيس والتجميعات وكنت اراجع قوانين الفيزياء والرياضيات و الكيمياء اقرأ الهامش حق ناصر والأحياء نفس الشئ كنت اقرأ الهامش حق ناصر • الرياضيات: مادة تحتاج تحل بنفسك كثير وتفهم كل شي واهم حاجة (تحل بنفسك) •الفيزياء:مادة تحتاج تسجل القوانين في دفتر وتحفظها وتفهم المواضيع الي في الهامش حق التأسيس وتقدر تحل بكل سهولة واهم شي (تحل بنفسك) •الكيمياء:تفهم الهامش حق التأسيس وفيها ربط بس مو مرة كثير الربط واذا فهمت التأسيس والربط تقدر تحل أي سؤال بسهولة واهم شي (تحل بنفسك) •الاحياء:شفت ناس كثير يقولون لاتشوف شرح أنا عن نفسي شفت شرح لكل المواد وانصح ب الاحياء تشوف شرح والمادة تحتاج تقرأ الهوامش حق التأسيس كثير تقرأ كثير ومع الوقت تنحفظ المعلومات والربط مرة مهم وفي درس الوراثية فية فهم لازم شرح لدرس ذا واهم شي (حل بنفسك)

اكتب تجربتك مع اختبار التحصيلي في البوت 👇 @rakanali_bot شاركنا بكل شيء ممكن يفيد الدفعة القادمة، مثل: 🎯 درجتك إذا حاب تذكرها 📚 كيف كانت طريقة مذاكرتك؟ ⏰ كم مدة الاستعداد؟ ❌ وش الأخطاء اللي وقعت فيها وما تتمنى أحد يكررها؟ ✅ أكثر شيء فعلاً فادك في الاختبار؟ 💡 أي نصيحة تتمنى أحد قالها لك قبل تبدأ؟ حتى لو درجتك ما كانت مثل اللي كنت تتمناها تجربتك ممكن تختصر على غيرك أسابيع من التخبط خلّ خبرتك تكون سبب بعد الله في نجاح طالب أو طالبة من الدفعة القادمة 🤍

التجربة رقم 16 السلام عليكم انا طالبة من دفعة 2026 و هذي تجربتي مع التحصيلي بدايتي للأسف كانت متأخرة مره بديت في أواخر شهر عشرة لاني ما قفلت على القدرات و لما بديت كنت اعاني من التشتت و ضيق الوقت فسويت خطة اني اخذ على كل مادة من اسبوعين لعشر ايام ختمت فيها تأسيس الفيزياء و الكيمياء و نص الرياضيات اما الأحياء فما كفى الوقت اني اخلصه و دخلت على الفترة الأولى بدون تدريب و بين الفترتين كنت احس بارهاق شديد لاني ضغطت على نفسي الفترة الأولى بس جبرت نفسي اخلص الأحياء و الرياضيات و تدربت من ملحق ناصر العبدالكريم. صح ان درجتي مو اعلى شي لكن الحمدلله تعتبر حلوة كيف ذاكرت؟ زي ما قلت كنت آخذ على المادة من اسبوعين لعشر أيام و كنت امشي على (التكرار المتباعد) مصدري كان كتاب ناصر العبدالكريم 2026 و هو الأفضل من وجهة نظري شفت شروحات أساتذة من اليوتيوب رياضيات/ أ. فرح جهاد فيزياء/ أ. محمد زيادة كيمياء/ أ. أحمد الحربي أحياء/ مستر بيولوجي للمصداقية الأحياء اخذت خلاصة التأسيس و الرياضيات كملته بمراجعة أستاذ راكان مو صح الي سويته لكن كنت ابي اكسب الوقت طبعا سويت الأخطاء كان ممكن اتجنبها و اجيب درجة أعلى و هي: 1- ما بديت من بدري فانضغطت بشكل مو طبيعي 2- ما كنت مهتمة بصحتي فتعبت وتأثر تركيزي 3- ما خلصت تأسيس الرياضيات 4- ما خلصت ملحق التجميعات نصايح راح تفيدكم مرره ⭐️ما قبل المذاكرة 1- استعينوا بالله و فوضوا أمركم إليه 2- ابدوا من بدري لان كل ما بدرتوا قل التوتر و زادت فرصة انكم تجيبون درجة عالية 3- نظموا وقتكم و سووا جدول للمذاكرة وصدقوني مهما كنتوا شاطرين بس ما عندكم خطة بتضيعون 4- لو كنتوا حاسين بتوتر او ضغط ترى عادي كلنا نتوتر ونخاف نفشل لا تخلون هذي المشاعر تسيطر عليكم كلنا نقدر ننجز، ثقوا بأنفسكم و سووا الي عليكم و التوفيق من عند ربي ⭐️خلال فترة المذاكرة 1- اهتموا بصحتكم و ناموا كويس ما راح يكون تركيزكم عالي لو كنتوا تعبانين +لا تدرسون ساعات طويلة بدون راحة 2- ابعدوا عن المشتتات و الأشياء الي تقلقكم و تحبطكم 3- لو فيه نقطة ما فهمتوها عيدوها او اسألوا معلمينكم لا تعدّون الدروس بدون فهم عشان تخلصون 4- التدريبات ثم التدريبات و ملحق ناصر العبدالكريم مرره مهم و تجي منه أسئلة ⭐️ما بعد المذاكرة 1- اذا خلصتوا و كان فيه وقت للمراجعة راجعوا ولا تسحبون 2- يوم الاختبار وقفوا تماما عن المراجعة عشان لا تتوترون و تغلطون 3- ما بعد الاختبار لا تقعدون تحسبون اغلاطكم، غلطتوا بسؤال افهموا غلطكم عشان لا يتكرر اما ما بعد الفترة الثانية انسوا تماما انكم اختبرتوا 🔴 نقاط مره مهمة 1-الدعاء ثم الدعاء، يصنع المعجزات و يغير الأقدار فادعوا دايما بالتوفيق و السداد 2-لا تشتتون نفسكم بمصادر كثيرة 3-لو بتدخلون دورة تأكدوا انها موثوقة 4-قووا علاقتكم مع ربي تلقون التوفيق 5-مهما كانت نتايجكم لا تتحطمون و تزعلون بقوة تذكروا ان كل شي من ربي خير مو عيب ان الواحد يفشل و يعيد، انك تسعى و تفشل أفضل من انك ما تحاول وتسلم نفسك لمخاوف وهمية 6-خلال فترة التحصيلي لا تقولون لاحد خططكم ابدا بس ما يمانع تنصحون و تدلون على دورات او معلمين بس خططكم التفصيلية لا 7-لا تهملون المدرسة بحجة انها مو مهمة لاحد يكذب عليكم يقول لكم القدرات و التحصيلي هي المهمة بس، تراها مهمة و داخلة في الموزونة التحصيلي سهل مرره لو ذاكرتوا بشكل صحيح✨ و ختاما اشكر استاذ راكان على كل الي سواه معنا من نصايح و تحفيز و أشياء كثيير هذي تجربتي و فالكم التوفيق والنجاح جميعا

التجربة رقم 15 السلام عليكم ورحمه الله وبركاته انا غلا طالبه من دفعه ٢٦، وجبت ٩٨ في التحصيلي الحمدلله 🌟 وبقولكم تجربتي: 1️⃣ المصدر: احترت بالمصدر بشكل ولكنّ استخرت واخترت كتاب ناصر العبدكريم ولا ندمت. لو اقولكم ليه اخترته؟ يعطيك المعلومه بالزبده لايزود ولا ينقص، وطريقه سرده للكتاب وترتيبه كان مريح لي بشكل. 2️⃣ ترتيب المواد والمعلمين: بديت اذاكر من تاريخ ٨/٢٤ قبل رمضان بكم يوم، وكنت ع جدول المهندسه (شهرين) انصح فيه مرا، ورتبت المواد كالتالي: 📐 رياضيات: تابعته مع فرح جهاد، وكان مستواي منه بالمدرسه حلو ف ماتابعت كل الدروس. 🧲 فيزياء: تابعت محمد زياده، وانصح فيه للي مستواه ضعيف فالفيزياء مثلي. 🧪 كيمياء: عبدالله الغامدي، تابعته ع توصيه راكان ولا ندمت. 🧬 احياء: كنت احفظ، وبعض الدروس شفتها مع فرح ابراهيم. 3️⃣ نصيحة لتطوير المستوى: طبعا التحصيلي ماينفع مرا انك تتابع فيديو بس، اشتروا دفتر كبير وحلوا الاسئله بنفسكم ذا اللي يخلي مستواكم يتطور. 4️⃣ الاخطاء اللي وقعت فيها وماتمنى احد يكررها: انو يجونك ناس يقولون اف مصدرك ناقص خذي المصدر ذا وانت قد بديت فيه، ويقولون تجميعات ناصر ناقصه خذوا مدري مين.. ابدوا بمصدر وختموه تاسيس وتجميعات ولا تتشتتون. 5️⃣ اكثر شي فادني بالاختبار: انو كنت اعيد التجميعات بشكل، لدرجه صرت احل الاسئله بالنظر من كثر التكرار. 6️⃣ عن التعب وفقدان الشغف: بتجيكم ايام تحسون بضيقه وتعب ومافي شغف، ريحو نص اليوم سوو شي يغير جوكم وارجعوا. والله الايام مرت سرعه وخصيصا فتره المذاكرة كانت ركض، فجاءه لقيت نفسي بقاعه الاختبار! ف استغلوا وقتكم. (واذا احترتوا احيان بشي، في قروبات مناقشه كانت تساعد ف اسئلو، وراكان والمهندسه كان يردون). 7️⃣ سبب توفيقي (أهم شي): طريقة سويتها ولعلها كانت سبب في توفيقي حمدلله.. كنت احفظ قران جزء بسيط جدا حسب المستطاع قبل ابدا اذاكر وبعدها اذاكر، حسيت تيسرت لي المذاكره بشكل ومشت بسلاسة. والوتر والدعاء والصدقه، وقوو علاقتكم بربكم.

التجربة رقم 14 السلام عليكم، أنا خديجة، وهذي تجربتي. الحمد لله حصلت على 96 في الفترتين، وكنت أتمنى درجة أعلى، لكن الحمد لله على كل حال. كم كانت مدة استعدادك للتحصيلي؟ وكيف كانت خطة المذاكرة اليومية؟ بديت أذاكر بتسويف من قبل رمضان، لكن بدأت بجدية قبل الفترة الأولى بـ20 يوم. كان عندي أساس قوي جدًا لأني كنت مختبره مبكر، فما احتجت أذاكر بكثافة إلا منهج ثالث ثانوي. أما بالنسبة لخطة المذاكرة، فكان ترتيبي للمواد: رياضيات → فيزياء → كيمياء → أحياء. كنت أراجع الدرس اللي قبله، وبعدها أبدأ مذاكرة الدرس الجديد. وكنت أذاكر مادة مادة، مو كل المواد مع بعض. وكل خطأ أغلط فيه أحط عليه نجمة وأرجع له بالمراجعة. وبالنسبة لساعات المذاكرة، كنت أذاكر تقريبًا 4–5 ساعات يوميًا، ولما قرب الاختبار صار أغلب يومي مذاكرة. ما المصادر اللي اعتمدت عليها أكثر شيء؟ للأسف هنا وقعت في غلط، وهو إني ذاكرت من أكثر من مصدر (Y ، أينشتاين، وكتاب ناصر). وهذا سبب لي تشتت؛ لأني إذا ما فهمت مع معلم، رحت لمعلم في مصدر ثاني، وصار الوضع كذا مع أغلب المواد. إذا أنت تقدر تفهم مع أستاذ واحد، فأنصحك تلتزم بمصدر واحد فقط. وش أكثر شيء ساعدك ترفع درجتك إلى 96؟ إني حرصت أخلص جميع الأفكار قبل الاختبار. لا تدخل الاختبار وأنت باقي ما خلصت بعض المواد، لأن الاختبار يقيس أساسك، وكل مادة ممكن يجي منها أسئلة. هل كانت التجميعات جزءًا من خطتك؟ وكيف كنت تستفيد منها؟ أكيد، لكن بعد ما أخلص تأسيس كل درس. ما كنت أعتمد على التجميعات لحالها أبدًا، لأنها مو بديل عن التأسيس، وإنما وسيلة تثبت فيها الأفكار وتشوف طريقة الأسئلة. بعد كل درس كنت أحل جميع التجميعات اللي وردت فيه، وأشوف إن منصة يلو تتفوق في هذي النقطة لأن عندهم تجميعات كثيرة جدًا وشاملة. 🔴 لكن أهم نصيحة: لا تعتمدون على التجميعات لحالها أبدًا. أول شيء أسسوا وافهموا الدرس، وبعدها ابدأوا بالحل. كثير طلاب يبدأون بالتجميعات مباشرة، وهذا أكبر خطأ لأن التحصيلي يقيس فهمك للمفاهيم قبل أي شيء. هل كنت تحل اختبارات تجريبية؟ لا، ما كنت أحل اختبارات تجريبية، وكنت أشوفها مضيعة للوقت. لكن لو يرجع فيني الزمن، يمكن أحل اختبار أو اختبارين فقط عشان أتعود على جو الاختبار وإدارة الوقت. وش أصعب تحدي واجهته أثناء المذاكرة؟ وكيف تجاوزته؟ أصعب شيء واجهني كان المراجعة، لأني بصراحة ما أحبها. الشيء اللي ساعدني إني كنت آخذ الكتاب معي للمدرسة وأراجع هناك، عشان ما أحس إنها أخذت من وقتي في البيت. ولما أرجع البيت أبدأ مذاكرة وأنا مخلص المراجعة. كيف كنت تحافظ على حماسك؟ كل ما حسيت بالملل أو فقدت الحماس، كنت أشوف هدفي قدامي. أدخل أشوف الجامعة اللي كنت أحلم فيها، وأتابع أخبارها، وأشوف حياة الطلاب فيها، وأقرأ عن التخصص اللي أبغاه. هذا الشيء كان يعطيني دافع قوي جدًا إني أكمل وما أستسلم. كيف كان يوم الاختبار؟ وهل الاختبار كان قريب من اللي تدربت عليه؟ الحمد لله كان يوم جميل، وبالنسبة لي كانت أغلب الأسئلة مباشرة وقريبة من الأفكار اللي ذاكرتها. لكن غلطت غلطة في التظليل واضطريت أظلّل ثلاث أسئلة عشوائي، لذلك انتبهوا جدًا للتظليل. وبرضو ناموا بدري، والله التركيز يفرق كثير. حتى لو كان يومكم كله راحة ونوم، وراجعتوا ساعتين فقط، أهم شيء تدخلون الاختبار وأنتم مرتاحين. وش أكثر خطأ تشوف الطلاب يسوونه؟ الاعتماد على أكثر من مصدر. 🔴 خذوا مصدر واحد فقط وافهموه من البداية للنهاية، وإذا احتجتوا مصدر ثاني يكون فقط لتوضيح نقطة معينة، مو تذاكرون المنهج كامل من أكثر من مكان. وش أهم نصائحي؟ لا تكثرون المصادر، مصدر واحد يكفي إذا التزمتوا فيه. راجعوا أخطاءكم باستمرار، لأنها أهم من حل أسئلة جديدة كل يوم. لا تدخلون الاختبار إلا وأنتم مخلصين جميع المواد، حتى لو بشكل مختصر. لا تخلون هدفكم يغيب عنكم، وتذكروا دائمًا ليش بدأتوا. وأخيرًا، لا تقارن نفسك بأحد. كل شخص له طريقته وظروفه، لكن إذا اجتهدت والتزمت، بإذن الله توصل للدرجة اللي تتمناها. أسأل الله يوفقكم جميعًا ويكتب لكم أعلى الدرجات. 🤍

التجربة رقم 13 السلام عليكم ورحمة الله وبركاته أستاذ راكان. أول شيء أحب أشكرك من كل قلبي على كل اللي قدمته لنا، وأسأل الله أن يجزاك عنا خير الجزاء، ويكتب لك الأجر، ويبارك لك في عمرك ورزقك، وييسر لك أمورك، ويسعدك في الدنيا والآخرة، والله يجعل كل طالب استفاد منك في ميزان حسناتك. أما عن تجربتي، فبصراحة الفترة الأولى ما كنت ماخذة الاختبار بالجدية الكافية، ولا استعديت له مثل الفترة الثانية. كنت أشوفها بمثابة تجربة أعرف فيها طريقة الاختبار وكيف تجي الأسئلة وأقيس مستواي. ولما طلعت من الاختبار كنت مستاءة جدًا من نفسي، وحسيت إن مستواي ما كان مثل اللي أطمح له، وكنت متأكدة إن عندي أكثر من قسم غلط، خصوصًا إني نسيت أظلل القسم الثاني، ولما دخلت القسم الثالث ظللته بشكل عشوائي لأن الوقت كان انتهى، وطلعت وأنا ألوم نفسي على هالأخطاء. لكن بعدها قلت خلاص، ما راح أضيع الفرصة الثانية. شديت حيلي، واجتهدت أكثر، وصرت أتابع كل شيء تنزله في القروب أول بأول، وكل مرة أشوف عبارة "لكل مجتهد نصيب" كانت تعطيني دفعة وحماس إني أكمل وما أستسلم. ولما دخلت اختبار الفترة الثانية كنت أهدى وأكثر استعدادًا، ولما خلصت الاختبار طلعت مرتاحة وفرحانة، مع إن كان عندي توتر طبيعي مثل أي شخص ينتظر نتيجة شيء تعب عليه. حتى وأنا داخل الاختبار كنت أحسب أخطائي، وبعد ما طلعت كنت كل شوي أدخل على تشات وأسأله: "إذا عندي عدد الأخطاء كذا في التحصيلي، كم احتمال إن نسبتي ما تنزل عن 90؟" مع إني كنت عارفة إن التصحيح معياري، لكن من كثر التفكير والحماس كنت أبي أطمن بأي طريقة. ويوم إعلان النتائج، والله إني ما أنساه. أول ما وصلتني رسالة من قياس، قلبي صار يدق بسرعة، وفتحت الرسالة وأنا بين الخوف والرجاء، ولما شفت 95 وقفت شوي من الفرحة، ثم حمدت الله حمدًا كثيرًا. والله شعور النجاح بعد التعب ما له وصف، وفرحة أهلي كانت من أجمل الأشياء اللي عشتها، وحسيت وقتها إن كل ساعة مذاكرة، وكل لحظة تعب، وكل دعوة دعوتها ما راحت هباء. وأحب أقول لكل طالب بيختبر: لا تعتمد على التوفيق بدون سعي، ولا تعتمد على السعي بدون توكل على الله. خذ بالأسباب، واجتهد، وأكثر من الدعاء، وثق بالله ثم بنفسك، ولا تيأس لو البداية ما كانت مثل اللي تتمناه، لأن بإذن الله تقدر تعوض مثل ما صار معي. وفي النهاية، أشكرك مرة ثانية يا أستاذ راكان على كل نصيحة وكل كلمة تشجيع، والله إنك كنت سببًا بعد الله في رفع معنوياتنا وتحفيزنا. أسأل الله أن يوفقك، ويشرح صدرك، ويبارك لك في علمك وعملك، ويرزقك من واسع فضله، ويجعل كل ما تقدمه في ميزان حسناتك. جزاك الله عنا كل خير، وبيض الله وجهك. 🌹🤍

📚 كيف كانت طريقة مذاكرتك؟ كتاب ناصر وبس(صراحةً ذاكرت كم نموذج من اينشتاين حول العشرين) ، اعتمدت ناصر بحكم اخواني مجربينه وكان أشهر مصدر منذ الازل ، وقد قالوا لي بنات انه مب شامل والمصادر الثانيه منزله تسريبات وافكار مب موجودة عنده بس كنت معتمدته عشانه مب جديد وله فترة بهذا المجال ولو بديتوا مصدر لاتبيعوه عشان اشاعه طلعت لكم فجأة *وثقوا ان الله م كتب لكم تبدوه عبث* ⏰ كم مدة الاستعداد؟ بديت من شهر شعبان بناءً على نصيحة معلمة لي ، وكنت مذاكرة للمبكر فكان عندي فكره وتجربه (ذاكرت للمبكر حول شهر ووقتها قلت توبه لازم اذاكر للاساسي من وقت) ❌ وش الأخطاء اللي وقعت فيها وما تتمنى أحد يكررها؟ م سويت ملف اجمع فيه الاخطاء الا على نهاية مذاكرتي .. كنت م احب اراجع فاستكسلتها بس انتم سووها من بدري 🫵 ✅ أكثر شيء فعلاً فادك في الاختبار؟ اختبارات دار الحرف كنت اكررها كل م زهقت من المذاكره وكان لها دور في السرعه والتركيز ع الاخطاء 💡 أي نصيحة تتمنى أحد قالها لك قبل تبدأ؟ ابدأو بوقت مهم.. ولاتفكروا بأن الاختبار قرب وتتوتروا عشان لاتضيعوا وقتكم زيادة اساسا ليش نزلت بين الفترتين مع ان الفترة الثانيه كانت اسهل.. عشاني كنت ماخذه بريك طويل مب ثقةً بدرجتي للفترة الاولى حتى وطبعا ذا كله بفضل الله لابجهدي

- ‏صلّوا على من يُنادي يوم القيامه ، أُمتي أُمتي ‏اللهم صلّ وسلم عليه ✨🤍.

التجربة رقم 11 السلام عليكم ورحمة الله وبركاته.. ولله الحمد، صحيح إن طموحي وتوقعاتي كانت أعلى من كذا، بس الحمدلله درجتي تعتبر زينة ✨ طريقتي: أنا شخص مستحيل أعدي صفحة بدون فهم حقيقي، فكان إنجازي اليومي كحد أقصى 6 صفحات (الصفحة تاخذ مني مو أقل من 45 دقيقة) المصدر الأساسي: كتاب ناصر فقط. المعلمين: نصيحتي لا تسمع للي يقول لك "هذا أفضل معلم".. الأفضل هو اللي ترتاح لشرحه وتفهمه. بالنسبة لي:   فيزياء: فرح إبراهيم   رياضيات: فرح جهاد   كيمياء: محمد زيادة   أحياء: بدون معلم (أقرا وأحفظ وأسوي ربوطات بنفسي، وأشغل أي شرح بس للفقرات الصعبة) بدأت المذاكرة متأخر لظروف حصلت لي (على نهاية شهر رمضان)، واقترفت غلطة إني ذاكرت مادتين بوقت واحد (يوم فيزياء ويوم رياضيات) وهالشيء أخرني. فقررت أركز على مادة مادة: الفيزياء: كانت من أصعب المواد لكثرة القوانين، بس خذت وقتي فيها وفهمتها بذمة وضمير لين صارت من أسهل المواد، وقفلت عليها قبل الفترة الأولى بأسبوع. الرياضيات: كملت اللي أقدر عليه ووصلت للدرس العاشر في يومين ثم وقفت. الأحياء والكيمياء: خلصت نص الأحياء في يومين. وقبل اختباري بيوم واحد، ذاكرت أول 5 دروس كيمياء من "تجميعات ناصر" مباشرة بدون تأسيس بسبب ضيق الوقت، والحمدلله هالطريقة نفعتني حيل. يوم الاختبار: ذاكرت تسريبات الأيام اللي قبلي وركزت على تجميعات المواد اللي ما خلصتها. وما أمداني أراجع القديم، بس لأني ذاكرته بذمة وفهم ما نسيته. - الفتره الاولى: اختباري كان اغلبه كيمياء وأحياء (المادتين اللي ما خلصتهم)، وكنت متوقعة درجة بالسبعينات، بس اللهم لك الحمد طلعت مو سيئة حيل .. جبت 89 - بين الفترتين: كملت كل اللي باقي لي وقفلت على المواد كاملة الأحياء خلصته في يومين بس. ما أمداني أذاكر تجميعات واجد، فاكتفيت بمراجعة كتاب ناصر، وقبل الاختبار بساعه ذاكرت شوي من التسريبات. - الفتره الثانيه: الاختبار الثاني كان حيييل أسهل وعسل (أغلبه فيزياء وأحياء) ولأني كنت مذاكرة ومخلصة الكتاب ف كان الاختبار حلويااات.. وصراحه كنت متوقعه درجة فوق 95+ بس الحمد لله على كل حال .. جبت 93 ❤️ نصيحتي: أهم شيء تدخل الاختبار وأنت واثق بربك وبنفسك ولا تخلي التوتر يخرب تركيزك. وعليك بالدعاء وبر الوالدين والاهتمام بالجانب الديني عشان تحصل على التوفيق في كل أمورك. وأخيراً.. لا تنسوني ووالديني من صالح دعائكم 🤍 وَصَلِّ اللّه عَلَى مُحَمَّدٍ وَآلِ مُحَمَّدٍ

اني كنت اتخيل نفسي في صحراء وفي هواء قوية أو عاصفة قاعدة تدفيني أو ترجعني للخلف وإذا رجعتني مرة راح يكون وراي جرف يعني كأنه حفرة كذا كبيرة أطيح منها ما أقدر أطلع فوق فأنا لازم أقاوم الهواء هذا اللي يعيقني عشان اوصل قدامي ل جبل كبير وكنت ارجع هذا الجبل مع كل مادة أنجزها أو إنجاز أسويه في المذاكرة وكل مرة افشل في حاجة في المذاكرة اتخيل نفسي احرجت من الجبل شوي فأروح واجمع قوتي وارجع ثاني مرة يعني أذاكر أقوى وكنت دايم أتخيل إنه إذا أنا ما حاولت ترى وراي جرف وأنا هناك في ناس ما حاولت وطاحت وما نالت اللي تبي فاكيد أنا بخاف وما أبي أصير زي حياة هذول الناس فكنت أحاول واجتهد اتسلق هذا الجبل وكنت دايم أطيح وارجع أطيح ثاني مرة وأحاول لحد ما صرت اليوم فوق قمة هذا الجبل وانا كلي فخر بما أنجزته ⛰️ 🏆 وهذا كله من فضل الله ثم هالكلام والخطط والدعم الذاتي 2/2

التجربة رقم 10 بسم الله الرحمن الرحيم والسلام عليكم ورحمه الله وبركاته معكم آمنه العمودي خريجه ٢٦ وحابه اذكر تجربتي انا تقريبا بديت قبل رمضان وبديت طبعا مع كتاب ناصر عبدالكريم وكنت من شهر شعبان إلى نهايه رمضان ويشهد ربي اني ماكنت انجز زين ووقتي كله يضيع وانا مسويه كل شي واذاكر زين بس وقتي يضيع وما انتج شي ولا أستفيد شي أبدا من بعد عيد الفطر جتني لحظه ادراك اني ماخلصت ولا ماده وجاني انهيار مايعلم فيه إلا ربي وكنت اذاكر وانا ارجف وقلبي ينبض باقوى شي لكن بذاك اليوم رحت لحالي ب السطح وقعدت مع نفسي ، انا وش سويت ووش مفروض اسوي وليه مو قاعده انجز شي ! حطيت هدف التحصيلي قدام عيوني وبديت اصلي بوقتها وادعي وادعي وادعي وكنت ادعي ان الله يبارك لي في وقتي وجهدي ومالي وكنت كل صلاه حرفيا كل صلاة ادعي ان الله يهديني للطريقه الصح وكنت اشكي دايم لربي اني ضايعه والحمد لله ربي استجاب دعواتي وهداني بالطريقه الصح اللي مايخلص اليوم إلا وانا انجزت +٦ ساعات مذاكره جدية وكانت خطتي كالتالي كل يوم اقوم الساعه ٥ الفجر واصلي وافطر واصحصح وابدا مذاكره الساعه ٦ بالضبط وكان كل البيت نايم واذاكر إلى الساعه ١١ بعدها اوقف إلى صلاة العصر واصلي ثم اكمل مذاكره إلى صلاة المغرب اوقف مذاكره واصلي المغرب واتعشى وارتاح ثم اصلي العشاء وانام هذي الخطه يا انها من افخم الخطط واقواها وانا جربت كثييير خطط لكن فيه اكثر من نقطه بهالجدول لازم تلتزم بها اولا الصلاة بوقتها ثم الصلاة بوقتها ثانيا الدعاء وتكلمو من قلب واشكو لله ثالثا لازم تنامون ٨ ساعات لازم رابعا واللي تغير معي ١٨٠ درجه مع المذاكره هي طريقة بومودورو كنت ما اصدقها أبدا وكنت اذاكر من اقوم لين انام وما انتج شي لكن قسما بالله من يوم بديت بهالطريقه وانا انجز وانجز وانجز وكنت اخذ ٢٥ د دراسه و ٥ راحه وبالراحه هذي مو تروحون شورت التيك واليوت ! أنا كنت اروح لهم وفجاءه اكتشف مرت ساعه كامله بال٥ دقايق هذي اسمعو قران ترى بيعطيكم راحه نفسيه وقوه ذهنيه و ايمان تام انكم تقدرون وهذي الخطه والنصايح اللي تمنيت احد قالها لي لان من دون تنظيم الوقت و ( الجهد ) والنوم ماتقدرون تسوون شي والصلاة طبعا اول شي وترى كثير ناس يقسمون وقتهم ثم مايلتزمون لانهم قسمو وقت وليس ( الجهد ) ف انتم لازم تعرفون تقسمون جهدكم يعني بدايه اليوم اصعب ماده ثم الوسط ثم الاقل وهكذا والنصيحه الاخيره اللي ماقد احد تكلم فيها وطبعا اخذتها من ai كنت استشيره ب خطتي وقال لي نصيحه واللي هي ( دفتر الاخطاء ) بقول لكم طريقه المذاكره وبذكر فيها طريقه ( دفتر الاخطاء) اولا إذا كانت ماده مثل الرياضيات او الفيزياء لازم تفتحون شرح ثم تتابعون الشرح بتركيز ثم إذا خلص الشرح وانتقل ل حل المسائل اللي بجنب الكلام وقفو المقطع وحلو بنفسكم ترى لازم تعودون نفسكم ع الحل باليد وهكذا لين تخلصون كتاب التاسيس إذا خلصتوه تروحون على كتاب التجميعات الأصفر حق ناصر مو تبدون بحل الأسئلة على طول! لا لازم أول شي تراجعون الدرس من خرائط المفاهيم لمدة 10 دقائق بالضبط عشان ما تماطلون ثم تنتقلون لكتاب التجميعات وتبدون تحلون الاسئله إذا حليت السوال صح تمام واذا اخطيت حاول فيه واذا عجزت حاول ثاني مره مو تستسلم ع طول ! إذا خلاص م قدرت رح افتح الباركود وافهم وشف وين الخطا وهنا تجي وظيفه ( دفتر الاخطاء ) تكتب دفتر الأخطاء فوق العنوان مع المادة ثم تكتب على اليمين بداية السطر السؤال رقم كذا ثم تكتب جنبه سبب الخطأ يعني ليه اخطيت وهكذا ‏ وإذا جاء بكرة قبل تبدأ تروحون عند دفتر الأخطاء تقرون و تشوفون وين الأسئلة اللي اخطيت فيها امس وتقرونها على السريع او تخلونها آخر اليوم نفسه وبكذا هذي خطتي اللي ما انكتبت ع ورق بل جربتها وبنيت عليها كل يوم عادات لحتى صارت خطه واثقه اني بعتمدها حتى بالجامعه واهم شي بالكلام هذا كله الصلاة لازم تستوعب انك لازم تصلي وتحافظ ع صلاتك بوقتها وتتيقن ان الله بيختار لك اللي به خيره لك ف لا تتعب نفسك انك ما جبت درجه زينه بالعكس مفروض تحمد ربك لان اكيد هذي ردة بلاء وكان فيه سيناريو ب راسي مره يضحك لكن وقتها كان مره مفيد

التجربة رقم 8 السلام عليكم ورحمة الله وبركاته هذه درجتي والحمد لله عليها صحيح توقعت اعلى لأني كنت اشوفني احل الأسئله بسهوله خصوصا الفتره الثانيه لدرجه اني ماحصرت الا خمس اسئله بس اللي غلطت فيها لكن الحمد لله هذه درجتي وهذا اللي ربي كاتبه لي وأنا راضيه كثيير تجربتي بتكون تنبيه ولا اشجع ابدًا انك كدفعة ٢٠٢٧ تسوي زيي لا ابغى تنتبه وتتجنب الأشياء اللي سويتها طبعًا بعد ما اشتريت الكتاب اول مانزل حرفيا ماذاكرت إلا درس رياضيات ثم بدأت بالتسويف وظروف خارجيه كانت تدعم تسويفي وكنت آخذها كعذر ، لكن العكس لو كان فعلًا ودي اجتهد اكثر كان قدرت أكمل مذاكرة وكنت اخلي الدوام برضو عذر انه يلخبط جدولي ونومي وكل هذه الأعذار كذب في كذب ويمديك لو تأخذ نص درس باليوم اهم شي ماتسوف . من الأشياء اللي دعمت تسويفي كمان اني كنت أضع لي هدف بالمذاكرة فوق طاقتي وطاقة ظروفي عشان كذا كنت احس بالضغط والثقل وءأجل المذاكرة بحكم اني اخاف ما انجز الإنجاز اللي بالجدول واحس بالإحباط غلط غلط غلط تضغط نفسك وتقارن جدولك بجدول غيرك ، كل طالب وله ظروفه وقدرة استيعابه . طبعًا قطعت مذاكره ومارجعت الا بآخر رمضان وذاكرت فيه خمس دروس بعدين قطعت بالعشر الأواخر ومارجعت أذاكر إلا ثاني أسبوع بالعيد ماكان باقي شي للاختبار وأنا ماتأسست ! اللي دعمني بهالفترة ان مستواي بالمدرسه بكل المواد جدًا ممتاز الحمد لله وتأسيسي كان قوي فا قدرت أتدارك نفسي بالمذاكرة بس هل خلصت تأسيس قبل الفتره الأولى ؟ لا ذاكرت بس الدروس المهمه وآخر ثلاث أيام قبل الاختبار رحت لملحق ناصر كنت اخلص الماده بيوم من كثر الضغط خلصت احياءً وكيمياء وفيزياء الرياضيات أخذت تجميعاته بنفس يوم الاختبار وماكملته ورحت اختبر رغم كل هذا التقصير كنت أوكل امري لله وأعترف له اني غلطت وندمانه لكن التوفيق منه سبحانه اختباري الفتره الأولى كان جيد جدًا بشكل ماتوقعته الحمد لله بعد الاختبار قلت لازم استغل الفتره بين الاختبارين وأخلص اللي علي ، كانت الفتره اللي عندي ٢٠ يوم قعدت ادرس وضعي وحسيت اني مارح اقدر أكمل تأسيس لازم اخش على التجميعات على طول لكن ما اقدر احل وأنا ناسيه طرق الحل ؟! وقتها رحت اشتركت مع غشام واخذت تجميعاته وكنت اسمع شروحات التجميعات نفسه فيزياء :محمد زياده احياء :عبدالرحمن آل عليوي رياضيات :ناديه بدوي كيمياء :أحمد شديد الله يجزأهم خير كان شرحهم مراجعه تأسيس ، وهذا كان في صالحي لأني ما كملت تأسيس تحصيلي وبنفس الوقت تأسيسي بالمدرسه كان كويس أصلًا فكان استغلال جدًا مفيد خلصت تجميعات غشام الحمد لله وباقي لاختباري يوم بسس بهاليوم اخذت تسريبات متنوعه كثيره حاولت الملم كل سؤال تسرب ، شايف كيف ضغطت نفسي ؟ كانت نفسيتي بهذي الفتره متدمره مره بسبب الضغط كان ناقصني بس ان نفسيتي تكون تمام ، بس فعلًا الإرهاق يسبب لك تشتت وقلة تركيز ، رحت اختبر وكان ممتاز جدًا وجتني تسريبات كثيره والتجميعات الاسئله بالهبل واغلاطي كانت تنعد حرفيًا وكانت أصلا بأسئله جديدة وتوقعت بأخذ فوق ال٩٠ بس الحمد لله الشاهد من تجربتي : لاتسمح لعذر الظروف يدخل مزاجك لاتنتظر الوقت المثالي عشان تبدأ لا تقارن نفسك وإنجازك بغيرك تذكر أن لكل شخص سعه وقدرة أنت اشتغل على مداهم لا تضغط نفسك وتتوقع منك نتيجه التحصيلي دسم لكن مو صعب ، يبغاله وقت وتنظيم قبل هالرحلة : - احرص على علاقتك بالله خصوصا في صلاتك خليها هي الاولويه ، اذا شفت انك تأخر الصلاه عشان تكمل تفهم هالسؤال هو تحل هالتجميع ، اعرف انك مابتلقى التوفيق - صلاة الوتر ثم صلاة الوتر والدعاء ، مهما كان وضعك تذكر أن الله اكبر وأنه قادر على كل شي - ابعد المشتتات عنك خصوصا إذا كانت معاصي ابعد ابعد ابعد الله يتوب علينا اجمعين - بر الوالدين ، والله ثم والله ان برهم ودعاءهم لك بيفرق كثييير بإنجازك وبدرجاتك لو كنت مزنوووق بس احد والديك طلب منك طلب قوله سم ولبيه وروح سوي طلبه وفي نيتك انه يكون بر وسبب في توفيقك وبركه في وقتك وآخيرًا توكل على الله واعمل بالاسباب وأعترف بتقصيرك وادعي ادعي ادعي وتأكد ان الله يراك ويرى سعيك وبكاءك وقت الضغط وأنه قادر يعطيك الدنيا ومافيها لعيونك ، لكن احنا في دنيا لازم نعيش شقاء عشان نستاهل الجنة ودرجتك مكتوبه وكل درجة تجيك هي خير لك سواء عرفت الخيره الآن او ماعرفتها إلا متأخر . ادعولي بالقبول والجامعة والتخصص الخير لي والسلام عليكم ورحمة الله وبركاته .

التجربة رقم 8 هدفي كان 100 وجبت 98. أنا مصرية، كنت نفسي ادخل جامعة في السعودية لكن متكتبليش والحمدلله . قفلت القدرات في 1/1/2026 (نهاية الترم الأول) وبدات التحصيلي بعدها بشهرين تقريباً (قبل الاختبار بـ7 شهور ). المدة كانت طويلة جدا بس انا اللي مستغلتهاش صح، وانا متأكدة لو استغلتها كنت هاجيب 100. نصايحي لدفعة 27 والدفعات القادمة: 1. حدد مصدر التاسيس والتدريب بدري. عنفسي اشوف كتاب ناصر للتأسيس وأينشتاين للتدريب افضل حاجه بس ده يرجعلكوا واهم حاجه يكون المعلم متخصص في المادة 2. لا تضيع وقتك في مجموعات المناقشة 3. المادة اللي تستصبعها اديها وقتها وكرر الفكرة لو مفهمتاش ١٠٠ مره لحد م تستوعبها 4. حافظ على النوافل، الأذكار، الصلاة على النبي، وقراءة القرآن لبركة الوقت 5. ابدأ بدري لو عندك وقت مدة التأسيس تختلف حسب تاسيسك من المدرسة. أنا احتجت وقت عشان تأسيسي في أول وثاني ثانوي كان ضعيف نوعا ما لاني مكنتش في مدارس سعودي ولا حتي عربي وبس كده دي تجربتي وأسألكم الدعاء فضلا وليس امرا بالزوج الصالح عاجلاً غير اجلا سبحان الله والحمدلله ولا إله إلا الله ولا حول ولا قوة إلا بالله

معاكم الطالب فهد من دفعة 2026 🎓حاصلة على درجة 96 و95 في التحصيلي ولله الحمد ... 2. متى بدأت تذاكر للتحصيلي📓 اول ما نزل كتاب ناصر عبدالكريم بداية السنة الميلادية 2026 3. إيش هدفك من الدرجة🎯 جامعة مرموقة بتخصص مطلوب 🧱 القسم الثاني: مرحلة التأسيس 4. كيف كان مستواك قبل لا تبدأ مذاكرة التحصيلي؟ 📚 بالنسبة لمستواي كان كالاتي : فيزياء : متوسط رياضيات : ضعيف كيمياء: ضعيف أحياء : متوسط 5. من وين بدأت تأسيسك؟ كتاب ناصر عبد الكريم اقوى مصدر تأسيس تحصيلي 6. هل استخدمت محتوى معين لكل مادة؟ عطنا التفاصيل: • رياضيات: كتاب ناصر + انشتاين لبعض الدروس الصعبة • فيزياء: فرح ابراهيم • كيمياء: كتاب ناصر دار الحرف • أحياء: ذاكرت لحالي 7. هل كان عندك جدول يومي أو خطة مشيّت عليها؟ ولا كيف كنت توزع وقتك📝 كنت اخذت 6 او 7 صفحات يوميا وقتي في المذاكرة يعتمد على الدروس تقريبا من 3 الى 4 ساعات يوميا 8. كم استغرقت تقريبًا في تأسيس كل مادة؟ الرياضيات: 25 يوم الفيزياء: 20 يوم الكيمياء: 15 يوم الاحياء : 12 يوم 🔁 القسم الثالث: مرحلة التجميعات 9. متى بدأت تحل تجميعات📖 كنت اذا خلصت مادة اخذ تجميعاتها عشان لا انساها ومن باب المراجعة 10. وش المصادر اللي اعتمدت عليها بالتجميعات؟ تجميعات غشام + ملحق ناصر 11. كم سؤال تقريبًا حليت قبل الاختبار؟ 🗒️ جميع اسئله كتاب ناصر وملحقه وجميع تجميعات غشام وتوقعات اينشتاين 41 نموذج كامله وجميع تسريبات الفترتين 12. كيف كنت تراجع الأخطاء وتستفيد منها؟✏️ كنت اي سوأل اغلط فيه اصورة وارجع له قبل الاختبار بفترة وكنت قبل الاختبار احدد نقاط الضعف واراجعها 💻 القسم الرابع: الدعم والمصادر الخارجية 13. هل استخدمت اختبارات إلكترونية؟ من وين؟ نعم ، اختبارات دار الحرف 14. وش أكثر أداة أو مصدر ساعدك تراجع بشكل فعال؟📃 التجميعات ساعدتني اراجع كثير كنت اراجع تجميعات ناصر وهوامشة 15. هل تابعت صناع محتوى أو دورات؟ مين أكثر شخص ساعدك فعلاً؟ كثييير صراحة عندك مهندس راكان و بسمة الشهري واينشاين واستاذ غشام 🧠 القسم الخامس: النصائح والتجربة النفسية 16. كيف كانت حالتك النفسية أثناء التحضير؟😶‍🌫 على حسب الدرس في بعض الدروس كانت تجيب لي النفسية والتسويف وفي بعضها ممتعه وكيف تجاوزت التوتر أو الإحباط؟👤 الدعااااااااء والتوكل على الله وكنت اذا متوتر ومحبط اخذ شيء خفيف 17. إيش أكثر لحظة شعرت فيها إنك تطورت أو انقلبت الموازين؟⚖️ لما خلصت كل شيء من تأسيس وتجميعات ومراجعه وبديت في التوقعات +يوم النتائج 18. لو رجع بك الوقت، إيش الشي اللي كنت تتمنى تسويه من أول؟ الانضباط والمراجعة اليومية ومراجعة الاخطاء 19. نصيحة مباشرة لطلاب السنة الجاية:🪜 توكل على الله اولا اعتمد هاذي المصادر تأسيس ناصر عبدالكريم تجميعات غشام توقعات اينشتاين 🧨 القسم السادس: كلمة أخيرة 20. كلمتك الأخيرة أو تجربتك باختصار؟ توكل على الله واعمل بالاسباب💪 ولا تسمع لكلام المحبطين... وتذكر أن الله مايضيع تعب احد وادعي بكل اوقات الإجابة وانت واثق أن الله قادر على كل شي فهو رب المعجزات وبنفس الوقت ذاكر واعمل الي عليك🫡 وربنا يوفقنا ويوفقكم يارب🫀 فهد حامد.

التجربة رقم 6 بسم الله الرحمن الرحيم. السلام عليكم ورحمة الله وبركاته. بدأت دراسة قبل الاختبار بفترة جدًا طويلة، بدأت بالأحياء لأنه الأبسط بالنسبة لي…ولكن، بعدها بديت أسوّف وأحس بأمان مزيف ان الوقت ما زال طويييل، 40يوم تقريبًا وأنا بهالشكل 🥲 👌🏻 فـنصيحة، 3أشهر أو 100يوم هي المدة المثالية للمذاكرة: -لا تزيد عنها لأنها بتأمّنك أمان مزيف -ولا تقل عنها لأنك بتنضغط وبتكره نفسك وأهم نصيحة التزم ملحق كتاب ناصر العبدالكريم ((ولا تتشتت))…كل المصادر ترا زي بعض، اللي يفرق ناصر لأنه فعلًا شامل وموثوق من فترة طويلة. ⏱️ سواء أخذت ناصر أو غيره، فٱلتزم فيه، لا تجلس تغير كل شوية. 🙅🏻 -تعرَّف إلى الله في الرخاء؛ يعرفك في الشدة. -احفظ الله يحفظك، احفظ الله تجده أمامك. -وٱعلم أن في الصبر على ما تكره خيرًا كثيرًا وأن النصر مع الصبر وأن الفرج مع الكرب وأن مع العسر يسرًا. صدق رسول الله ﷺ. 🩶 وبحمد الله وفضله…مئوية 💯 وعذرًا على الإطالة 👾

التجربة 5 السلام عليكم ورحمة الله وبركاته اولا انا جبت الحمد لله 98 وهذي تجربتي بالتفصيل متى بديت مذاكره؟ بديت بدري مرره ، تقريبا من بدايه شهر رجب، وحتى ان كتاب ناصر 2026 كان باقي مانزل فأخذت نسخه 2025 في البدايه كنت اسوف وما كان عندي جدول، خلصت الفيزياء بهذي الطريقه وكنت ضايعه، لين ما استاذ راكان نزل لنا جداول للاربع مواد، طبعتهم وعلقتهم وصرت امشي عليهم. اول شيئ الرياضيات : الحمد لله كان اساسي قوي، وكنت احب الرياضيات عشان كذا مره استمتعت بالتأسيس وشفت شروحات الدروس مع الاسطوره استاذه نوف الرومي اكثر استاذه اسلوبها ناسبني شخصيا. بعدين اكتشفت غلطه طحت فيها اني ما كنت اراجع الفيزياء ولقيت نفسي ناسيتها، اخذت جدول راكان وعدت الفيزياء مره ثانيه الفيزياء : الفيزياء كانت مادتي المفضله، و لاني تأسست مرتين صار تأسيسي بالفيزياء مره قوي الحمد لله. كنت اشوف شروحات فرح ابراهيم، وجبت دفتر الخص فيه الهوامش، ممكن تشوفوها تضييع وقت بس انا مره استفدت من ذي الطريقه، لدرجه اي سؤال يجيني اعرف احله + كل المعلومات والقوانين الي لخصتها الحين مستحيل انساها الكيمياء: بديت اذاكرها ثاني العيد حرفيا، بس طولت لان كانت بالنسبه لي عقده حياتي، مستواي كان سيئ جدا بالماده اصلا بسبب المعلمه الي كانت تدرسنا، بس الي ساعدني اني كنت اشوف شرح فرح ابراهيم الاسطوره. الربط الي تسويه وكيف انها تتعمق بالشرح ساعدني لاني ماكنت فاهمه، اذا كنت فاهم كيمياء ارشح لك هايزنبرج هو جدا ممتاز للي اساسهم قوي. خلصتها تقريبا نهايه شوال، (اخذت مني شهر كامل) الاحياء: الاحياء كانت صعبه لاني افضل الفهم على الحفظ، بس السر هنا كان التلخيص. الخص الهوامش واسوي خرائط مفاهيم واحيانا ارسم المخلوقات الحيه واجزائها واسوي ربط واكتب كثيييير، هذي طريقه انصح فيها مره للحفظ (اكتب المعلومه بيدك ). خلصت التأسيس، عدته تقريبا اربع مرات ، وهذا الشيئ الي خلاني احل الملحق كله بسهوله. التدرييييب : ملحق ناااصر حرفيا يجي منه بالاختبار كثييير اذا ما كانت كل الاسئله منه، كان اختباري الاول جدا رهيب والاسئله نفسها بس تغيير صيغه او ارقام. بين الفترتين حليت توقعات غشام ، وكان افضل شيئ سويته فادتني مره، وكنت اصور الاخطاء سواءا بالملحق او التوقعات وقبل اختباري راجعتهم. ومع ان في اختباري الثاني جاني قسم كامل اسئله جديده ولخبطت فيها واخترت عشوائي، مع كذا ما كانت درجتي سيئه عشان كذا لا تحسبون اغلاطكم بعد الاختبار، خلاص انتو سويتو الي عليكم وباقي توكلون امركم لله اخر شيئ ابي اشكر استاذ راكان الي كان معنا طوال الرحله هذي و النصيحه الاساسيه هي اعتمدو ناصر وماعليكم من احد، مع ان نسختي كانت اقدم الا انكم شفتو النتيجه بنفسكم ولا تسوفووون ، اضغطو على نفسكم فتره بسيطه عشان ترتاحو بعدين، وترى شعور الفرحه بعد كل هذا التعب لايوووووصف ، مايسوى تضيعه عشان لعب او طلعه او شيئ مؤقت. بالتوفيق للدفعه الجايه الله يرزقكم الدرجه الي تحلمون فيه

التجربة رقم 4 بسم الله الرحمن الرحيم 🎯 درجتك الحمدلله الاولى 87 و الثانية 91 📚 كيف كانت طريقة مذاكرتك؟ بخصوص المذاكرة الطريقة كتالي / * التزم في جدول راكان *اشوف الشرح بعدين احل الاسلئة *بعد ما اخلص الدرس كنت اروح ملحق ناصر احل اسئلة الدرس. بنسبة للمعلمين الرياضيات / جهاد ماجد فيزياء / جهاد ماجد و فرح جهاد الكيمياء / هايزنجبيرج الاحياء / اعتمدت على نفسي ⏰ كم مدة الاستعداد؟ تقريبا شهرين كل ماده اخلصة من اسبوع الى اسبوع و نص ❌ وش الأخطاء اللي وقعت فيها وما تتمنى أحد يكررها؟ ١- المراجعة / ماكنت اراجع الدروس و صرت اخلص المادة انسى الدروس فمراجعة مهمة بشكل مو طبيعي. ٢- لا تعتمد على الحفظ/ لا تحفظ اكبر غلط طحت فيه اني كنت احفظ بعض الدروس و يمكن هذا السبب الي نقص من درجاتي ✅ أكثر شيء فعلاً فادك في الاختبار؟ ١- كتاب خرائط المفاهيم / افضل أداة للمراجعة ٢- الاختبارات الاكترونية حقت راكان ٣- التجميعات ثم التجميعات هي الي بتزيد مستواك. 💡 أي نصيحة تتمنى أحد قالها لك قبل تبدأ؟ توكلو على الله ابتعدو عن اي شي يغضب الله صلاة الوتر و قراءة القرآن الكريم هذي الاشياء مهمة بشكل مو طبيعي و لا تخافون ترا التحصيلي مو صعب و لا مستحيل بس يطلب منك انك تعطيه وقت علشان في الاخير هو يعطيك درجات.