ЖываPEACE (Жывапіс)

Са святам!🫶 "На Купалле". 1921 г. Міхась Філіповіч. #жывапіс #Філіповіч #Купалле #Беларусь

"Дух памерлых не дрэмле". 1892 г. Поль Гаген. Карціну Гаген лічыў адной з лепшых з першага "таіцянскай перыяду". Па словах мастака за 2 гады, праведзеных на Таіці, ён напісаў 66 "больш-менш добрых карцін", аднак менавіта да гэтай ён адчуваў асаблівую прыхільнасць. Мастак прызначыў за карціну самую высокую цану і напісаў аўтапартрэт на фоне гэтай карціны. Дзяўчына - таіцянская "жонка" Гагена. Распавядаючы аб стварэнні палатна, мастак успамінаў, як аднойчы вярнуўся дадому позна і заспеў дзяўчыну паралізаванай жахам. Будучы, як і ўсе таіцянцы, вельмі забабоннай, дзяўчына баялася духаў, якія хаваюцца ў цемры, і, застаўшыся ў доме адна без святла, магла толькі нерухома ляжаць у ложку, заліваючыся слязьмі і чакаючы з'яўлення духаў. Некаторыя даследчыкі мяркуюць, што Гаген наўмысна прыдумаў легенду па ўласнаму закліку: "Будзьце загадкавымі". Усё магло быць прасцей. Гэта магла быць рэакцыя на яго агрэсію (законная жонка мастака не казала пра тое, што Гаген яе збіваў). #жывапіс #Гаген #постімпрэсіянізм #Таіці

"Меланхолія". 1892 г. Эдвард Мунк. Тыповы Мунк, але вось вам байка-падабайка. На пярэднім плане мастак адлюстраваў твар свайго сябра Яппе Нільсэна. Той падчас напісання палатна перажываў цяжкі няўдалы раман з замужняй жанчынай. Крытыкі ў асноўным лаялі карціну, але мастак Крысціян Крог даў хвалебны водгук. ПІкантнасць сітуацыі была ў тым, што ў Яппе быў раман з жонкай Крога. І Крог ведаў аб іх рамане. Іх норавы...😏 #жывапіс #Мунк #постімпрэсіянізм

Якая прыгажосць😍 "Раніца". 2023 г. Таццяна Чарных. Сучасная беларуская мастачка ў жанры пейзажу і нацюрморта. Любімай тэмай для яе карцін служаць прырода і вясковы побыт. Удзельніца нацыянальных і міжнародных выстаў і конкурсаў. Чаму ў яе так мала падпісантаў у сацсетках? Падпісацца: Instagram Telegram #жывапіс #Чарных #пейзаж #нацюрморт #Беларусь

"Партрэт доктара Гашэ". 1890 г. Вінцэнт Ван Гог. Карціна напісана ў чэрвені, незадоўга да гібелі Ван Гога (29 ліпеня). Партрэт Поля Гашэ, які сачыў за здароўем мастака, з галінкай наперстаўкі (з якой ён рыхтаваў для мастака зёлкі) быў прададзены на аўкцыёне ў 1990 г. за рэкордную суму ў $82,5 млн. На працягу наступных 15 гадоў карціна ўзначальвала спіс самых дарагіх карцін (з выстаўленых на продаж). Карціна была прададзеная японскаму магнату Рёэю Сайта, які выклікаў моцны скандал, выказаўшы намер крэміраваць палатно разам з ім пасля яго смерці. Пазней скандал атрымалася замяць на падставе таго, што дадзеныя словы былі сказаны на эмоцыях (па іншых дадзеных - дэзінфармацыя, наўмысна пушчаная для праверкі сапраўднасці карціны). У 1996 г., пасля смерці ўладальніка, карціна была прададзеная ў "невядомыя рукі". #жывапіс #ВанГог #постімпрэсіянізм #партрэт

Панядзелак-дзень цяжкі, а таму вось вам коцікі🐈 "Падарожжа па свеце". Генрыета Ронэр-Кніп. Мала ў каго з мастакоў-анімалістаў атрымалася здабыць сусветную вядомасць. Шчаслівым выключэннем стала Ронэр-Кніп. Бельгійская мастачка XIX ст. У розны час героямі яе палотнаў былі хатнія гадаванцы: сабакі, птушкі і вясковае быдла. Паступова месца галоўных натуршчыкаў занялі коткі. Адметнай рысай мастачкі было тое, што анімалістка "ачалавечвала" сваіх герояў, дакладна фіксуючы на палатне эмоцыі і характар кожнай жывёлы. Для вывучэння каціных звычак жанчына абсталявала спецыяльную студыю-майстэрню са шкляной сцяной. Жывучы за нябачнай перашкодай, каты маглі весці натуральны лад жыцця адначасова пазіруючы мастачцы. Тут ваўнянае сямейства ўскараскалася на пісьмовы стол. Мама-котка назірае за пяцёркай дзяцей. Пара з іх вывучае глобус. #жывапіс #РонэрКніп #анімалізм #кот

Васіль Пяшкун🎨🖼 Нарадзіўся ў Гомелі. Вучыўся ў Гомельскім мастацкім вучылішчы. У Беларускай Акадэміі Мастацтваў. Член Беларускага саюза мастакоў. Работы знаходзяцца ў музеях і прыватных калекцыях у Беларусі, ЗША, Венгрыі, Расіі, Ізраілі, Японіі, Італіі, Францыі. Майстар гарадскога і сельскага пейзажу. Усе свае карціны піша толькі з натуры, лічачы такі падыход да працы асноўным прынцыпам сваёй творчасці. Іnstagram мастака #жывапіс #Пяшкун #пейзаж #Беларусь

Пятніца🍸 "Барная стойка". 1900 г. Марыс дэ Вламінк. Фавіст. У гэтым стылі стылі Вламінк паказвае свет у самым прымітыўным і простым выглядзе. Але нават сярод фавістаў Вламінк самы радыкальны. Анры Маціс лічыў свайго калегу празмерна дзікім нават для супольнасці "дзікіх" (фавісты ад фр. les fauves - "дзікія"), а ён грэбліва адгукаўся аб дэкаратыўнасці і спакоі карцін Маціса і наогул яго на дух не пераносіў. Прымаць ці не прымаць падобны жывапіс - гэта заўсёды справа густу, але як мастацкая з'ява яна цалкам заслугоўвае ўвагі. #жывапіс #Вламінк #фавізм #Маціс

"Дажджысты дзень у квартале Батыньёль". 1877 г. Гюстаў Кайбот. Кайбот - мастак, мецэнат і калекцыянер. Нарадзіўся ў вельмі заможнай сям'і. Стаў мастаком выключна для ўласнага задавальнення. На пленэры выязджаў у карэце, абсталяванай як добрая студыя, з парачкай лёкаяў. Удзельнічаў у фінансаванні выстаў імпрэсіяністаў і падтрымліваў калег і сяброў-мастакоў (Клода Манэ, Рэнуара, Пісаро і інш.), купляючы іх творы, а ў выпадку Клода Манэ - аплачваючы арэнду студыі. Доўгі час рэпутацыя Кайбота як мецэната была значна вышэй, чым рэпутацыя мастака. Праз 70 гадоў пасля яго смерці гісторыкі мастацтва пачалі пераглядаць мастацкую спадчыну Кайбота. У сваім завяшчанні Кайбот падарыў французскаму ўраду 68 карцін розных мастакоў: Пісаро, Клода Манэ, Рэнуара, Сіслэя, Дэга, Сэзана і Эдуарда Манэ. А калекцыю яшчэ і не хацелі прымаць! Але гэта ўжо зусім іншая гісторыя... #жывапіс #Кайбот #імпрэсіянізм