شـعـر

‏{إنّ اللهَ وملائكتَهُ يُصَـلُّونَ على النبي يا أيها الذين آمنوا صَلُّوا عليه وسلِّمُوا تسليما}

‏«عقلي اللي كان يبغى من الواقع هروب ‏ تالي الايام يبغى … الهروب من الخيال» ‏- جابر النشيرا

‏«بين الصمت و التخمين و فوضى النفس و الترتيب ‏أنا اللي ما ظهر منه سوى قطرة من أعماقه»

‏{إنّ اللهَ وملائكتَهُ يُصَـلُّونَ على النبي يا أيها الذين آمنوا صَلُّوا عليه وسلِّمُوا تسليما}

‏قصيدة لـ عبدالله بن زويبن يخاطب فيها أبنته مواسيًا لها : ‏وراك يابنتي من الصبـح تبكيـن ‏ترى دموع العيـن ماهـي خفيـه ‏تبكين وآبكيتـي صغـارٍ برييـن ‏وآنـا بعـد دنيتهـا هاشمـيـه ‏مير البكى والحزن ماهو بها اللحين ‏فرقا بنات الناس ماهـي قضيـه ‏اليا تعـدت عشـرة ايـام تنسيـن ‏انـتي وهـن كـلٍ يسليـه حيـه ‏لاكن اليا حطو على راسي الطيـن ‏هاك النهار اليـا بكيتـي عليـه ‏ومدام انا وانتي على الارض حيين ‏ياسعد عينك لـو بكيتـي شويـه ‏والله لا نسيك الزعل لين ترضيـن ‏وامهدلـك الدنيـا فجـوجٍ فضيـه ‏واحماك مثل حماية الجفن للعيـن ‏وكلش فداك اليـا بغيتـي شريـه ‏يفداك ماشافت عيونك من الزيـن ‏لوان متر الثوب من خمس ميـه ‏لواني اسجل علـى ذمتـي ديـن ‏زودٍ علـى مايملكـنـه يـديـه .

‏«أصغي لمنطوقه بليّا مَناشيد ‏إصغاية إذن التابعي للصحابي» ‏- متعب البقيلي

‏في رجا الله ما يخليني لجدي و اجتهادي ‏مارجيت الا وعده ولا خشيت الا وعيده ‏لا استوت في عيونك الثنتين قربي و ابتعادي ‏والظروف اقسى من الماضي على اللي يستعيده ‏المصافح فالقلوب اصدق من مصافح الايادي ‏اسمحي لي كل يوم اصافحك وانتي بعيده ‏لا تحاتين الضمى والجوع في رحلة جهادي ‏الحظوظ مقسمه والذيب ما ياكل وليده ‏شاعرك لا هامو اصحاب الشعر في كل وادي ‏مستعد يوقف الدنيا على مطلع قصيده

‏في كل حزّة مغيب اقول يمديني ‏استقبل الشّمس بكره من مطالعها ‏الله من الصّبر ومن الوازع الديني ‏ومن احترام المشاعِر عن تصنّعها ‏ماقلت فيني من الأيام ما فيني ‏انا قبيل الظّروف الين اسنعها ‏— مزيد الوسمي

‏مسّيِتو بالخيـر الواجد ، وعقبه ‏تعّجب كيف ضَعاف الأنفُس نالوا لهم مكانه وشأن ‏وعلى ذا السجَيّه قِيِل: ‏بس الغريب إن الردى ينحسب جيّد ‏و أن البشر تتَبع ـــــ ضعيف الروابع ‏ -مبارك حمود ‏وبصّوره أخرى : ‏الثمين من الكتب يبقى على الرّف ‏والرخيص يحقـق " الاكثر مبيعًا" ‏-عبدالله السراهيد

‏{إنّ اللهَ وملائكتَهُ يُصَـلُّونَ على النبي يا أيها الذين آمنوا صَلُّوا عليه وسلِّمُوا تسليما}

‏يكفي ليا منك حضرتي تصبح الأرقاب عوج ‏النرجسي في حضرتك وشلون يبقى نرجسي ‏- خالد بن طفلان

‏« إلى آخر مدى صبري عسَاي من التعب مأجور ‏ولا أكون القنوط الِّلي جزع — من كثر حِرمانه »

‏غازي القصيبي: ‏نحن نصنع بخيالنا ما تمنعنا طبيعتنا من عمله. ‏سالم حمد: ‏"الخيال أحلى كثير من الحقيقة ‏كل ما تشتاق لـ أحبابك تخيّل" ‏سعد علّوش: ‏"قضيت لحظات حلوة في مخيلتي ‏ما يقدر الواقع التافه يوفرها"

‏{إنّ اللهَ وملائكتَهُ يُصَـلُّونَ على النبي يا أيها الذين آمنوا صَلُّوا عليه وسلِّمُوا تسليما}

‏"لازم ما نرضى بواقعنا لو نْعيش فيه ‏بعض المقادير تبغى من يوقّف لها" ‏بدر بندر.