تجمع طلاب صناع المستقبل - FMSG

وصلنا معاكم للقاء الثالث من سلسلة خطوتي القادمة!🔥 مهتم تسافر وتدرس برا السودان؟ بتفكر تقدم على منحة، لكن محتار تبدأ من وين؟ ما عارف تختار الفرصة المناسبة ليك أو كيف تتجنب أخطاء التقديم؟ اللقاء ده معمول عشان يجاوب على الأسئلة دي وأكثر! 👀✨ حنكون معاكم في لقاء مليان بالمعلومات والتجارب العملية، مع ناس من داخل مجال المنح والتقديمات، ح يشاركوكم تفاصيل الطريق من البحث عن الفرصة، لحدي الدراسة، والسفر إلى الخارج.✨ 🎙️ ضيفتنا الأولى: شدن حاتم - طالبة سودانية، دفعة 25، حاصلة على 90.3% في الشهادة السودانية. - مؤسسة مبادرة Scholarships للتوعية بالمنح الدراسية وفرص الدراسة خارج السودان. - متدربة لدى SciAsk ضمن برامج ORCT وURI وURE. - سفيرة في منصة قمم التعليمية – الدفعة الثالثة. 🎙️ ضيفنا الثاني: محمد حسن محمد إسماعيل - مؤسس مكتب الخرطوم للترجمة والخدمات التعليمية. - بكالوريوس الترجمة_ جامعة الإمام المهدي. - دبلوم عالٍ في الترجمة_ جامعة أم درمان الأهلية. - معلم سابق بوزارة التربية والتعليم. - مترجم طبي بمستشفى الحرس الوطني السعودي بالدمام. - مؤسس ومدير مكتب الخرطوم للترجمة والخدمات التعليمية بالقاهرة. لو حلم الدراسة برا السودان في بالك، ما تخلي اللقاء يفوتك!🔥 شاركنا شنو أكتر حاجة محيراك في موضوع المنح والدراسة برا السودان؟ #تجمع_طلاب_صناع_المستقبل #خطوتي_القادمة #FMSG

هل عمرك سألت نفسك: "ياخ هل ممكن أدرس برا السودان؟ وكيف أصل للفرصة دي؟" 👀 أحيانًا الفرصة ما بتكون بعيدة، لكن المشكلة إننا ما عارفين نبحث وين، نقدم كيف، ونبدأ من وين. وعشان كده، جايين ليكم بجلسة خاصة بعنوان: المنح والدراسة خارج السودان حنفتح معاكم الباب على عالم من الفرص، ونتناول معاكم: 🔹 المنح وفرص الدراسة خارج السودان 🔹 كيف تختار الفرصة المناسبة ليك؟ 🔹 خطوات التقديم والاستعداد للفرصة 🔹 تجربة السفر والدراسة والتأقلم 🔹 التحديات الممكن تواجهك وكيف تتعامل معاها 🔹 كيف تستفيد من التجربة أثناء الدراسة وبعد التخرج؟ والأجمل؟ 🔥 حتسمع الكلام من أشخاص عندهم تجارب فعلية في الدراسة والسفر، عشان تعرف الطريق بصورة أقرب للواقع، بعيدًا عن الكلام النظري. ضيوف الجلسة: الانسة شدن حاتم مستر محمد الحسن 🔥🔥🔥 موعدنا: 6/10 الساعة: 8 مساء بتوقيت الخرطوم على قناتنا على التليجرام رابط القناه : https://t.me/sdfmsg لو شايف إن مستقبلك ممكن يبدأ من جامعة خارج السودان… ابدأ بمعرفة الطريق. جهّز أسئلتك، وخليك جاهز… يمكن تكون الجلسة دي أول خطوة في خطواتك القادمة. #تجمع_طلاب_صناع_المستقبل #FMSG

انتبااااااااااه ايها السادة الكرام اسعد الله أوقاتكم بكل خير مفاجئة تنتظرنا في الطريق..... اربطو الاحزمة و دقو الطبول للايف اليوم الثاني من برنامج خطوتي القادمة🥁🥁🥁🔥🔥 اكتبو لينا في التعليقات تتوقعو اللايف الجاي ضيوفنا منو؟🤔🔥🔥🔥🔥🔥🔥🔥

دقائق تفصلنا عن البدء .....خليكم حضووور🤩🤩🔥

جاااااااااهزززززززييين؟؟؟؟🤩🔥🔥🔥 اظبطو المنبهات يا شباب 🔥🔥🔥😉

حمااااااسكم كم من 10?🤩🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥

عارفين في الجامعة في شخص بطلع بشهادة وبس! _وفي شخص بطلع بشهادة وخبرة وتجارب إضافةٍ لمهارت فعالة، ومطلوبة في السوق🔥. وكلنا بنتمنى نكون زي الخيار الثاني والخيار الثاني ما صعب، بس ما ساهل مُحتاج منك شوية جهد وخطوات✨. عشان كدا نحن في تجمع طلاب صناع المستقبل بنستضيف د. أحمد فضل السيد وهو: طبيب سوداني | قائد شبابي وناشط في العمل الإنساني والمجتمعي الرئيس التنفيذي لـ ملتقى طلاب الطب السودان (FMSS) الرئيس السابق لـ منظمة غياث الخيرية – 2025 كاتب ومدوّن في قضايا الرأي العام والشأن المجتمعي تم الاختيار ضمن أفضل 100 متطوع في أفريقيا والشرق الأوسط المنظمة الدولية للتطوع (IOV) | 2025 عشان يجمع لينا كل تجارب والخبرات في لقاء بسيط وخفيف وندخل الجامعة بعقل مثقف، وقلب مليان شغف👀❤️‍🩹. #تجمع_طلاب_صناع_المستقبل #FMSG

اخترت تخصُصك عن رغبة ولا عن نسبة؟! 👀 📍اختيار التخصُص ما مُجرد رغبة بتكتبها في الاستمارة وخلاص، ده القرار ال ح يرسم شكل سنينك الجاية كُلها.. إمّا يخليك كُل يوم ماشي لهدف بتحبه، أو كمان يخليك بتحس إنك بتقاوم عشان تعدي وبس. 📌 وعشان ما تتورط في الطريق، عملنا ليك جلسة مخصوص: "اختيار التخصُص وبناء المسار الجامعي" 📍ح نتكلم فيها عن: ▪️فهم طبيعة التخصُص ومتطلباته والتأقلُم مع بداية الدراسة. ▪️كيف تتعامل مع الصعوبات وصدمة اختلاف التوقعات عن الواقع. ▪️كيف تحدد مسارك وأهدافك وتستثمر سنين الجامعة لبناء الخبرة والمهارات. ▪️الفُرص الحقيقية المتاحة ليك داخل التخصُص وبعد التخرج. 🔹️والجلسة دي ما بس للناس القدمت ومُنتظرة النتيجة، حتى لو انت في سنة أولى، فالجلسة دي معمولة عشانك. والمفاجأة؟! 🔥 ح يقدم الجلسة ضيفنا المُميز وينقل ليكم تجربته خبرته: د.احمد فضل السيد جهزوا أسئلتكم ليوم: الساعة: 8 مساء بتوقيت الخرطوم يوم : الأحد 4/10 على قناتنا في التليجرام:https://t.me/sdfmsg وما تنسوا تظبطوا المنبهات ⏰😉 #تجمع_طلاب_صناع_المستقبل #FMSG

تتوقعوا تجمع طلاب صناع المستقبل مجهز ليكم شنو؟🤔 ضيف مميز. تجربة ملهمة. وحوار يستحق إنك تكون جزء منه. خليك قريب التفاصيل كاملة حتنزل بعد قليل🔥🔥🔥🔥🔥🔥🔥🔥🔥🔥🔥🔥🔥🔥🔥🔥 #ترقبوا

🎓✨ مرحلة جديدة… وخطوة مختلفة! من لحظة ما بتطلع من الثانوية، بتبدأ أسئلة كتيرة: هل الجامعة حتكون زي ما متخيل؟ كيف أبدأ صح؟ كيف أتأقلم مع التغيير؟ كيف أستفيد من سنوات الجامعة؟ وكيف أخلي المرحلة دي تكون بداية حقيقية لمستقبلي؟ الحقيقة إنو الجامعة ما بس مكان للدراسة والشهادة… هي مرحلة فيها قرارات، تجارب، تحديات، فرص، علاقات، واكتشافات ممكن تغيّر شكل طريقك بالكامل. وعشان كده… حنبدأ معاكم رحلة مختلفة، نفتح فيها مواضيع قريبة من واقعكم، ونشارككم تجارب وأفكار ممكن تساعدكم تشوفوا المرحلة الجاية بصورة أوضح. تابع معانا، حملة خطوتي القادمة. 🎯 لأنو الخطوة الجاية مفروض تبدأ، وأنت عارف تمشي وين. خطوة اليوم، بداية مستقبل كامل.✨ #تجمع_طلاب_صناع_المستقبل #خطوتي_القادمة #FMSG

قوة البدايات: كل خطوة صغيرة اليوم تقربك من حلمك غدًا.🎯 أحيانًا بنكون واقفين قدام حلم كبير، وبنحس إنو الطريق طويل لدرجة تخلينا نتردد في البداية. بنفكر في المسافة الباقية، في الصعوبات، وفي كل الحاجات اللي ممكن تقابلنا، وننسى إنو أي طريق طويل ما بيتقطع في خطوة واحدة. كل إنجاز عظيم بدأ من نقطة صغيرة، وكل شخص وصل لمكان كان يوماً ما واقف في نفس النقطة اللي بتقيف فيها إنت الآن. عشان كده، ما تستصغر البداية، حتى لو كانت بسيطة جدًا؛ اقرأ صفحة، اتعلم حاجة جديدة، جرّب مرة تانية، نظم وقتك، أو بس خد القرار إنك تبدأ. يمكن الخطوة دي ما تغيّر حياتك في يوم وليلة، لكن مع الإستمرار حتتراكم الخطوات، وحيتحوّل القليل إلى كثير، والمحاولة إلى عادة، والعادة إلى إنجاز. وممكن تمر عليك أيام تحس فيها إنك ما بتتقدم، أو إن تعبك ما عندو نتيجة، لكن خليك عارف إنو في خطوات بتكبر في صمت، وفي جهود ما بتظهر ثمارها إلا بعد وقت. فما تستعجل النتيجة، ولا تقارن رحلتك برحلة غيرك؛ إنت ما متأخر، إنت بس عندك توقيتك الخاص. ولو وقعت، قوم، ولو تعبت، ارتاح، ولو الطريق اتقفل قدامك، دور على طريق تاني لكن ما تتخلى عن حلمك لمجرد إن الوصول ما كان سريع.✨ 📌وفي النهاية، حتجي لحظة تلتفت فيها وراك، وتشوف المسافة البعيدة اللي انت قطعتها، وتكتشف إن كل خطوة صغيرة كنت شايفها ما بتفرق، كانت في الحقيقة بتقربك أكتر مما كنت متخيل. عشان كده، ما تنتظر بكرة عشان تبدأ؛ ابدأ اليوم، ولو بخطوة واحدة، لأن كل خطوة صغيرة اليوم هي اقتراب جديد من حلمك غدًا. 🌱 #تجمع_طلاب_صناع_المستقبل #FMSG

أولادنا الممتحنين، بشرونا بنتائجكم.🔥🔥

في يومٍ كهذا، لا تسعنا الكلمات لنصف فرحةً انتظرها الكثيرون طويلاً؛ فرحةُ تعبٍ انتهى، وسهرٍ أثمر، ودعواتٍ صادقةٍ وجدت طريقها إلى السماء. نزف أسمىٰ التهاني و التبريكات لكل الناجحين في الشهادة السودانية و لكل طالبٍ رأى اليوم ثمرة تعبه، ولكل أسرةٍ كانت شريكةً في المشوار، سنداً ودعاءً وتشجيعاً. نجاحكم اليوم ليس مجرد نتيجة كتبت في ورقة، بل هو شاهدٌ على صبركم وإصراركم، وعلى أن التعب مهما طال، لا بد أن يأتي يومٌ ويُزهر فيه. ولمَن لم يحالفه الحظ اليوم.. لكل طريقٍ موعده، ولكل مجتهدٍ نصيبه من الوصول. وما هذه النتيجة إلا محطةٌ عابرة في طريقٍ أطول، لا تُنقص من قدر ما بذلتم، ولا تحدّ من الآفاق التي تنتظركم. امضوا بثقة، وجدّدوا السعي، واجعلوا من القادم مساحةً أخرى لتحقيق ما تطمحون إليه. فما دام الحلم باقياً، فالطريق لم ينتهِ، وما كُتب لكم من خيرٍ سيأتيكم في وقته الجميل. مبروك للناجحين، ونسأل الله أن يكتب للجميع من القادم ما يسرّ قلوبهم ويحقق آمالهم🌿🤍. #الشهادة_السودانية # تجمع _طلاب _صناع _المستقبل. #FMSG

إلى إخوتنا و أحبّتنا : اعلموا أن أشدّ السعي بركةً هو ذاك الذي يُبذل وسط العتمة. ما مررتم به لم يكن تأخيراً ولا عائقاً بل كان صقلاً و توطئةً لنفوسٍ أُريد لها أن تحمل أثراً عظيماً. لا تشغلوا أذهانكم بالنتائج، بل صُبّوا ثقل التركيز في خطوة اليوم، ضعوا أسبابكم بين يدي الله، واعلموا أن مَنْ خَطَا نحوه بالصدقِ، أتاه التوفيقُ بالسِّعة. #تجمع_طلاب_صناع_المستقبل #FMSG

ما تقارن بداية غيرك بنهاية تعبك🤎. انت بس واصل وربنا ما بضيع تعب زول🤎 #تجمع_طلاب_صناع_المستقبل #FMSG

الدراسة في الخارج: فرصة العمر ولا خطوة فيها تحديات؟ هل فكرت يومًا إنك تكمل دراستك في جامعة خارج بلدك؟ ✈️🤔 هل بتشوف إن الدراسة في الخارج معناها مستقبل أفضل وفرص أكبر، ولا شايف إن الموضوع فيه تحديات ممكن تكون صعبة؟ الحقيقة إن الدراسة في الخارج ممكن تكون تجربة استثنائية جدًا، لكن في نفس الوقت ما مناسبة لكل زول بنفس الدرجة. والقرار الصح ما بيكون على أساس الحماس بس، لكن على فهم المميزات والعيوب والاستعداد ليها.💪🏻 📍 أولاً: مميزات الدراسة في الخارج: 1. تعليم وتجربة أكاديمية مختلفة: الدراسة في الخارج بتديك فرصة تتعرف على أنظمة تعليم مختلفة، وطرق جديدة في التفكير والتعلم والبحث. 2. توسيع مداركك: لما تعيش وسط ناس من ثقافات وخلفيات مختلفة، نظرتك للعالم بتتغير. بتتعلم إنو في طرق كثيرة للتفكير والحياة. 3. تطوير اللغة والتواصل: لو درست في بلد بتستخدم لغة مختلفة، فأنت ما حتتعلم اللغة من الكتب بس؛ حتستخدمها في المحاضرات، والمواصلات، والتعاملات اليومية. 4. بناء شبكة علاقات دولية: ممكن تتعرف على طلاب وأساتذة وأشخاص من دول مختلفة، والعلاقات دي ممكن تكون مفيدة جدًا في مستقبلك الأكاديمي والمهني. 5. فرص مهنية أوسع: بعض برامج الدراسة بتوفر تدريب عملي أو فرص للتعرف على سوق العمل في البلد المضيف. 6. الاعتماد على النفس: أول مرة تسافر وتعيش بعيد من أهلك، بتتعلم تدير ميزانيتك، ووقتك، ودراستك، ومسؤولياتك بنفسك. ودي واحدة من أكبر فوائد التجربة؛ لأنك ما بتتعلم من الكتب بس، لكن بتتعلم كيف تدير حياتك. ⚠️ لكن… هل الموضوع كله مميزات؟ أكيد لا. الدراسة في الخارج عندها تحديات لازم تحسب حسابها قبل اتخاذ القرار. 1. التكلفة المالية: الرسوم الدراسية، السكن، المواصلات، الطعام، التأمين، وتكاليف السفر ممكن تكون مرتفعة جدًا حسب الدولة والجامعة. عشان كدا، مهم تعمل ميزانية واضحة قبل السفر وما تعتمد على فكرة: “بعد ما أصل بشوف الأمور بتمشي كيف.” 😅 2. البُعد عن الأهل والوطن: في البداية ممكن تحس بالحنين للوطن، والأهل، والأصحاب، وحتى للحاجات الصغيرة البتفتكرها عادية. والتأقلم مع الحياة الجديدة ممكن ياخد وقت. 3. الغربة والوحدة: ممكن تمر بفترات تحس فيها إنك بعيد من الناس البتعرفهم وما عندك دائرة اجتماعية قوية. لكن المشاركة في الأنشطة الجامعية والتعرف على ناس جدد ممكن تساعدك تتجاوز المرحلة دي.✨ 4. الضغط الأكاديمي: بعض الجامعات عندها نظام دراسي مكثف، والمطلوب منك تكون مستقل في البحث، والقراءة، وإدارة وقتك. يعني ما تنتظر الدكتور يشرح ليك كل حاجة؛ أنت جزء أساسي من عملية التعلم. 5. اختلاف الثقافة والعادات: في البداية ممكن تواجه حاجات جديدة عليك: طريقة التعامل، الأكل، المواصلات، القوانين، وحتى أسلوب الدراسة. الموضوع محتاج مرونة واحترام للثقافة الجديدة، مع المحافظة على هويتك وقيمك.🌍 📌 قبل ما تقرر تدرس في الخارج، اسأل نفسك: هل الجامعة مناسبة لهدفي؟ هل أقدر أتحمل التكلفة؟ هل عندي خطة واضحة للسكن والمعيشة؟ هل مستعد أعيش بعيد من أهلي؟ هل مستواي في لغة الدراسة مناسب؟ وهل أنا مستعد أتحمل مسؤولية حياتي ودراستي بنفسي؟ يا عزيزي، الدراسة في الخارج ما مجرد سفر وصور جميلة وتجربة جديدة. ✈️ هي مسؤولية، وتحدٍ، وفرصة للنمو في نفس الوقت. ممكن ترجع منها بشهادة قوية، وخبرة، وعلاقات، وشخصية أكثر استقلالًا ونضجًا. وممكن تواجه فيها صعوبات ما كنت متوقعها؛ لكن لو دخلت التجربة وأنت مستعد، حتكون قادر تستفيد منها بأكبر قدر ممكن.✨ #الدراسة_في_الخارج #مستقبلك_يبدأ_من_اليوم #تجمع_طلاب_صناع_المستقبل #FMSG