مقابلات التعليم الحكومي والبلاد 🌧️

📌مقابلات تعليم نجران س١/ مامعنى استراتيجية التعليم ؟ هي الطرق والخطط العامة المستخدمة لتوجيه عملية التعلم بشكل فعال لتحقيق الأهداف س٢/ اذكر قضية اجتماعية وكيف افعلها في درسك ؟ قضية التنمر يمكن مناقشتها في الدرس من خلال تطبيق الأنشطة الجماعية التي تعزز الاحترام والتعاون بين الطلاب وتقبل الآخر ومن خلال توفير بيئة صفية آمنة تتسع للجميع س٣/ طلاب يتنمرون على صديقهم بسبب نطق الخاطئ في اللغة الإنجليزية؟ أتدخل مباشرة لتوفير بيئة صفية آمنة أقدم الدعم والتشجيع للطالب المتنمر عليه أناقش الطلاب في هذا السلوك الخاطئ أوضح لهم أثر هذا الاستهزاء أشجع الطلاب على استخدام أساليب إيجابية للتعامل مع الأخطاء مثل التصحيح بلطف وتقدير المحاولات. س٤/ ولي أمر طالب كان متنرفز بسبب نزول درجة الطالب؟ أستمع له بهدوء دون مقاطعة أوضح الأسباب المبدئية لتراجع الدرجة أوضح له خطط الدعم المتاحة لتحسين الأداء أطلب منه التعاون معي لرفع مستوى ابنه س٥/ ماذا تعرفين عن برنامج إكسل؟ إكسل هو برنامج يستخدم لإنشاء الجداول الحسابية وتحليل البيانات وعرضها باستخدام الرسوم البيانية. س٦ / اذكر آخر مستجدات التعليم وكيف تفعلها في درسك؟ التعليم الرقمي منصة مدرستي الاختبارات المركزية التقويم الخارجي لنواتج التعلم اختبارات نافس أتعرف عليها وعلى معاييرها ثم أوظفها من خلال الأنشطة وأساليب التقويم س٧/ طالب لديه فكر متطرف عنيف ومؤثر اقرب من الطالب أناقشه بهدوء ولطف للتعرف على أسباب هذا الفكر المتطرف أعزز التفكير النقدي عنده أعزز عنده احترام التنوع الثقافي والديني أحذره من الأعداء والمغرضين لنا ولدولتنا أتعاون مع المرشد الطلابي وأولياء الأمور لمناقشة الفكر المتطرف وتوجيه الطلاب نحو التفكير النقدي وتقبل الآخرين.

ادارة تعليم الرياض اليوم الاربعاء ٣٠/٤/٢٠٢٥ جيت الساعة ٧ ورقمي كان ٤١ وخلصت ١٠ ونص تقريباً الامور سهالات ياربي لك الحمد بدو ينادون بالارقام بعدين سجلوا بيانتنا عشان الذكاء الاصنطاعي وسوينا المقابلة ٥ دقايق على ٥ دقايق - كيف تحققين العدالة في تقييم الطلاب - ⁠جاتك ولية امر معصبة كيف تتصرفين - ⁠كيف تعلمين طالب عنده صعوبة تعلم - ⁠كيف تتعاملين مع التغيرات في المناهج واساليب التدريس - ⁠الخامس نسيته لو تذكرته كتبت 😅 بعدها ارجع لهم ابلغهم اني خلصت عشان يسجلون ايميلي بعدين اتوجه للجنة المطابقة طابقوا لي بس الهوية والوثيقة وتاكدت من الرخصة ثم وجهتني لتسليم الصور ياخذونها منكم ويتاكدون كاملة ويوقعونكم بعدين يوجهونكم للمقابلة وهذا كله بنفس القاعة يعني مو مكاتب منفصلة المقابلة كانت مع ٣ كل وحدة عرفت بنفسها و سالتني سؤال ١/ عرفي بنفسك وليش اخترتي التخصص ووش هدفك انك اتجهتي للتعليم لما عرفت ان معي ماستر قالت اكيد مرت عليك ابحاث اجنبية كيف تستفيدين من خبراتهم وماتحسين انها تتعارض مع العقيدة الاسلامية ؟ ٢/ وش دورك كمعلمة في الرؤية وكيف تواكبينها ٣/ وش اكثر استراتيجية تستخدمينها مع طلابك المقابلة كلها على بعضها ما اخذت ٤ دقايق الحمدلله بعد كذا سلمت علي وقالت بالتوفيق

السلام عليكم ادارة جدة صعوبات المقابلة كانت اليوم الثلاثاء ترتيبها مطابقة ، مقابلة ذكاء، مقابلة لجنة ابشركم الامور سهالات لكن فصفصوني بكل التفاصيل في التخصص وبعض الاسئلة بعمق التخصص علماء وتعاريف والتربوي واذا عندك خبرة ترى بيسالونك عنها ووش سويت واستفدت منها والرؤية والموروث السعودي والاكله الرسميه في الموروث عام 23 ومواقف تربويه وفيه بعد الردود استفزازيه يبون يشوفونك زي مثلا وش استفدت من خبرتك 6 سنوات وماتعرف شي قبل اخلص اكتب عن مساجد الرياض تعبيرك انت ومجال الرؤيه بهذا الموضوع 5 سطور الهدف منه الاملاء عندك صحيح ولا فيه اخطاء ما يهتم وش كتبت المطابقة اخذوا مني الاصل والصور الهوية توكلنا ماخذوها يبون تصوير مكتبه الرخصه اخذوا اللي من الموقع توكلنا رجعها مدري كلهم نفس ذا ولا كل واحد له طريقه بالمطابقه فيه عندهم نموذج تعبيه وقت المطابقة بياناتك لمن خلصت المقابله الله يوفقك وضحك ونشوفك في نجران ويضحك اسلوب استفزاز او جس نبض او صدق مدري عنه الوضع تكتم قوووي ومحد يقولك شي حتى لمن تسال يقولك مدري ماعندنا علم اتركها ع الله الله يوفقكم

اسئلة اليوم ٢-١١ ادارة تعليم نجران : ١-سوال اذكر استراتيجية التعليم ؟ ٢-اذكر قضية اجتماعيه وكيف افعلها في درسك ؟ ٣-طلاب يتنمرون على صديقهم بسبب نطق الخاطئ في اللغه الانجليزية؟ ٤-ولي امر طالب كان متنرفز بسبب نزول درجة الطالب؟ ٥-ماذا تعرفين عن برنامج اكسل؟ ٦-اذكر اخر مستجدات التعليم وكيف تفعلها في درسك؟ ٧-عرف عن نفسك ؟ ٨-طالب لديه فكر متطرف عنيف ومؤثر على اصدقاءه؟ الحمدلله الامور سهالات توكلوا على الله وفالكم التوفيق دعواتكم لي 🤍

مقابلة الحدود الشمالية/ رياضيات مطابقة بيانات مقابلة مع ذكاء اصطناعي(نفس الأسئلة المتكررة في القناة الصامته) مقابلة مع مشرفات أسئلة عامة ومواقف داخل الصف - كيف تعززين الوطنية في حصة الرياضيات - أم لديها طالبة صعوبات تعلم وما تفهم كيف تتعاملين معها - فصل فوضى تمام كيف تضبطينه - تكلمي عن الرياضيات بشكل عام عبارة عن ايش

مقابلة الحدود الشمالية/ رياضيات مطابقة بيانات مقابلة مع ذكاء اصطناعي(نفس الأسئلة المتكررة في القناة الصامته) مقابلة مع مشرفات أسئلة عامة ومواقف داخل الصف - كيف تعززين الوطنية في حصة الرياضيات - أم لديها طالبة صعوبات تعلم وما تفهم كيف تتعاملين معها - فصل فوضى تمام كيف تضبطينه - تكلمي عن الرياضيات بشكل عام عبارة عن ايش

** لو كان في الفصل طالب تهجم عليك او ولي امر او حصل حالة إغماء كيف تتصرفين؟ ** ماافضل طريقة تدريس تفضلين في تدريس رياضيات؟

خذي الزبده هذي *فوائد التنمية الوطنية* - تحسين جودة الحياة للمواطنين. - تعزيز الاقتصاد الوطني. - جذب الاستثمارات. - تعزيز التنافسية. - تحسين الصورة الذهنية للبلد.

اول شيء الذكاء الاصطناعي بجوالي يرسلون لي رابط بالايميل انا ما اشتغل معي عجززززت ومشوني ثم رحت للمطابقه حقت فارس اخذت وثيقتي والهويه والرخصه المهنيه ثم عبت بيانات مدري وش ثم قالت تمام روحي ثم رحت لطاوله ثانيه اخذوا النسخ مني بدون الاصل ودبسوهم ووقعوني ومشيت رحت للجنه المناقشه المناقشه كانوا حلوين وسلسين سألوني علطول مافيه تعريف بالنفس قالوا متى تخرجتي ثم قالوا وش سويتي كل هالمده ؟ وقالوا برأيك ليش تترك المدارس الاهليه ؟ وسألوني بنت اغمى عليها وش تسوين؟ وقالوا ليش نتائج القدرات والتحصيلي مختلفه عن نتائج المدرسه ؟ وسألوني وش دور الرياضيات للمجتمع؟ وسألوني وش لون يكون عندك قيمة وطنيه ؟ وبس عقبها طلعت

اللي يضحك كيف أتصرف معاه 🫠

في البدايه عرفي بنفسك واذا لك خبره وكم المده ،، اذكري موقف واجهتيه وكيف اتصرفتي ؟؟ إذا كان الطالب مايحب يكون معلم كيف تدافعي عن وظيفتك ؟؟ هناك اختلافات في الأجناس والثقافات كيف تتصرفين ؟؟ واذا كان طالب بيضحك في الحصه كيف تتصرفين؟ هذي من اللي قابلو

مقابلتي اليوم في إدارة نجران تخصص لغة إنجليزية ١/مطابقة بيانات اخذوا الصور من الوثيقة-الهوية-السجل الاكاديمي-الرخصة المهنية-لوحة المعلومات ٢/مقابلة الذكاء الاصطناعي اسئلة الذكاء الاصطناعي اللي جتني ١- اذكر موقفاً بادرت فيه لتحسين البيئة الصفية أو تطوير أحد الأنشطة؟ ٢-كيف تتعامل اذا واجهت موقف صعب مع ولي امر او طالب؟ ٣-اذكر موقف ساعدت في تحسين طريقة تدريس او مشكله تتعلق بالطلاب؟ ٤-اذكر وسائل تعليميه تقنيه؟ ٥-كيف تتعاملين مع طالب عنده صعوبات تعلم؟ ٣/مقابلة شخصية مع اللجنه عرفي عن نفسك تكلمي عن نفسك الهوايات والدورات؟ الخبرات؟من خبراتي اني تدربت مع تمهير في ادارة مدرسة سالتني وش اللي استفدتيه من خلال عملك في الاداره؟هل كان لك احتكاك مع الطالبات او لا؟ لو فيه طالبه اغمي عليها كيف تتصرفين؟ وش الشي اللي لو صرتي معلمه ودك تغيرينه وتحدثين فرق؟ وش المستجدات اللي صارت في اخر سنتين في تخصص اللغة الانجليزيه؟ كيف تفعلين الهويه الوطنيه والقيم الاسلاميه في تدريسك؟ كيف تعززين القيم الاسلاميه خلال شرحك؟ كيف تهيئين لدرسك؟ اذكري استراتيجيه بتستخدمينها في تدريسك؟

في بنات جاتهم هالاسئلة * ماهي فلسفتك بالتعليم ؟ * كيف تواجهين نقد أولياء الأمور ؟ جيبوا لنا اجابات حلوة

التوصية اللي ودي أبلغكم اياة .. تأكدي ان الإنترنت عندك زين لان الرابط يرسلونه على الإيميل و تفتحينه بجوالك و تشغلين الكاميرا و يبدأ يسأل و فيه زر ابدأ الإجابة بعد ما تفكرين تضغطين أبدا الإجابة و يبدأ يسجل .. يعني معك وقت تفكرين بس لا تطفي الشاشة ولا تطلعين أبدا لين تخلصين مدة التسجيل دقيقة فقط النت و الشحن مهم ضبطي نفسك

سألوا عن أبرز القضايا الوطنية وكيف أثرت علي الرؤية في حياتي العادية

وسؤال ثاني كيف أستفيد من خبراتي في التعليم - للي سبق ودرست في مدارس اهليه

كيف تنمي الوطنيه هذا جاني السؤال لما سالتها قلت اي وطنيه ؟( الرقميه - او الطنيه للبلد؟) قالت تكلمي بشكل عام ( قلت الحفاظ على ممتلكات البد والمرافق والثروة الوطنيه ابتدأً من الصف ثم المدرسه وخارج المدرسة ( احس السؤال هذا اجابته مو محدده السؤال هل اجابتي حققت المطلوب؟)

1. عن “الوسطية”: الوسطية هي منهج الإسلام، يعني لا نغلو ولا نفرّط، ودايم أحرص أوضح للبنات إن الدين يربّينا على التوازن في كل شيء، في الكلام، في التصرف، وحتى في طريقة تعاملنا مع غيرنا، وأحاول أربط لهم هالمفهوم بالمواقف اليومية. ⸻ 2. استراتيجيات التعليم: أحب أستخدم استراتيجيات مختلفة على حسب الدرس، زي التعلم النشط أو العصف الذهني، أو حتى لعب الأدوار، لأنها تشجّع الطالبات يشاركون وتتوسع مداركهم، وأحاول دايم أربط المعلومات بحياتهم عشان ما تكون مجرد حفظ. ⸻ 3. لو عندي طالبة من ديانة ثانية: أكيد أتعامل معها بكل احترام، لأن ديننا يوصي بحسن التعامل مع الكل، وأغرس في الطالبات قيمة التعايش بدون ما نتهاون في ثوابتنا. نحترم الشخص، لكن نوضح الفرق بين الاحترام والموافقة على المعتقد. ⸻ 4. عن الرؤية وأهدافها: رؤية 2030 تهدف تصنع جيل واعي ومهاري، وأنا كمعلمة أساهم من خلال تعزيز القيم، وتنمية التفكير، وربط التعليم بالحياة، وأحب أواكب التغيرات الجديدة خصوصًا في التقنية واستخدامها في الحصة. ⸻ 5. كيف أوظف تخصصي بالمناسبات الوطنية: في المناسبات الوطنية أستغل الفرصة وأربط الدروس بالقيم الوطنية، زي الشكر على نعمة الأمن والأمان، وطاعة ولاة الأمر، وأحب أدمج أنشطة مثل عروض أو مسابقات تربط البنات بالدين والوطن بنفس الوقت

السلام عليكم ورحمة الله وبركاته من مقابلات الشرقية ( مبنى الادارة العامة للتعليم ) : اليوم / الاربعاء التاريخ : ١٤٤٦/١١/٢ ـــــــــــــــــــــــــــــ ١/ الدخول لمبنى المسرح الدور الاول غرفة واسعة فيها كراسي انتظار وفيها ثلاث لجان للمطابقة اهم شيء رتبي أوراقك نفس الترتيب اللي يطلبونه وخلي جوالك مفتوح وجاهز على الرخصة من موقع الرخص المهنية يطابقون أوراقك ويسألونك موظفة او لا ويطلبون منك تقولين رقم هويتك ورقم جوالك ٢/ يوجهونك لغرفة المصلى هناك يرسلون لك رابط لمقابلة الذكاء الاصطناعي مقابلة تربوية بحته فيها خمس اسئلة كل سؤال مدته دقيقة كاملة ٣/ يوجهونك لمبنى B روحي للدور الثاني او الثالث فيهم لجان المقابلة الشخصية تأكدي من وجود اسمك وانتظري دورك ٤/ بعد ماتدخلين وتسلمين يبدؤون معك مقابلة : 🌼 عرفي عن نفسك ؟ ضروري تجاوبين بثقة وبصوت واضح قولي كل شيء عن نفسك اسمك تخصصك جامعتك خبراتك الوظائف اللي توظفتي فيها طموحاتك أحلامك 🌼 كيف تربطين برامج الرؤية بدرسك ؟ كيف تربطين برنامج او درس هم يختارونه بآية قرآنية او حديث ؟ ماهي اهم الاستراتيجيات اللي تستخدمينها مع طالباتك وكيف تستخدمينها؟ ماهو الفرق بين رياضيات الابتدائي ورياضيات الثانوي ؟ ماهو تاريخ اليوم العالمي ( للغة العربية - الرياضيات - التأسيس - الوطني ) كيف تنمين الوطنية عند طالباتك ؟ كيف تتعاملين مع طالبات من بيئات وثقافات ومجتمعات مختلفة ؟ ايش المهام او البرامج او الأنشطة اللي شاركتي فيها في المدرسة ؟ كيف وصلتي مع طالباتك لمرحلة الفهم الكامل والمتقن للمادة ؟ اهم القضايا الاجتماعية في الوقت الحالي وكيف نتعامل معاها ؟ كيف تعامل مديرتك معك ومن هي مديرتك ؟ هل تتقبلين تدرسين في مدرسة بعيدة وانتي من اهل الدمام ؟ ٥/ يشكرونك ويقولون لك إذا ربي كتب لك بتوصل لك رسالة الفحص الطبي ان شاءالله اللجنة مكونة من ثلاث مشرفات وحدة منهم من وزارة التعليم كانوا لطيفات سمحات هينات لينات مبتسمات بشوشات الله يسعدهم الاسئلة تختلف من مرشحة لمرشحة أخرى ومن تخصص لتخصص آخر اسئلة تخصص العربي مختلفة عن اسئلة تخصص رياضيات وكذلك تختلف حسب اللجنة في لجان سمحين ويسيرين بالتوفيق للجميع 🤍🤍🤍