Dopamine space

💢سيت التسجيل في المنحة : https://progres.mesrs.dz/eminha/login.xhtml المعنيين بالمنحة راه فتح الموقع

المتابعين القدامى🫶 جاني الحنين للماضي😭شفتو كنت مقلشتكم فتحت الانستا بش نكونو على تواصل بصح منيش نفتح فيه معنديش وقت الصراحة🥲 وشرايكم نفتحو قناة اخرى هنا بحكم نستعمل تليجرام اكثر(بصح معلباليش شا ندير فيها😂)

جماعة الباك زعما ماعندكم حتى استفسارات ولا حتى سؤال؟ كل مرة نطرحو عليكم اسئلة لكن ماتردوش😐 يا اما غائبين عن الساحة او فاهمين كلش

السلام عليكم اي اسئلة حول الباكالوريا حطوها وراح نجاوبكم بأذن الله 🤍💗

سلام عليكم جماعة الباك أي تساؤلات اكتبوها هنا فضلا

اليوم تكونوا بديتوا تقراو وتعرفتوا على الاساتذة في نفس الوقت تكونوا صادفتوا الناس الي يقولوا رانا نديروا ليكوغ منا او منا او رانا قاريين 🤓او كلشي هادو الناس بالضبط بعدو عليهم لانهم راح يخلعوكم فقط 😌 اقراو بالشوية كل ما تديروا درس احفظوه او راجعوه كل ويكاند مي ما تضغطوش رواحكم وعقلكم باسكو راح تعيااو صح 😵 جسديا ونفسيا او بالنسبة ليكوغ أبداو مي اذا شفتوا ىوحكم ما تستفادوش غير حبسو لأنه مضيعة للوقت أولا والمال ثانيا او ماتشوفش البروف الي عندو بزااف ولا شوفوا الي تفهموا نتوما عليه وان شاء الله نكون فدتكم ولو بالقليل 💕

يوم واحد يفصلنا على الدخول المدرسي لبداية عام طويل ومتعب مليء بالعثرات والتحديات ولكن نهايته ستكون مكافأة بقدر التعب سااااو حبيت نقولكم ابداو بداية جادة في قرايتكم ماتخلوش الملهيات تديكم لطريق تضرك غير نتا حاول تتحكم في رغباتك وقت اللعب لعب ووقت القراية قراية من لول اقرا سيريو وماتأجلش قرايتك لانو كلما تأجل كلما تخلصها غالية التخطيط التخطيط ثم التخطيط:خلي هدفك واضح من البداية و كل شي تكون مخططله قبل برنامج او to do list لكل يوم ماتخليش يومك يجوز ونتا معلبالكش وش تقرا ولا كيفاه تقرا...... -اعرف تخير صحابك عام الباك -اقرا عند اللي تفهم عنده مشي تتبع الناس وين راحو تروح.... -ماتتبعش مواقع التواصل بزاف ومشي الاعلان اللي ينحط تصدقه -بلاكم من المكملات الغذائية وكثرتها.... مكملات غذائية بدون غذاء متوازن ماعندها حتى معنى......

واحد يقدم محتوى فكاهي ويتقن انجلي ولا ألمانية لكن مايوريلكش الحوايج اللي يتقنها يوريلك غير الضحك والشي اللي ماينفعش واللي كامل نعرفوه... نتا هنا لازم تدير علامة استفهام علاه نا نتبع حياة الناس اللي ماتزيدش فيا حتى مقدار ذرة علاه نقعد نتفرج تمهبيل الناس وهوما يطورو في رواحهم بلا مايورولك بش تتشجع وتدير كيفهم علاه دائما لازم نصدق وش يخرجلي في الستوري 100٪....والكثير من التساؤلات عليك بحاجة وحدة تلغي متابعة اي حساب ماينفعكش لازم محيطك يتبدل متبقاش تتبع في التمهبيل و شوفوني وش طيبت ووش عملت بش تتقدم وتنضج خصك تنتقي وش تتابع ماغلطوش كي سموهم مؤثرين لأنهم صح يأثرو عليك اليوم ولا غدوة تتأثر بسيف عليك انسان يتمهبل في الستوري ونتا تتبع فيه وهو داير لافار خلف الشاشات ماتتابعوش هو حر يوريلك وش يحب سواء تمهبيل ولا شي نافع نتا اللي خصك تعرف وش تتبع

المهممم كنت قلتلكم نهدرو على les réseaux sociaux شحال fake سيرتو انستا نتا كشخص تشوف بالتليفون يبانلك كلش مثالي من بعيد حتى وذاك المؤثر راه انسان عادي نتا يبانلك مثالي وماينقصه والو تولي تشكك في قدراتك وحتى ممكن تولي "تقلده" كمثال واحد ينشر يومياته وهو يقرا ممكن هدفه توثيق حياته برك لكن الناس كي يشوفوه يبانلهم انسان خباش ووو يولي يحس بللي هو مش يقرا كفاية.......