عافر حلمك يستاهل 👩🏻‍🎓.

حد هنا من القاهره؟

حد يعرف اي معلومات عن كليه سياسه واقتصاد؟!اهليه

اى افضل ف دول؟

العالي الخدمه الاجتماعية المنصوره الدلتا العالي الحسوبات بالمنصورة لنظم ومعملومات فني تمريض عين شمس حقوق المنصوره تربيه نوعيه عين شمس

التوفيق ف القادم ❤️قولتلهم بالنيات والله مصدقونى 😂❤️زغروطه حلوه كده اماال😂😂😂❤️

انا مع تنسيق لمرة ١٥ بغيرو عشان مروحش أسيوط

حصل😂😂

#سنة_أولى_جامعة! 😳🤝 خلاص النتيجة ظهرت وكبرنا وبقينا طُلاب جامعيين، فاسمعوا الكلمتين دول من أختكم. 🫣 ✅ ١٥ نصيحة للمُقبلين ع الجامعة كُنت أتمنى أسمعهم من زمان! ⬅️ ١- زي ما فيه منبّه بتظبطوه ع الساعة ٧ و ٨ للجامعة، خلّوا منبه ثابت ع الفجر واصحوا صلّوا وابدأوا يومكم. 🌟 ⬅️ ٢- طريق المواصلات ده كنز اوعوا تضيّعوه! 🫣 وتقدر تستغله بكذا طريقة : - تقرأ وِردك اليومي من القرآن. - تسمع محاضرة بالهاند فري من المنهج. - تسمع فيديو يشحن إيمانك. - تذكر ربنا كتير جداً وده أثره عظيم. - بودكاست لتطوير الذات أو ديني. - سلسلة السيرة أو التفسير، لو كل يوم خدت فيديو منها في الطريق هتخصلها في شهر. والله لو طبّقت الكلام ده هتلاقي نفسك على نهاية كل سنة بقى عندك كم استفادة وعلم. 💪♥️ ⬅️ ٣- نصيحة إنسانية شوية : ماتسيبوش حد قاعد لوحده، أنتِ كبنت مثلاً بلاش تسيبي بنت لوحدها ومش بقولك قوي علاقتك بيها أوي والكلام ده، بس ع الأقل اتكلمي معاها وماتخليهاش تحس بالوحدة. 🫂♥️ ⬅️ ٤- سنة أولى خليها تعارف بشكل عام، لكن بلاش تخشّي بقلبك أوي وتقولي على أي حد صاحبتك لإن حقيقي هتتصدمي! 🥺 بشكل عام اختاروا الناس اللي شبهكم ونفس مبادئكم، اللي هيضيفولكم مش هيوقّعوكم. ⬅️ ٥- خدوا أكلكم معاكم من البيت وبلاش تجيبوا أكل من الجامعة، لكذا سبب : - هتفلّسوا وفلوسكم هتضيع 😂. - مش ضامنين نضافة الأكل وفايدته كمان. ⬅️ ٦- اللي بيذاكر أول بأول سهل يطلع الأول ع الدفعة، واللي بيذاكر آخر شهرين بذكاء سهل يجيب تقدير ! 💪 مش بقول كده عشان تستهونوا بالمذاكرة أول بأول، الفكرة إنكم قدّروا عقلكم واستيعابكم وماتُحبطوش لو حصل ظروف ولقيتوا الامتحانات داخلة وماعملتوش اللي عليكم، تقدروا تنجزوا لو ذاكرتوا بذكاء وبهدوء أعصاب♥️ ⬅️ ٧- الهدوم الواسعة على البنات ولفة الطرحة البسيطة والألوان الهادية أحلى وأجمل كتير جداً من اللبس الضيق و الـmake up والرقبة اللي باينة ... اللبس الواسع بيريح، بيستر، بتبقي من جواكي مرتاحة جداً ماشية في الشارع أو أي مكان واثقة إنك في أفضل حال، مطمنة إنك عاملة اللي عليكِ أملاً إن ربنا يتم ستره علينا في الآخرة ♥️ ⬅️ ٨- نصيحة مهمة جداً: اعملوا أن فولو أو مُغادرة لجروب الدفعة أيام الامتحانات، كم الأسئلة وإحساسك إنك بتذاكر مادة تانية غير اللي هم بيذاكروها هيخليك متوتر ومُحبط ومش هتنجز كويس. 🤦‍♀️ ⬅️ ٩- استغلوا فترة الجامعة كويس جداً وهتعرفوا الكلام ده بعدين بعد ما تتخرجوا وتلاقوا نفسكم بتبدأوا من الصفر : - خدوا كورسات كتير، وفي كورسات أونلاين ومجانية. - اتعلموا لغة تانية، وفي وسائل كتير وفيديوهات تساعدكم. - احفظوا القرآن، وماتقولوش أصل مفيش وقت وامتحانات وكده (ما زاحم القرآن شيئاً إلا باركه). ⬅️ ١٠- اسألوا ع الدكاترة لما الجدول ينزل واعرفوا نظام كل دكتور: - الحضور مهم عنده ولا لأ. - نظام امتحاناته إيه. - بيحب الإجابة تكون ازاي مُختصرة ولا بالتفصيل. ⬅️ ١١- ساعدوا بعض يا جماعة، والله ما حد بياخد رزق حد بالعكس هتلاقي ربنا بيباركلك ويقف جنبك ويسهّلك الأمور من حيث لا تحتسب، لإنك بتساعد غيرك. 💚 ⬅️ ١٢- بلاااااش تفوّتوا الصلاة، وتقولوا لما أروّح هجمّع الصلاوات كلها، روحوا صلوا في مسجد الكلية كل صلاة في وقتها حتى لو محدش ونّسكم ... ربنا في الآخر هيحاسبك لوحدك. 😢 ⬅️ ١٣- - معلش قد تكون النصيحة دي شديدة شوية بس هتفهموا معناها بعد كده : - بلاااش الاختلاط، وخاصّة الاختلاط المُقنّع اللي هو بيهزروا على جروب الدفعة فأهزّر معاهم عادي وهو الجروب مختلط وفيه شباب، بلاش الكلام ده يا جماعة ! من أول يوم حطوا حدود في التعامل، ويكون في الضرورة القُصوى لو في مثلاً تيم ومُجبرين تتعاملوا مع الشباب فتخلوا الكلام في إطار الدراسة فقط وللضرورة. ♥️ ⬅️ ١٤- في كذا حاجة خليها أساسية معاكِ : - دبابيس كتير لإنك هتحتاجيها في مرمطة اليوم. - خلي إبرة وخيط تحسباً لأي ظروف. - مسبحة إلكترونية ودي مهمة لأقصى درجة، في نهاية اليوم لو كل وقت فاضي ذكرتِ ربنا فيه هتلاقي رقم ماتتخيّلهوش. - هاند فري، هتحتاجيه جداً في طريق الجامعة. ⬅️ ١٥- آخر نصيحة : عيشوا المرحلة بحلوها وبتعبها وإرهاقها، لإن والله هتتمنّوا ترجعولها بعد كده. وفي نفس الوقت بلاش تضغطوا على نفسكم خدوا الأمور ببساطة لإنكم هتتعرضوا لمواقف كتير هتوتركم وتشد أعصابكم.. واللي بيتجاوزهم هو اللي خد الأمور ببساطة وذكاء. ✍️ بس كده، عصرت دماغي وقولتلكم أكتر نصايح مهمة وكنت محتاجاها وقتها! بالتوفيق، ربنا يجعلها مرحلة سعيدة في حياتكم ويرزقكم خيرها ويصرف عنكم شرها ♥️ #داليا_سمير.

شباب هي اداب انتساب فيها 4 اقسام بس؟؟؟