ИШКИН ОГЛУ / ISHKIN TV

2025 чылдың улуг Наадым хүрежинге Чөөн-Хемчик кожууннуң Шеми сумузунуң төлээзи, Куулар Евгенийниң оглу, Тываның Арзылаң мөгези Куулар Мөңге-Эртине шүглүп үнген-дир! Улуг аът чарыжынга Улуг-Хем кожууннуң Чодураа сумузунуң төлээзи Эртине Эрестиң калдар аъды четтирбейн барган-дыр! Баг адарынга Чөөн-Хемчик кожууннуң төлээзи Монгуш Сылдыс мерген адыгжы болган-дыр! Тиилекчилерге изиг байыр!!! (с) Ишкин оглу

Наадым-2025. Байырлыг ажыдыышкын! Открытие национального праздника «Наадым-2025». Тыртырган бөлүк "Эне Тывам"

Өгбелеривистиң артырып каан өндүр-чараш байырлалы - Наадым-биле, чонум! Адаан мөөрей оюннарлыг Наадымывыста Кымның аъды эртер ирги... Кымның оглу шүглүр ирги... Кымның чазы часпас ирги? (с) Ишкин оглу

Дорогой брат, Ринчин! От всей души поздравляю тебя с получением государственной награды «Заслуженный артист Республики Тыва»! Ты теперь наш навсегда! Помню, как мы вдвоём участвовали от своих республик в конкурсе «Новая звезда» и проиграли, а сейчас понимаю, что эта была на самом деле победа, потому что я там обрёл друга и брата! И вот теперь — ты на сцене тувинского театра, в лучах софитов и под овации моего, а теперь и твоего народа, получил высокую награду. Ты — не просто артист. Ты — человек с большим сердцем. Пусть наше творчество продолжит укреплять дружбу наших народов. И кстати, ты больше не приезжаешь ко мне, а уже приезжаешь к себе, брат:) С уважением, твой брат Ишкин😎

Дамырактар чыылгаш хем болур, тарамыктар чыылгаш күш болур! Чаңгыс дөстүг көшкүн чоннарның оолдары болгаш уран-чүүлүвүс-биле чаңгыс сценага бараан боор аас-кежиктиг болдувус. Алтайдан ЭМИЛЬ Толкочеков , Саха-Якутиядан КЭСКИЛ Баишев, Калмыкиядан МИНГИЯН Ханинов, Бурятиядан РИНЧИН Дашицыренов база Тывадан ИШКИН ОГЛУ Тыва черге чыглып келгенивис анаа эвес - дазылдыг ханы утка-ла бар☝️ Келген чонувус көргүзүүвүстү кезээ шагда утпас-ла боор! Тыва чонумнуң диңмиттиг адыш часкаанын аалдап келген эш-өөрүм кайгап ханмайн турдулар. (с) Ишкин оглу

Эргим тыва чонум, чуртувус Баштыңы Владислав Товарищтайович. Бедик үнелелдиг шаңнал дээш өг-бүлемниң, төрел-аймаамның, ат-алдарлыг артистерниң билдингир ыраажыларның ужуп үнген уязы боор, кежик-чолдуг Кечил-оол 7-де студиявыстың мурнундан өөрүп четтирдим🙏 Кажан-даа, кандыг-даа үеде эрткен орукту уттуп болбас, ээ көрнүп чорууру чугула. Багай үүлем арыглап, буянныг үүлеже углап чоруур Уш Ыдык Эртинелерим боор Ыдыктыг Башкыларымга сөгүрүп тейледим🙏🙏🙏 Мени бо хире деңнелге дээр деткип үндүрүп каан, бо өртемчейде бир кижи бар - уран-чүүлчү оруум эгезинде продюсерим, ам бо хүнде хүндүлүг акым, хөй-ле чараш ырыларым автору Кара-Сал Седен-Очур Павловичиге мөгейдим. Ачы-дузазын көргүзүп, арга-сүмезин кадып чораан кижилерге, көвей чылдар дургузунда чонумга бараан болуп чораан көдээ суурларда культура бажыңнарының, ДНТ-ниң, Национал театрның аштакчыларынга, одакчыларынга, таңныылдарынга, ажылдакчыларынга өөрүп четтирдим🙏 Ынак авай, Тыва Черге, Тыва Чонга бараан болуп чоруур оол кылдыр чаяп кааның дээш четтирдим🙏 Чаңгыс оглуң дүүн Улустуң артизи апаарымга, чонум туруп келгеш адыш часкап турду - сээң чырык адынга турааскадып тур мен, авай🙏 Ханы Хүндүткел-биле, силерниң Ишкин оглу.

Саха-Якутия & Калмыкия & Алтай & Тыва!!! Шу-дэ!!! Эртен июль 13-те театрга манаар бис! Билеттер: https://tuvabilet.ru/event.php?id=786

Алтайдан Алдарлыг артист эжим Эмиль чедип келди чаа! Билеттер: https://tuvabilet.ru/event.php?id=786

Калмыкиядан эжим эр Мингиян база бөгүн чуртувуста чедип келди чаа! Билеттер: https://tuvabilet.ru/event.php?id=786

Саха-Якутиядан ыраажы эжим эр Кэскил Баишев аалдап чедип келди! Билеттер: https://tuvabilet.ru/event.php?id=786

Чаа, амыр-менди. Найырал чокта чуртталга хоозургай ышкаш боор. Эш-өөрнүң эргим шырай-арнынче көрүп аарга безин өөрүнчүг. Бурят черге чеде бээримге, уткуп алыр эштерим бар чүве - ам арай бирээзи чок харааданчыг🙏 Ажыл-агыйның агымындан эштериңерниң эриинче эштип үнүп каап туруңар. (с) Ишкин оглу

Чаа, амыр-менди. Улуг политиканы ханы билбес-даа болзумза, анаа бодум шаам-биле бодалым бижип көрейн. Национал республикаларга ол чоннуң төлээзи удуртукчу кылдыр ажылдаар ужурлуг деп бодаар мен. Чүге дизе ол черни, ында чурттап чоруур чоннуң өгбелери туржуп чорааш, ээлеп чорааш артырып каан болгай. Өскээртен келген кижи ол чоннуң ук төөгүзүн эки билбезинден көвей-ле чүүлдү билбес боор, а кол чүве тус черниң чонунга чоок боору улуг айтырыг. (с) Ишкин оглу

Богда! Калмык Чазак сонуургааш үлежип ап тур. Хөй-ле кижи көрүп сонуургап турар болза экизи ол👍

Бис ажыглалче киириптээлиңер!

Төрээн дылывысты салгалдарга артырар дээр болза, сайзырадыры чугула деп бодаар мен. Сайзырадырда, бо хүнде дылывыста чок кезек сөстерни, херек болза чогааткаш дорт ажыглалче киирер. Кол чүве☝️ чаа сөстер адаттынгыр, сагынгыр болгаш бөдүүн боор болза эки. Чижээ, "херээжен" деп сөс үндезин тыва дылывыска турбаан сөс деп дыңнаан мен: "херек" деп тыва сөс-биле "женский" деп орус сөстү каттыштыргаш чогаадып кылган сөс бооп турар. Кылымал чогааткан сөс-даа болза, бо хүнде дылывыстың хүн бүрүде ажыглалынче кире берген. Ийе, шупту сөстерни тыважыдары берге диин, шыны херек. "Кино"-ну тывалап "дириг чурук" дээр болгай, ынчалза-даа үлегерлеп алганывыс ояар ажыглап чоруур-дур бис, ол ышкаш телефон, самолёт (ужар хеме) интернет, ресторан…дээш ындыг сөстер-ле хөй. Бир катап социал четкилерге "БИИДЕҢ" деп сөс тыптып келгенин эскердим. "Видео" деп сөстү тыважыдып каан болду. Бирле тыва кижиниң тывынгыр чоруу-даа болза - мен аңаа кончуг таарзындым. Бо хүнде "биидең" деп сөстү дорт тыва сөс курлавырынче киирер иин. База ол ышкаш, эргиде ажыглалдан үне берген сөстерни катап диргизип, үениң аайы-биле тыва чаа сөстерни немеп турар болзувусса дылывыстың сайзыралынга кончуг эки деп бодап тур мен. Чазып турар чадавас мен - анаа хууда бодалым диин. (с) Ишкин оглу

КРАЙ РОДНОЙ (КЛИП) - ИШКИН ОГЛУ & МИНГИЯН Чаа, амыр-менди. Удавас июль 13-те Национал театрга Россияның кезек көшкүн чоннарның төлээлери ыраажы эштерим-биле улуг оюн-көргүзүүм боор болгай. Калмык эжим эр Мингиян Ханинов-биле "Край родной" деп чаа ырывыска видеоклипти бараалгадып тур бис. Сөзү: Седен-Очур Кара-Сал Аялгазы: Аңгырак Ондар Видео: Айдыс Ооржак Билеттер: https://tuvabilet.ru/event.php?id=786

Ада-чуртувус Россия хөй-ле нациялардан, улуг-биче чоннардан тургустунган болгай. Улуг Күрүне иштинге эптиг-демниг боор дээр болза ок-чепсектиг шеригжи, шагдаа-мегдээжи күш эвес, ниити бүзүрел херек деп бодаар мен. Ийе, иштики корум-чурум тударынга, ылаңгыя даштыкы айыылдан камгалалга албан херек болбайн канчаар, ындыг-даа бол хамааты кижи бүрүзү күрүнезинге ынаныптар, идегептер бүзүрели бар боор болза - ёзулуг быжыг күш ол деп бодаар мен. (с) Ишкин оглу

Ава кижиниң ажылы төнмес. Бо техниктиг сайзырал үезинде, хеп чуур машина суглар бары-биле, мүн-не иениң холдап-буттаар ажылы чүгээртеп келген деп болур. Ырак-даа эвес 80-90 чылдарда, чер бажыңда көвей ажы-төлдүг өг-бүлени бодаптарга....😅 от салыр, аъш-чем кылыр, хеп чуурда сугну чылдыр, дүрбүүшке холду ойулдур дүрбүп чуур...ооң кадында күрүнеде ажыл база бар, "авайлаар, мамалаар" ажы-төл база бар! Авыралдыг аваларга мөңге алдар🙏🙏🙏 Ом мани падме хум…🙏🙏🙏

Чаа, амыр-менди! Июль 13-те Национал театрга болуп эртер "Көшкүн чоннарның ырылары" деп улуг оюн-көргүзүүмче силер бүгүдени ыраажы эш-өөрүм-биле чалап тур мен! Тускай аалчылар кылдыр Мингиян (Калмыкия), Кэскил (Саха-Якутия), Эмиль (Алтай) киржип келирлер! Билеттер: Онлайн ➡ tuvabilet.ru/event.php?... Касса ➡ ДНТ