SOLIHALAR GULSHANI

Солиҳалар гулшани каналининг азиз ва қадрли Солиҳалари!!! Биздан бир - бир тоат мавсумлари ўтиб бормоқда, Рамазон, рамазоннинг охирги ўн куни, кетидан шавволнинг олти куни кейин мана зулҳижжанинг ўн кунлиги ҳам тугади. Арафа билан ҳам хайрлашдик. Лекин Аллоҳ субҳанаҳу ва таоло Боқий-Абадий ва фаришталар ҳам доимо хозиру - нозир, китобимизга каттаю-кичик ҳамма нарса битилмоқда. Яхши-ёмон кунларда дуога қўл кўтарилган. Меҳрибон Роббимиз доим-давомий Ўзига инобат қилишимизни яхши кўради. Қолаверса ҳайит айёмлари давом этаркан силаи-раҳм, яхшиликка буюриб, ёмонликдан қайтариш, аҳлу оилага бағрикенг бўлиш каби улуғ ибодатлар ҳам давом этади. Кейинги йилларнинг ҳайитларигача саломатлик-офиятда бўлинглар Солиҳалар!!!

​​الله اكبر الله اكبر الله اكبر لا إله إلا الله , الله أكبر الله أكبر ولله الحمد. Assalamu alaykum va rohmatullohi va barokatuh! Aziz birodarlar! Qurbon hayiti barchangizga muborak bo‘lsin! Alloh ta'olo barchamizni gunohlarimizni kechirib solih amallarimiz va qurbonliklarimizni qabul qilsin. Aziz birodarlar! Qurbon bayrami shukuhi bizga uning mohiyat-maqsadini unittirib qo‘ymasin. Qurbon hayiti mo‘minga shunchaki bayram emas, balki Alloh uchun hech narsani qizg'anmaslik, ota-bola, ona va oila birdamlikda Allohning diniga xizmat qilish ma'nolarini Ibrohim va Ismoil hamda Hojar alayhimussalamlar siyrati orqali qayta-qayta eslatib turuvchi ibodatdir. Qurbon hayiti faqat mol-qo'ylarni qurbon qilishni emas, balki Alloh bilan o‘rtamizga to'g'anoq bo‘ladigan barcha narsalarni qurbon qilishga tayyorlikni Ibrohim alayhissalam siyratlari orqali bizga eslatuvchi bayramdir. Qurbon hayiti, unda faqat qo'y echki so‘ygan ammo qalbidagi mahbubini Alloh uchun tark qilishdan qizg'angan kishining bayrami emas, Balki bu bayram jonliq so'ymasada Alloh uchun o‘ziga eng suyukli mahbublarini qurbon qila olgan kishining bayramidir. Xulosa qilib aytganda bu hayit faqatgina jonliq qurbon qilish emas balki qalbga eng yaqin jonona qurbon qilishdir. Kimda-kim bu yil arafotda hojilar bilan tura olmagan bo‘lsa, Allohning haqlarida Alloh uchun qoim tursin! Kimda-kim muzdalifada hojilar bilan tunay olmagan bo‘lsa, Allohning toatiga azm qilsin, Alloh o‘ziga uni yaqin qiladi. Kim qurbonligini minoda hojilar bilan so'ya olmagan bo‘lsa qayerda bo‘lsa ham havoyi nafsini qurbon qilsin, qurbonlikdan maqsadga yetadi. Kimgaki ka'ba uzoqlik qilib unga yeta olmagan bo‘lsa, ka'baning robbisi unga jon tomiridanda yaqindir! Undan umidini uzmasdan duo qilsin. Yana bir bor Bayram muborak bo’lsin! Allohu akbar, Allohu akbar, Allohu akbar! La ilaha illallohu Allohu akbar! Allohu akbar valillahil hamd!

تقبل الله منا ومنكم صالح الاعمال كل عام وانتم بخير