.

شكرا للسوشيال ميديا اللى خربت حياتنا ودمرت علاقتنا مع ناس كتيير وخصوصا أقرب ناس لينا …ونهت علاقتنا ببلوك وخلت نبرة الصوت ملهاش لازمه وتعابير الوش شويه إيموشن ? … بوظت علاقات الأصحاب علشان واحده بترد متأخر وهى أونلاين او بتعمل seen ومتردش وبقت خروجاتهم انهم يفضلوا ماسكين الموبايلات ف نفس المكان وخلاص من غير ما يتكلموا ويضحكوا زى الأول خربت علاقة أم ببنتها علشان شايفاها طول الوقت مشغوله وبعيده عنها .. أو خربت حياة اتنين مخطوبين أو بيحبوا بعض علشان هو قال إنه هينام بس فضل فاتح لحد وقت متأخر والمشاكل اللى بتحصل علشان واحده عملتله لايك أو إنهم يسيبوا بعض بسبب قلة الثقه علشان طلبت الباسورد وهو رفض وده كله بسبب السوشيال ميديا بقت مشاكلنا عباره عن بوست و رد الناس ومساعدتهم بقت لايك.. السوشيال ميديا خلتنا بنحكم غلط ع ناس كتيير ونخسرهم لأننا بنشوف غلط …بوظت كل حاجه وخلتها سخيفة وحتى الصدفه بقت انك تبعت حاجه لحد بالغلط او تتصل على حد غلط ويطلع الشخص ده هو اللى انت بتحبه مثلا خلت حياتنا تبقى شويه حروف وخلاص والدموع اللى بتنزل واحنا بنتكلم مع حد كلام عادى محدش بيحس بيها وف الآخر بتتقال كلمة سلام من غير أى مبالاه السوشيال ميديا خلتنا نكذب على نفسنا وعلى الكل وبقوا دلوقتى يصدقوا اللى بتقوله ف البوست مش اللى باين ع وشك بسببها بقا كتيير أوى داخلين على مرحلة اكتئاب أو بالفعل بقا عندهم اكتئاب…بقينا بنهرب من كل حاجه للسوشيال ميديا.. شكراا للسوشيال ميديا انهارده اخر يوم ليا ع التلي لاني بجد تعبت منه وبحب اشكر اخواتي الجدعان اللي عرفتهم واكيد مش هنساهم هنفضلو ف بالي دايما واتمني اشوفكو بخير ولو اي حد زعلان مني انا متاسفهه لاي حد جبت عليه ف يوم او استغليتوا وبشكر الناس الجدعان اللي عرفتها انا ماشيه من هنا بكرامتي وبمزاجي مش خوفا من حد ٧ سنين هنا موجوده محذفتش بسبب حد ف يوم بس انا مليت واكتشفت اني كل حاجه فاكسانه مجرد تضيع وقت وخلاص اشوفكوا ع خير لو اي حد عايز يقولي حاجه قبل م احذف انا مستنيه يدخل يكلمني @M_R_Y_M_2 باي 🙂💔