🇲🇲 Mawshan Myay Media🇲🇲

*စက်ဆုပ်ရွံရှာဖွယ်ကောင်းတဲ့အကြမ်းဖက်မှုများ* သူတို့ပြောတဲ့ တော်လှန်ရေး က မအောင်တော့မှန်းလည်း သူတို့ တွေ သိနေကြတာ ကြာပါပြီ။ ဒါပေမယ့် သူတို့ နောက်ဆုတ်ဖို့ မကြိုးစားဘဲ တော့ဘဲ ပိုမို ပြီး ရက်စက်ကြမ်း ကြုတ် လာတာက အကြောင်း တော့ ရှိပါလိမ့်မယ်။ အထူးသဖြင့် ဒီရက်ပိုင်အတွင်း အညာဒေသ ရဲ့ အနိဌာရုံတွေက ရင် နာစရာ ကောင်းပါတယ်။ တလောက ခင်ဦးနယ်က အမျိုး သမီး တစ်ဦး ကို ရက်ရက်စက်စက် သတ်ဖြတ်ခဲ့ကြတဲ့ မူဗီဖိုင်ကို အော့ နှလုံး နာဖွယ်ကြည့်ပြီးလို့ မှ မကြာ သေးဘူး၊ အခုတစ်ခါ အကြမ်းဖက် NUG/PDF အဖွဲ့မှ စစ်ကိုင်းတိုင်း၊ ချောင်းဦးမြိုနယ်၊ ရွှေဒါးကျကျေးရွာ ၊ရွာဦးကျောင်းက ဆရာတော် အရှင်က္ကန္ဒာစာရ ကို သတ် ဖြတ်ခဲ့ပြန်ပါတယ်။ သတ်တာမှ ရိုးရိုးသတ်တာ မဟုတ်ဖူး နော်၊ အရှင်လက်လက် လက်သည်းခွံတွေ ခွာတာကစလို့ ခန္ဓာကိုယ်တစ်ခုလုံး ကျိုးကြေ ကြေမွ အောင် ရက်ရက်စက်စက် နှိပ်စက် သတ်ဖြတ်လိုက်ကြတာ၊ သတ်ဖြတ်လိုက်တဲ့ဆရာတော်ဟာ သက်တော် ၅၂ နှစ်၊ ဝါတော် ၃၄ဝါ ရှိပြီး ဖြစ်တဲ့ တရားဟောပြဓမ္မကထိကတစ်ပါး ပါ၊ စာတတ်ပေတတ် ဆရာတော်တစ်ပါးဖြစ် ပြီး အနေအေးရိုးဖြောင့်ကာ ဘယ်ဖက်မှမ ပါတဲ့ သာသနာ့ကိစ္စပဲဆောင်ရွက်နေတဲ့ ဆရာတော်တစ်ပါးဖြစ်တယ်လို သိရတာ မို့ ဗုဒ္ဓဘာသာဝင် မြန်မာလူမျိုးတွေ ရဲ့ နှလုံးသားကို ဓားနဲ့ ထိုးမွှလိုက်သလို ခံစားကြရပါတယ်။ ဒီဆရာတော်နဲ့ဆိုရင် အညာဒေသမှာ NUG/ PDF တွေ သတ်လို့ ပျံလွန်တော် မူသွားတဲ့ ရဟန်းသံဃာပေါင်း အပါး တစ်ရာကျော်ရှိခဲ့ပြီ မို့ ရင်နာစရာ ကောင်းပါတယ်။ ဘယ်ခေတ် ဘယ်ခါမှတော့ ဒီလို ရိုင်းစက် ရက်စက်တဲ့ မြန်မာတွေ မတွေ့ခဲ့ဖူးသလို ဒီလောက်ယုတ်မာ တဲ့ လူတွေ လည်း ဒီခေတ်မှာ ပဲ တွေ့ဖူးပါတယ်။ ဒါနဲ့များ ဒီမိုကရေစီအတွက် တော်လှန်ရေး လုပ်တယ်လို့ မတန်မရာ ပြောထွက်ကြသေးတယ်။ ဒီလူ့အဆင့်တန်းတွေရဲ့ စရိုက် က ဒီမိုကရေစီနဲ့ မတန်ဘူး။ အမိန့်အာဏာနဲ့ လည်မျိုတတ်နင်းပြီး မော်မကြည့်ရဲ အောင် အုပ်ချုပ်နိုင်တဲ့ သူတွေနဲ့မှ တန်ကာကြလိမ့်မယ်။ ဒီလို ဘာကြောင့် လုပ်ကြသလဲ ၊ လုပ်ရသလဲ ပြန်ဆန်းစစ်ကြည့်ရင် တော့ ( ၁) သူတို့ပြောတဲ့ လက်နက်ကိုင် တော်လှန်ရေး မအောင်မြင်တော့မှန်း သိလာလို့ လူတွေရဲ့ စိတ်ဝင်စားမှု လျော့ကျလာတဲ့ အတွက် ပြန်ပြီး မိုတီ လုပ်ကာ အာရုံစိုက်မှုခံချင်လို့။ ( ၂) အကြောက်တရားသွပ်သွင်းကာ ပြန်ပြီးအာဏာတည်ဆောက်ခြင်နေလို့။ (၃) အွန်လိုင်းပေါ်က ဘာသာမဲ့ တွန်းအား ပေး ဝါဒဖြန့်ချိမှု စာအချို့ကြောင့် ဘာသာမဲ့ တွေ ဖြစ်လာကြလို့ပဲ မြင်ပါတယ်။ ဘယ်လိုပဲ ဖြစ်ပါစေ၊ အစွန်းရောက် အကြမ်းဖက်မှုတိုင်းက တော့ ကျဆုံးကြရစမြဲပါ၊ အခုလည်း NUG / PDF တွေ ကို ပြည်သူ လူထု က စက်ဆုပ်ရွံ့ရှာနေကြပြီ ဖြစ်လို့ မကြာမီ နိဂုံးချုပ်ပါလိမ့်မယ်။ မင်းသုန္ဒရ

ကုန်ထုတ်လုပ်မှုတိုးမြှင့်၍ ပြည်တွင်းအရင်းအမြစ်များကို အကျိုးရှိစွာအသုံးချကာ နိုင်ငံ့စီးပွားရေး မြှင့်တင်ရန် နိုင်ငံတော်သမ္မတ တိုက်တွန်း နေပြည်တော်၊ ဩဂုတ် ၂၅ နိုင်ငံ့စီးပွားရေး ဖွံ့ဖြိုးတိုးတက်ရေးအတွက် ပြည်တွင်းကုန်ထုတ်လုပ်မှုကို အခြေခံ၍ ကုန်သွယ်မှုပမာဏ တိုးမြှင့်ရေး၊ စိုက်ပျိုးမွေးမြူရေး ထုတ်လုပ်မှုမြှင့်တင်ရေးနှင့် ပြည်တွင်းရှိ အရင်းအမြစ်များကို ထိရောက်စွာ အသုံးချရေး အလေးထားဆောင်ရွက်ကြရန် နိုင်ငံတော်သမ္မတက ပြည်ထောင်စုအစိုးရအဖွဲ့အစည်းအဝေးတွင် တိုက်တွန်းပြောကြားခဲ့ပါသည်။ နိုင်ငံတော်သမ္မတမှ အဓိကထား ပြောကြားခဲ့သည်များမှာ - ■ စီးပွားရေးနှင့် ကုန်ထုတ်လုပ်မှု နိုင်ငံတစ်နိုင်ငံ ဖွံ့ဖြိုးတိုးတက်ရေးတွင် စီးပွားရေးကောင်းမွန်မှုသည် အဓိကဖြစ်ပြီး ပြည်တွင်းလုပ်ငန်းရှင်များ၏ ရင်းနှီးမြှုပ်နှံမှုနှင့် ကုန်ထုတ်လုပ်မှုကို အားပေးရန်၊ ကုန်သွယ်မှုပမာဏ ပိုမိုကြီးမားလာစေရန်နှင့် တန်ဖိုးမြင့်ထုတ်ကုန်များ ထုတ်လုပ်နိုင်ရေး ဦးတည်ဆောင်ရွက်ရန်။ ■ စိုက်ပျိုးမွေးမြူရေး မြေ၊ ရေနှင့် စိုက်ပျိုးမွေးမြူရေးအရင်းအမြစ်များကို ထိရောက်စွာအသုံးချ၍ မိုးစပါး၊ နွေစပါး၊ ဆီထွက်သီးနှံနှင့် ပဲမျိုးစုံတို့၏ အထွက်နှုန်း တိုးတက်စေရန်၊ မွေးမြူရေးလုပ်ငန်းများကိုလည်း တိုးချဲ့ဆောင်ရွက်ရန်။ ■ ကျေးလက်စီးပွားရေး ကျေးလက်နေပြည်သူများ၏ စီးပွားရေးတိုးတက်လာမှသာ ဆင်းရဲနွမ်းပါးမှုကို လျှော့ချနိုင်မည်ဖြစ်သဖြင့် ဒေသအလိုက် စိုက်ပျိုးမွေးမြူရေးနှင့် ကုန်ထုတ်လုပ်မှုလုပ်ငန်းများ ဖွံ့ဖြိုးအောင် ဆောင်ရွက်ရန်။ ■ ပညာရေးနှင့် လူ့စွမ်းအား ကုန်ထုတ်လုပ်မှုမြှင့်တင်နိုင်ရေးအတွက် အသိပညာနှင့် အတတ်ပညာရှိသည့် လူ့စွမ်းအားအရင်းအမြစ်များ လိုအပ်သဖြင့် ပညာရေးအရည်အသွေးမြှင့်တင်ရေးနှင့် ကျောင်းများ စံနှုန်းပြည့်မီရေးကို ဦးစားပေးဆောင်ရွက်ရန်။ ■ ကုန်သွယ်ရေး ပို့ကုန်၊ သွင်းကုန်နှင့် နယ်စပ်ကုန်သွယ်ရေးကို စနစ်တကျဆောင်ရွက်ပြီး တရားမဝင်ကုန်သွယ်မှုများကို ထိန်းချုပ်ရန်၊ ကုန်စည်စီးဆင်းမှု ချောမွေ့ရေးနှင့် ကုန်သွယ်ရေးလမ်းကြောင်း လုံခြုံရေးကို အလေးထားရန်။ ■ ရေကြီးရေလျှံမှု မြစ်ချောင်းများ တိမ်ကောခြင်းနှင့် သောင်ထွန်းခြင်းများကို ပြန်လည်ပြုပြင်ထိန်းသိမ်းရန်၊ လျှပ်စစ်နှင့် စွမ်းအင်ကဏ္ဍတွင် ပြည်တွင်းအရင်းအမြစ်များကို အကျိုးရှိစွာအသုံးချရန်နှင့် မြို့ပြသန့်ရှင်းသာယာလှပရေးကို စနစ်တကျ ဆောင်ရွက်ရန်။ ■ ဘတ်ဂျက်နှင့် အခွန် ပြည်သူများထမ်းဆောင်သည့် အခွန်ငွေကို အခြေခံ၍ နိုင်ငံတော်ဘတ်ဂျက် ရေးဆွဲရခြင်းဖြစ်သဖြင့် ဘတ်ဂျက်ကို ပြည်သူ့အကျိုးအတွက် ထိရောက်စွာအသုံးချရန်နှင့် ပြည်နယ်၊ တိုင်းဒေသကြီးအစိုးရများက ဗဟိုအစိုးရ၏ အစီအစဉ်များကို အောင်မြင်အောင် အကောင်အထည်ဖော်ရန်တို့ ဖြစ်ပါသည်။

၂၅-၈-၂၀၂၆ အကြမ်းဖက်PDFတွေရဲ့ ခေါင်းဖြတ်သတ်တာကို ခံလိုက်ရတဲ့ ဒေါ်မင်းမင်းနွယ်နှင့် ပတ်သက်ပြီး ၎င်း၏မိသားစုဝင်များရဲ့ ပြောဆိုချက်နှင့် သတ်တဲ့တရားခံတွေနာမည်တွေကို ထုတ်ဖော်ပြောပြလာ။ Truth Waves

လူငယ်တွေ လက်နတ်ကိုင်တာ သဘောမတူကြောင်း ဒေါ်စု၏ အသံဖိုင် ပေါက်ကြားလာ Truth Waves

၂၄-၈-၂၀၂၆ ယမန်နေ့ ဩဂုတ်လ (၂၃)ရက်နေ့က ပလက်ဝ-မတူပီလမ်းပေါ်က လေဆင်းရွာမှာ အကြမ်းဖက် CDF-Matupi အဖွဲ့က ဆပ်ကြေးကောက်၊ အဓမ္မလူသစ်စုဆောင်းနေတာကို ဒေသခံ ချင်းလူမျိုးရွာသူ၊ရွာသားများက မကျေနပ်တဲ့အတွက် ဆန္ဒဖော်နေကြတာလို့ သိရပါတယ်။ Truth Waves

ပြည်ထောင်စုသမ္မတမြန်မာနိုင်ငံတော်‌ နိုင်ငံတော်‌သမ္မတ ဦးမင်းအောင်လှိုင် (၁၇-၈-၂၀၂၆) မှ (၂၃-၈-၂၀၂၆) ထိ ရုရှားဖက်ဒရေးရှင်းနိုင်ငံနှင့် ဘယ်လာရုစ်နိုင်ငံများသို့ တရားဝင်ခရီးစဉ် သွားရောက်ခဲ့မှုနှင့် ပတ်သက်၍ မီဒီယာများ၏ မေးမြန်းချက်များအပေါ် နိုင်ငံတော်သမ္မတရုံး၏ ပြောရေးဆိုခွင့်ရှိသူ ဒေါက်တာခိုင်ခိုင်စိုး၏ ဖြေကြားချက်

“အန်တီကြီးကို မလုပ်ပါနဲ့ သားရယ်” ဖြစ်စဉ်သည် ဝါရာဇွပ်ပြည်သူ့စစ်အဖွဲ့အား နာမည်ပျက်စေရန် ရည်ရွယ်သည့် KIA အကြမ်းဖက်အဖွဲ့၏ ကောက်ကျစ်သည့် လုပ်ရပ်ဖြစ်ကြောင်း ထုတ်ဖော်ပြောလာတဲ့ ကချင်တိုင်းရင်းသားတစ်ဦးရဲ့ စကားသံများ Truth Waves

ဝမ်ဟိုင်းကနေ ရခိုင်ပြည်နယ်သို့ ပို့ဆောင်မယ့် ငွေကျပ် ၃၆ ဘီလီယံကျော်တန်ဖိုးရှိ စိတ်ကြွဆေးပြား ၂၄ သန်းကျော်အား မင်းလှမြို့နယ်နှင့် ပြည်ကြီးတံခွန်မြို့နယ်တို့မှာ ဖမ်းဆီးရမိ ဝမ်ဟိုင်းမြို့ကနေ ရခိုင်ပြည်နယ်သို့ ပို့ဆောင်မယ့် ငွေကျပ် ၃၆ ဘီလီယံကျော်တန်ဖိုးရှိ စိတ်ကြွဆေးပြား ၂၄ သန်းကျော်အား မင်းလှမြို့နယ်နှင့် ပြည်ကြီးတံခွန်မြို့နယ်တို့မှာ ဖမ်းဆီးရမိခဲ့တယ်လို့ မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့က သတင်းထုတ်ပြန်ထားပါတယ်။ Truth Waves

မြန်မာ့သမ္မတ ဦးမင်းအောင်လှိုင်အား ရုရှားနိုင်ငံ G.V. Plekhanov စီးပွားရေးတက္ကသိုလ်မှ ဂုဏ်ထူးဆောင်ပါမောက္ခဘွဲ့ အပ်နှင်းမှုမှတ်တမ်း Truth Waves

တော်လှန်ရေးနဲ့ လုပ်စားနေသူတွေ တော်လှန်ရေးပြီးမှာ ကြောက်နေကြပြီ Truth Waves

စဥ်းစားဆင်ခြင်ဉာဏ်ရှိကြပါစေ ရုရှားနဲ့ မြန်မာနိုင်ငံဟာ အဝေးကြီးဆိုနိုင် ပေမယ့် ပထဝီနိုင်ငံရေးအကျိုးစီးပွား အရ အနီးကပ်ထိတွေ့ ဆက်ဆံဖို့ လိုအပ်ပါတယ်။ ဒါ့ကြောင့် ရုရှားသမ္မတ ပူတင်က မြန်မာ သမ္မတ ဦးမင်အောင်လှိုင် ကို မကြာ ခဏ ဖိတ်ခေါ်နေတာ ဖြစ်သလို မြန်မာ သမ္မတ ကလည်း မကြာခဏ သွားရောက် ပြီး ထိတွေ့ ဆက်ဆံနေရတာလို့ မြင်မိ ပါတယ်။ သမိုင်းကြောင်းကို ကြည့်ပြန်ရင် ခေတ်အဆက်ဆက် ဆက်ဆံရေးကောင်း များရှိနေခြင်း ကလည်း နှစ်နိုင်ငံ အကျိုးစီးပွားကို လျင်လျင်မြန်မြန်အကောင် အထည်ဖော်ဖို့ အထောက်အကူဖြစ်စေ ပါတယ်။ အထူးသဖြင့် ကမ္ဘာ မှာ အနာဂတ် အလားအလာအရှိဆုံး ပထဝီနိုင်ငံရေး အကျိုးစီးပွားကို ပိုင်ဆိုင်ထားတဲ့ မြန်မာနိုင်ငံ ကို ရုရှားတင်မကပါဘူး။ တရုတ် အိန္ဒိယ အမေရိကန်နဲ့ အနောက် ဥရောပ နိုင်ငံတွေလည်း သိကြ စိတ်ဝင်စားကြ ပါတယ်။ ဒါပေမယ့် သိကြ စိတ်ဝင်စားကြတာချင်း တူကြပေမယ့် ချဉ်းကပ်ပုံဗျူဟာက တော့ မတူကြပါဘူး။ ရုရှား တရုတ် အိန္ဒိယ တို့ ဟာ လက်တွေ့ကျ တဲ့ ချဉ်းကပ်မှုကတဆင့် တည်ဆဲအစိုးရနဲ့ ထိတွေ့ ဆက်ဆံရေးကို အလေးပေးဆောင်ရွက် နေကြတယ်။ ဒါက သူတို့ ခေတ်အဆက်ဆက် ကျင့်သုံး ခဲ့တဲ့ ဗျူဟာပါ ၊ အမေရိကန်နဲ့ အနောက်အုပ်စုကတော့ ဒီလို မဟုတ်ပြန်ဘူး။ ဆန့်ကျင်ဘက်တွေကို သွေးထိုးမြောက်ပေးခြင်းခြင်းဖြင့် မြန်မာ့နိုင်ငံ ရေး မတည်ငြိမ်မှုကို ဖန်တီးတဲ့ ဗျူဟာကို ကျင့်သုံးတယ်။ ဒါမှလည်း တရုတ် ရုရှား အိန္ဒိယ တို့ ရဲ့ အကျိုးစီးပွားကို ထိန်းချုပ်ကန့်သတ်ထား မယ်လို့ ယူဆထားကြတာကိုး။ ဒါကြောင့် မြန်မာ့နိုင်ငံရေးဟာ အုပ်စု ကြီးနှစ်စု ရဲ့ အကျိုးစီးပွားအားပြိုင်မှု အကြား မှာ မြေဇာပင် ဖြစ်နေရလို့ ကာလရှည်ကြာ စွာ ပဋိပက္ခတွေ ကြီးထွားနေရတာပါ။ အမေရိကန် နဲ့ အနောက်အုပ်စု ဟာ မြန်မာ့အရေးနဲ့ ပတ်သက်ပြီး သူတို့ အကျိုးစီးပွား အတွက် အများကြီး မျှော်လင့်မထားကြသလို ငွေအများ ကြီး လည်း အကုန်မခံချင်ကြပါဘူး။ ဒါကြောင့် လည်း မြန်မာနိုင်ငံ မှာ အနောက်အုပ်စု လိုလားတဲ့ NLD အစိုးရ တက်ခဲ့တဲ့ ၅ နှစ်မှာတောင် မြန်မာ့အရေးကို ဘာမှ မကူညီနိုင် ခဲ့သလို NLD နဲ့ ကောင်းမွန်တဲ့ ဆက်ဆံ ရေး ကို အသုံးချကာ ဘင်္ဂလီတွေကိုပဲ မြန်မာ့ပြည်တွင်းရေး မှာ နေရာရရှိရေး ကိုပဲ အလေးပေးခဲ့ကြပါတယ်။ ဒါကြောင့် လည်း ပြည်တွင်း ဘင်္ဂလီ ပြဿနာ ကနေ ICJ နိုင်ငံတကာပြဿနာ အထိ ကို ရောက်အောင် OIC နဲ့ပေါင်း ပြီး တွန်းအားပေးနိုင်ခဲ့တယ်။ အချို့သော မြန်မာပြည်က ဆန့်ကျင် ဘက်အုပ်စုတွေကတော့အမေရိကန်နဲ့ အနောက်အုပ်စု ဟာ မြန်မာ ပြည် မှာ ဒီမိုကရေစီနဲ့ လူ့အခွင့်အရေး မဖွံ့ဖြိုး လို့၊ စစ်တပ်က နိုင်ငံရေး မှာ ပါဝင် ပတ်သက်နေလို့ အမေရိကန်က မကူညီ တာလို့ ပဲ အခုထိ ထင်နေကြတုန်းပါပဲ။ အမှန်တော့ မဟုတ်ပါဘူး၊ တရုတ်၊ ရုရှား၊ အိန္ဒိယ တို့ရဲ့ အကျိုး စီးပွားတွေကို ကန့်သတ်ထိန်းချုပ်ရင်း မြန်မာနိုင်ငံ ကို အဖျက်သဘောနဲ့သာ ချဥ်းကပ်မယ်ဆိုတဲ့ ဗျူဟာကို ကျင့်သုံး နေလို့ပါပဲ။ သူတို့သာ မြန််မာ့အရေးနဲ့ပတ်သက်ပြီး တရုတ် ရုရှားတို့နည်းတူ အပြုသဘော ဆောင်စိတ်နဲ့ လက်တွေ့ကျကျချဥ်းကပ် မယ်ဆိုရင် မြန်မာပြည်ဟာ အခုလောက် ထိ ပဋိပက္ခတွေ ကြီးထွားမနေပါဘူး။ မြန်မာပြည်မှာ သူတို့ အကျိုးစီးပွားကို အမှန်တကယ်အထိုင်ချကို ချရမယ်လို့ ယုံကြည်လက်ခံထားတယ်ဆိုရင် ဆန့်ကျင်ဘက်ကို ဆက်ဆံဖို့ထက် G to G ဆက်ဆံရေးကို ပိုမို တိုးမြှင့် ထူထောင်ကြပါလိမ့်မယ်။( ဦးသိန်းစိန် ခေတ်က အမြန်လမ်း ကောင်းအောင် ကူညီပေးဖို့ အကူညီတောင်းတာ တောင် အိုးဘားမားတို့ မသိချင် ယောင်ဆောင်သွားတယ် မဟုတ်လား) အမေရိကန်နဲ့ ထိတွေ့ဆက်ဆံနေတဲ့ အရှေ့အလယ်ပိုင်း နိုင်ငံတွေကိုပဲ ကြည့်ပါဦး(အုံး)။ အများစု က အာဏာရှင် ဖြစ်နေကြတယ် မဟုတ်လား။ အမေရိကန် အတွက်တော့ အာဏာရှင် ဖြစ်ခြင်း၊ ဒီမိုကရေစီ ဖြစ်ခြင်း က အဓိက မဟုတ်ဘဲ အကျိုးစီးပွား သာ အဓိက ဖြစ်ပါတယ်။ မြန်မာနဲ့ ပတ်သက်ပြီး အမေရိကန် လက်ခံထားတဲ့ ခံယူချက်ကို ကြည့်ပြန် ရင်လည်း မြန်မာပြည်ဒီကရေစီဖွံ့ဖြိုး ဖို့၊ နိုင်ငံတိုးတက်ဖို့ မဟုတ်ပါဘူး။ အခုလို ပဋိပက္ခတွေ ကြီးထွားနေပြီး တရုတ် ရုရှား အိန္ဒိယ တို့ရဲ့ အကျိုးစီးပွား အကောင်ထည်ဖော်ခွင့်မရရေးပါပဲ။ ဒါကိုမသိတဲ့ မြန်မာအစိုးရကို ဆန့်ကျင်နေ ကြတဲ့အုပ်စုတွေဟာ အမေရိကန်နဲ့ အနောက်အုပ်စုတွေ ရဲ့ အသုံးချခံဘဝ ကို ရောက်မှန်းမသိရောက်နေကြရတယ်။ ဒီလို အသုံးချခံ ဆန့်ကျင်ဘက်အုပ်စု တွေနဲ့ လက်နက်ကိုင် အဖွဲ့တွေ ရှိနေမှ လည်း မြန်မာ့ပထဝီနိုင်ငံရေး အကျိုးစီး ပွားကနေ အင်အားကြီးထွားလာအောင် ကြိုးပမ်းလာကြမယ့် တရုတ် ရုရှား အိန္ဒိယ တို့ ကို ထိန်းချုပ်ထားနိုင်မှာကိုး။ ဒါ့ကြောင့် ပြောချင်တာ ဆန့်ကျင်ဘက် အုပ်စုတွေကိုပါ။ ဘယ်သူ ဘယ်နိုင်ငံ ဟာ ရန်သူ ၊ ဘယ်သူ ဘယ်နိုင်ငံ က မိတ်ဆွေ၊ ဘယ်သူ ဘယ်နိုင်ငံ က ကိုယ့်ကို ပထဝီနိုင်ငံရေး အတွက် အသုံးချ နေသလဲ ဆိုတာကို တော့ သိထားကြဖို့ လိုပါတယ်။ မဟုတ်ရင်တော့  မြန်မာ အချင်းချင်းချကြ ရင်း ယာလည်း ညက်စေ ကြက်လည်းပန်းစေ အဖြစ်ကို ရောက်သွားရလိမ့်မယ်။ စဥ်းစားဆင်ခြင်ဉာဏ်ရှိကြပါစေ။ အောင်နိုင်သူ (ဇွဲကပင်)

မြစိမ်းရောင်ကတ္တီပါလမ်းပေါ်က စိမ်းမြမြရှုခင်းများ ==============================   ရုရှားနိုင်ငံကို ရောက်ရှိနေတဲ့ နိုင်ငံတော်သမ္မတကြီးနဲ့ ရုရှားသမ္မတ ပူတင်တို့ မနေ့တုန်းက ကရင်မလင်နန်းတော်မှာ တွေ့ဆုံဆွေးနွေးခဲ့ကြတယ်။ နှစ်နိုင်ငံခေါင်းဆောင်ကြီးတွေ ဖက်လဲတကင်း နွေးနွေးထွေးထွေးရှိတာနဲ့ ပြောစကားတွေကို ကြည့်ရင် ရှေ့ဆက်ပူးပေါင်းဆောင်ရွက်သွားမယ့် နှစ်နိုင်ငံရဲ့အနာဂတ်ကို မြင်တွေ့ရနိုင်တယ်။ နှစ်နိုင်ငံအကြား ကဏ္ဍစုံပူးပေါင်းဆောင်ရွက်မယ့် နားလည်မှုစာချွန်လွှာ(၁၂)ခုကို လက်မှတ်ရေးထိုးနိုင်ခဲ့တယ်။ စွမ်းအင်ကဏ္ဍ ပူးပေါင်းဆောင်ရွက် နိုင်ရေး ဆွေးနွေးနိုင်ခဲ့တဲ့အပြင် အာကာသသိပ္ပံနဲ့ နည်းပညာဆိုင်ရာ ပူးပေါင်းဆောင်ရွက်မှု တိုးမြှင့်ပြီး နည်းပညာနဲ့ အတွေ့အကြုံတွေ ဖလှယ်ရေး၊ အာကာသနည်းပညာကို မြန်မာနိုင်ငံရဲ့ လူမှုစီးပွား ဖွံ့ဖြိုးတိုးတက်ရေးတွေမှာ လက်တွေ့ အသုံးချနိုင်ဖို့ ရေရှည်ပူးပေါင်းဆောင်ရွက်ရေးတွေကို  ဆွေးနွေး နိုင်ခဲ့တယ်။   ရွေးကောက်ခံသမ္မတအဖြစ် အစိုးရသက်တမ်းဟာ ရက်ပေါင်း ၁၀၀ စွန်းစွန်းလေးသာ ရှိပါသေးတယ်။ ဒီအတောအတွင်းလေးမှာ သမ္မတကြီးအနေနဲ့ အိန္ဒိယတို့၊ တရုတ်တို့လို အင်အားကြီးနိုင်ငံတွေကို နိုင်ငံတော်အဆင့် ခရီးစဉ်တွေ သွားရောက်နိုင်ခဲ့သလို အာဆီယံဒေသတွင်းက နိုင်ငံတချို့ကိုလည်း ခရီးနှင်နိုင်ခဲ့ပါသေးတယ်။ ဒါပြီးရင် ရုရှားနိုင်ငံကနေတစ်ဆင့် ဘယ်လာရုစ်နိုင်ငံကို တစ်ဆက်တည်း ခရီးဆက်ဦးမယ်။ လာမယ့် စက်တင်ဘာအစောပိုင်းမှာလည်း အာဆီယံဒေသတွင်းက ကမ္ဘောဒီးယား နိုင်ငံကို သွားပါဦးမယ်။ ဒီခရီးစဉ်တွေကနေ ဘက်စုံပူးပေါင်းဆောင်ရွက်မှုတွေ တိုးမြှင့်နိုင်ခဲ့သလို တရုတ်ခရီးစဉ်ကတစ်ဆင့် ကိုယ်ပိုင်ဂြိုဟ်တုလွှတ်တင်ဖို့ သဘောတူညီချက်ရခဲ့တာဟာ မြန်မာ့ အနာဂတ်တိုးတက်ရေး လမ်းစပါပဲ။ အခုရုရှားခရီးစဉ်ကနေလည်း အာကာသဆိုင်ရာ ပူးပေါင်း ဆောင်ရွက်ဖို့ သဘောတူညီချက်ကတစ်ဆင့် အာကာသဆီကို ခြေဆန့်နိုင်မယ့် အရိပ်အမြွတ်လေး တွေ မြင်နေခဲ့ရပြီ။ တိုင်းပြည်အတွက် စေတနာအပြည့်နဲ့ လျှောက်လှမ်းနေတဲ့ သမ္မတကြီးရဲ့ ခြေလှမ်းတွေဟာ သွက်ပြီးရင်း သွက်နေဆဲပါပဲ။   ပမာပြုရမယ်ဆိုရင် အရှိန်ပြင်းပြင်းနဲ့ခုတ်မောင်းနေတဲ့ ရထားတစ်စီးရဲ့ လမ်းတစ်လျှောက်မှာ မြင်တွေ့နေရတဲ့ စိမ်းမြမြရှုခင်းတွေကို ကြည့်ရှုခံစားနေရသလို သမ္မတကြီးရဲ့ ခြေလှမ်းတိုင်း နောက်မှာလည်း စိမ်းမြမြအနာဂတ်ရှုခင်းတွေ ပေါ်ထွန်းလာတော့မယ်ဆိုတဲ့အကြောင်း…။   ကိုလူပျို (၁၉-၈-၂၀၂၆)

ပြည်ထောင်စုသမ္မတမြန်မာနိုင်ငံတော်၊ နိုင်ငံတော်သမ္မတ မင်းအောင်လှိုင် ဦးဆောင်သည့် မြန်မာအဆင့်မြင့်ကိုယ်စားလှယ်အဖွဲ့ ရုရှားဖက်ဒရေးရှင်းနိုင်ငံသို့ တရားဝင်ခရီးစဉ် ထွက်ခွာ နေပြည်တော်၊ ဩဂုတ် ၁၇ ရုရှားဖက်ဒရေးရှင်းနိုင်ငံ သမ္မတ မစ္စတာ ဗလာဒီမာပူတင်၏ ဖိတ်ကြားချက်အရ ရုရှားဖက်ဒရေးရှင်းနိုင်ငံသို့ တရားဝင်ခရီးစဉ် သွားရောက်ရန်အတွက် နိုင်ငံတော်သမ္မတ ဦးမင်းအောင်လှိုင် ဦးဆောင်သည့် မြန်မာအဆင့်မြင့်ကိုယ်စားလှယ်အဖွဲ့သည် ယနေ့နံနက်ပိုင်းတွင် အထူးလေယာဉ်ဖြင့် နေပြည်တော်လေဆိပ်မှ ထွက်ခွာသည်။ ခရီးစဉ်အတွင်း နိုင်ငံတော်သမ္မတသည် ရုရှားနိုင်ငံသမ္မတ၊ ဝန်ကြီးချုပ်၊ ဒူးမားလွှတ်တော်ဥက္ကဋ္ဌနှင့် ရုရှားအစိုးရပိုင်းမှ တာဝန်ရှိသူများနှင့် တွေ့ဆုံဆွေးနွေးမည်ဖြစ်သည်။ ထို့ပြင် နိုင်ငံတော်သမ္မတသည် ခရီးစဉ်အတွင်း မြန်မာ-ရုရှား စီးပွားရေးဖိုရမ်သို့လည်း တက်ရောက်မည်ဖြစ်သည်။ Truth Waves

၁၄-၈-၂၀၂၆ အမျိုးသမီးစစ်စစ် မဟုတ်တဲ့ ယောကျ်ားရှာ မိန်းခလေးတစ်ယောက်ကို လိင်ပိုင်းဆိုင်ရာ ကျူးလွန်တဲ့အကြမ်းဖက် PDF တွေရဲ့ လုပ်ရပ်အကြောင်းကို ဒဲ့ပြောပြီ.. ယနေ့ တောင်ပိုင်းတိုင်းစစ်ဌာနချုပ်သို့ အလင်းဝင်ရောက်အခမ်းအနားတွင် Union Politics News ကိုထူးမောင်မေးမြန်းချက်မှ သိရှိမှုဖြစ်ပါတယ်။ Truth Waves

၁၄-၈-၂၀၂၆ သားတစ်ယောက် ပျောက်သွားလို အပူသောကတွေနဲ့ လိုက်ရှာနေတဲ့ အသက်၅၀အရွယ် ဖခင်ကို အကြမ်းဖက် PDF အဖွဲက ၄ နှစ်ကျော်ကြာ အဓမ္မဖမ်းဆီးစေခိုင်းခဲ့မှုတွေ .. ယနေ့ တောင်ပိုင်းတိုင်းစစ်ဌာနချုပ်သို အလင်းဝင်ရောက်အခမ်းအနားတွင် Union Politics News ကိုထူးမောင်မေးမြန်းချက်မှ သိရှိရမှုဖြစ်ပါတယ်။ Truth Waves

14-8-2026 တောင်ပိုင်းတိုင်းစစ်ဌာနချုပ်သို့  ကျား ၁၈ ဦး ၊ မ ၂ဦး ၊ သေနတ် ၇ လက်၊ကျည်အိမ် ၉ခု၊ ကျည်တောင့်၅၀၀နီးပါး စသည့် လက်နက်ခဲယမ်း ဆက်စပ်ပစ္စည်းများနှင့်အတူ အလင်းဝင်ရောက်လာခဲ့တဲ့သတင်းအား တင်ဆက်မှု။ Truth Waves

ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ၏ ထိုင်းနိုင်ငံသို့ သွားရောက်သည့် တရားဝင်ခရီးစဉ်အတွင်း ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတနှင့် ထိုင်းနိုင်ငံဝန်ကြီးချုပ်တို့၏ ပူးတွဲကြေညာချက်

ဆိတ်ကျောင်းသားတွေကိုပါ မရှောင် ဒုက္ခပေးနေတဲ့ အကြမ်းဖက်PDFတွေ   ၆-၈-၂၀၂၆   မကွေးတိုင်း၊ ပခုက္ကူမြို့နယ်၊ အောင်သာရွာဘက်မှာ ဆိတ်ကျောင်းနေတဲ့ ရွာသားတချို့ကို PDFအဖွဲ့က ဖမ်းဆီးရန် အကြမ်းဖက်လုပ်ဆောင်မှုများရှိခဲ့တယ်လို့ ဒေသခံရွာသားများထံမှ သိရပါတယ်။   ယနေ့ ဩဂုတ် ၆ ရက် နံနက် ၈နာရီ ၄၅ မိနစ်အချိန်က အောင်သာရွာရဲ့တောင်ဘက် မီတာ ၃၀၀အနီး ဝန်းကျင်မှာ ဆိတ်ကျောင်းနေတဲ့ ဒေသခံရွာသားတချို့ကို PDF အဖွဲ့ကသေနတ်ပစ်ဖေါက်ပြီး အကြောင်းမဲ့ ဖမ်းဆီးထိန်းသိမ်းရန် ပြုလုပ်လာကြောင်း သိရပါတယ်။ ထိုသို့လုပ်ဆောင်လာမှုကြောင့် ဆိတ်ကျောင်းနေတဲ့ရွာသားတချို့ PDFအဖွဲ့ရဲ့ ရန်မှလွတ်မြောက်ရန်  ဘေးလွတ်ရာကို ထွက်ပြေးသွားခဲ့ရကြောင်းနှင့် ဆိတ်များကိုလည်း  အကြမ်းဖက်PDFများက ခိုးယူ သွားကြောင်း သိရပါတယ်။ အကြမ်းဖက်လုပ်ရပ်လုပ်ဆောင်နေတဲ့ PDFအဖွဲ့ကို ကျေးရွာအခြေပြု အောင်သာရွာ ပြည်သူ့စစ် တပ်ဖွဲ့ဝင်များက ပြန်လည်တိုက်ခိုက်ရှင်းလင်းရန် စုဖွဲ့ပြင်ဆင်ပြီးလိုက်လံရှင်းလင်းခဲ့ရာ ရွာ၏ တောင် ဘက်မီတာ ၇၀၀ကျော်၌ ထိတွေ့တိုက်ပွဲဖြစ်ပွားခဲ့ကြောင်း သိရပါတယ်။ Truth Waves