Business lawyer ⚖️

📃. “Банк сири тўғрисида”ги қонунга асосан, банклар мижозларининг операцияларига доир маълумотлар банк сири деб ҳисобланади. Қонуннинг 11-моддасига биноан, банк сирлари солиқ органларига банк мижозига солиқ солиш масалаларига тааллуқли ҳолларда тақдим этилиши белгиланган. Яъни, солиқ солиш масаласига тааллуқли бўлмаган ҳолатларда солиқ органларига мижознинг операциялари тўғрисидаги маълумотларни тақдим этишга қонун йўл қўймайди. “Тўловлар ва тўлов тизимлари тўғрисида”ги қонуннинг 17-моддасига асосан, тўлов ташкилотлари мижозларга хизмат кўрсатиш вақтида олинган маълумотларнинг сир сақланишини таъминлаши, учинчи шахсларга ошкор этилишига йўл қўймаслиги керак. Фақат “Банк сири тўғрисида”ги қонунда белгиланган ҳолатлар бундан мустасно.

#Янги_Конституция Каналга уланиш👇👇👇 https://t.me/huquqiyaxborot

Фуқаролик ҳуқуқи Тадбиркорлик ҳуқуқи Маьмурий ҳуқуқ Оила ҳуқуқи !!! Шартнома ҳуқуқи бўйича исталган турдаги консултатция ҳизмати он лайн ва оф лайн.

Инсон ҳаётининг сир тутиладиган маълумотларини ошкор қилиш жиноий жавобгарликка сабаб бўлади Охирги вақтларда ОАВ орқали турли шахсларга тегишли бўлган уятсиз фото ва видеотасвирларини тарқатиш орқали уларнинг қадр қимматини топташ ҳолатлари учрамоқда. Эндиликда ана шундай ҳолатларга чек қўйишни таъминлаш мақсадида Жиноят кодексига «Шахснинг шаънини ва қадр-қимматини камситувчи ҳамда инсон ҳаётининг сир тутиладиган томонларини акс эттирувчи маълумотларни ошкор қилиш» деб номланган янги 141-3-модда киритилди. Янги моддага кўра, шахс танасининг ва (ёки) жинсий аъзоларининг яланғоч ҳолдаги фото- ва (ёки) видеотасвирини ўз ичига олган ахборотни унинг розилигисиз тарқатиш ёки тарқатиш билан қўрқитиш 120 млн сўм жаримадан 3 йиллик қамоқ жазосигача бўлган жавобгарликка сабаб бўлиши мумкин. https://t.me/consultinglaw

Кредит масаласи бўйича, кредит олган фукоро вафот этса кредитни ким тулайди? Мазкур вазиятда ворислик масаласи ҳал қилинади, яъни қарздорлик албатта марҳумнинг ворисларига ўтади. Бунда суднинг қарори қонуний кучга кириб, МИБ органига ижро варақаси бериладиган бўлса, давлат ижрочиси шубҳасиз, марҳум қарз эвазига қўйган ва суд қарори билан ундирув қаратилган мулкни ёки гаровга қўйилган мулкни сотиб, кредит қарзини қоплашга ҳаракат қилади. “Суд ҳужжатлари ва бошқа органлар ҳужжатларини ижро этиш тўғрисида”ги қонуннинг 12-моддаси мазмунига кўра, қарздор вафот этадиган бўлса давлат ижрочиси ўз қарори билан вафот этган қарздор ўрнига унинг ҳуқуқий ворисини қарздор сифатида эътироф этади. Албатта бунда давлат ижрочиси марҳумнинг ворислари аниқлангунига қадар ижро ишини тўхтатиб туради (юқоридаги қонуннинг 36-моддаси), ворис (ёки ворислар) маълум бўлганидан кейин, ижро ҳаракатларини давом эттиради. Ва кейинчалик мажбурий ижро тартибида марҳумнинг гаровга қўйилган мулки, ёки унинг ворисларга ўтган мулки (шунингдек, ворислар мулки) ҳисобидан қарзни ундиради. https://t.me/consultinglaw

​​КРЕДИТГА ОЛИНГАН УСКУНАЛАРНИ ЁКИ ГАРОВДАГИ МУЛКЛАРНИ КРЕДИТ ТЎЛИҚ ЁПИЛГУНЧА СОТИБ ЮБОРИШ ЖИНОИЙ ЖАВОБГАРЛИККА САБАБ БЎЛАДИ Мазкур ҳолатлар юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) ва  168-моддаси (фирибгарлик) билан жиноят ишлари қўзғатилиши мумкин. https://t.me/consultinglaw  

Электр жиҳозларини ҳеч қандай ҳужжатсиз тармоққа ўзбошимчалик билан улаб, энергиясидан ноқонуний фойдаланганлик холатларида Жиноят кодексининг 185-2-моддасига кўра (электр, иссиқлик энергияси, газ, водопроводдан фойдаланиш қоидаларини бузиш) жиноят ҳисобланади. https://t.me/consultinglaw

ЎРҚ-829-сонли қонун ига кўра, қуйидаги жиноятларни содир қилган шахсларнинг таълим, тарбия, болалар соғломлаштириш, спорт ва ижодий ташкилотларида ишлаши ҳамда болалар билан бевосита ишлашни назарда тутувчи фаолият турлари билан шуғулланиши тақиқланмоқда: ➖қасддан одам ўлдирганлик; ➖18 ёшга тўлмаган шахснинг номусига текканлик; ➖18 ёшга тўлмаган шахсга нисбатан зўрлик ишлатиб, жинсий эҳтиёжни ғайритабиий усулда қондирганлик; ➖18 ёшга тўлмаган шахсни жинсий алоқада бўлиш ёки жинсий эҳтиёжни ғайритабиий усулда қондириш билан боғлиқ ҳолда жинсий алоқа қилишга мажбур этганлик; ➖16 ёшга тўлмаган шахс билан жинсий алоқа қилганлик ёки жинсий эҳтиёжни ғайритабиий усулда қондирганлик ёхуд унга нисбатан уятсиз-бузуқ ҳаракатлар қилганлик; ➖вояга етмаган шахс тавсифланган ёки тасвирланган порнографик маҳсулотни тарқатиш, реклама қилиш, намойиш қилиш мақсадида Ўзбекистон Республикаси ҳудудига олиб кирганлик, худди шунингдек уни тайёрлаганлик, тарқатганлик, реклама қилганлик, намойиш этганлик; ➖вояга етмаган шахсни порнографик хусусиятга эга ҳаракатларнинг ижрочиси сифатида жалб этганлик; ➖вояга етмаган шахсни жалб этган ҳолда қўшмачилик қилганлик, фоҳишахоналар ташкил этганлик ёки сақлаганлик; ➖шунингдек, терроризм учун илгари ҳукм қилинган шахслар. ушбу шахсларнинг уларга қўлланилган жазо чорасидан, судланганлик ҳолати тугатилганлигидан ёки олиб ташланганлигидан ҳамда ўзига нисбатан амнистия ёки афв этиш акти қўлланилганлигидан қатъи назар, бундай ишларда ишлашига йўл қўйилмайди. https://t.me/consultinglaw

Кимлар «давлат иши»га ишга кира олмайди? Қонунга кўра, қуйидагилар давлат фуқаролик хизматига қабул қилиниши мумкин эмас: ➖ ўн саккиз ёшга тўлмаган шахслар, агар давлат фуқаролик хизмати лавозимига доир малака талабларида бошқача қоида белгиланмаган бўлса; ➖ суд томонидан муомалага лаёқатсиз ёки муомала лаёқати чекланган деб топилган шахслар; ➖ суднинг қарори билан муайян муддатга давлат фуқаролик хизмати лавозимларини эгаллаш ҳуқуқидан маҳрум қилинган шахслар; ➖ коррупцияга оид жиноятларни содир этишда суд томонидан айбдор деб топилган шахслар; ➖ оғир ва ўта оғир жиноятларни содир этганлик учун судланганлик ҳолати тугалланмаган ёки олиб ташланмаган шахслар; ➖ тиббий хулосага асосан соғлиғининг ҳолати давлат фуқаролик хизмати лавозимини эгаллаш имконини бермайдиган шахслар. https://t.me/consultinglaw