قناة مشكلتي

‏وحده تقرب لي جميلة جدا مطلقه وعندها اطفال و تعرف عليها شخص متزوج وصار بينهم علاقه حب رومانسيه جدا وعلى كلامه انه يعشقها ولا يتخيل حياته بدونها وصار يشوف زوجته وبنته زباله قدامها لهم شهور جالسه تنتظر متى يقول بتقدم لك وأخطبك بس تقول ماقالها وانا مستحيل أفاتحه في الموضوع عشان كرامتي وانا قلت لها فاتحيه ورفضت وش رايكم

عندي استفسار واتمنى الكل يجاوبني بعقلانيه وتفهم انا متزوجه وانا حالياً عمري 27 وزوجي 40 ومن فتره طويله اعاني من العاطفه وحتى حقي الشرعي مستحيل اخذه والله العظيم اني جميله جداً والحمدالله ومن ناحيه اللبس كل لبسي الي ببيتي مغري جداً وعادي ف بيتي بس دايم الاحظ عليه عادي ما يعلق على جسمي ولا على لبسي ولا يمدحني للعلم انا قبل سنتين كان جسمي يعني عادي مافي اي مغريات قويه كنت عاديه ضعيفه ومافي شي يلفت وقلت ممكن هالشي بسبب جسمي انه مو مغري جداً ف الحمدالله قدرت اني اعدل جسمي وخليته جداً مغري كمظهر ومغريات بس للاسف انه نفسه الشي ما تغير ولا شي ولا كاني موجوده بالبيت يعني حرفياً بجميع الاجسام جيت وما فاد وبجميع اللبس جيت وما فاد ولا شي راضي يفيد معه والعلاقه حتى شهور ما نسويها جداً عادي احياناً احس اني ساكنه لحالي بالبيت مافي احد معي سوالي هل طبيعي في رجال كذا معقوله ما يفيد معه ولا شي انا عادي مو هامني الوضع الي انا فيه بس الي ودي اعرفه ممكن انه في رجال كذا يكون خلاص ما يهمه اي شي ولا يلتفت لاي شي ؟

‏انا وحده تزوجت من كم سنه اول سنتين كانت عادي مشاكل تصير على امور غبيه وتافهه واتغاضى عنها عشان احس في حب ولكن من سنه وزود وانا احس زوجي نفسه عايفه وكله عقب حملي وبعد اول طفل لنا، سب ولعن طول الوقت احيانا بسبب واحيانا بدون سبب واذا واجهته ينكر ويجحد ويقول مافيني شي واذا شافني وصلت معي وقلت خلاص يعني تبي ننفصل قال لا مابي هالشي، تعبت نفسيتي احس اني بقلق وعدم امان معه ومرخصني بالحيل وهو مره قد طردني انا وولدي ورجعت له اول ما اعتذر ومره انهرت من تعامله ونزلني عند اهلي فتره ورجعت له بدون اي شرط الا وعده لي هذا غير اللي ماوصلت ينزلني لهم وانا صاينته كل هالوقت بس بديت احسه نرجسي ويلعب بنفسيتي واذا غلطت كأنه العيد يفرح بها لو شي تافه ابي شوركم علي ماني متقبله انفصل عشان توافه ولا اعرف وش فيه وراحمه ولدي ونفسيتي رايحه فيها منه

‏⁧ انا لي ثلاث سنين متزوجه وزوجي بداية اول سنتين من الزواج مهتم فيني ومو مقصر معي بكل شي وكان يحبني ويموت فيني وكل شي تمام فجاءه السنة الثالثه تغير ويهملني ودايم مشغول ومقصر معي بكل شي ، مادري وش السبب هل هذا طبيعي مع اني ماني متقبله فكرت انه تغير علي دايم اعاتبه ليش تغيرت وقلبت علي يقول مافي شي 💔💔💔؟

انا متزوج من سنه ونص ولدي طفله كنت اعمل بمجال صحي كانت رغبتي اتزوج زوجة لاتعمل مختلط او ربت منزل ‏اكتشفت بعد الزواج الخنقه والغيره المطفشه وعدم التفاهم في رزقي وعملي وان لم تلاحظ عليه اي اشياء ممكن تكون في جراءه تواصل عمل فقط فقط وطبيعة عملي تحتم عليه هذا التواصل ‏مستحيل تعطيني مساحة خاصه فيني تاخرت معناها اني مع غيرها ابي اسافر حتى لو شي رسمي معناها اني بخونها اكلم بالجوال معناها ادردش مع غيرها ‏عطيت رقمي كاشيره لتسجيل معلومات فاتوره معنااها ترقممهاً ‏هاذي بالله مو خنقه ياعالم ‏كيف التصرف خلاص خلاص وصلت حدي

ممكن تسأل وصلت للمرحلة اذى نفسي من زوجتي واهلها ، في كل مرة مشكلة بسيطة تترك البيت وبناتها وبينا أطفال وأقوم وارجعها ومع الأسف أهلها معاها حتى إذا كانت غلطانه وامها وأبوها هما سبب البلا سببو اذى نفسي لأطفالي وتلقى مين يشجعها من أهلها ولما وصلت للمرحلة بطلقها طلعت حامل بالشهور الأولى ايش رأيكم مع علم أبوها وامها الان قاطعو زوجتي لان ما يبغوها تستمر معايا لان ما جيت على هواهم ولما عرفوا أنها حامل

‏السلام عليكم ‏متملكه على شخص زعول إذا تناقشنا بموضوع وبررت له موقفي يزعل ويقول اقطعي النقاش ويزعل ولايكلمني بالأيام ، هذا غير انه يطلب مني أشياء جنسيه وإذا رفضت يزعل يبيني أرضيه وألبي كل طلباته يقول لازم تطيعيني وتسمعين كلامي ويغار علي من أهلي وش الحل ‏كيف أتصرف معه ؟؟

انا وحده افيب وزوجي كشفني وطفشني ويخرب عليه جوي ، علماً اني مو سعيدة معه ومتحملته ، وقلت لو يزودها شوي بخلعه ، انا مخلصه معه ولا بحياتي خنته برغم الي مريته معه والي سواه فيني ، شورو عليه كيف اخليه يتقبل الفيب والشيشة ، الرجال يحللون لانفسهم الدخان والشيشة و البنات لا ، ولعلمك زوجي يدخن بس يقول انتي لا ، لاتهاجمون بالردود بالاخير هو قرار شخصي فيني .

تعقيب من صاحبة الحاله السلام عليكم اللي قالو ا البسي ملابس واسعه وتستري اقسم بمن أحل القسم ان ملابسي واسعه وماعمري لبست بنطلون عنده نهـائي والاخ اللي قال محد مصدقك اكيد انا قلت لامي قالت مسسسستحيل لاتكرهيني ف ابوك لو يبي يسوي فيك شي سوا وانتي صغيره انتي موسوسه قلت كيف موسوسه وشفته كم مرا يناظر فيني المشكله انا اكبر وحده في العايله يعني اروح لمين ماعرف !!

انا بنت وحيده بين العيال عمري ٢٦ ماشفت شي من اهلي ابدا من صغري بلعكس كان كلن يلبي طلباتي قبل فتره قصيره اذا كنت جالسه وقمت اشوف ابوي يناظرني من ورا عذرا ع الكلمه تحديدا( المنطقه الحساسه من ورا ) ويقزز مرا المره الاولى والثانيه لين خلاص انهرت عندي امي تعبت لدرجه اتمنى الموت قسم بالله انهارت بالبكاء كيف ابوي يناظر فيني كذا بنظرة شهوه علمت امي بكل شي قالت مستحيل هذا ابوك ويخاف عليك بس يمكن اوهام تخيل قلت مب مره ولا مرتين عذرا احيانا يسوي حركات ف فمه اذا يناديني يبسبس لي احيانا يعني ابوي حليل مررررا وطيب ومايرد لي طلب خص انا ومايحبني ازعل بس فيها الحركات هذي وانا خاااااايفه لدرجة مادري وين اروح

‏ولدي صار عمره ۲۷ ولسا ما يبغى يتزوج رغم انه مو ناقصه شي ابدا الحمد لله متوظف وعنده بيت وعايش حياته مع ذلك لا زال محافظ على زيارتي كل اسبوع ‏احيان احاول افاتحه في الموضوع بالتلميح وارغبه فيه الا انه عنيد وراسه يابس وشايف البنات ما عاد يصلحو للزواج كل اخوانه تزوجو ما عاد هو ‏ولما اساله بصريح العبارة متى ناوي تشارك حياتك مع وحدة يا ولدي يقول لي من زينها من شراكة ولما اقول له ما نفسك يكون عندك اولاد تفرح فيهم ؟ يقوم يقول لي لو حابة تربيهم وتشيلي مسؤوليتهم وتصرفي عليهم بدالي موافق ‏ما اعرف اكمل محادثة زي كذا مرة ماخذ الزواج بسلبية وجدية بزيادة

‏لو سمحتوا أنا متملكه على شخص جنني ياناس كل شوي يتصل أحيانا أرد وأحيانا أكون مشغوله وإذا مارديت يزعل و دايم يطلب مني مبادره واهتمام ويقول بادري واهتمي عبري عن حبك ‏اهتمي فيني وقولي لي كلمه حلوه مع اني قلت له اصبر علي الحب مايجي بسرعه قال لي أنا أحبك وقولي انك تحبيني وتثقين فيني شوركم علي أكمل معه أو انسحب ؟

‏سلام عليكم مشكلتي في زوجي فتح معاي موضوع انه يبغى يتزوج والسبب انه جا احد في الحلم يقول له تزوج يقول صحيت مبسوط وواضح من كلامه كان وده يتزوج راح كلم واحد متزوج ثنتين يسأله كيف الوضع وفتح الموضوع معاي قلت اذا بتتزوج ماني قاعده معاك للعلم لي اربع سنين متزوجة قام يطلع فيني عيوب انه انتي ماتهتمين ولاتطبخين ماخذها عذر احس كرهته والله وماقدر اثق فيه وابغى اتطلق انا ماني عارفه ليه يقول لي كذا ممكن لان صارت بيننا مشاكل وانا عارفه بماضيه؟

‏السلام عليكم ‏انا مقبل على زواج ومعجب بعقلية الفتاة ومتفاهمين على كل الامور لكن من ناحية جسدية فقط الوجه ليس كما توقعت ثم اتاني خوف ورهبة من المسوؤلية، هل هذا طبيعي ؟ عمري 25 اي نصائح؟

‏السلام عليكم انا عندي مشكله زوجي لاحظته دايم يحطي تلفونه الثاني بالبيت وصامت ومره قلت امسكه اطقطق فيه طلع حاط كلمة سر وعلى مسكتي جاه اتصال مدري وش خلاني ارد واسمع وطلعت بنت صوتها قلت لها يلعن شكلك وقفلت ‏ماقدرت امسك نفسي لين رجع صارحته وزعلت ومسك التلفون هذا وقلب علي يقول ليش تردين وان هذي زوجة صديقة وتشك فيه لان دوم يتصل له واكيد تبي تتاكد من صاحب الرقم وانتي رديتي عالاتصال وخربتي بيت وبتخربين علاقتي فيك وكلام كثير ‏مدري صح او يفلم علي ماعرفت ارد واحين زعلان من تغدى خرج

‏هل طبيعي اني ماحس بمشاعر اتجاهه وقت الملكه؟! لنا ٤شعور مملكه هو بارد وانا مندفعه لين مليت من اختصاراته و بروده وصرت ما اكلمه وأفكر بالانفصال لاني ماحس سعيده ولا غير مبرر هالشي!

‏السلام عليكم ‏رجل متزوج وعمري 45 وعندي اربع ابناء وكانت حياتي مستقرة جدا .. آخر اربع سنوات بدأت أزمة منصف العمر.. ‏بدأت الزوجة بإفتعال المشاكل والعناد والاستنزاف المادي .. اهملت البيت والزوج والعيال .. ماعاد تفكر إلا في نفسها ووناستها وصديقاتها .. ( علماً مو ناقصها شيء خادمة وسياره وسفر ) ‏الرجل يحتاج وحده تملى عليه حياته .. الزواج ماراح يكون سهل بهالعمر ووين يلقى وحده تفهه وتكون مخلصه له . وهل الزواج بينجح ومن اللي بتقبل فيه .. أفتوني ياأهل الرأي..

صدق ابي وحده تجاوبني نقلنا مكان ثاني غير مدينتنا زوجي قبل كان يطلعني نروح نغير جو والحين احسه يبي يطفشني عشان اروح لاهلي وهو يسكن مع اخوياه وش الحل معاه علما عندنا بيبي وفتشت جواله نظيف وشغله الشاغل دوامه طبعا دوامه مو مختلط