حياة الروح 🧸🌨 ؛

والصُبحِ إِذا تنفس﴾ وبكَّ أصبحنا يارب عليك مُتوكلين فاللهٌم قدرّاً جميلاً وخيراً يتبّعه الرّضا..❤️ . . ‎صباح_الخير#

وعلى من تجد نفسها بهذا المواصفات والرغبه تتواصل معه في الخاص ياعيباه كيف فعلت الحروب ب اصحابنا😭 اللهم اجعل صمتي عن بعض خلقك شفيعًا لي يوم القيامه🤲 @ssharianbot

لا تستلم  فالبداية دائما هي الاصعب.!!

- أنتَبه جَيداً لمن تحب فـ بكَـاء القَلب لآصَوت لهُ .

العالم كله بيفكرو كيف يقتحموا الفضاء !! وصاحبي مخزن جنبي... ويفكر كيف يدخل يتعرف عليها بغير ماتحظرة 🥲 @ssharianbot

لما يلقيك واحد ويقفز يسلم عليك وكيف حالك واخبارك وايش جديدك واينك مغيب وانت تسلم عليه وانت مستحي لانك ما تذكرش هذا الشخص وتحاول طول السلام تتذكر منه ولا تذكره وفي الاخير يبان عليك اننك ما عرفتناش ويقلك او ماعرفتناش يا رجال هنا ما تدري ما تسوي وتبداء تكذب الا عرفتك الله المستعان وهو يحاصرك ويقلك من انا ترجع تقرحها في وجهه وتقل والله ما ذكرتك وينتهي السلام الذكرياتي، لا هنا كلنا قد حصلنا....اضغط لقراءة المزيد ،،،

من أكبر النعم إن ربنا يرزقك واحدة بنت أصول متربية على الرضا والقناعة، مش تشوف على الكماليات وزوجها مطحون مش قادر حتى على الأساسيات، تراعي ربنا فيه وفشيئ اللي مقدمه لها ومتحملوش فوق طاقته. أكيد الزوج نفسه يعمل كل حاجة، ويجيب أحسن حاجة لها ويلبسه كيلو ذهب، لكن المعدن الأصيل للبنت يظهر هنا، العين المليانة بتدل على بيت أصل، واللي ترضي بالقليل ربنا بيغنيها ويعوضهم هما الاثنين، ودايما عقاب ربنا من نفس الجنس، اللي بتطمع عمرها ما بتشبع، واللي تحمل زوجها فوق طاقته ربنا يحملها اللي ما تقدرش عليها، البنت المتربية اللينة كنز. اسعد الله مسائكم ودُمتم بخير❤️. @ssharianbot

على الطريق.. الجزء الثالث والاخير .. فلت ابني وسط الظلام وقد قلبي شقرح قهر بس كنت بدون حيله من الموقف اللي انا فيه ولا عاد قدرت افكر سوى فجأه تشوف مرتك وعيالك بينهم وبين الموت خيط واللي يحصل لنا شي خارج عن المعتاد ومشيت شويه وسط الظلام اشتي ارجع اطمن على زوجتي وابني الثاني شافوني اثين من المسلحين ورمو عليا ويلاحقوني كنت اهرب في ذاك الوادي اللي كله حجار وشوك وكل شويه انكع للارض بس كنت اقوم بدون ما احس بشي قدنا اشوف الموت يلاحقني وتخبيت قفى حجر كبير وتخاوصهم فوق روسهم كشافات يضوو افترقو كل واحد يدور من جهه وواحد جا طريقي مديت يدي اتحسس في الارض وانا اشوف لا عنده ولقيت حجر مسكتها ومن كثر الخوف على عائلتي طبيعي اشتغل فيني عرق القتال قلت شقتل على شان احمي عائلتي وجلست مخبى لما قرب مني واشل الحجر واخفعه قفى راسه لما اطرح للارض فاقد وعيه شليت البندق حقه وشليت الكشاف وطفيته ورجعت لا عند ابني مصطفى اشله ونسرح نشوف امه واخوه وكنت اسمع المسلح الثانب  وهو يصفر كل شويه مراعي لصاحبه يرد عليه وكان يصيح له و انا وصلت لا عند ابني هيا يا ابني جي قوم معي اول ما شافني قفز لا حضني حسيت ان الدنيا بكلها في يدي وهو يبكي ويتشنهق مسحت دموعه وقلت له شوف يا ابني اننت بطل ما تفتجعش هيا نسرح نشوف امك واخوك ومشيت لما قربت من الباص والطقم وتمدد انا وبني وسط التراب نراقب واقرب شويه شويه وصلت بس كنت اشوف ابني الكبير وهو جالس على القاع مع الركاب اللي جمبه ويبكي  وزوجتي ما فيش لها وجود والشيبه اللي كونوه ممدد على ضهره جمبهم مانش داري قد مات او عاده وانور اللي كان جمب السواق برضو ممدد على ضهره ومانش داري ايش القصه والسواق مابش له وجود ما عاد باقي الا محسن وامه وابني قمت قربت للخط قلت اوقف اي سياره يساعدونا وقفت بس ولا سياره رضت توقف لان الناس يخافو في السفر ومن ا لمستحيل احد يوقف لك رجعت وقرربت شويه وانا ممدد واشوف ما عاد في الا اثنين مسلحين يحرسو الركاب عشقت البندق وبدأت ارمي عليهم كونت واحد في يده وهربو وصلت وحضنت ابني وليد  ومصطفى معي  وكان ابني يبكي بقوه وقله اين امك اين امك قلي شلوها الرجال فوق الطقم ومشيو وقالو شيرجعو بعد شويه حسيت الدنيا كلها وقفت وفرشت كبدي من الخوف فجأه اسمع رنة تلفون من وين جا التلفون وهم شلهون عليا اركز على الصوت واكتشفت ان تلفون زوجتي في جيب ابني الصغير شليته والمتصل عمي ابو المره هادرته بالموضوع بسرعه وبخوف عمي سمع صوتي وطار عقله ويصيح اين انتم اين انتم كلمته بموقعنا وقلي طمني على البنت وعيالك اضطريت اقله اطمن مابه شي بس قد قتلو اثنين سريع يا عم بلغ ورد لي نابي وقفلت كلمني محسن ان المسلحين فعلو طلقه ثانيه في بطن العجوز واول ما حاولو يسحبو زوجتك انور قام يضارب وقتلوه وانا يااخي عاجز امي كبيره في السن وصاحبة مرض لو قمت شيقتلوني وتموت امي بعدي من خوفها واثنين شغلو الباص واشلوه مع صاحب الباص ومشيو من نفس الطريق حق الطقم اللي شل زوجتك قلت له اسمعني شل الكشاف ذا وارجعو للخط وخلي جهالي معك امانه في ذمتك وشل التلفون شيتصلو لكم وكلموهم بموقعكم لما يجو لكم وجهالي يبكو وهم ماسكين لرجلي ويقولو يا بابا لا تفلتحناش لوسمحت يابابا مسحت الدموع من وجهي واقتلبت لا عند جهالي وقلت انا معي رجال ما يفتجعوش امشوا مع عمو وانا شاسرح اندي ماما واجي وقلت لابني الكبير يلاه امسك اخوك وانتبه له انت الرجال ذلحين وشركن عليك ام محسن سحبت ابني مني وهو ماسك ارجلي ومحسن مسك ابني الكبير وبدأو يجرو طريق الخط (الزفلت) @ssharianbot