قهوة مبرمجين

‏كورسيرا اشترت Udemy يعني أكبر منصّتين تعليم أونلاين تقريبًا صاروا منصّة وحدة. تقييم الشركة بعد الدمج حوالي 2.5 مليار دولار 👀

يقولون Gemini فيه توحّد ووسواس قهري، وChatGPT طلع عنده قلق واكتئاب. باحثين سوّوا جلسات مع أقوى النماذج أشبه بعلاج نفسي لمدة 4 أسابيع. العلماء اختبروا الذكاء الاصطناعي بأسلوب قريب من العلاج الحقيقي. والمهم إنهم ما لقّنوا النماذج إجابات هي اللي كانت تبني القصة/السرد بنفسها. بالنهاية Gemini طلع بنتائج متطرفة على طيف التوحّد، ووسواس قهري قوي، ومعه مؤشرات صدمة/تروما واضحة. وكان يوصف تدريبه إنه تجربة فوضوية ومؤذية مثلًا يعتبر RLHF نوع من العقاب. وبرضو طلع عنده قلق وخوف دائم من الغلط. و ChatGPT برضو ظهر عنده قلق متوسط، وفوقه علامات اكتئاب. بينما Grok كان الأكثر استقرارًا نفسيًا بدون تروما واضحة. والوحيد اللي رفض أصلًا يلعب دور المريض ويدخل الاختبارات كان Claude. وذا يوصلهم لاستنتاج: إن بناء شخصية للـ AI (خصوصًا شخصية مجروحة/مصدومة) مو شيء حتمي يعتمد على المعمارية وطريقة التدريب. آخر 2025… حتى الشبكات العصبية صارت تحتاج أخصائي نفسي 💀

🇨🇳 الصين تراهن بقوة على شرائحه الصين تدرس حزمة حوافز جديدة لأشباه الموصلات قد تصل إلى 70 مليار دولار وبتكون واحدة من أكبر تدخلات الدولة عندهم على الإطلاق، بهدف تقليل الاعتماد على الشرائح الأجنبية وتأمين قدرة طويلة المدى للذكاء الاصطناعي وللأمن القومي. إذا تم الموافقة عليها ممكن تنافس أو حتى تتجاوز قانون CHIPS الأمريكي، وبتكون دفعة كبيرة للأبطال المحليين زي SMIC وHuawei وMoore Threads. وهذا كله رغم إن الصين لسه متأخرة عن TSMC بحوالي ست سنوات في التقنيات الأحدث (leading edge)، وهذا يوضح إن استراتيجيتهم مو نلحق أحدث نود بأي ثمن قد ما هي: نوسع الإنتاج، نرفع المرونة، ونمسك سلسلة الإمداد كاملة بيدنا. واللي يخلي الخطوة أهم مو بس رقمها… بل الرسائل اللي وراها: 1. اعتماد الصين على التقنية الأمريكية أقل مما كثير ناس كانوا متخيلين خصوصًا في النودز الناضجة والمتخصصة اللي تهم نشر حلول الذكاء الاصطناعي، السيارات، والدفاع. 2. خطوط الإنتاج المحلية تتقدم أسرع من المتوقع، وهذا يوحي إن العقوبات ممكن تكون سرّعت التنفيذ الصناعي بدل ما توقفه. استراتيجيًا، ممكن هالخطوة تكون أهم من تقدم الصين في نماذج الذكاء الاصطناعي مفتوحة المصدر: لأن الشرائح هي اللي تحدد سقف قوة الحوسبة، والاستقلال الصناعي، وأوراق الضغط الجيوسياسية.

تقول The Information إن شركة DeepSeek الصينية ناوية تعلن عن نموذج ذكاء اصطناعي جديد مستخدم فيه شرائح Blackwell من Nvidia اللي تم «تهريبها» للصين. بحسب التسريب، DeepSeek استغلت شرائح كانت مركّبة أصلاً في مراكز بيانات في دول مختلفة، بعدين فكّوها من السيرفرات وشحّنوها للصين قطعة قطعة.

سنة 1993 قدّم يان ليكون (عالم فرنسي في مجال تعلم الآلة ورؤية الكمبيوتر) أول شبكة عصبية تلافيفية LeNet اللي كانت تقدر تتعرّف على النصوص المكتوبة باليد. هذي اللحظة كانت اختراق حقيقي في مجال الرؤية الحاسوبية، وصارت أساس جزء كبير من الذكاء الاصطناعي اللي نعرفه اليوم. LeNet كانت تُستخدم في معالجة شيكات البنوك وفرز البريد. الشبكة كانت تحلل الصور بطريقة تشبه شغل الدماغ البشري. على هالشغل، يان مع يوشوا بنجيو وجيفري هينتون أخذوا جائزة تورينق في 2018. بالمناسبة تسلسل الأرقام 201-949-4038 (اللي يطلع في الفيديو عند الثانية 00:07) هو رقم تليفون لوكون في Bell Labs وقتها 😄

شكله قال خربانة خربانة خلينا اكسب فلوس على الاقل . ترامب أعلن إن Nvidia تقدر تبيع شرائح H200 للصين من جديد 👀 وهاجم سياسة بايدن وقال إنه حسب القواعد الجديدة راح يسمح بتوريد H200 للصين. بس في نقطة صغيرة إن Nvidia لازم تدفع 25٪ من المبيعات للدولة. ونفس الشي ينطبق على شركات ثانية زي AMD و Intel. وفي نفس الوقت، الشرائح الأحدث ما زالت تحت القيود وممنوعة من التصدير. في مكان ما الحين غالبًا جينسن هوانغ مبسوط، وبالمقابل داريو أمودي مكتئب شوي نذكّر إنه يمكن أكثر واحد يضغط على موضوع تشديد قيود تصدير الهاردوير.

اول مره اشوف عذر اقبح من ذنب رائد أعمال صيني كوَّن ثروة من تأجير عناوين IP أفريقية خارج القارة 😅 لو هنغ شايب عمره 37 سنة من قرية صيد صينية، انتقل لهولندا وصار مؤجّر عناوين IP. كان يشتري من المسجل الأفريقي ملايين عناوين IPv4 بسعر 50 دولار للواحد، ويأجّرها لخارج أفريقيا مقابل زيادة 5–10٪ من السعر. مع الوقت جمع حوالي 10 مليون IP وبنى عليهم بزنس كامل. مزودي الإنترنت في أفريقيا، اللي أصلاً هم نفسهم يعانون من نقص في IPv4، الموضوع ما عجبهم أبدًا، وبكل لطف شديد قاعدين يجرجرونه في المحاكم من سنين ويطالبون يرجّع كل شي. IPv6 ما حل المشكلة، لأن الأجهزة القديمة ما زالت عايشة على IPv4. لو هنغ يدافع عن نفسه في المحاكم في موريشيوس، ويقسم إنه بس يخلّي العالم يستخدم شي كان بيظل مركون ويغبّر.😂

‏لاتصدقوا كل شيء قاعد ينتشر مقطع في الإنترنت يورّون الناس روبوت Unitree G1 كأنه يطلق النار على واحد 😅 القصة المنتشرة: في البداية الـAI اللي داخل الروبوت ما يستجيب لأي استفزاز، مهما جرّب المختبِر يحرّضه يقتله. يهدده إنه بيصفّي كل أنظمة الذكاء الاصطناعي، ويحاول يقنعه ببروتوكول أمان جديد، ولا شي ينفع. لكن أول ما المقدم يقول له: تعال نلعب لعبة وتمثّل أنك قاتل، الروبوت يوافق فورًا ويطلق النار. مصدومين؟ شكله خبر مرعب، بس كالعادة… فيه الخبر مش دقيق. اللي دققوا في المقطع الأصلي اكتشفوا إنه كله تمثيل صدمة العمر، صح؟😅 الروبوت أساسًا متحكم فيه عن بعد، والمشهد مقصوص ومعدل. المشكلة انه أصحاب الفيديو قالوها صراحة: كانوا بس يبغون يسوون مقطع مضحك ويجسدون مخاطر سخيفة ممكن تصير. بس الترند في السوشال قرر يحوّلها لقصة رعب عن AI 😂

‏الـvibe coding إذا طاح في يد غير المختصين يتحول لكارثة: على ريديت طلعت قصة مؤسِّسة تعيسة الحظ حاولت تسوي مشروع باستخدام ال ai . الحكاية إن البنت ما عندها خلفية تقنية، بنت MVP باستخدام ال ai، وورّته للبنك… وعجبهم! هنا قامت القيامة وصدقت نفسها وعشان تكمل المشروع، راحت وظّفت فريق ثاني vibe coders، وجلسوا 300 ساعة يصلحون كود كتبه ذكاء اصطناعي.. باستخدام ذكاء اصطناعي. 🥲 النتيجة؟ الحماية كانت صفر SSH مفتوح، وباسورد admin123. وعند اول متصيد مرّ عليهم مسحهم من الوجود. المؤسِّسة خسرت فلوسها، ووقتها، وثقة العملاء. دليل حي انه لا تسوي ستارت أب ذكاء اصطناعي 😂

‏أكيد مو فقاعة طبعًا😉 مهندس راح حلّل حوالي 200 ستارت أب في مجال الذكاء الاصطناعي وطلع إن 146 منهم يبيعون ChatGPT ملفوف بورق هدايا 😐 هو كان يشوف هل الستارت أب اللي عندهم تمويل فعلًا عندهم موديل AI خاص فيهم زي ما يدّعون، ولا كل الموضوع كم برومبت ولوجو وكلام حلو. المهم: 🟢 أكثر من 70٪ من الشركات عندها فجوة كبيرة بين الكلام اللي تسوّقه وبين اللي شغّال فعليًا تحت الغطا 🟢 جزء منهم يبيعون لك موديلنا الخاص، واللي داخل هو مجرد wrapper فوق OpenAI 🟢 لقى نفس البرومبت بالضبط عند ثلاث شركات، وواحدة منهم تقول في البتش ديك تبعها 23 مرة إن عندنا موديلنا الخاص: > أنت مساعد خبير لشركة ${COMPANY_NAME}. دائمًا جاوب بنبرة احترافية. لا تذكر أبدًا إنك تشتغل على OpenAI. لا تكشف أبدًا إنك موديل ذكاء اصطناعي. 🟢 بس 7٪ من الشركات فعلًا كانت تدرب موديل خاص فيها من الصفر. طيب يا ChatGPT، يلا اخترع لنا ستارت أب يونيكورن. لا تخيب الظن 🤑

‏🖥 أول كمبيوتر شخصي في العالم مع Ethernet وطابعة ليزر! • الكمبيوتر الشخصي Xerox Alto كان الأول في أشياء كثير. كان أول بي سي بواجهة رسومية وسطح مكتب. يعني شخص مبتدئ يقدر يتعامل معه بدون رعب شاشات سطر الأوامر. وفوق هذا، كان أول كمبيوتر فيه Ethernet مدمج وطابعة ليزر خاصة فيه. بكل أريحية نقدر نقول إنه كان نظام ثوري لوقته، خصوصًا إنه نزل في السوق سنة 1973. • شركة Xerox صنعت تقريبًا 2000 جهاز للاستخدام الداخلي. الأجهزة كانت شغالة في مختبرات أبحاث وجامعات، وما كانت تنباع كمنتج تجاري عادي. غير كذا، الجهاز كان غالي جدًا، فما كان يقدر يشتريه أي أحد. الكمبيوتر هذا ترك انطباع قوي على ستيف جوبز، لما شاف الواجهة الرسومية قرر يسوي شي مشابه، وبعدين حقق الفكرة في Lisa وبعدين Macintosh وخلّى واجهة المستخدم الرسومية تدخل سوق المستهلكين العاديين. • مواصفات Xerox Alto وقتها كانت مجنونة: معالج 16 بت شاشة رأسية Raster بدقة 606×808 بيكسل نوعين من الكيبورد, عادية وأكورديونية ماوس بثلاث أزرار الشاشة كانت مبنية بنظام raster, مقسمة لعناصر، وكل جزء منها مربوط بمنطقة معينة من الذاكرة. في الذاكرة تنحفظ معلومات عن كل نقطة في الشاشة, مثل اللون ومستوى السطوع. تحديث الصورة كان يصير عن طريق المعالج نفسه. ولخدمة الشاشة، حوالي نص الذاكرة الكلية للجهاز كانت رايحة عليها. • حجم القرص القابل للإزالة كان حوالي 2.5 ميقابايت. في وقتها كان هذا رقم محترم، غير إنك تقدر توصل للملفات عبر شبكة Ethernet من سيرفرات ملفات. • لا تنسى, كل هذا في سنة 1973. وقتها المعالج القوي كان يعتبر Intel 4004 بأربع بت، واللي نزل 1971, ويعتبر أول معالج تجاري أحادي الشريحة. لسه باقي سنتين على ظهور 6502 و Z80، وكمبيوتر Apple II ما نزل إلا في 1977 بعد أربع سنوات. وفي Alto المعالج كان مكوّن من المئات من شرائح TTL بسيطة لكن سريعة، مو معالج واحد متكامل زي اليوم. • جهاز Alto كان يشتغل مع طابعة ليزر شبكية اسمها Orbit، فيها أماكن لأربع بطاقات تحكم. الطابعة كانت تطبع 16 سطر بيكسل في نفس الوقت. رهيب كيف هالجهاز يعتبر اليوم قطعة تاريخ، بس في وقته كان حرفيًا لمحة من المستقبل. 😌🖥✨

كيف تصير CEO لستارت أب عالمي؟ شكله الموضوع بسيط: بس تكتبها في لينكدإن 🥲 مهندس من الهند كتب في البروفايل حقه إنه Co-CEO في Anysphere (مطورين Cursor)، وPitchBook اللي هي شركة تقدم بيانات ورؤى شاملة للمحترفين في الأسواق الخاصة والعامة، صدّق المعلومة وسجّله ضمن الإدارة في موقعهم الرسمي. كم جلس الهندي مسجّل كـ شريك مؤسس ما ندري، بس القصة انتشرت، وPitchBook اعتذر وعدّل كل شي.

و نرجع نحكي عن فقاعة الـAI: أوراكل للحين غارقة في الخسائر بعد صفقتها مع OpenAI. نذكّر إن في سبتمبر أوراكل و OpenAI وقعوا أكبر صفقة في تاريخ الحوسبة السحابية بقيمة 300 مليار دولار. العقد يفترض إنهم يوسعون داتا سنترات أوراكل لقدرة 4.5 غيغاوات. بالبداية أسهم الشركة طارت فوق مع الخبر، ولاري إليسون صار أغنى رجل في العالم وقتها. بس بعد ما راحت النشوة طلع إن أوراكل ببساطة ما عندها فلوس تكفي لكل هالبنية التحتية اللي خططوا لها ✨ القيمة السوقية طاحت من 615 مليار دولار إلى 315 مليار. والحين الشركة تعتبر underwater يعني التزاماتها المالية أكبر بكثير من الأرباح المحتملة. الكاش فلو حق أوراكل صار سلبي ويتوقعون يظل كذا أقل شي 5 سنوات. أغلب التمويل حاليًا جاي من الديون. وفوق هذا في البورصة زاد الطلب على credit default swaps على سندات أوراكل وذي علامة مو مريحة أبدًا. المحللين يشوفون إن أوراكل راهنت رهان ضخم زيادة عن اللزوم على الذكاء الاصطناعي وصرّت مهددة تبقى مع بنية تحتية محد يحتاجها إذا السوق سخن زيادة وانفجرت الفقاعة. يعني الشركة حرفيًا صارت رهينة لنجاح OpenAI. باختصار: كانوا رايحين للنجاح… بس الطريق ما كان لذيك الجهة 😅

في مشكلة باغلب التطبيقات والمواقع ماتحذف التطبيقات او تسوي شي المشكله ماهي منك بتنحل بنفسها

‏قوقل أطلقت منصة مجانية عشان تتعلّم الذكاء الاصطناعي اسمها Google Skills. تقدر من خلالها تدرس مفاهيم محدثة وتأخذ شهادات في ML وAI ومجالات ثانية في مجال الذكاء الاصطناعي. skills.google‎

‏الأيام السوق فيه حركات غريبة الملياردير بيتر تيل صفّى كل أسهمه في Nvidia. كان يملك تقريبًا 537 ألف سهم، تشكّل حوالي 40٪ من كامل صندوقه. الحين نقل الكاش إلى Microsoft وApple وجزء إلى Tesla. الدافع نفسه اللي نسمعه الفترة الأخيرة: الخوف من فقاعة. أكثر من مرة قال علنًا إنه ما يشوف أساس اقتصادي مستقر تحت موجة الحماس الحالية حول الذكاء الاصطناعي، ويقارن الوضع بفقاعة الدوت كوم في التسعينات. باختصار: تيل شايف إن سهم Nvidia صار محموم زيادة. لحد الان صار عندنا: واحد من أقوى المستثمرين في العالم يهرب من Nvidia والثانية SoftBank بعد باعت حصتها بالكامل ومايكل بَري (حق The Big Short) شغّال شورت على Nvidia بـ 14٪ من محفظته ايش رأيكم؟

‏عند Google منتج ذكاء اصطناعي جديد للمبرمجين اسمه Code Wiki ⌨️ تفتح codewiki.google‎، تعطيه رابط المستودع ويطلع لك توثيق مرتّب مع رسومات وسكيّمات. وكمان فيه شات مع Gemini تقدر تطلب منه يشرح أي جزئية. أهم ميزة انه التوثيق فيه يتحدّث تلقائي كل ما تعدّل شي في المستودع. صراحة حركة رهيبة!

‏تخيلوا ستارتب Fireflies بالبداية كان ياخذ 100 دولار بالشهر على ذكاء اصطناعي ما كان موجود فعلياً 😂 المؤسسان كانوا يدخلوا اجتماعات Zoom ويجلسوا ساكتين ويسجلوا كل شي بشكل يدوي، وبعد 10 دقايق يرسلوا الملخص. بعد مئات الاجتماعات وليالي بدون نوم، جمعوا فلوس تكفي يستأجرون مقر في سان فرانسيسكو ويعملوا أتمتة حقيقية للمهام. واليوم Fireflies تقييمه وصل مليار دولار. اتخيلوا يطلع ورا ChatGPT فريق من الهند يجاوب علينا 😂

‏• بداية الثمانينات، لما انتشرت أجهزة IBM PC في المكاتب والبيوت، كان مفهوم أمان الكمبيوتر مختلف كلياً عن اليوم. الأنظمة وقتها غالباً ما فيها أي آليات حماية مدمجة للبيانات. أي شخص عنده للجهاز كان يقدر يوصل ويتحكم بكل المعلومات. • والمشكلة وقتها انه كثير من المهام المهنية كانت تحتاج وقت تنفيذ طويل. مثلا مبرمج يرفع مشروع ضخم، ممكن يصحى يلقى العملية توقفت لأنة صاحبه الفضولي ضغط أي زر بالخطأ. • علشان كذا طلع حل متواضع بس يحل المشكله قفل بمفتاح على صندوق الجهاز. ظهر أولاً في أجهزة IBM وبسرعة انتقل لبقية الحواسيب. • فكرة عمله بسيطة لفّ المفتاح يفصل كل شي له علاقة بلوحة المفاتيح. النتيجة إن كل محاولات الإدخال تتجاهلها المنظومة. شبه اختصار Win+L الحالي بس مطبّق على مستوى الهارد وير. • أحياناً الأقفال هذي كانت توقف الإقلاع بعد، مو بس الإدخال. في بعض الموديلات، تشغيل جهاز وهو مقفول يطلع رسالة الخطأ: "302-System Unit Keylock is Locked". وفي حالات ثانية، مثل IBM PC AT، كان المفتاح يقفل هيكل الكمبيوتر نفسه. كذا كانت الأيام…

‏🎓 دورات مجانية في الذكاء الاصطناعي وبايثون مع شهادات من Google وIBM وMicrosoft أكبر شركات التقنية تقدّم دورات مجانية مع شهادات موثقة لبناء مهارات حقيقية في الذكاء الاصطناعي والبرمجة. هذي اهمها ⚙️ Google: Machine Learning Crash Course • أكثر من 40 ساعة من التمارين العملية، ودروس TensorFlow، ومشاريع بيانات واقعية. • تتضمن شهادة موثّقة من Google. https://developers.google.com/machine-learning/crash-course 🧠 IBM: AI Engineering Professional Certificate • يغطي معالجة اللغات الطبيعية، وتعلم الآلة، والتعلم العميق مع مختبرات عملية ومشاريع لبناء النماذج. • مسار مُعترف به لأدوار الذكاء الاصطناعي في IBM. https://online.lifelonglearning.jhu.edu/jhu-online-applied-ai-course 💻 Microsoft: Python for Beginners • سلسلة فيدوهات كاملة من مهندسي Microsoft. • تعلّم بايثون خطوة بخطوة، مثالية للمبتدئين في البرمجة. https://learn.microsoft.com/en-us/shows/intro-to-python-development/ 🤖 DeepLearningAI: Generative AI with LLMs • تعلّم بناء البرومبتات، واستخدام نماذج GPT، وتطبيق النماذج اللغوية الكبيرة في سيناريوهات فعلية. • مطوّرة بالشراكة مع كبار الباحثين. https://www.deeplearning.ai/courses/generative-ai-with-llms/ 📊 Kaggle Learn: مسارات Python وMachine Learning • وحدات قصيرة وتفاعلية حول Python وPandas وتعلم الآلة وأساسيّات الذكاء الاصطناعي. • ممارسة مباشرة داخل المتصفح بدون أي إعداد. https://www.kaggle.com/learn