إبراهيم الجاكي

أكتفي بهذا القدر

بُرَيْهَة https://algaky.sarhne.com

أصبحت منذ سبع سنوات على حال لم أمس على غيرها حتى اليوم.

صباح الخير، والقمر طالع بالنهار. #لقطات

نكتفي بهذا القدر

دا كان زمان دلوقتي المدرس بيقبض راتبه من مال الطلاب، وهو اللي لازم يوفهم التبجيل عشان لو طالب واحد سخط عليه هيعرف يؤدبه بوسائل مختلفة أبسطها الفصل من المدرسة. ملحوظة: الطالب هو الذي يقدر على تأديب المدرس وليس العكس.

كل المصالح داخل الدولة تصب في مصلحة المواطن

مدرس

السؤال المفروض يبقا: هل ينفع نتعلمها كويس جوا الكليات الحكومية؟

لو فاكر إن دا هزار فهات أي مشهد للنطق بحكم الإعدام في المحكمة، هتلاقي القاضي بيقول: قررت هيئة المحكمة بإعدام المتهم فلان الفلاني في التهمة كذا كذا.. (وألزمته المصروفات الجنائية) يعني بيدفع تكاليف إعدامه قبل ما يموت

أنا آسف جدا على جهلي بأوراد حزب البحر التي تجلب الزواج للعانس مستوى الرقي اللي وصلت ليه في العلم لم يصل بي إلى شاطئ حزب البحر

😂

على أيامنا كانت 16 فعلا بس زاد عليهم سنتين حضانة KG1 و KG2 وتفاجأت الآن إن في سنة تالتة اتضافت قبل الKG اسمها Pre-KG بتبقا زي تمهيد للحضانة، والطالب مش بيتقبل في الحضانة لو مدخلش تمهيد حضانة،ومش بيتقبل في المدرسة لو مدخلش حضانة. فأصبح معانا الآن 19 سنة تعليم أكاديمي قبل التخرج.

لو سمحت متغلطش في الليالي الأربع عشان أنا إنشادي كله ميسواش حاجة جمبها اتكلم عليها بأدب عشان الأستاذ ميزعلش

• طيب حضرتك أنا محتاج أدفع عشان أعدي • خلاص ادفع عشان اخليك تدفع عشان تعدي (باقات الهاتف مثالا) عاوز ادفع عشان اتكلم .. لازم أدفع ضريبة عشان اشحن رصيد عشان اتكلم.

ياسيدي خلاص قلت الكلمة دي كذا مرة أنا إنشادي كله وضيع ولا يرقى لليالي الأربع متسمعليش حاجة غيرها بقا

أتعب نفسي في المعالي، ولا أرخصها في ما هو دون. وأسعى بالمشاق إلى ما أسمو به، ولا أختار الدون. وأصبر على أقدار الله المؤلمة حتى أؤجر وأجد الجزاء في الآخرة، ولا أتعجل الدون.

تمام

برهة https://algaky.sarhne.com

حوار بيني وبين أم الدنيا: • خلصت الكلية الحمد لله، إيه رحلة التعليم الطويلة أوي دي، ١٨ سنة عشان أبقا خريج جامعي! يلا مش مشكلة، عاوز فرصة عمل حلوة بقا عشان اكوّن نفسي واتزوج، أنا مستني الخطوة دي من سنة أولى.. • ألف ألف مبروك، تعالى بس ادخل الجيش سنة كدا تغيير جو قبل ما تفكر في حاجة. • دخلت الجيش وشفت اللي محدش شافه، كانت سنة عذاب، الحمد لله، يلا نبدأ شغل بقا عشان أكون نفسي واتزوج، ولا إيه! • خش بس الأول على تفاوض مهين مع الhr على الراتب بما إنك حديث التخرج ومضطر تقبل بأي حاجة ومعندكش خبرة عملية، وشوف هتوصل لإيه. • طيب ماشي، قبلت باللي هي قالته لأني معنديش خبرة فعلا ومحدش هيشغلني براتب أحسن من دا، وهي أقنعتني إن دي فرصة حلوة ومش هلاقيها في مكان تاني، وانا صدقتها، يلا نبدأ شغل بقا، مش هكون نفسي ولا إيه؟ • ناقص بس تخلص أوراق العمل ونبدأ على طول. • طيب، أنا رحت التأمينات واتعاملت كأني مدمن مخدرات وسوابق لغاية ما خلصت الكشف الطبي واستلمت الشهادة الصحية، في حاجة تاني؟ • اه روح هات ورقة من الشرق وورقة من الغرب، واختم الورقة اللي من الشرق في الغرب والورقة اللي من الغرب في الشرق، وبعدين تعالى اختمهم من الشغل وارجع بيهم لأماكنهم اللي في الشرق والغرب يمضو عليها. • وخلاص كدا؟ • اه خلاص، يلا عشان تستلم شغلك، معادك الساعة ٧ الصبح، هتيجي تبصم على الجهاز دا، وهتمشي الساعة ٣ وتبصم على نفس الجهاز دا، وكل دقيقة تأخير بخصم نص يوم. • مش مشكلة، المهم إني هكون نفسي واتزوج عشان أنا مستني بقالي كتير.. • اه طبعا، ألف مبروك مقدما، نسيت بس اقولك تدخل جمعية تحوش فيها نص راتبك أول 3 شهور عشان تدفع مصاريف الدبلومة التربوي لأنها من أوراق العمل اللي لازم تقدم إفادة بيها في أقرب فرصة. • وبعد ال3 شهور هكون نفسي عشان اتزوج؟ • إن شاء الله، ممكن بس تحتاج تدفع نص راتبك برضو لمدة 6 شهور بعدهم لأي معالج نفسي يخرجك من اللي هتبقا فيه بعد الصدمات دي كلها. • شكرا جزيلا جدا. • العفو، شرفت ونورت. • إيه؟ أتفضّل؟ • لأ انت هتفضَل مشرّف ومنوّر هنا، لو عاوز تتفضّل ممكن اوضح لك التفاصيل اللي محتاجها عشان تعمل كدا.