Team Faculty Of Nursing internship 💙

مهم يا شباب واسئلته كلها علينا ف بصمجوا بقا 💙🏌️

ندخل بقا ع اخر شابتر معانا 🤺 📌 Surgical Pathology علم الامراض الجراحي : العلم دا بيشمل الفحص المجهري و الشامل للعينات والهدف منه اني اعلم تشخيص نهائي م العينه الل اخدتها وكمان قالنا انه له 5 انواع 1- Excision biopsy بستأصل منطقه معينه و كمان بشيل جزء من normal tissue 2- Incision biopsy بيقي عندي مشكله ف اني اشيل المنطقه كلها ف باخد عينه و اشوف نوع الورم لو خبيث هعمل استئصال ة لو حميد مش هعمل 3-Trucut biopsy بدخل needle ف المنطقه دي و بعمل ازاله للخلايا و كمية صغيرة من الأنسجة المحيطة 4-Fine Needle aspiration بستخدمها ف ازاله الخلايا عن طريق سرنجه و اسحب السوائل واشوف طبيعه الخلايا malignant or benign 5- Aspiration of body fluids شفط السوائل بستخدمه ف ازاله السوائل من منطقة معينه م الجسم زي الاستسقاء Fixation دا بيحصل ف العمليات لما باخد ال biopsy ببقي عاوزة اعملها fixation   ف بحطها ف فورمالين اشمعنا الفورمالين ؟! *لانه بيحافظ ع تشكليها *بيمنعها من التحلل *يقلل نمو البكتيريا *يقلل فقدان الجزيئات $لو عينه سيتولوجي بتتحط ف كحول $العينه لو اتحطت ف saline هتتحلل وتبقي صعبه ف التشخيص الانواع اول حاجه الفورمالين  بيكون clear بيتكون من 10% فوسفات مخزن بالفورمالين و بستخدمه ف التثبيت الروتيني ل  جميع العينات تاني حاجه Non Formalin زي الكحول او جلوترالدهيد الكحول بيكونclear الايثانول والميثانول بيحل محل الماء و يفسدو طبيعه البروتين الناس الل عندها نقرس بيبقي اسهل ان العينه تتحط ف كحول لانها بتبقي fixed مع الكحول و تدوب مع الفورمالين تاني حاجه ف non Formalin Glutaraldehyde بتكون clear بستخدمها ف فحص العينه وتثبيتها فيه عشان النتائج تكون كويسه Disposal of fixatives and tissues اتخلص منها ازاي ؟؟؟؟ ليها طريقه وتشكيل معين للتخلص منها الابر و المشرط والادوات الحادة توضع ف safety box عشان متعملش injury Intraoperative consultation ضروريه لاتخاذ قرارات مهمه اثناء العمليه الجزئية دي هنشرحها ب مثال لو جراح في عملية بيبعت عينه للمعمل و يقولهم عرفوني حاجه معينه فيها لان العملية هتختلف وعشان العينه هتحلل بسرعه ف بنحطها ف جهاز اسمه cryostat  بتطلع سلايدات و نشوف تحت الميكروسكوب و الجوده هتكون قليله  بس هتساعد الجراح ف العمليه "وكدا كل م يخص الباثو بطريقه سلسه ومبسطه وبالتوفيق ي أبطال وتذكرو دوما وان ليس للانسان الا ما سعي وان سعيه سوف يُري ..♥️ مهما اشتدت عليك المهام والصعاب تذكر انك مريت بالاصعب فاستمتع بالرحله مهما بلغت قسوتها ، وفكك كدا ي شاطر وسيبها ع ربنا كدا كدا محلوله ومتقعدش تحسب كتير ربنا يوفقكم جميعا يارب ونطلع مجبورين الخاطر وان شاء الله يكون امتحان سهل ويكون ختامها مسك علينا جميعا بالتوفيق يا دفعة ♥️ "

ندخل ع تاني جزء 🤺 📌 Diagnosis يعني اي التشخيص؟ قالي انه معناه عمليه تحديد المرض اللي بفسره من خلال اعراض او شكوي المريض عندي انواع كتيره للتشخيص  اول نوع هو Clinical diagnosis هنا التشخيص بيكون مبني علي الاعراض و الاعراض الل المريض بيشتكي منها و التحاليل الل عملها Differential diagnosis هنا بكون حاطه قايمه تشخيصات  و لسه هختار التشخيص بناء ع الاعراض الل ع المريض Medical diagnosis التشخيص هنا مبني علي المعلومات الل اخدتها من الفحص الجسدي او من المريض او من عائلته  او من التاريخ المرضي بتاعه او التاريخ المرضي ل اسرته  وكمان من اشخص من خلال التحاليل Physical diagnosis بيكون مبني ع معلومات الل وصلتها ف الفحص خلال المراقبه او الاحساس او الطرق او السمع Etiology diagnosis هنا بعرف الاسباب الل سببت المرض Patho anatomical diagnosis انا شخصت ان المرض ف الجهاز دا و ف العضو دا لكن لسه مش شخصت المرض نفسه بس حددت مكانه Radiology diagnosis التشخيص بيكون معتمد ع الاشعه __ عندي 3 طرق بشخص بيهم ي اما التاريخ المرضي  طبعا لان كل مرض بيكون ال history بتاعه معين ممكن يكون عنده مرض وراثي مثلا Physical examination الفحص الجسدي دا مهم جدا و بعمله ديما ف البدايه و انا بكشف ع المريض Diagnostic test اختبارات دي طبعا النتيجه بتكون مختافه من كل مريض و التاني ____ differential diagnosis بيكون مقارنه بين مرضين او اكتر بتكون  الاعراض متشابهه و بقارن بين العلامات و الاعراض Diagnostic test من خلالها براقب المرض و اكتشف التشخيص ____ عندي نوعين لل diagnostic test 1-By utilization 2-By method 3-By sample location --- By utilization منها 3 انواع Diagnostic دا اجراء تشخيصي بعمله عشان اتاكد ان المريض عنده المرض  Screening هنا يقصد الكشف المبكر عشان اعالج مبكر قبل م يحصل مضاعفات ، يعني مش هستني ان المريض يشتكي من علامات و اعراض  انا هعمل كشف مبكر  و اكتشف المرض زي فحص الثدي ... مرض سرطان الثدي مثال تاني اني باخد عينه دم من كعب البيبي عشان اشوف مستوي TSH هرمون المنشط الغده الدرقيه عشان اشوف لو فيه قصور ف الغده الدرقيه Monitoring بتابع تطور المرض او استجابته للعلاج -------- By Method اي الطريقة الل هعمل بيها diagnostic test عندي 6 طرق Observation بستخدمه لو هسجل حاجه عصبيه بمعني اني هسجل حركه غريبه المريض بيعملها 2- Question اني بسأل المريض و باخد التاريخ الطبي منه 3- Tests الل هو الفحص الجسدي 4- Radiologic history الل هو الاشعه 5- in vivo diagnostic بحقن المريض حاجه جوا الجسم و اشوف مستواها 6- in vitro diagnostic حاجه برا الجسم زي مثلا اخد عينه منه  ----------- By sample location ع حسب مكان العينه زي اختبارات الدم او البول ------ اخيرا و ليس آخرا Accuracy and precision اول حاجه Accuracy معناها دقة التحليل  ، يعني المعمل  بيعمل معاينه للاجهزة بتاعته  و بيتأكد من ان البرنامج بتاع المعين سليم عشان هيعطي نتائج تحاليل و بالتالي النتائج هتطلع دقيقه --- Precision يعني لو جربت اني اعمل تحليل لنفس العينه كذا مره ، كل مره هيطلع نفس النتيجه و بكدا هتأكد ان الجهاز دقيق ------- Risks في بعض التحاليل بحتاج أخدر المريض عشان اقدر اخد عينه منه ------ Indication قالي ان كل اختبار له حاجات اعمله فيها و في حاجات ممنوع اعمله فيها و بكدا الشابتر التاني خلص ❤️

📌 Pathophysiology اول حاجه الكلمه منقسمه ل قسمين  Patho معاناها معاناة و بتساوي كلمه diseaseاو suffering و كلمه ology  معناها علم ____ Pathophysiology معناه علم المعاناه او علم الامراض نبدأ بتعريف المرض من اسمه مرض يبقي حاله غير طبيعيه سواء ف التركيب او الوظيفه و بيأثر علي جزء من العضو او العضو كله وطبعا المرض دا بيسببلنا ي اما الم او خلل ف الوظيفه او ضغط عصبي او مشاكل اجتماعيه او ممكن يسبب موت للشخص دا تعريف pathology عرفناه فوق ب انه علم الامراض بيشمل دراسه اسباب المسببات واسباب المرض قد تكون اما عوامل خارجيه زى مسببات المرضpathogens زي البكتيريا او الڤيروس او خلل داخلي زي نقص المناعه او المناعه الذاتيه او الحساسية المفرطة عندي 5 تصنيفات للمرض 1-Communicable and  non communicable disease 2-Mental and organic 3-Acute and chronic 4-localized disease and systemic 5-clinical disease and subclinical نبدأ ب اول نوع الامراض المعدية و الامراض غير المعديه Communicable disease معناها امراض معديه  يعني بتنتقل من شخص ل شخص او من حيوان ل انسان  و الانتقال بيكون من خلال الهواء او ملامسه اسطح ملوثه او الاتصال المباشر بالدم او البراز أو سوائل الجسم Non communicable disease امراض غير معديه مش بتنتقل من اشخاص ولا حيوانات ____ 2- Mental disease الامراض العقليه تبقي خاصه ب جهاز العصبي CNS زي الخلل العاطفي او خلل السلوك  زي الاكتئاب او الشيزوفرنيا Organic disease معناه المرض العضوي يعني بيأثر علي عضو معين سواء ف التركيب او الوظيفه _ 3-Acute disease معناه المرض الحاد يعني بيفضل فتره قصيره  ممكن ساعات او ايام زي الانفلونزا Chronic disease معناه مرض مزمن بيكون متعايش مع الشخص و بيفضل فتره طويله زي السكر ____ 4-locolized disease معناه مرض موضعي يعني بيأثر علي مكان واحد ف الجسم زي الخراج -disseminated disease بينتقل من مكان ل مكان تاني زي الكانسر Systemic disease من اسمه كدا نعرف انه بيأثر ع الجسم كله زي ضغط الدم المرتفع ____ 5-Clinical disease يعني المرض دا له علامات و اعراض Subclinical disease مرض صامت من غير علامات ولا اعراض او بمعني انها لسه مظهرتش عليه ____ من اسباب المرض 1- congenital and hereditary disease معناه الامراض الخلقيه الوراثيه يعني الام الحامل لو اتعرضت ل اصابه دأخل الرحم هيحصل اضطرابات او خلل للجنين زي الحصبة الألمانية 2-inflamotory disease المرض الالتهابي دا معناه ان الجسم بيتفاعل مع عوامل ضاره  عن طريق الالتهاب و السبب بيكون بكتيريا او فيروس 3-degenerative disease الامراض دي مرتبطه بالعمر  زي تصلب الشرايين ل كبار السن 4-Metabolic disorder اضطراب ف التمثيل الغذائى ممكن ينتج عنه مرض السكر او اضطراب الغده الدرقيه 5- Neoplastic disease امراض الاورام   النمو الغير طبيعي للخلايا ممكن يؤدي ل مرض خبيث اخيرا و ليس آخرا عندي بعض المصطلحات * Flare-up معناه ان الاعراض رجعت تظهر تاني او ظهور اعراض شديده * Progressive كل م العمر بيزيد المرض بيسوء لحد م الانسان يموت *Cure معناه انه اتعالج يعني العلاج جاب نتيجه و انهي حالته الطبيه *Remission بعض الاعراض بتكون chronic مش بتتعالج بنسبه 100% و لكن زي الروماتويد كدا *Terminal phase الانسان في مرحله ما قبل الموت يعني الشخص دا مريض من مرض معين بس المرض هيقضي علي حياته *Epidemiology علم الوبائيات بيدرس العوامل الل بتساعد ف ظهور الامراض يعني مثلا في امراض بتكون منتشره ف مناطق معينه او الناس الل عندها مشكله ف چين معين بيكون عندهم مرض معين برده و بيظهر ف وقت معين و ليكن فصل من فصول السنة بيزيد المرض دا و بكدا الحمد لله الشابتر الاول خلص ❤️

👀👀

محاضرات ميد باثووفسيولوجي 🧸 🗨️ Disease ... page 3 🗨️ Diagnosis ..page 8 🗨️ Surgical pathology...page 15 https://drive.google.com/file/d/1jyvDpSLmoJ15kn6BshD7wjhDpuJhz0lg/view?usp=sharing لينكات التلات محاضرات ف فيديو واحد 🧸

محاضرات ميد باثووفسيولوجي 🗨️ Disease ... page 3 🗨️ Diagnosis ..page 8 🗨️ Surgical pathology...page 15 🗨️ لينك التلات محاضرات كلهم ف فيديو واحد 🚶‍♀️ 🗨️https://drive.google.com/file/d/1jyvDpSLmoJ15kn6BshD7wjhDpuJhz0lg/view?usp=sharing

باثووو 🤺

الاسئلة🏌️💙

باورز🤍