Агро эксперт

Фермер хўжаликларига ички йиғилиш қарорига асосан, "маъсулияти чекланган жамияти"га ўзгартириш хуқуқи берилиши керак. Маблағи бор шерикларни таъсисчи сифатида иштирок этиши қишлоқ хўжалигига инвестиция киритилишига кафолат бўлади. @Agro_Expert

Президент кластерларга фермерлар олдидаги қарздорликни ёпишга аниқ муҳлат берганини ҳамма эшитди. Кенгаш ёрдам қўлини чўзишга тайёр, демак фермер томон қучоқ очиб қадам ташлади. Шу кунларда фермерлар ҳам бунга позитив ёндошиб, судларга мурожаатни кечиктирмаслиги зарур. Ўйлайманки, судлар ҳам жараённи кечиктиришга ҳаққи йўқ! @Agro_Expert

Аслида муаммолар тиқилиб ётибди, фикримча, энг асосийлари ва кўпчилик фермерлар йўлиққанларини ёзаман... 1). "Кластерларнинг фермерлар олдидаги қарздорлиги" масаласи энг оғриқли мавзу бўлиб қолмоқда. 2). Фермерлар кластердан сотиб олаётган маҳсулотлар биржа баҳосидан кескин фарқ қилади. Нима учун фермер бу маҳсулотларни биржадан тўғридан-тўғри сотиб олмасдан, учинчи томон орқали сотиб олади? 3). 2023 йил бошида ноқулай об-ҳаво сабабли фермерлар пахтани бир неча марта қайта экишга мажбур бўлди. Бу ҳам катта ҳаражатларга сабаб бўлди. Нега бу ҳаражатларни ҳеч ким инобатга олмади? 4). Сувсизлик муаммоси ортидан жорий қилинган томчилатиб суғориш тизими билан боғлиқ ҳаражатлар, уларни ўрнатиш учун тўловлар ва уларга сарфланаётган электр энергияси каби ҳаражатлар ҳақида мутасаддилар ўйлагани йўқ. Томчилатиб суғориш тизими ҳалигача ҳам яхши ишламаяпти. Ўрнатган фирмалар ўртасида рақобат йўқ. Кўпчилиги ҳокимга қарашли. 5). Фермерларнинг бўйнидаги ҚҚС, ер, сув ва бошқа солиқлар қайта кўрилиши керак. 6). Фермер хўжаликлари ишчиларининг иш ҳақлари масаласи. Агар фермернинг ўзи етиштирган маҳсулотидан даромад ололмаса, уларга паст нархларда ҳисоб-китоб қилинса, улар ишчиларга қандай қилиб маошларини тўлаб беради? 7). Пахтани биржага чиқариш яхши ташаббус эди, лекин уни ҳам "ўхшамаган ўйин"га айлантиришди. 8). Бетонлаштиришни ҳақдор фермерларнинг бўйнига эмас, қарздор кластерлар бўйнига юклаш керак. @Agro_Expert

Кластерлар хақиқатдан ҳам аудит хулосасига кўра, банкрот деб топилса, фермерларга шу кунгача олмаган пулларини тўлаб беришни давлат ўз кафолатига олиши зарур. @Agro_Expert

Ўша вақтдаги иккита вазирлик вазирининг бундан 6 йил-у 2 ой аввалги нутқидан... Бу экинларни нега ҳалигача экамиз унда? Тушунтириб берадиган бирорта раҳбар борми Ўзбекистонда? @Agro_Expert

Ҳолатнинг натижаси билан эмас, унинг сабаби билан курашиш вақти аллақачон келган. МИБ солиқ қарздорлиги бўйича фермерга далолатнома тузишдан аввал, иш юритуви ҳолат сабабчиси бўлган кластерга қаратилиши шарт. "Ўлган инсон"ни тепкилашни бас қилинг! @Agro_expert

Бетонлаштириш долзарблигини ҳамма билади. Бу борада ҳудудларда ҳоким муовинлари фермерга кун бермаяпти. Кластер фермернинг ҳақини вақтида тўлаб қўйсин, цементни сувга аралаштириш иш бўптими? @Agro_expert

Қўллаб-қувватлайман. Пахта фермернинг қонини ичди. Бу ҳақда аввал кўп ёзганман. Қишлоқ хўжалиги тармоғи бўйича Президентнинг Хитойга ташрифидан сўнгги биринчи йиғилиши бу. Умид қиламанки, босқичма-босқич бўлса-да, "пахта эртаги"ни тугатамиз! @Agro_expert

Фейсбукда фаоллиги билан ном қозонган шу фермернинг фикрларини ва шижоатини ҳурмат қиламан. Доим дангалини ёзади. @Agro_expert