📊

​​#зикр_ва_дуо Аллоҳ хоҳлаган нарса бўлади Набий соллаллоҳу алайҳи васаллам қизларининг биттасидан ривоят қилинади: У зот қизларига тонг отганида: سُبْحَانَ اللهِ وَبِحَمْدِهِ لاَ قُوَّةَ إِلاَّ بِاللهِ مَا شَاءَ اللهُ كَانَ وَمَا لَمْ يَشَأْ لَمْ يَكُنْ، أَعْلَمُ أَنَّ اللهَ عَلَى كُلِّ شَيْءٍ قَدِيرٌ وَأَنَّ اللهَ أَحَاطَ بِكُلِّ شَيْءٍ عِلْمًا «Субҳаналлоҳи ва биҳамдиҳи, лаа қуввата илла биллаҳи машааллоҳу кана ва ма лам йаша лам йакун. Аъламу анналлоҳа ъала кулли шайин қодийр. Ва анналлоҳа қод аҳато бикулли шайин ъилма», деб айтишни ўргатар эдилар. Чунки бу калималарни тонг отганида айтган киши кеч киргунича муҳофаза қилинади. Кеч кирганида айтса, тонг отгунича муҳофаза этилади. Маъноси: Аллоҳга ҳамд айтиш билан Уни поклаб ёд этаман. Аллоҳдан бошқада қувват йўқ. Аллоҳ хоҳлаган нарса бўлади. Хоҳламаган нарса бўлмайди. Биламанки, Аллоҳ ҳар бир нарсага қодирдир. Ва, албатта, Аллоҳ ҳар бир нарсани илми билан иҳота қилгандир. Абу Довуд ривоятлари. Имом Нававийнинг «Ал-Азкор» китобидан t.me/ILMNURI_9

••• Bo‘ladimi yo bo‘lmaydimi, keladimi yo kelmaydimi, lutf etiladimi yoki yo‘qmi, beriladimi yo olinadimi g‘am chekma. Ko‘ngil ham Allohning mulkidir, omonatidir. Charchatma, pok saqla, ezma, sindirma, og‘ir g‘amlaringni yuklayverma. Omonatga ko‘z qorachig‘indek qara, mulkni Allohga qo‘yib ber. Ko‘ngil go‘zal bo‘lsin... @ILMNURI_9

Умар розияллоҳу анҳу айтдилар: «Мусулмоннинг адашиши учун уч нарса кифоя қилади: 1. Ўзи ҳам қиладиган (ёмон) иш билан бошқаларни айблаш. 2. Одамларнинг айбини кўриб, ўз айбларини кўрмаслик. 3. Ҳамсуҳбатига сабабсиз озор етказиш». t.me/ILMNURI_9

Бир куни пайғамбаримиз Муҳаммад ﷺ Али розияллоҳу анҳу дан сўрадилар -Ё Али, Аллоҳни севасанми? -Албатта, эй Аллоҳнинг расули! -Унинг элчиси - пайғамбарини севасанми? -Ҳа, албатта, сизни севаман! -Аҳли аёлингни севасанми? -Севаман, ё Расулуллоҳ! -Болаларингни севасанми? -Болаларимни ҳам севаман. Шунда пайғамбаримиз ﷺ яна савол бердилар: «Ё, Али, қандай қилиб бир қалбга 4 та севгини сиғдира оласан?» Бу саволга Али розияллоҳу анҳу ўйланиб қолдилар ва жавоб учун муҳлат сўрадилар. Уйларига бориб ҳам ўйланиб ўтирдилар. Буни кўрган Фотима онамиз: «Агар дунё йўлида хомуш бўлсангиз, бу ишингиз яхши эмас», деб ҳол сўрадилар. Али розияллоҳу анҳу бўлган воқеани айтиб бердилар ва Фотима онамиздан маслаҳат сўрадилар. Фотима розияллоҳу анҳо шундай дедилар: "Ҳар бир нарсанинг ўнгу сўли, орқа-олди бўлганидек, қалбнинг ҳам бўлаклари бўлади. Отамга қуйидагича жавоб беринг: Аллоҳни ақлим ва идроким билан севаман! Пайғамбар ﷺ ни руҳим билан севаман! Аҳли аёлимни нафсим билан севаман! Болаларимни шафқатим билан севаман! Эртаси куни Али розияллоҳу анҳу пайғамбаримиз ﷺ ҳузурларига бордилар. Пайғамбаримиз ﷺ жавобни сўрадилар. Али розияллоҳу анҳу юқоридаги жавобни айтдилар. Шунда Расулуллоҳ ﷺ: -Ё, Али, жавобингдан нубувват гулининг ҳиди келяпти. Буни сенга қизим Фотима айтган... t.me/ILMNURI_9

Rosululloh ﷺ aytdilar : “Oʻzingiz yaxshi koʻrgan narsani birodaringizga ham ravo koʻrmaguningizcha iymoningiz komil boʻlmaydi...” dedilar Imom Buxoriy rivoyati Men sizga oxiratda jannat tiladim So'ngi xotimangizni chiroyli yakunlab Qabr va Jahannam azobidan ozod qilishini Allohdan so'rab qolaman. t.me/ILMNURI_9

#eslang_eslating Juma kunining sunnatlari: 1. G‘usl qilish 2. Poklanish 3. Hushbo‘ylanish 4. Pok va eng chiroyli kiyimlarni kiyish 5. Misvok ishlatish 6. Kahf surasini o‘qish. Yoki tafakkur tadabbur qilib tinglash ma‘nolarini o‘qish 7. Ihlos bilan ko‘p duo qilish 8. Rasululloh sollallohu alayhi va sallamga imkon qadar ko’p salovat aytish. t.me/ILMNURI_9

📌 Жума куни ва кечаси Расулуллоҳ соллаллоҳу алайҳи васалламга кўп салавот айтиш суннатдир. Имом Табароний келтирган ривоятда Расулуллоҳ соллаллоҳу алайҳи васаллам шундай дедилар: 📌 “Кимки менга бир бора салавот айтса, Аллоҳ унга ўнта салавот айтади. Кимки менга ўнта салавот айтса, Аллоҳ унга у юзта салавот айтади. Кимки менга юзта салавот айтса, Аллоҳ уни нифоқ ва дўзахдан озод деб ёзиб қўяди ва қиёмат кунида шаҳидлар билан бирга қилади. 🌸🌸 Аллоҳумма солли ва саллим ва баарик ала Муҳаммад ва ала олиҳи ва асҳабиҳи ажмаъийн! 🌸🌸 Бу маълумотни яқинларингизга ҳам улашинг, кўп саловот ва салом айтилишига сабабчи бўлинг. 👉Эслатиш мўъминларга манфаат берур. ♻️ ДЎСТЛАРИНГИЗГА ҲАМ УЛАШИНГ!!! t.me/ILMNURI_9

Усмон розияллоҳу анҳу Аллоҳ таолонинг: “Унинг остида икковларининг хазинаси бор эди. Уларнинг оталари солиҳ одам эди”, (Каҳф сураси, 82-оят) деган каломи ҳақида шундай деганлар. “Ояти каримадаги «канз» (яъни, хазина) олтиндан ясалган лавҳа бўлиб, унга қуйидаги етти сатр битилган эди: • Ўлимнинг ҳақлигини била туриб кулган одамга ажабландим. • Дунёнинг йўқ бўлиб кетишини била туриб, унга рағбат қўйган кишига ажабландим. • Ҳамма ишлар қадарга боғлиқлигини била туриб, ўтган ишларга ғам чеккан кишига ажабландим. • Охиратда ҳисоб-китоб бўлишини била туриб, мол тўплаган кишига ажабландим. • Дўзахни била туриб, гуноҳ қилган кишига ажабландим. • Аллоҳ таолонинг ҳақлигини кучли ишонч ила била туриб, Аллоҳдан бошқаларни зикр қилган кишига ажабландим. • Жаннатни кучли ишонч ила била туриб, дунёдан роҳатланган ҳамда шайтоннинг душманлигини била туриб, унта итоат қилган кишига ажабландим”. Каналга уланиш:👇 t.me/ILMNURI_9

“Эй Оиша, мендан хоҳлаган нарсангизни сўранг”! Бир кун Расулуллоҳ соллаллоҳу алайҳи васаллам Оиша розияллоҳу анҳодан хурсанд бўлиб, “Эй Оиша, мендан хоҳлаган нарсангизни сўранг” дедилар. Оиша розияллоҳу анҳо жуда ҳам зийрак аёл эдилар, бу фурсатни қўлдан бой бермаслик учун энг яхши нарсани сўрашни қасд қилдилар ва “Бу борада отам билан маслаҳатлашсам” дедилар. Чунончи Абу Бакр розияллоҳу анҳунинг ҳузурларига бориб воқеъани баён қилдилар. Абу Бакр розияллоҳу анҳу: - “Расулуллоҳ соллаллоҳу алайҳи васаллам меърожга чиққанларида Аллоҳ таоло у зотга сирларни айтган. Ўшалардан бирини айтиб беришларини сўра” дедилар. Оиша онамиз розияллоҳу анҳо ўша нарсани сўрадилар. Расулуллоҳ соллаллоҳу алайҳи васаллам : - “Роббим менга меърож кечасида “Менинг наздимда мўминнинг даражаси шу даражада юқорики, қайси бир мўмин бошқа бир мўминнинг қалбига хурсандчилик солса, албатта жаннатий бўлади” деди”, дедилар. Оиша розияллоҳу анҳо хурсанд бўлиб Абу Бакр Сиддиқ розияллоҳу анҳуга бу гапни етказган эдилар Абу Бакр қаттиқ йиғладилар. Оиша розияллоҳу анҳо: - “Нега йиғлайсиз, ахир бу хурсандчилик хабар эмасми” деганларида, “Бу, мўминнинг қалби Аллоҳ таолонинг наздида шу даражада қадрлики, ким унга озор етказса, дўзахийдир”, дегани бўлади – дедилар. t.me/ILMNURI_9

ОТА-ОНА БИЛАН МУОМИЛАДАГИ ЎТТИЗ БЕШ ОДОБ: 1. Ҳузурларида қўл телефонларини ўчириб қўйиш. 2. Гапираётганларида жим туриш. 3. Раъйларини қайтармаслик. 4. Гапларини маъқуллаб туриш. 5. Уларга ўзини ҳокисор тутиб қараш. 6. Уларга доим мақтов, мадҳ айтиб туриш. 7. Уларга ҳурсандчилик хабарларини улашиш. 8. Ёмон хабарларни олдиларида гапирмаслик. 9. Улар яхши кўрган кишиларни ва дўстларини мақташ. 10. Эришган ютуқларини доим тилга олиб туриш. 11. Қайта-қайта гапирсалар ҳам гапларини тасдиқлаб кўнгилларини кўтариб туриш. 12. Ўтмишдаги аламли ўринларни зикр қилмаслик. 13. Ортиқча гаплардан четланиш. 14. Ҳузурларида ҳурмат сақлаб ўтириш. 15. Фикрларини паст ва ноқис санамаслик. 16. Гапларини тугатмасларидан олдин эшитмасдан туриб кетмаслик. 17. Ёшларини ҳурмат қилиш ва набиралари билан уларни безовта қилмаслик. 18. Ҳузурларида набираларини жазоламаслик. 19. Ҳамма насиҳату-фикрларини қабул қилиш. 20. Ҳузурларида уларга эҳтиром кўрсатиш. 21. Уларга овозни кўтармаслик. 22. Улардан олдин ёки олдиларидан юрмаслик. 23. Таомга улардан олдин қўл узатмаслик. 24. Уларга тикилиб қарамаслик. 25. Улар билан фахрланиш, гарчи улар шунга лойиқ иш қилишмаган бўлса ҳам. 26. Ҳузурларида оёқ узатиб ўтирмаслик ёки уларга орқа қилмаслик. 27. Сўкилишларига сабаб бўлмаслик. 28. Ҳар доим уларни ҳақларига дуо хайр қилиш. 29. Ҳузурларида чарчоқ ва хафаликни зоҳир қилмаслик. 30. Улардан содир бўлган хатоларга кулмаслик. 31. Ўзлари талаб қилмасларидан олдин хизматларини бажариш. 32. Доимий равишда уларни зиёрат қилиб туриш ва улардан аччиқланмаслик. 33. Улар билан гаплашганда чиройли сўзларни танлаб ишлатиш. 34. Ўзларига ёқадиган исмлар билан мурожаат қилиш. 35. Уларни ҳамма нарсадан ва ҳамма одамлардан устун қўйиш... ✔️☝️🌹АЛБАТТА ЯҚИНЛАРИНГИЗГА ТАРҚАТИНГ!!! t.me/ILMNURI_9

#DUO Saʼd ibn Abu Vaqqos roziyallohu anhudan rivoyat qilinadi: ☪Rasululloh sollallohu alayhi vasallam shunday dedilar: “Men bir kalimani bilaman, uni mahzunlikka tushib qolgan kishi aytsa, najot topadi. U kalima – birodarim Yunus alayhissalomning (baliqning qorniga tushib qolganida) zulmatlarda turib, «Laa ilaaha illaa anta, subhaanaka, inniy kuntu minaz-zolimiyn” (Oʻzingdan boshqa iloh yoʻq, men (oʻzimga) zulm qiluvchilardan boʻlib qoldim deb qilgan duosidir» (Anbiyo surasi, 87-oyat). Ibn Sunniy rivoyati. Saʼdning rivoyatida shunday deyilgan: “Rasululloh sollallohu alayhi vasallam: «Biror musulmon Yunus alayhissalomning baliq qornida Robbiga qilgan duosini – «Laa ilaaha illaa anta, subhaanaka, inniy kuntu minaz-zolimiyn”ni aytib, duo qilsa, duosi ijobat boʻladi», dedilar... Termiziy rivoyati. t.me/ILMNURI_9

Убай ибн Каъб розияллоҳу анҳудан ривоят қилинади:. «Бир куни Расулуллоҳ соллаллоҳу алайҳи васаллам биз билан бомдод намозини ўқидилар, сўнг «Фалончи келдими?» дедилар. «Йўқ», дейишди. У зот: «Фалончи келдими?» дедилар. «Йўқ», дейишди. У зот шундай дедилар: «Мунофиққа намозларнинг энг оғири мана шу икки намоздир (бомдод ва хуфтон). Агар бу иккиси учун нималар берилиши билганингларда тиззада эмаклаб бўлса ҳам уларни ўқишга келардинглар. Аввалги саф фаришталар сафи кабидир, агар унинг фазлини билганингизда унинг учун мусобақалашган бўлар эдингиз. Бир кишининг бошқа бир киши билан ўқиган намози ёлғиз ўзи ўқиган намозидан афзалдир, икки киши билан ўқиган намози бир киши билан ўқиган намозидан афзалдир. (Жамоат) қанчалик кўп бўлса, Аллоҳ азза ва жаллага шунчалик маҳбубдир». Абу Довуд ривояти. Анвар Аҳмад таржимаси t.me/ILMNURI_9

ИМОМ ҒАЗЗОЛИЙ НАСИҲАТЛАРИ • Йўл ва кўчаларда тўпланишиб турманг; • Суҳбатлашиш учун дўконларни танламанг; • Одобсиз, тарбиясиз ва бадхулқ кишилар билан тортишманг; • Фикр билдирганда: «Бу – менинг қарашим», деб айтинг; • Бирор нарса ёки бирортасини мақтаганда, ошириб юборманг; • Яхши гапга диққат билан қулоқ солинг; • Хушбўй ҳидли нарсалардан фойдаланганда, меъёрни билинг; • Айрим орзулар рўёби учун ўзингизни ўтга-чўққа ураверманг; • Сизга нисбатан муомала меъёрини бузганларга ҳам вазмин бўлинг; • Бойлар саховати қошида ўзингизни зинҳор камситилгандек ҳис қилманг; • Сўз бердингизми, бажаришга қатъийлик билан киришинг; • Фақат ва фақат рост гапиринг; • Ҳар ерда мақбул сўз айтинг, чиройли гапиришга ҳаракат қилинг; • Вужудингиз роҳатини истасангиз, оз енг ва оз ичинг! • Тингловчингиз бўлгандагина гапиринг; • Битта сўзни қайтараверишдан сақланинг; • Ҳеч кимни алдаманг, масхараламанг; • Сотган нарсангизни ёқтирмай, қайтариб олиб келишса, қабул қилинг; • Ёлғон сўзлашни тажриба қилманг ва одатланманг; • Чанқаганда, сув ичишдан олдин оғзингизни чайқанг; • Бозорда юрганда, ҳеч кимга озор берманг; • Эгасининг рухсатини олмасдан, бировинг нарсасига тегманг; • Оғзингизда луқма билан гапирманг; • Гапирганда қўл, бармоқлар билан ортиқча ишорат қилманг. #Ибрат БИЗГА ҚЎШИЛИНГ https://t.me/Ilmnuri_9

Нақадар гўзал ахлоқлисиз, ё Расулаллох! Қишлоқдан бир камбағал киши, қўлида бир косада тўла узум ила Расулуллох саллоллоҳу алайхи ва саллам хузурларига, ҳадя қилмоқ ниятида келди. Расулуллох саллоллоху алайхи ва саллам қўлидаги бир коса узумни олиб ундан едилар, бир марта олиб еганларидан кейин бир табассум қилдилар, иккинчи бор олиб еганларидан сўнгра яна жилмайдилар. У зотни табассумларини кўрган фақир киши хурсандлигидан осмонга учай деди. Атрофида турган У зотнинг асхоблари қараб турардилар аммо ҳар галгидек асхобларига бу сафар узумни улашмадилар хатто косадаги узумни ҳар еганда табассум қилиб, охиригача еб тугатдилар. Фақир киши хурсандлигидан ўзига сиғмай, қайтиб кетди. Сахобаи Киромлар Расулуллох саллоллоху алайхи ва салламга қараб: - Ё Расулаллох! Нима учун бизни узумга шерик қилмадингиз? - дедилар. Расулуллох саллоллоху алайхи ва саллам уларга бир табассум қилиб: "У узумдан бир олгандим жудаям аччиқ экан, сизлар ила шерик бўлсам, бирортангиз у кишини хурсандлигини бузиб қўймоқлигингиздан қўрқдим! дедилар". Ассолату вассаламу алайка, ё Расулаллох! t.me/ILMNURI_9

Афв билан мағфиратнинг фарқи Афв: гуноҳни кечириш билан бирга, саҳифадаги ёзувни ҳам ўчиришдир. Яъни, гўёки гуноҳ қилмагандек бўлиш. Мағфират эса: гуноҳни кечириш, лекин шундай бўлсада, саҳифада ёзилганича қолишидир. Яъни, гуноҳнинг усти ёпилиб, яширилади. Демак, афв гуноҳни ўчириш ва у гуноҳни яширишдан ортиқроқдир. Шунинг учун ҳам Расулуллоҳ саллаллоҳу алайҳи васаллам бизларни ушбу дуони кўп айтишга буюрганлар: Аллоҳумма Иннака афуввун каримун туҳиббул афва фаъфу анний. Яъни: Аллоҳим Сен афв этувчи карамли зотсан, афв этишни яхши кўрасан. Бас, менинг гуноҳларимни афв эт t.me/ILMNURI_9

#Ҳадис Абу Яҳё Суҳайб ибн Синон розияллоҳу анҳудан ривоят қилинади: Расулуллоҳ соллаллоҳу алайҳи васаллам шундай дедилар: «Мўминнинг иши ажойиб-да! Ҳар ишдан унга яхшилик келаверади. Бу фақат мўминларга хос, бошқаларда ундай эмас. Хурсандчилик етса, шукр қилади ва унинг учун мана шу хайрдир. Ёмонлик етса, сабр қилади. Бу ҳам унинг учун хайрдир». Имом Муслим ривояти. t.me/ILMNURI_9

Онангиз бу гапларни ҳеч қачон сизга айтолмайди! Буни уларнинг номидан биз сизга айтамиз! Ҳаёт тарзи …Олдимга қўлларингизда мен учун арзимаган бўлса ҳам, бирор нарса кўтариб келишингиз, менга бўлган ЭЪТИБОРингизни билдиради… * * * …Мен билан ишингиз бўлмай, телефонингиз билан МАШҒУЛ бўлишингиз, мени ёш боладек бу нарсаларни тушунмайди, деб ҳисоблашингиз, бир нима десам, чалғитди, деб жаҳлингиз чиқишидан хафа бўламан! * * * …Ошхонада белим оғриб, оёқларимда қувват қолмай, сиз ва фарзандларингиз учун ЕМАК тайёрласам-да, еганингизда сизга ёқмай энса қотиришингиз, юрагимни парчалайди… * * * …Уйга келсангиз, худди мени кўриш учун эмас, бир-бирингиз билан гаплашгани келгандек, сизнинг суҳбатингизда менга ЎРИН йўқдек туришингиздан ўзимни кимсасиздек сезаман… * * * … Сизни кутмаганимда, ёлғиз қолганимда, тўсатдан зиёратимга келишингиз, менга бир оламқувонч БАХШИДА этади… * * * …Мени ёш боладек санаб, «Уни бундай, буни ундай қилинг», дейишингизга муҳтож эмасман… Аксинча, мени ўз ўрнимда, сизга кўп нарсани ўргатган, хатоларингизни МЕҲР билан тушунтирган она сифатида муомала қилишингизни хоҳлардим… * * * …Ёшлигингизда хизматингизни сидқидилдан қилардим… Менинг ҳам сизга айтолмайдиган эҳтиёжларим бор… Ҳар ой маошингиздан менга ҳам озгина ажратсангиз, мени хурсанд қилган, дуоларим сабаб топганингизда баракани кўрган бўлардингиз. * * * … Кун келиб, менинг хонамга кирасиз. Лекин унда мени тополмайсиз… * * * … Ҳар қанча улғайманг, сиз мен учун доим беғубор, юрагимнинг бир парчаси, кўзларимнинг нури, жоним — болажоним бўлиб қоласиз… * * * …Насиҳатимни қабул қилинг, жигарбандларим. Сизларга қаттиққўллик қилган пайтимда ҳам сизни ЯХШИ кўрганман… * * * … Дунёнинг гўзаллигини сизнинг бахтингизда кўрадиган онангиздан ХАФА бўлманг… * * * … Ариқнинг суви пастга қараб оққанидек, сиз ҳам менга нисбатан болаларингизга кўпроқ МЕҲРИБОН бўласиз… Инсоннинг фитрати шундай…Она «болам» деса, боласи ҳам «болам» дейди… Шунинг учун ҳам Аллоҳ таоло фарзандларга демасдан, ота — онангизга яхшилик қилинг, деди…… «Роббинг фақат Унинг Ўзигагина ибодат қилишингни ва ота-онага яхшилик қилишингни амр этди. Агар ҳузурингда уларнинг бирлари ёки икковлари ҳам кексаликка етсалар, бас, уларга «уфф» дема, уларга озор берма ва уларга яхши сўз айт! Икковларига меҳрибонлик ила хокисорлик қанотингни паслат ва «Роббим, алар мени кичикликда тарбия қилганларидек, уларга раҳм қилгин..», деб айт. (Исро: 23-24). * * * … Менга қандай муомала қилсангиз, фарзандларингиз ҳам сизга шундай муносабатдабўлишади… * * * Бу оналарнинг «Балки ўзи қарашимдан, ҳаётим, аҳволимдан билиб олар…», деб сизга айтолмайдиган сўзларидир… ОНАНГИЗНИ ҚАДРЛАНГ, КУН КЕЛИБ ИЗЛАБ ҲАМ ТОПОЛМАЙ ҚОЛАСИЗ! t.me/ILMNURI_9

​​#зикр_ва_дуо Эй Роббим, зулм кўришдан паноҳ сўрайман Умму Салама розияллоҳу анҳодан ривоят қилинади. Бу онамизнинг асл исмлари Ҳинддир: «Расулуллоҳ соллаллоҳу алайҳи васаллам уйдан чиқаётиб: بِاسْمِ اللهِ تَوَكَّلْتُ عَلَى اللهِ، اللهُمَّ إِنِّي أَعُوذُ بِكَ أَنْ أَضِلَّ أَوْ أُضَلَّ أَوْ أَزِلَّ أَوْ أُزَلَّ أَوْ أَظْلِمَ أَوْ أُظْلَمَ أَوْ أَجْهَلَ أَوْ يُجْهَلَ عَلَيَّ «Бисмиллаҳи, таваккалту ъалаллоҳи. Аллоҳумма инний аъузу бика ан адилла ав удалла ав азилла ав узалла ав азлима ав узлама ав ажҳала ав йужҳала ъалаййа», деган дуони ўқир эдилар». Маъноси: Аллоҳ номи билан. Аллоҳга таваккал қилдим. Эй Раббим, адашиш ва адаштирилишдан, тойилиш ва тойилтирилишдан, зулм қилиш ва зулм кўришдан, жоҳиллик қилиш ва менга нисбатан жоҳиллик қилинишидан Сендан паноҳ сўрайман. Абу Довуд, Термизий, Насаий ва Ибн Можа ривоятлари. Имом Нававийнинг «Ал-Азкор» китобидан @ILMNURI_9