БСТ | Яңылыҡтар

Башҡортостан ғалимдары авиадвигателдәр өсөн яңы технология буйынса ротор етештереүҙә ҡатнаша Рәсәй фәндәр академияһы Металдарҙың үтә һығылмалылығы проблемалары институты Мәскәүҙәге «Двигатель» фәнни тикшеренеүҙәр институты менән берлектә эш алып бара. Ғалимдарҙың уртаҡ хеҙмәт емеше-юғары температурала 400 тонналыҡ ауырлыҡ менән йәбештерелгән элемент. Иретеп-йәбештереү менән сағыштырғанда бындай ысул менән яһалған металл ныҡ була, йөйҙәр һәм болттар булмағанға яҡшыраҡ әйләнә.

Өфөнөң Пугачев урамында ике һыҙат буйлап хәрәкәт асылды Һүҙ «Лента» гипермаркетынан транспорт сиселешенә, йәғни Геофизиктарҙан Рыленко урамына тиклем участка тураһында бара. Быға тиклем водителдәр был арауыҡты 3 километрҙан ашыу урап үтергә мәжбүр ине. Хәҙер 2 минуттан да артыҡ ваҡыт талап ителмәй.

Радий Хәбиров йәмәғәтселек һәм журналистарҙың һорауҙарына етенсе тапҡыр яуап бирҙе Башҡортостан башлығы Радий Хәбиров йәмәғәтселек һәм журналистарҙың һорауҙарына етенсе тапҡыр яуап бирҙе. Тура линия барышында махсус хәрби операция, һаулыҡ һаҡлау, иҡтисад, торлаҡ-коммуналь хужалыҡ өлкәләренә, социаль объекттар төҙөлөшөнә һәм юлдар торошона ҡағылған һорауҙарға яуаптар алынды. Эфирҙа яңғырамаған мөрәжәғәттәр ҙә иғтибарҙан ситтә ҡалмаясаҡ, уларҙың хәл ителеше төрлө министрлыҡ һәм ведомство, урындағы үҙиралыҡтар яуаплылығына алына.

Башҡортостан Юнесконың бөтә донъя мираҫы исемлегенә яңы объекттар тәҡдим итергә ниәтләй Был турала бөгөн Евразия күсмә цивилизациялар музейының визит үҙәгендә үткән Юнеско эштәре буйынса комитет ултырышында белдерелде. Күсмә ултырыш Башҡортостан башлығы Радий Хәбиров рәйеслегендә уҙҙы, сарала Рәсәй Сит ил эштәре министрлығы департаменты етәксеһе Александр Алимов, төрлө министрлыҡ һәм ведомство етәкселәре, ғалимдар ҡатнашты.

Өфө-Яңауыл трассаһында Тиҙ Танып йылғаһы аша күперҙә реконструкция эштәре бара Башҡортостан башлығы хәбәр итеүенсә, ошо маҡсатта тейешле аҡса бүленгән һәм подрядсы ойошма менән дәүләт контракты төҙөлгән. Бөтә эштәр ҙә графикҡа ярашлы алып барыла. Был турала Рәсәй Президентының Волга буйы федераль округындағы тулы хоҡуҡлы вәкиле Игорь Комаров видеоконференция бәйләнеше форматында уҙғарған граждандарҙы ҡабул итеү барышында билдәле булды.

Торатауҙа Ҡыш бабай тирмәһе асыла Тантаналы сара 20 декабрҙә шихан янындағы этнокомплекста үтә, тип хәбәр итәләр “Торатау” геопаркы матбуғат хеҙмәтенән. Ҡунаҡтар Ҡыш бабай һәм Ҡарһылыу менән шыршы тирәләй әйлән-бәйлән бейей ала. Сана, ҡаргиҙәр һәм аттарҙа йөрөргә була. Шулай уҡ ҡышҡы уйындар ойошторола. Ҡыш бабай тирмәһе киләһе йылдың 11 ғинуарына тиклем эшләй.

Өфөлә ҡышҡы йөҙөү буйынса Башҡортостан чемпионаты үтте Республика район-ҡалаларынан алты тиҫтәләп спортсы 25 һәм 50 метр арауыҡҡа ярышты. Сарала ҡатнашыусыларҙың күбеһе оло йәштәгеләр. Күптәр был спорт төрөнә яңыраҡ ҡына килгән. Ябай ҡыҙыҡһыныуҙан йөҙөү буйынса федерация советына инеүселәр һаны ла йылдам арта. Быға республикала үткән даими спорт саралары булышлыҡ итә.

Профсоюз гранты ярҙамында Өфө медиктары өсөн спорт залы булдырылды Хеҙмәткәрҙәрҙең психик һәм физик һаулығы хаҡында хәстәрлек. Профсоюз гранты ярҙамында Республика медицина-генетика үҙәге спорт залы асылды. Белгестәр буш ваҡытта физкультура менән шөғөлләнә ала.

Өфөлә классик музыка фестиваленә йомғаҡ яһалды Үҙ таланты менән ысын мөғжизә тыуҙырған йәш музыканттар вокал һәм фортепиано номерҙары, шул иҫәптән Федор Шаляпин һәм Сергей Рахманинов репертуарынан әҫәрҙәр тәҡдим итте.

Өфө фән һәм технологиялар университеты студенты гүзәллек конкурсында еңде Гананан Микеалина Мэри Стампулус Данква «Мисс Африка. Рәсәй-2025»тажына тиҫтәләгән дәғүәсене уҙып эйә булды. Ҡыйыу ҡыҙ дефилела башҡорт милли кейемендә сығыш яһай. Ер шарының иң эҫе континентынан килгән ҡыҙҙың конкурс тәьҫораттары тураһында киләһе яҙмала.

Шәйехзада Бабич премияһына дәғүәселәр менән йәмәғәт тыңлауҙары Өфөлә үтте Шәйехзада Бабич исемендәге республика дәүләт йәштәр премияһына мәҙәниәт, сәнғәт йүнәлештәре буйынса дәғүә итеүселәр йәмәғәт тыңлауҙары үтте. Премияға дәғүә итеүселәр Башҡортостан Башлығы ҡарамағындағы дәүләт хеҙмәте һәм идара итеү академияһында студенттар һәм тармаҡ белгестәре алдында сығыш яһаны. Номинанттар үҙҙәре менән таныштырҙы, башҡорт халыҡ йырҙарын башҡарҙы,

Башҡортостан башлығы Радий Хәбиров менән тура бәйләнеш ойошторола Бөгөн Башҡортостан башлығы Радий Хәбиров менән тура бәйләнеш ойошторола. Әле уның төп майҙансығы-республика менән идара итеү үҙәгендә әүҙем әҙерлек бара, ҡорамалдар тикшерелә, ҡала-райондар менән бәйләнеш урынлаштырыла. Тура эфирҙа журналистар эшләйәсәк, ә халыҡ төбәк етәксеһенә үҙ һорауҙарын бирәсәк.

Иглин ауылында Бөйөк Ватан һуғышы геройҙары мемориалы яңыртылды Исемлектә Эске эштәр халыҡ комиссариатының Иглин районы бүлеге оперуполномоченныйы Тихон Пухов менән Иглин ауыл советы рәйесе Василий Желателев та бар. Улар һуғыш осоронда эш иткән Вайдер террористик бандаһына ҡаршы тиңһеҙ алышта һәләк булған. Яңыртылған һәйкәлде асыу сараһында полиция ветерандары һәм әлеге хеҙмәткәрҙәр менән бер рәттән кадеттар ҙа ҡатнашты.

Башҡортостанда мәктәп туҡланыуы мәсьәләһе тикшерелде Башҡортостан Хөкүмәтендә муниципалитеттар башлыҡтары етәкселегендә үткән кәңәшмәлә мәктәп туҡланыуы мәсьәләләре тикшерелде. Ултырышта билдәләнеүенсә, төбәктең социаль туҡланыу идаралығы дөйөм белем биреү учреждениеларына барып мониторинг уҙғарыуҙы дауам итә.

Радий Хәбиров мөмкинлеге сикләнгән кешеләр өсөн өҫтәмә эш урындары булдырырға ҡушты Башҡортостан башлығы Радий Хәбиров мөмкинлектәре скиләнгән граждандарҙы эшкә урынлаштырыу мәсьәләләрен хәл итеү бурысы ҡуйҙы. Дөйөм Рәсәй күрһәткестәре буйынса был йүнәлештә беҙҙең күрһәткестәр башҡа төбәктәр менән сағыштырғанда түбәнерәк, шуға ла эште әүҙемләштереү мөһим. Төбәктә йәшәгән эшкә һәләтле 95 мең инвалидтың 25 меңе генә хеҙмәт урыны менән тәьмин ителгән, тине төбәк етәксеһе.

Радий Хәбиров муниципалитет башлыҡтарын биләмәләрҙе тәртиптә тоторға саҡырҙы Башҡортостан башлығы Радий Хәбиров муниципалитет башлыҡтарын биләмәләрҙе тәртиптә тоторға, ҡышҡы көндәрҙе юғары әҙерлек менән ҡаршы алырға саҡырҙы. Аҙналыҡ оператив кәңәшмәлә төбәк башлығы үҙ эшенә һүлпән ҡараған райондарҙы тәнҡитләп, тикшереүҙе көсәйтеүҙе талап итте.

Радий Хәбиров бөгөн халыҡ һорауҙарына яуап бирә Халыҡтың һорауҙарына республика Башлығы БСТ, «Россия 24», «Башкортостан 24», «Вся Уфа», «Салям», UTV телеканалдарында, социаль селтәрҙәрҙә, шулай уҡ «Юлдаш» радиоһында тура эфирҙа яуап бирә. Текст менән һорауҙар тура эфир барышында ла ҡабул ителә. Республика етәксеһенә бер нисә ысул менән һорау бирергә мөмкин: Башҡортостан Башлығы сайтындағы махсус бүлектә: vopros.glavarb.ru МАХ милли мессенджерында чат-бот аша: https://max.ru/glavarb_pl_bot «Телеграм»да чат-бот аша: https://t.me/glavarb_pl_bot «Бәйләнештә» чат-бот аша: https://vk.com/write-233419586 «Класташтар» селтәрендә чат-бот аша: https://ok.ru/group/70000042373707/messages «Дәүләт хеҙмәттәре. Бергә хәл итәбеҙ сервисында: https://pos.gosuslugi.ru/lkp/direct-line/10441/ Тура бәйләнеш киске сәғәт етелә башлана.

Билән ауылында «Айыҡ ауыл» конкурсы призына төҙөлгән объекттар асылды 2025 йылдың май айында Өфө ҡалаһында «Айыҡ ауыл» республика конкурсы еңеүселәрен бүләкләү тантанаһы уҙҙы. Финалға сыҡҡан 12 ауыл араһында «Эре тораҡ пункттары» номинацияһында Балаҡатай районының Билән ауылы 1-се урын яулап, 6 миллион һумлыҡ сертификат менән бүләкләнде. Ошо көндәрҙә районда приз аҡсаһына булдырылған обьекттар ҡулланыуға тапшырылды.

Башҡортостанда студент отрядтары һаны 12 меңгә тиклем артасаҡ Республика етәкселеге киләһе йылдан студенттар отрядтары ағзаларын 12 меңгә тиклем еткереү бурысын ҡуйҙы. Был турала күптән түгел Өфөлә үткән Башҡортостан студенттар отрядының 11-се слетында әйтелде. Республикала иң әүҙем отрядтарға тапшырыу өсөн Башҡортостан Башлығының күсмә байрағы ла булдырылды.

Яман шеште еңеү тарихы: Гөлсинә Мөхәмәтйәрова яңы тормош башлаған Үҙендә яман шеште еңеүгә көс тапҡан. Өфөлә йәшәүсе Гөлсинә Мөхәмәтйәрованың тарихы мөғжизәле һауығыу тураһында. Ҡатындың һауығып аяҡҡа баҫыуы табиптарҙың, сирленең үҙенең һәм туғандарының ныҡышмалы көрәш йылдары һөҙөмтәһе. Пациенттың яман шеште еңеү осрағы берҙән-бер миҫал түгел. Республиканың Йәмәғәт палатаһында ошо темаға фекер алышыу ойошторолдо. Онкологияны еңеп сығыусылар һәм уларға ярҙам ҡулы һуҙыусылар хаҡында киләһе яҙмала.